三隻熊貓盒

小王子慣左晚晚7:00pm就瞓，我有試過比小王子8:00pm 同8:30pm 瞓ga，但係佢就起5到身練琴，瞓到成8點都話眼瞓。我真係5知第日佢去到Sydney點算？聽講o係Sydney讀書好多功課做ga！！！！


"最高貴學府"每年都會攪一個大形話劇嘅，都係d小朋友做返咁la，但係就全校老師總動員，無論係戲服一或係化妝，佢地都係一絲不苟嘅！舊年o個套我有去睇，班男子組反串扮女仔，嘩！似到呢～直頭靚過好多鬼妹，重要係屬於靚o個批女仔喎！！我一路睇就一路問小王子﹣﹣＞
 "吓？呢個真係男仔嚟？"
"吓？呢個又係男仔嚟？"
小王子就一味話﹣﹣＞
"係呀媽媽！呢個米係阿邊個邊個law～係我同學嚟ga～o個個讀隔離班ga！"


琴晚小王去睇今年"最高貴學府"攪嘅話劇～今次佢地請左女校o個班女子組嚟幚拖，所以男子組終於5洗扮女人，不過比起o個班女子組，男子組反串靚過佢地多多聲law！hahaha.......


小王子話琴晚套話劇做做下～有個男子組同女子組嘅代表突然5記得台詞，於是乎佢地兩個竟然o係個台上面講.....
男﹣﹣"喂！到你呀～"
女﹣﹣"咩呀？到你呀～"
男﹣﹣"5係喎～到你呀！"
女﹣﹣"更係5係la～到你呀！"
男﹣﹣"都話係到你lor ～"
女﹣﹣"到你呀～"
男﹣﹣"到你～"
女﹣﹣"到你～"
.......................
就係o係佢地兩個"咬"緊嘅時候，o係後台有條友頂佢地5順，o係後台度大聲咁叫﹣﹣＞
"係到你講﹣﹣"I think～"呀！"
女﹣﹣"oh！I think～"
即場d人笑到反肚咁濟！


琴晚套話劇7:00pm開始～做到9:00pm， 小王子往日7:00pm就瞓ga la ma，嘩！琴晚要成9點幾至有得瞓喎～真係眼瞓到佢飛起，一上車就立刻失去知覺。今朝我已經無叫小王子起身練琴ga na，到差5到7:00am至叫佢起身，嘩！佢攰到差d返5到學。


其實之前我已經發現，小王子嘅體力5夠呢件事ga na，好似小王子拉琴咁，佢一拉就會成身汗，拉完第三首歌已經攰到軟哂（咁當然d歌係長嘅～），但係小王子d體力咁差，我真係5知第時佢點算law！

機械人大戰Alien三文治盒

嚟，無論小王子o係功課、一或o係音樂上面，不論係代表 澳洲去阿根庭演奏、or 10歲就考到演奏級.......呢d一切一切，o係"最高貴學府"裡面佢地係提都5會提嘅。


琴日晏就o個時，我個手提電話突然間晌，我望一望個來電顯示﹣﹣>
  "嘩！學校打嚟ga喎！"
o個一刻我有種5敢接電話嘅衝動，因為晏就溜溜學校打嚟係一定無好o野！我個心諗﹣﹣＞
"小王子曳就5會ga o勒～5通o係學校度整親？"
我接電話o個下，隻手真係震震地ga！
一聽～原來係小王子
心諗﹣﹣＞
 "又5記得帶咩呀？"


小王子﹣﹣"媽媽！我等間又o係Assembly度彈琴呀～你想5想嚟聽呀？"
我﹣﹣"媽媽更係嚟la～"
（Assembly好似HK學校嘅早會咁，不過就係o係晏就嘅，淨係星期一至有ga啫～有咩獎呀、咩人叻呀都會o係Assembly度宣佈嘅～次次Assembly都會有小朋友表演樂器）


事源小王子o係"最高貴學府"讀左7年，但係一直"最高貴學府"嘅高層～都5會安排小王子o係Assembly度表演嘅～咁更係la～咁多醫生、領使同律師仔o係度，幾時輪得到 庶民 子弟表演至得gar？一直到舊年，因為舊年小王子個班主任係勁偏心小王子嘅，所以佢至為小王子o係舊年個Assembly度，掙取到一個比小王子拉琴嘅機會。


上個禮拜一放學，小王子同我講佢今日o係Assembly度彈琴（但係都係o係人地入場同離場o個時彈啫～o係中間正式表演嘅～當然輪5到庶民la！），我即刻問小王子點解5即刻打電話比媽媽？媽媽一定嚟睇你彈琴ga ma～


到琴日原先表演o個個上等人早退，佢地搵嚟搵去都搵5到人替上等人彈琴（更係la～即叫就即刻上得台表演嘅，除左小王子之外，我敢講o係"最高貴學府"裡面係搵5到第二個）， 小王子見佢地咁就提議如果搵5到人彈就我彈la～班友更係話好la～重老土到點歌要小王子彈，於是小王子就彈佢地點o個隻歌law。


