今日又係整寵物小精靈盒，你地米睇小王子12歲，查實小王子重好似8、9歲d小朋友咁，好鍾意睇卡通片。重仍然好like寵物小精靈，琴晚重睇緊寵物小精靈套卡通，問你死未？
其實小王子重睇寵物小精靈套卡通都未算奇，其實小王子睇親寵物小精靈套卡通都好誇張咁大 大 大笑都5係叫奇，其實琴晚小王子睇寵物小精靈套卡通o個陣小王子爸爸坐o係度同佢一齊睇都未係真係叫奇，其實睇緊寵物小精靈套卡通o個陣小王子爸爸同小王子一齊不停咁好誇張咁大大大笑都係未未未算奇。
最 最 最 奇嘅係.......
最奇係睇睇下，小王子爸爸突然咁同小王子講﹣﹣
"咿？比卡超無Poke Ball，咁米heal5到law？"
小王子答﹣﹣"係呀！比卡超要去Pokemon 醫院度heal gar～"
嘩！我當堂O哂咀～
我﹣﹣"吓？5係哇？連Poke Ball可以heal d Pokemon你都知？"
小王子爸爸﹣﹣"係呀！"
之後佢兩個不停一路睇一路又問又答咁，我個咀真係O 左好多次，真係要寫個服字比小王子爸爸。實不相瞞～咁多年嚟查實我真係完全5知寵物小精靈究竟係講咩嘅，總之一開波就打law！都5知為乜？
我諗～我同小王子可能有d代溝na。
好！轉下話題講第樣。俗語有云"臭男人～臭男人～"，原來男人真係臭gar喎，因為小王子同小王子爸爸兩個一出汗，真係用一個臭字都5夠形容到佢地陣味law！其實小王子爸爸成家都好大汗，偏偏小王子呢家o野就似十足小王子爸爸，人地都未流汗，佢地已經好似o岩o岩跌完落水咁樣，我真係無誇張。我記得小王子細個o個時有張床單如果濕左係會深d色嘅，次次我鋪呢張床單比小王子用，夜晚我入去同小王子"come"被o個陣，小王子一轉身～張床單竟然有個小王子嘅人形o係度，十足十好似人地d案發現場用粉筆畫個人形咁。而小王子用嘅枕頭，更加係晚晚都濕到好似o岩o岩o係洗衣機攞出嚟咁，所以小王子用嘅枕頭，我久5久就會扔，情願買個新嘅好過。
點解我今日會提起流汗呢單o野呢？查實係咁嘅～其實d鬼佬好多都有一陣味，出左汗就更加5洗講la～真係臭到暈gar。之但係連佢地見到小王子日日無nana大汗搭細汗咁，個個都忍5住問小王子﹣﹣>
"點解你流汗流得咁西利嘅？"
其實小王子同小王子爸爸一樣，無nana郁兩郁就會滿頭大汗，再加上我同小王子o岩o岩搬嚟Sydney，以前o係Canberra天氣好乾，哂衫半個鐘都乾哂gar，真係好鬼舒服！但係Sydney就o岩o岩相反，好鬼潮濕。其實我同小王子都好5慣，再加上小王子遺傳埋小王子爸爸o個種"無nana流汗"嘅絕技，所以連d鬼都覺得小王子好誇nana。
鬼佬呢～由細到大都用慣止汗劑，直頭學校校規寫明叫你用，就算係以前o係"最高貴學府"老師都有叫d小朋友帶。所以你行親d鬼身邊，好多時都會聞到一陣汗溝埋超"攻"鼻上汗劑嘅味，erm.....我一定5會形容呢陣味係"香" law！
不過我無比小王子用止汗劑，因為我自己用親都會發痰兼要食抗生素，所以我怕小王子都會好似我咁。而小王子大汗呢單o野，一直都係其中一樣令我擔心嘅事，話哂你時時一陣汗味咁，係會好影晌儀容ga ma，分分鐘會影晌埋交際。而且好似小王子咁時時都滿頭大汗，真係想"立"頭都5得gar，攪到小王子d頭髮時時都痴住塊面。
上個禮拜有日小王子同我講.....
小王子﹣﹣"媽媽！好多人問我點解成日出咁多汗呀～"
我﹣﹣"係呀？咁你點答呀？"
小王子﹣﹣"我話因為我爸爸都係咁gar，所以我米又係咁law！"
我﹣﹣"o我～"
小王子﹣﹣"佢地重問我有無用止汗劑tim呀～"
我﹣﹣"吓？咁你點講呀？"
小王子即時用左一個好得戚嘅表情話....
小王子﹣﹣"媽媽！我做左一個實驗～"
我﹣﹣"咩實驗呀？"
小王子﹣﹣"就係我同一個人話我有用止汗劑，又同另一個人話我無用到。"
我﹣﹣"咁點呀？"
小王子﹣﹣"聽見我話有o個個就話"o我～"，聽見我話無o個個就話"好臭呀～" "
我﹣﹣"但係你咁5 o岩喎～你咁則講大話啫！"
小王子﹣﹣"5係呀～我之後話返比佢聽，其實我做緊實驗咋！"
我心諗“真係比你吹脹！”
所以呢個後活節假期，我準備去買支"古龍水"過小王子用，其實古龍水又好～止汗劑又好，都係冶標5冶本ga啫，米又係用d更大陣味嘅o野嚟"come"住d臭汗味。所以12歲嘅小王子將會用佢人生第一支"古龍水"。hahahaha....
