蜘蛛俠壺

Blog友們我返嚟na！

過去o個3個禮拜，我真係死去活來，由初初嘅感冒～去到花粉症～再去到哮喘發。攪到我晚晚都無得瞓，有幾晚我直頭咳到起身嘔。真係名乎其實嘅"咳到嘔"呀！
澳洲同日本一樣，好多人都有花粉症嘅，呢度有好多BB一出世就有ga na。我呢～就嚟左十幾年都無事嘅，但係自從生左小王子之後，醫生話我生完BB d賀爾蒙變化，所以由小王子一出世開始，我就有好嚴重嘅花粉症o勒～點樣嚴重？就係普通人多數淨係春天至會發花粉症嘅，但係我呢～就係成年都會發，而且我係敏感到食成藥係完全5掂，要去睇醫生，由醫生開d激素比我食至得，不過呢種激素只可以食幾日，因為食得多會腎 衰竭，所以我好少食，5係發到好緊要我都5會去睇醫生。前幾年醫生同我講，因為我d花粉症嚴重得濟，引發哮喘。我聽到o個陣真係嚇左一跳～
 嘩！幾十歲人至有哮喘？


不過我d哮喘5係年年都會發嘅，對上發o個次已經係幾年前嘅事，所以連我自己都5記得左其實自己係有哮喘嘅。今次咁西利，我醫生都睇左兩次，醫生開左d激素我食，又開埋d哮喘藥過我。今日我終於覺得好d na～不過就重有d咳同覺得好攰咁law！


雖然病左起5到身整嘩box，但係我一樣日日都有整早餐晏就比小王子同小王子爸爸嘅。一樣朝朝都有5:20am起身，準備5:30am陪小王子練琴，同晚晚都有煮飯比佢地食。淨係有一朝......o個晚我咳到起身嘔，又已經好多晚無瞓，o個朝真係頂5順呀～所以o個朝我無叫小王子起身練琴。


話說o個日我好5掂，所以晏就就打電話比小王子爸爸，叫佢接小王子放學o個陣順便買d o野返嚟同小王子食（因為我病左，所以呢幾個禮拜都係小王子爸爸車小王子返學同放學），我o個晚真係5煮飯o勒～
o個日下就，小王子爸爸接左小王子返嚟o個陣，我已經瞓左晌張床上面。


小王子一返到嚟就大叫﹣﹣"媽媽我返嚟na！"
跟住我就問小王子爸爸﹣﹣"點呀？有無買o野返嚟食呀？"
小王子爸爸﹣﹣"得ga na！你5洗擔心，我買哂o野返嚟ga na～"
我﹣﹣"係？咁食咩o野呀？"
小王子爸爸好得戚咁話﹣﹣"我地今晚食漢堡排！"
小王子﹣﹣"係呀！係呀！"
我﹣﹣"吓？"
小王子爸爸﹣﹣"得ga na！我整就得ga na～"
我心諗～
"嘩！你識鬼整漢堡排咩？"


於o係呢個時候，小王子o親小王子爸爸入左廁所，就靜靜雞咁行過嚟我床邊，然後好細聲咁o係我個耳邊講﹣﹣
"如果爸爸cook Dinner，我實會get Poison(仲毒) ga！"
我﹣﹣"hahahahha....好la～咁媽媽起身整la！"
小王子爸爸o岩o岩行出嚟聽到我地兩個o係度大笑，就同小王子講
"喂！喂！喂！你鬼鬼鼠鼠咁同媽媽講咩呀？"
小王子﹣﹣"hahahaha.....無o野呀！"


於是，o個晚我由5想煮飯～到最後反而要整漢堡排，又搓又撻咁！真係比佢地吹脹～

豬甲介盒

今日心情5係幾好！可能係因為下個禮拜生日都5定，今次5至係短一年命、重要轉埋字頭，認真大打擎！！！


以前後生o個陣，成日都想第時可以生個女，覺得如果一世人無生個女會係最大嘅遺憾。過左咁多年，到最後我都係淨係生左個仔，不過我而家一d都5覺得我呢世人最大嘅遺憾係無生女。反而我覺得﹣﹣>
"好彩無生女！"
點解？
因為無論你點錫、點金波籮自己個女，到最後都會比人當賤貨！有d人覺得淨係自己個女至係人，人地o個d呢～係無阿媽生嘅、係石頭爆出嚟嘅。
我發誓～
"第時如果小王子娶左老婆，我會當佢係自己女一樣錫，就算佢5抵錫，我都要盡力錫佢。" ＜﹣﹣呢個係我對小王子嘅誠諾。


