比卡超pancake盒

小王子勁鍾意睇書，佢個房d書多到四道牆都差不多放哂書架。佢有po癮鍾意將d書睇完又睇，所以我好少同佢去圖書館借書，因為借書要還，無得返睇！佢個個月都會叫我買書比佢睇~~比佢放血放得多，諗諗下都係5係辦法
，於是有次我帶佢去圖書館，諗住都係去借書低d！點知去到圖書館，我一睇﹣﹣"嘩！

咩咁少書嘅？" 小王子睇左幾本就同我講﹣﹣"媽媽！不如我地返屋企度睇la~屋企重多書過呢度呀！" 最後小王子只係借左3本書就走o勒~

就係因為咁，所以次次圖書開倉（一年得一次ga咋,平好多好多ga!），我就會瘋狂咁掃貨，我試過一次過買左7箱書返屋企。hahahahaha.....
o係o個度掃一次，真係又排5洗買書ga! 因為一次過買得太多，有時我都5係好記得買過d咩書。有日，小王子同我講﹣﹣

小王子﹣﹣"媽媽！阿Christ比佢個girl friend dump左呀?"(Chris你小王子其中一個死黨)
我﹣﹣"hahaha...係呀？你點知ga?"
小王子﹣﹣"佢靜靜雞話我地知ga!"
我﹣﹣"吓？係呀？hahahaha...點解人地會dump佢嘅？"
小王子﹣﹣"媽媽！你知5知如果我地cross campus，Chris會打bow tie 返學ga!"
(小王子讀嘅男校好多時都會同Christ's girl friend讀嘅女校有活動）
我﹣﹣"吓？5係哇？"
小王子﹣﹣"係呀~~~Chris佢TRY TOO HARD na! 媽媽！你知5知道呀？NEVER TRY TOO HARD on girl ga! 如果你 TRY TOO HARD 就一定會separate ga!"
我﹣﹣"吓！！！！！！！！！邊個同你講ga? "
小王子﹣﹣"book law! 我本'Big book for boy'講嘅！"
我﹣﹣" 天呀~~~我究竟買左本咩書比佢睇呀？"

骰仔三文治

今日"嘩box"嘅相可以用三個字形容,就係--鬆~郁~蒙~!拃機對手又鬆,影o個時又郁,影到出嚟又蒙!!!唉~~~~~~~~~~~~~~~~~~~~~諗嚟諗去都5知點解今日d相影極都咁肉酸,終於~到小王子出左門口我至諗起--原來我5記得較o岩個快門!!!!!!!!唉~~~真係激死!!!!!
今日呢個朱古力飽我係用我新買嘅麵飽盤焗嘅,出嚟嘅較果真係好靚呀
~~~我重焗多左個係排飽盤ga tim bor, 真係好正呀
~~~晏d post埋用排飽盤焗o個個飽比你地睇下~~~

小王子嘅friendship曲奇

今日星期五，無"嘩box"！因為逢星期五小王子都會食學校嘅lunch order，或者叫我o係屋企焗定個meat pie，比佢帶返學校度食嘅~~~ 所以星期五我最嘆，5洗4點起身！hahaha..


琴日焗曲奇，小王子最鍾意我整d寫哂佢死黨嘅名o係上面嘅曲奇，然後有返學校度請同學仔食！今朝見到小王子歡天起地咁攞住d曲奇返學，我都好開心呀~~~


呢個英文字stamp我都係第一次用，想買左呢個stamp成年，真係千辛萬苦至搭到人買~~~苦呀~~~不過整出嚟真係好靚呀！！但係。。。好似我咁要印十幾個5同人嘅名嘅時候

。。。。。老實講﹣﹣﹣到我整o個時確實有種非常強烈嘅捉虫感覺！！到而家upload相至發現，原來我連小王子個名都串錯！！！真係激死呀~~~~~ 但係如果5洗要轉咁多次名，呢個stamp都係very very good嘅！


