充心多謝有份幚我留言鬧個癲婆嘅blog友！多謝哂你地，比我知道5係淨得我一個人作戰嘅！多謝哂！
今次我叻左，見到佢個留言，淨係個心跳得好緊要，未至於好似上次咁成身震到連字都打5到！不過我知道﹣﹣原來我重未ready到open返個blog。其實我一嬲都係牙尖咀ga，偏偏就鬼咁眼淺，嗌親咬更係d眼淚出得快過d說話！唉～～～～～～真係淨得個樣嚇得人ga咋陰公！
個癲婆到最後咁高調講bye bye～老實講﹣﹣我有d懷疑law！而且佢計續不停咁用假名想我add佢，又o係fb度開左個假account，入左我fan club。重post野上去tim！我都5知佢係咩居心。攪到我而家都5敢add人！不過我決定左要試下5理佢，佢留言就當佢透明，希望可以做得到。你地要支持我呀～～～而家我就肯定佢重未入到嚟我blog，but再咁落去，我5担保自己會5會5小心add左佢，所以我家下真係5知個blog私有化重有咩意義？
新blog一樣會繼續，其中一個原因係yahoo真係好老土ga！成日都有問題。原因二係新blog我可以完全block到個癲婆！另一個原因係﹣﹣
小王子爸爸叫我試下用ebook嚟賣自己d食譜喎～but yahoo blog 係5賣得野ga！不過呢個blog都會繼續嘅～o個個就放多d野law！
小王子爸爸話等住第時我養佢喎～
哼！好難na！
PS.呢篇blog我尊登今日出，5post相，因為等佢就算入到嚟，都5會睇到呢篇blog！
2010年9月3日星期五
Tiramisu
終於到左"搵丁籌款cafe"嘅最後一日o勒～呢個禮拜我加埋都瞓5夠20個鐘，家下真係攰到我嘔！最衰係我義moo做左幾日工人，重要煮埋晏就比班helper食，竟然～係竟然無一個人嚟同我講“Thank you”！5係哇？喂！喂！喂！句聞 義工同奴隸5同ga喎～佢地究竟知5知ga？做咩佢地對 義工嘅態度會同對奴隸一樣ga？有無攪錯呀？我整o個個雪芳蛋糕係用嚟賣ga，o個班"helper" 嚟到我間 "cafe" 又食又拎，又5比錢，我d cake食完一舊又一舊～大佬你家下食緊o個個cake，人地同我訂我收AU$60 ga～～更係好食la～等間人地想買都無na～比你地食哂na！！！！！
琴晚係小王子o係呢個比賽度最後一場piano比賽，5知你地有無去過睇比賽？5係一定要自己有小朋友參加至可以去ga喎！有好多人，d仔仔女女大哂，5洗再去比賽，佢地一樣會去睇ga bor。呢d自己無仔女參加比賽嘅人，裡面有music teacher、有退休老人、有仔女大哂嘅。
你點知ga？
因為呢d人係有樣睇嘅～ 佢地一定係左手搾 Program ，右手搾筆！一路比賽，佢地會一路好似有好多野諗咁，有時會dap低頭o係本 Program度寫下野。erm........呢～呢～呢～就好似人地刨馬經咁o勒！都幾攪笑ga～人地就tip邊隻馬跑得出，佢地呢就tip邊個會驘。不過佢地同d馬迷5同，佢地係5會將支筆插o係隻耳仔度嘅，高貴好多～如果真係tip仲左，佢地就會不停咁點頭，示意個評判﹣﹣"英雄所見la～" 咁！
其實我覺得，比賽係應該有個比賽指引比個評判睇ga！咩野係比賽呢？比賽就係撇開所有外在嘅因數，淨係計呢刻嘅淋場表現。其實係同賽馬一樣ga咋！平時跑得幾快都無用，淋場o個刻跑得慢咩？你就要收皮。同樣地～你平時彈得幾好幾好都無用，比5到個皇帝你做。你淋場o個刻彈錯咩？咁就準備o係地下收返你o岩o岩跌左o個d皮o勒～
好殘忍？
係ga～比賽係咁ga！我有時都覺得好無癮，5想再去o個d所謂嘅比賽。偏偏要做Musician，就要不停咁去比賽。點解我話5想去比賽？因為我以上講o個d都全部都係理論上嘅"比賽指引"。o係現實係無"比賽指引"嘅～o係現實係“5係”淨睇淋場表現嘅～o係現實係要睇你好5好彩，遇到個咩評判嘅～o係現實係要睇o個個評判係buy咩嘅～
o拿！
咁就復習好多na～原來去比實5係淨係表現好、彈得good就會驘ga na 喎！重要靠彩數、天時、地利、人和、到最後至係實力喎～咿？咁米直頭係賭馬咁？睇完毛色重要睇對眼夠5夠神喎～