有時候我聽到d朋友話，要比個女學下洗碗呀～做下家務呀咁，我都會話﹣﹣＞
 "嘩！佢將來重有下半世要做呢d o野喎～你5洗而家就比定佢做bor！反正將來會有人當佢工人咁洗ga lor！"


所有人都覺得小王子咁乖又咁叻仔，一定好多人錫la～我可以o係度話你地聽...
"吾係！"
老實講～小王子真係乖到同叻到我自己都有d驚，好似佢o岩o岩驘左o個個"全省小學國際象棋比賽"，我真係發夢都無諗過嘅，之前我重同小王子講﹣﹣
"如果攞到第三、第4已經好叻ga na！"
真係諗都無諗過佢會攞到第一。亦都因為我知道自己個仔無不如人嘅地方，但係偏偏就得5到佢應得嘅寵愛＜﹣﹣呢個就係我咁多年嚟一直耿耿於懷嘅事！只係我無o係呢度講過啫～因為呢件事，我流過好多好多眼淚。
無錯，小王子5係好叻刷牙、5係好叻搾快子、5係好叻"邦"鞋帶、5係好叻反轉d衫、5係好識分時間嘅長短、又5係好叻用交剪。無錯，小王子確實係一個"生活白痴"！但係咁又點呢？小王子其他o野好過人地好多喎～對我嚟講小王子呢個係成個Package嚟！我得到佢嘅長處自然要接受埋佢嘅短處ga la～我5覺得咁樣嘅小王子，會係好似某一d人個心諗得咁不堪law！


前日朝早，我又陪小王子練琴。小王子鍾意練琴o個時我痴住佢隔離咁坐嘅，o個朝小王子彈緊琴，我望住佢則面同佢講﹣﹣>
 "就算全部人5 love你，媽媽都love你ga！"
小王子話﹣﹣"o我～我知道！"
其實我講嘅時候，真係覺得好無奈！


PS. 5該今日要留言嘅話用私留丫！

國際象棋格仔餅盒

之前米提過小王子代表學校驘左全省國際象棋初賽嘅，琴日就係全省國際象棋總決賽，如果驘埋今次就係全省總冠軍，可以代表省去掙全國冠軍，再驘埋呢～就可以去掙世界第一ga na！

比賽係term賽，一term4個人。雖然我5係好識其實係點計分法，但係我知道係要講戰術同陣形嘅，邊個係Team Captain，邊個捉第一，第二、三同第 4 ，都會影晌到驘輸。通常捉得最好o個個就係Team Captain，而Term Captain就係捉第一嘅，每個小朋友都要捉8局，Team Captain呢就會對返人地嘅Team Captain，則係捉得最好o個個就要對返人地term捉得最好o個個，如此類推～捉第二 o個個就係全term第二捉得最好嘅，咁佢就會對返人地team第二捉得好o個個。

而小王子 一向都係Team Captain，小王子話佢地team第二o個個好想做Team Captain，咁小王子又超無所謂嘅～王子話如果佢想做Team Captain，咁我捉第二la！但係今次係大賽喎～

我同小王子講﹣﹣"問下chess coach 4眼蛇先決定la，而家5係邊個做Team Captain嘅問題，係點樣至可以驘嘅問題呀！"

於是我send左email問4眼蛇，究竟邊個捉第一最好，4眼蛇話小王子一定要捉第一，4眼蛇話呢次比賽會好難，所以就算小王子捉第一都5擔保佢地一定會驘，只係驘嘅機會會大d啫！

我同小王子講，叫佢返去同其他三個人講4眼蛇嘅提議，我叫小王子一定要同佢地講，﹣﹣

"邊個做Team Captain都5係重點，最緊要要記住我地嘅目標﹣﹣＞就係一定要驘！"

其實我咁講5係真係一定要佢地驘，只係 一team人出去比賽，示氣真係好緊要ga！我5想d小朋友為左邊個做邊個位，而忘記左咩o野至係重點law！

好彩小王子一嬲都5係o個d"串串烘"同招績仔，所以其他人都好服佢，5會覺得小王子係想做話事人至要做Team Captain。

我知道全省排第一o個個細路都會去比賽，其實要小王子佢地驘，根本係無可能ga law！所以我同小王子講﹣﹣"第一你地就無可能ga na，如果你地攞到第三，or 第4已經好叻ga na！"

小王子好緊張今次嘅比賽ga，佢攪到連我都緊張埋一份，平時我無咩理小王子嘅Chess Competition ga。但係o個日就係成日個心"籮籮亂"咁law！到我接小王子放學 o個陣........