好！講返轉頭先～小王子打比我同我講2:30pm Assembly，我5知道原來佢打比我o個陣已經過左兩點，嘩！我即刻飛車去學校，踩到成百幾咪呀～點知.....
點知去到小王子已經彈完！


呀～～～情天霹靂呀！


又5知點解，"最高貴學府"嘅最高領導人（校長），無na na o係Assembly度叫小王子起立表揚佢喎！！！！又其實明明無na na無咩o野要表揚gar？到Assembly完左，又5知點解d老師呀～副校呀～人人走去同小王子握手喎？又其實明明無na na 無理由要握手ga？我都"R"哂頭！！！！！


老實講～"最高貴學府"一嬲都將小王子"Come"得好實，咩都5會表揚小王子嘅。不過可能小王子今年出過國、又出過埠表演，班主任大嘴巴周圍講，又驘埋全省小學國際象棋冠軍，Cap水Sir為左搵真銀又博命宣傳。咁庶民小王子至會跑到出嚟～
連"最高貴學府"年尾o個個新生家長晚會，阿副校都搵小王子去表演。
唉～早知今日又何必當初丫？
小王子重有兩個月就走lor，而家至嚟真惜有鬼用咩？


如果當初5係"最高貴學府"咁樣對小王子，我地都5會決定去Sydney度讀中學la～小王子o係Sydney考到獎學金o個間中學，都5知幾looking forward小王子入學，我希望小王子終於可以o係一間懂得真惜佢嘅學校度讀書。


P.S.今日連小王子爸爸都有"嘩Box"呀～

偷雞三文治盒 & 朱古力士多啤梨

係呀～偷雞呀今朝！點解？上個禮拜米應承左小王子，今個week會整多一次朱古力士多啤梨比班男子組食嘅～所以今朝我米忙嚟忙去整士多啤梨law！原先應該用d靚d嘅叉仔叉住d士多啤梨嚟浸朱古力嘅，BUT.....懶～ar ma！咁米求其用支竹仔吉住就算law。加上小王子鬼咁"笠籮"，琴晚做功課做到鬼咁夜，今朝重要話做錯左小小，要我幚佢用卡紙剪過個立體形喎～所以今日個"嘩box"米偷雞小小law！


果然係光陰似箭，小王子返埋呢個禮拜又放兩假week Term Break o勒～又到Cap水Sir Cap水嘅時間o勒！

o拿！往時Cap水Sir 攪Holiday Program呢～就無咁張揚嘅，次次都係圍內o個班水魚BB參加ga啫。但係自從小王子佢地驘左全省小學國際象棋總冠軍之後，Cap水Sir 簡直好似上左電咁，o係學校度係咁勁Hard Sale國際象棋。你估佢真係咁熱愛Chess咩？米就係為左o係學校個Chess Holiday Program度搵真銀law。


嘩！今次Cap水Sir 個Chess Holiday Program嘅宣傳就認真誇la lana～又話憑佢嘅經驗，玩國際象棋可以提高學業成績、集中力、數學、判斷力、提高警覺、又可以從錯誤中學習......
總之意思大慨係﹣﹣＞

"玩國際象棋能醫百病，有病醫病，無病就保命～"


我睇到張回條o個陣，都忍5住笑出嚟。
心諗﹣﹣"嘩！Cap水Sir 你認真誇la la呀～"
玩Chess係米真係可以提高學業成績我就5知，但係o係"最高貴學府"裡面，確實係玩Chess叻o個d全部都係讀書叻嘅小朋友。好似小王子o個個team，都係個個讀書頂瓜瓜嘅，其中一個重係攞左"最高貴學府"出年中學部嘅獎學金tim。


不過我最 最 最配服Cap水Sir 嘅5係佢嘅誇la la，而係Cap水Sir  o個份勇往直前，5怕死嘅精神。點解？因為以往Cap水Sir o係School攪嘅 Chess Holiday Program，我地張Cheque都係寫比阿Cap水Sir 嘅私人Account度嘅，不過今次Cap水Sir 竟然話5收Cheque，要現金！


嘩～Cap水Sir好o野！Cap水Cap到明目張膽，一睇就知佢係 瞞稅la。

飯糰三文治盒

我o係度諗～當年天父做女人，想女人幚助男人！
咁......會5會天父都認為，女人係精明過男人ga呢？
想當年夏娃就係精明過頭，以為食左個分辦善惡樹嘅蘋果，就可以精明過天父，至會攪到一鑊泡ga啫～


所以，女人係比男人精明得多嘅～o拿！5係我齋up ga，女人精明呢單o野，真係有跡可 循ga。


好似我地d C9為左o個一個幾毫，格來格去。印花換刀 儲花儲到上網籌旗～就知女人幾咁精明la。
由揍老公到揍仔、煮飯家務一腳踢 ～就證明女人係幾咁能幹至得gar！