琴晚係小王子第一次參加15歲嘅賽事，亦都係小王 子第一次輸piano比賽～係呀！d人係好大個ga！有個高到我以為佢係someone's dad，等我重猛望"佢個仔" o係邊度tim！hahaha.....小王子彈成點？好好！真係好好，係我聽過小王子彈piano最好嘅一次！個video呢兩日我會post上youtube度，聰明嘅blog友～睇下你地摷5摷到出嚟？
又話好好，咁點解會輸ga？
小王子個piano teacher係個Professor 嚟，o係亞根庭嚟。次次小王子比賽，佢都會去捧小王子場！佢都同o個班"音樂馬迷"一樣﹣﹣左手搾Program，加手搾筆。佢好準ga！年年同佢去睇比賽，佢mark親o個d都全仲ga。我最怕o個d彈起琴嚟，郁身郁世，但係又眼仔碌碌，睇下呢度，睇下o個度嘅人，擺明係o係度扮野，扮哂陶醉咁！如果你地有留意～小王子每次演奏都係會合埋對眼嘅。5係我教佢咁，我淨係同佢講﹣﹣
"要將音樂演奏得好，你就一定要去感受音樂，由"音樂"去帶你走。"
呢個就係我一直教小王子對音樂嘅信念同堅持o勒！琴晚比賽，小王子一早就知道其他人會大佢好多，好難至會驘到。所以到佢演奏嘅時候，佢真係好投入，係由個音樂去帶動佢去彈，所以小王子琴晚彈左好多平時佢從無彈過嘅Expression。我真係為佢自豪ga！作為一個母親，o係小王子演奏嘅時候，我真係咩都做5到，只能夠不斷不斷咁為佢禱告，我不停咁同天父講﹣﹣
"神呀！袮要幚佢呀～神呀！袮要幚佢呀～"
o係o個一剎那，我好似真係見到天父就坐o係小王子隔離，陪住小王子一齊彈。小王子真係將隻歌表達得好好～好有感情，連我都感動到d眼淚猛o係度打滖！
小王子彈完，d人直頭係驚嘆，點會咁細個可以彈呢種歌，重可以彈得咁有感情？人人都以為小王子坐亞望冠，連小王子個piano teacher都tip 小王子5係第一就係第二。點知........
第一5係小王子，第二又5係小王子，第三都5係小王子，連o個三個優異獎都5係小王子。by the way，o個3個優異獎查實係全場彈得最差o個3個。個評判究竟知5知優異獎同安慰獎其實係有分別ga呢？結果宣佈完，真係全場人嘩然！
5奇嘅～
都話左比賽5係淨講實力，係要睇毛色ga洛！咁小王子出名係"黑仔達"，今次遇到一個5鍾意細個參加大年紀組別嘅評判。所以佢咩獎都5比小王子，即場就有人問點解小王子會輸呀～完左之後個評判同小王子講﹣﹣
"你彈得咁好嘅？你重咁細個！"
小王子當然又係十下十下咁笑騎騎la～
我當然覺得呢個結果係5公平～因為你做得評判，就要將自己個人喜好放低。要公平同公正咁對待所有參加者，作出絕無偏私嘅決定！不過我今次無太難過～因為我真係見到小王子o係音樂上面去到另外一個層次，佢係一個True Musician。
呢個Tiramisu order係前兩日接嘅，則係o係我比人當緊狗洗嘅時候接到嘅～話係用嚟求婚ga喎～最死係我呢個禮拜忙到嘔，根本無時間諗過要點裝飾個cake。不過有錢無理由5搵ga ma～我又5係有幾百萬未開頭！更係接la～我都5記得問佢會5會有介指，如果有我就整d野，可以放埋隻介指上個cake度la ma~
2010年9月1日星期三
鬆郁蒙cup cake
琴日小王子piano比賽驘左第一。最衰而家5可以post 小王子d video同相上blog la～5係就post琴日小王子彈琴嘅video過無地睇。如果你地有留意我以前post上blog嘅video個youtube account,咁你地可以去youtube度摷出嚟睇ga！hahaha......
琴日比你地話拿西，所以琴晚我真係落多左心機嚟整呢d cup cake ga！重諗土3同佢地影靚靚相。點知～～～去到發現部相機裡面無card呀～～～真係激鬼死！唯有用新iphone影幾張嚟頂住law！
唉～我永遠都攪5掂點用新iphone嚟影相ga！更係張張都"鬆郁蒙"嘅！
咩係"鬆郁蒙"？
米就係﹣﹣
搾機o個時對手又鬆，影o個時隻手又郁，攪到影到出嚟d相張張都蒙law！唉～～～～～～～～～
我一定要搵日再戰過呢幾個cup cake至得！
訂閱：
文章 (Atom)