我﹣﹣"點呀？今日比賽點呀？"

小王子攞住個獎座話﹣﹣"你睇～媽媽！"

我﹣﹣"吓？第一？"

小王子﹣﹣"係呀！第一呀～"

我﹣﹣"5係哇？"

小王子﹣﹣"媽媽！呢個係我地school歷史性第一次攞到國際橡棋全省總冠軍呀！"

我﹣﹣"吓？"

跟住Cap水Sir搾住架坐滿小朋友嘅Van o岩o岩經過我，Cap水Sir停低，o係架車入面大聲同我講﹣﹣＞

"勁呀！歷史性第一次呀～"

總之我真係形容5到佢地成班當時有幾開心，小王子開心到直頭失控，我聽到佢攞左第一，開心到流眼淚咁濟！重記5記得得4隻手指嘅哈比人？佢o係小王子o個term度捉第4嘅，小王子話哈比人開心到喊，不停咁攬住其他同學。我就咁聽都覺得好感動呀！

小王子話佢地驘左之後，Cap水Sir 同佢地講﹣﹣＞

"你地係米應該為你地嘅Chess Coach歡呼三聲呢？"

查實Cap水Sir係想d小朋友為佢喝采嘅，點知小王子答﹣﹣＞

"講得o岩！同學們，等我地一齊為4眼蛇歡呼三聲la！"

小朋友們﹣﹣" hur-ray！hur-ray！hur-ray！"

激到阿Cap水Sir死死下！hahaha.........

火煺卷三文治盒

之前我提過，今年小王子做左學校國際象棋隊嘅Term Captain. 琴日小王子又代表學校出隊去比賽o勒～雖然最後小王子攞到第三，但係小王子話琴日d人好西利，好難驘。而附責帶佢地出去比賽嘅﹣﹣＞
就係 Cap水Sir o勒！




話說Cap水Sir一嬲都係"最高貴學府"嘅老師，小王子話Cap水Sir心情5好就會亂罰人，總之無nana都要比佢鬧一鑊o個隻。好似前年有一次，本來小王子又係代表學校出去比賽國際象棋，但係Cap水Sir話～當佢比張回條小王子o個陣，小王子講o個句"Thank you!"講得太～慢，所以即時取消小王子去比賽嘅資格！
  我心諗﹣﹣＞*&^*(*$%#$^&*^


Cap水Sir細時參加過好多國際象棋嘅比賽，所以順理成章做埋"最高貴學府"課外活動裡面，國際象棋會嘅附責人，教下d小朋友捉棋呀咁。但係自從比Cap水Sir諗到條好路數，Cap水Sir就叫學校將成個Chess Club外判比人帶，就係小王子個Chess Coach o勒！


有咩好路數？就係每次學校Term Break o個陣，Cap水Sir都o係學校度攪"Holiday Program" o勒～
喂！喂！喂！你地米睇小呢個"Holiday Program"呀，阿Cap水Sir 收成AU$80大元一day ga，一攪就攪4日。久5久佢又o係school day嘅星期六攪下咁喎！每日最多收25個水魚bb，點解25個？因為政府規定一個人最多睇25個細路ga ma，如果多過25個，就要搵多個人嚟幚拖。嘩！搵多個人喎～多個香爐多隻鬼呀大佬，Cap水Sir至無咁蠢la。


o拿！一日25條水魚bb，每條AU$80，攪4日......成AU$8000！好過乜la～重要5洗交稅喎。次次張Cheque都係寫去比佢個私人Account ga，咁則係話"最高貴學府"無收手續費，所有錢都係阿Cap水Sir一條友袋哂。4日賺8千蚊真係好過乜la～最正係o個4 日係5洗做ga喎！點解我咁講？
家下講緊國際象棋會呀大佬，本身呢樣o野就已經5係人人o岩玩ga la～重要收咁鬼死貴一日喎，咁你話o勒～去得o個d係米一定係國際象棋嘅狂熱份子先？好似小王子呢d，放盒Chess o係度佢捉一日ga na。 所以阿Cap水Sir淨係放十富8富棋o係度，o個d水魚bb就自己攪掂la～重洗鬼你睇咩？家下Cap水Sir 直頭係我偶像，佢幾鬼有諗頭至得gar！


