脆脆奶油多

呢排有好多野發生，所以我無心情錄"視像教學"

。 有無去過無印良品，買過佢地d貴到飛得起嘅小食？其中一樣係好似面包咁樣，個味又好似奶油多嘅多士仔。成HK$18.xx ga！好細塊，好似有十幾塊咁law！易到痺，又好味。最緊要係5洗比錢人地賺，留番嚟打斧頭ma

~~~~hahahaha.....

薑餅人壺

今日好忙，所以淨係post相。聽日會繼續琴日"小王小講中文"嘅話題！

蜘蛛俠壺

小王子嘅中文一嬲都5錯，因為我由細到大都同佢講廣東話
，所以普通對話係完全無問題ga
！而且小王子5歲開始讀中文，所以都識幾百個中文字ga！但係有d字，小王子係永遠都講錯嘅。例如到而家佢都會話﹣﹣
         
 "媽媽！我要剪甲指o勒～"
我就會話﹣﹣"指甲呀～～～～～～"
幾年前有一日..........
小王子問我﹣﹣"媽媽！魚有無翼ga？"
我﹣﹣"更係無la～～～"
小王子﹣﹣"吓？咩魚無翼ga咩？"
我﹣﹣"更係la～～魚o係water裡面ga喎！點會有翼呀～bird bird就有翼！"
小王子﹣﹣"5係喎～～媽媽！我係話"魚有無翼呀"？"
我﹣﹣"baby呀～你知5知魚係咩呀？魚係fish呀～～"
小王子﹣﹣"我知呀！"
我﹣﹣"咁你重問魚有無翼？魚都5識飛，更係無翼la！要識飛o個d至有翼ga！"
小王子﹣﹣"我係話魚同雞係米一樣有翼呀～～"
我﹣﹣"魚同雞就更係5同la！"
小王子﹣﹣"媽媽！咁你又話魚有翼，要我食多d？"
我﹣﹣"o我～～～～益呀！！你係問魚有無益呀？"
小王子﹣﹣"係呀！係呀！"
我﹣﹣"魚更係有益la～～你要食多d呀！"

今日我整左個"嘩～蜘蛛俠壺"！小王子返到學校一打開個壺，d同學仔一定嘩嘩聲，話好cool o勒～hahaha.....

熊仔先生幾多點壺

自從生左小王子之後，我嘅人生使命就變成幚小王子去尋夢。再無諗過自己究竟有咩夢想。


有日小王子爸爸同我講﹣﹣"等到個仔大個之後，我同你返hk，你可以開餅店。到時候我陪你追尋你嘅夢想！"


夢想？係喎！咁我嘅夢想呢？


跟住我答﹣﹣"吓？而家咁辛苦都係為左個仔啫！到佢大左，出左身，我重要咁辛苦？到時我咩都5想做，5洗一定要去邊度邊度旅行。淨係搵個靜靜地嘅地方住，5洗日日趕頭趕命，日日計住有無時間練琴，5洗車嚟車去學野。我地兩個得閒去cafe度飲杯咖啡，就咁坐一day就好na～～～"

原來～我已經無左夢想na！究竟由幾時開始，實現小王子嘅夢想變成左我自己嘅夢想呢？

PS.花花下面係曼魚～今日嘅蛋卷係千草蛋卷！

日式人形燒

琴晚整脆格餅終於整到半夜3點半!眼瞓到我呢~~~~今朝重要起身整晏就同早餐,兼要去Museum.我家下d動作係超超超慢,因為真係眼瞓到極點law!

最近我發現我除左有人格分裂之外,原來我真係癲ga

~5知你地知5知我好鍾意o個個韓星金賢重ga呢?鍾意到攞住佢張相帶小王子去剪頭髮.hahahahaha.........所以日劇,韓劇同台劇我樣樣都o岩!

　　
總之5係無線o個d就得ga o勒~

我第一次整馬卡龍餅,係因為小王子爸爸有次帶我去食自助餐,我見d餅咁靚米攞塊嚟食law.嘩~~~~驚為天日,於是第日就返左屋企整馬卡龍餅o勒.而今次呢我就因為呢排煲緊套日劇叫"新參者",呢套野講謀殺案嘅~但係個主角就勁鍾意食人形燒bor~睇左幾日,終於...........我整左d紅豆餡! haha......

(呢個係紅豆餡,5係豆沙,我尊登5整爛d紅豆,得佢一粒粒咁,而且我5係整得好甜 )but我無人形燒個模喎

!咁點算好呢?就o係呢個時侯比我o係廚房揾到個N年前o係日本買嘅章魚燒模喎~~~wah hahahaha.....咁重5係天助我也?
所以呢~~~我煲劇5係白睇ga!!!!有野學ga

~~~~

跟住我就整左呢個日式人形燒o勒~~~你話我係米精神有問題至得gar?