上次我米話訂左好多個面包盤嘅~~今日終於寄到，好心急想即刻用佢地嚟焗面包呀

花邊盒

終於！ 今日5洗"PO"去學校度攞野比小王子o勒~~
原定琴日整嘅cookies, 因為小王子嘅帶"hit" 而整5到。所以今日我終於可以整cookies o勒~~~


有blog友話睇完琴日篇blog, 笑到佢噴飯！ 又有blog友留言話想睇小王子嘅攪笑o野！其實小王子嘅攪笑o野，真係多到夠出書~~~我諗我出本

   "小王子之101件玩 o野事件"

應該會比我出本食譜快！hahahaha.......
所以我會不定時post小王子嘅攪笑o野，如果你都係小王子嘅粉絲，就要留意啊~~~~~

熊寶寶盒

點解今日會咁遲至post相呢? 因為Mr 小王子今日5記得帶homework book返學,我執執下野見到本homework, 所以我又即刻攞住本homework book "PO"去學校度比佢,如果5係要罰ga! 唉~~~做阿媽又點寫得個仔比人罰至得gar!

琴日小王子學校水運會,令我想起一件發生o係舊年水運會嘅搞笑野~~~小王子學校嘅水運會係5洗自己報名嘅,佢學校規定所有學生都要識游水,如果5識游水PE就5合格,兼所有課外活動都5準參加,一直至到你游到25米為止! 學校o係水運會之前一個月就會同你試游,然後就會安排游幾多場比賽,每人至少要游一場! 

小王子運動一嬲都係ma ma, 5係第一,又未到第尾咁law! 所以我一向對學校嘅運動會呀咁都無咩寄望嘅~~舊年小王子游一場比賽.而家d學校好先進,5止功課上網做,連運動會邊個同邊個一組,同咩水比賽,連幾點係你o個場都可以一早上網睇. 就好似賭馬d賽前預測咁,5洗比,淨係睇下同邊個一組,你就知道可以收皮!hahaha....

舊年我一早就知道小王子會同A,B同C同學4個一組比賽,放學嘅時候,小王子同我講佢攞第三!

"咿?OK 喎!叻仔呀!" 我心諗"佢有名次已經係好勁ga na!" 點知...到食dinner o個時佢話.....

小王子--"爸爸!我今日游水攞第三呀!"
小王子爸爸--"係呀?叻仔!"
小王子--"媽媽我出年5想去swimming carnival , o個度好污租ga!"
我--"5去得5得ga?"
小王子--"更係得la~~今日都有好多人無返學ga!"
我--'係?邊個呀?"
小王子--"米阿A同學同阿B同學law!"
我--"吓

?阿A同阿B今日無返學?" 心諗"5係哇?咁米得返兩個人比賽?佢攞第三? 天父你5係咁對我下哇?"
於是我問小王子--"A同B今日同你一組比賽ga 喎!佢地無去咁你o個組米得番兩個人?你攞第三?

"
小王子--"媽媽你點知ga? 係呀!得番兩個人,所以老師米叫多一個人嚟我o個組度一齊比賽law!"

當時,我同小王子爸爸真係有一堆黑線,baba聲咁o係我地個頭度"噓"落嚟!得3個人比賽佢攞第三?
可能無同你地提過,小王子係一個超樂觀嘅人,所以佢5覺得3個人比賽攞第3,則係包尾!真係比佢吹到脹呀~~~~

今年叻仔左,琴日游5場比賽,好似一場第三,一場第5,一場第一!我今次醒呀

~~即刻問佢有幾多個人一齊比ga 先~~~hahaha....好彩佢今次話12個人一齊比ga啫! 人人游水都係自由式游得快過背泳嘅,but小王子呢就游背泳快過游自由式喎!小王子爸爸上次都已經話"有無攪錯呀?

" 今次重比佢o係背泳到攞埋第一!真係5話佢係外星人都5得呀!