自從Cap水Sir 攪左呢壇o野之後，小王子嘅身份即時由學生升成為客仔。嘩！客仔喎～點得失得呀？
Cap水Sir知道小王子係國際象棋迷，馮親有得捉棋，小王子例必逢請必到，重要係逢到必早o個隻，而Cap水Sir好清楚小王子向來十下十下，學校有咩活動同回條，小王子十次着左9次都會miss嘅。所以次次term break前o個一個禮拜，阿Cap水Sir例必會山長水遠咁搵小王子，然後又要扮到好似偶遇咁～再懶不經意咁問小王子﹣﹣＞
"呢個term break嘅holiday program又有Chess喎～你知5知呀？"
而小王子呢就一定會答﹣﹣＞
 "係？5知喎！"


o係呢個時候，o係學校"偶遇"小王子嘅阿Cap水Sir又會咁o岩得咁橋有張回條o係身ga喎～跟住就會比張回條小王子，叫小王子記得比大水魚媽媽睇。


咁做生意呢家o野更係要睇業績ga la～正所謂﹣﹣＞
 業績高，生意好！
咁咩係業績？米就係班水魚bb可以驘到獎law，所以近年Cap水Sir好鬼勤力帶班水魚bb出去比賽。而小王子d Chess又越捉越好，為左業績家下阿Cap水Sir至5會咁串～下下都話取消小王子出賽嘅資格law！因為無左小王子，佢地都好難有得驘呀～

炸熱狗卷三文治盒

其實我好耐無整過特別嘅蛋糕，點解？
唓～整咩啫？整左都無人食la！
以前次次我整親cake，一係帶返教會食、一係比小王子爸爸攞返工同同事morning tea、5係就係比小王子爸爸o係屋企瘋狂咁食哂。近年小王子爸爸肥左好鬼多呀～我迫佢去驗身，發現佢血糖又高左、胆固醇又高左。如果我再比小王子爸爸無節制咁食o野，分分鐘等如謀殺佢law。


小王子爸爸大半個月前轉左工，之前o個份工小王子爸爸做左成10年都有，公司亂哂籠，d人又激到小王子爸爸死死下～所以就算我話想整個cake比佢攞返工，
小王子爸爸都話No！No！No！費事請佢地食咁話喎～


加上年幾前我地想小王子5再去主日學，開始學聽道，所以我地轉左去一間咩人都5識嘅英文教會。咩人都5識喎～咁更加無原因整o野返去比人食la！
就係因為咁，除左接到order之外～我直頭都費事整蛋糕呀！整左又係比小王子爸爸發左癲咁食哂去，我又5係好食呢d o野，小王子就更加一啖都5會食。但係接order呢～d人又嚟嚟去去都係訂o個幾種cake，真係整到我就快嘔呀！


老實講～其實我5係幾鐘意接order做，因為請人食自由度大好多，淨係個蛋糕款都可以整多好多。但係如果係order呢～就樣樣都要計住﹣﹣＞
  "嘩～放士多啤 梨？成5蚊盒喎！"
"整呢個裝飾？要用好多朱古力ga喎！"
蝕本呀～ 蝕本呀～ 蝕本呀～ 蝕本呀～ 蝕本呀～ 蝕本呀～ 蝕本呀～ 蝕本呀～
真係整都整到無哂癮！


不過自從小王子爸爸轉左新工，d同事少左，而且重好friendly，所以小王子爸爸好樂意帶d cake返去同人一齊morning tea。我覺得次次我整d o野比小王子爸爸帶返工同人食，小王子爸爸都好會開心，所以我研究新cake嘅興趣又"彭彭聲"咁返哂嚟o勒～希望可以整d新cake post上嚟過你地睇下～

今日呢個炸熱狗卷我係第一次整，炸完發現我d麵包糠上得5係好夠，下次整會上多d，咁小王子食落就會脆d o勒～