不過女人精明呢家o野，確實係Build in ga喎～點解我咁講？重記5記得琴日小王子同女校 Cross Campus o個單o野？ 琴日女子組o個邊，竟然有對BB Twins走去同小王子吹水喎！呀～5係！係走過嚟"盤"小王子至o岩。


BB Twins一嚟就問小王子﹣﹣"你平時鍾意d咩ga？"
小王子﹣﹣"吓？erm.......音樂la～"
BB Twins﹣﹣"係？咁你最近o係音樂上面有咩Achievement（成就）呢？"


o拿！o拿！o拿！呢d米係精明嘅醒目女law～一嚟就問你有咩Achievement呀？
咩呀？你話有車大哂呀？咩車先？單車定房車先？
咩呀？有樓好巴閉呀？咩樓先？16樓定獨立樓先？


係law～係law～一早問清楚，咁就5洗哂彈藥ar ma！
小王子就答﹣﹣"o我～我今年o岩o岩去完阿根庭度表演。"
BB Twins﹣﹣"嘩～"


你地睇～都話女人精明係Build in ga la，小學就識盤清人地咩料先na～真係5係講少！


小王子話琴日學校 Cross Campus o個時，老師宣佈下個term會有個Disco Night，所有人都要帶女伴去，如果5係就5可以食party嘅o野食。
小王子即刻話﹣﹣＞
"咁我地帶媽媽去！"
即場個個大笑～
其實小王子對Disco Night就完全無興趣嘅，小王子話佢地成班男子組都5想去。之但係學校攪Disco Night，如果個個都5願去，到最後一定係強制個個都要去。老人政治law～咩呀！
嘩！如果係強制嘅話～我邊度搵個女伴比小王子呀？5係要我扎兩條辮仔，著條短裙仔去扮小王子女伴哇？雖則我都係一個美少女啫～但係攪到咁，真係情可以堪呀！一係咁，叫小王子爸爸反串扮妹妹仔算o勒～話哂男人係家庭嘅頭，係應該為家人付出嘅！！！

P.S. 上個禮拜小王子o係雪梨音樂學院有大提琴演奏，今日post埋個video比你地睇下～

甲甲蟲飯糰盒

等我唱隻歌先～
lalalala～在森林和原野有甲蟲同香蕉～la la la la la la la la lalalalala~
哈哈哈哈哈哈.....


琴日小王子學校嘅Cross Campus終於過去，小王子話有多同學仔好想食我整o個d朱古力甲蟲仔，但係一個都無食到！Why？米就係次次見親女校班女仔，小王子學校o個d男老師就一定～必定～玩Lady's firstga law。我一早就話士多啤梨氹得女仔ga la～Lady's first喎，班女仔重5搶哂d朱古力甲蟲仔食咩！所以到男仔開始食嘅時候，係連半隻甲蟲腳都無淨law。（我打算第日叫小王子攞士多啤梨去求婚算na～）所以我應承小王子下個禮拜 再整朱古力士多啤梨佢地班男子組食。


琴晚食食下飯，小王子同我講....
小王子﹣﹣"媽媽！我今日見到肥仔Christ，佢終於可以將自己d頭髮梳平na～"
（肥仔Christ係o個d天生爆炸裝，用梳係梳5到頭嘅德國仔嚟）
我﹣﹣"吓？真係？咁米好攪笑law？"
小王子用手禁住自己d陰﹣﹣"hahaha...係呀～係呀～呢度平ga！"
我真係齋諗肥仔Christ個樣都覺得好笑，平時爆炸裝 更硬梳平d陰，個場面會有幾震撼？
不過肥仔Christ為左琴日攪咁多o野都無用，因為佢個夢中情人Barbie無返學，嘩哈哈哈哈哈哈.......真係超級攪笑law～


小王子有個同學叫印度王子，樣貌普通、高度普通、智 商普通，不過家世分分鐘顯赫。小王子琴日一放學就即刻同我講﹣﹣＞


"媽媽！你5會相信今日發生左咩事～"
我﹣﹣"發生左咩事？"
小王子﹣﹣"有女仔約會印度王子呀！"
我﹣﹣"吓？5係哇！"


...............事發經過...............
成班男子組吹水-ing～
印度王子﹣﹣"有一樣o野女仔做左，就會令到個男仔知道佢鍾意自己嘅。你地知5知道係咩o野？"
男子組﹣﹣"咩呀？咩o野嚟呀？"
印度王子﹣﹣"就係約會o勒～偏偏我o岩o岩就有一個！"
男子組﹣﹣"嘩～嘩～嘩～"
小王子﹣﹣"邊個約會你呀？"
印度王子﹣﹣"Somebody～"
小王子一路大聲咁唱﹣﹣"印度王子like Somebody～印度王子like Somebody～"
攪到印度王子要即刻同成班男子組講" Somebody"究竟係邊個。


 嘩！已經寫到咁長tim～但係琴日d攪笑o野重未講哂，聽日再繼續講下～
今日再post多個小王子上次Piano Concert嘅video你地睇下～呢隻歌係我嘅"賣飛罰"嚟ga！睇下會5會都係你地嘅"賣飛罰"～