聖誕老人飛碟盒

今朝瞓晏左，所以個"嘩Box"整得有d求其，敬請張就～


以前我地o個代，爸爸媽媽點會理我地學校d功課gar？吾似好似而家咁，做家務之餘～揍仔揍老公兼做埋個仔嘅貼身助理。有時真係連我自己都攪吾清楚﹣﹣＞
                   究竟係我讀書丫？一或係係小王子佢讀？
辛辛苦苦捱到大學畢業，發毒誓以後吾睇書、吾用腦，兼同所有功課、老師講Bye Bye～點會諗到會好似家下咁﹣﹣＞
                                                                真係臨老吾過得世！
不過咁～雖然我同小王子爸爸一嬲都有幚小王子拖做功課，但係我地一向都係本住﹣﹣＞
                                                  做得精令、幚得精明！
呢個格言嘅～
好似我咁，一向都係幚下小王子做下勞作呀～填下顏色呀咁，但係個勞作嘅設計同內容，我係一定要小王子自己諗嘅。而小王子爸爸呢～就會幚下小王子做 Powerpoint Presentation 嘅最後Edit ，又或者係幚小王子將佢寫嘅文章打入電腦度gar啫。而Presentation呀～Project呀～文章呀～所有內容，都係要小王子自己做嘅。樣樣都同個仔做哂～咁佢點學o野呀？
點解今日我會講起呢樣o野呢？
話說小王子有個同學叫"占士甸"！佢叫占士甸吾係因為佢好似占士甸咁靚仔，而係因為佢真係叫占士甸，佢姓Dean名叫James。所以話如果你姓劉，就米鬼改個仔叫德華，吾係第日佢無劉德華咁靚仔，淨係比人笑都笑到面黃呀～其實我真係吾係好明占生同占太，當初點解會有呢個構思ga law！

我不得不承應～"最高貴學府"有樣o野係幾好嘅，就係每年每級要教嘅Topic一早就定哂gar o勒，不過用咩形式同點教o個個Topic呢～就由班主任決定，所以班班做嘅project同功課都可能會5同，但係Topic就一樣嘅。好似小王子今年個班主任，就係驚佢地會搵父母幚拖做功課，所以好多要寫嘅o野，班主任都要小王子佢地o係學校度做，無得偷雞！
小王子一講呢個消息我聽，我就即刻、立刻愛上左佢個班主任呀～大呼....
                                     
                     "Mrs. Johnson 萬歲～萬歲～萬萬歲～"


占士甸今年5同小王子一班，占士甸今年同雞泡魚一班。小王子一嬲都同我講，占士甸寫o野好好gar～不過今朝雞泡魚爆比我聽，願來占士甸淨係o係Home做嘅 "Home～work"做得好gar啫～一要o係school度做就奶哂o野gar o勒！雞泡魚話初初佢地班主任見到占士甸寫d文章，大讚﹣﹣＞
                                             "你寫o野寫得好好喎～"

點知占士甸一o係學校度自己寫，水平竟然係中下！！！嘩～佢即時比班主任踢爆，原來一路d功課都係阿占生、占太嘅傑作。其實父母咁做，簡直係害左個仔，攪到個仔完全學5到o野，淨係學識偷雞！

呢條占士甸有鋪走捷徑癮，話說占士甸都係拉Cello嘅，但係就拉得麻麻過麻麻o勒～佢知道小王子拉Cello好好，占士甸以為小王子拉琴咁好，一定係有秘決至會咁嘅，於是有日佢問小王子....
占士甸﹣﹣"小王子（化名）！究竟拉Cello有咩秘決至可以拉到好似你咁好gar?"
小王子﹣﹣"o我～拉Cello其實有三個秘決gar！"
占士甸﹣﹣"咁係咩呀？"
小王子﹣﹣"就係Practice（練習）！Practice！同Practice o勒！"
占士甸﹣﹣"唓～"

雪人三文治盒

先兩個禮拜小王子又代表"最高貴學府"出隊去參加國際象棋比賽。理論上學校出隊出去比賽國際象棋，就例必由Cap水Sir帶隊嘅.......
但係o個次o個場比賽5係o係Weekday進行，係o係星期六、日～分兩日進行比賽，一日三場﹣﹣＞10:00am、1:00pm、4:00pm，而每場要捉兩個鐘，一人每日捉兩場﹣﹣＞則係每人每日要捉4個鐘！！
                                                   嘩！真係悶到嘔呀～
                                                   No～No～No～咁未算悶～
                                 每人每日要捉4個鐘點算係悶呀？
坐o係隔離陪捉o個個﹣﹣＞則是本人＜﹣﹣至係全銀河系最悶o個個好吾好！

好！講返Cap水Sir 先～原本"最高貴學府"出親隊去比賽國際象棋，就一定係Cap水Sir帶隊嘅，但係今次比賽係星期六、日，阿Mr. Cap水Sir話佢每個星期六都要o係"最高貴學府"度付責Cricket Team（板球隊）喎～所以吾帶得佢地去比賽，叫我地父母自己車d小朋友去。OK呀～呢個理由係合理而且可以接受嘅！但係.......
但係第日星期日，Cap水Sir係無o野要o係"最高貴學府"度付責，理應要去比賽場地度睇下班小朋友嘅～o個日﹣﹣＞Cap水Sir無出現過！

話說星期日小王子捉完第一場比賽，我同小王子爸爸帶埋小王子一齊去呢度最大形嘅Super度買下o野兼食埋Lunch。係呀～呢度o個間最大形嘅Super係有o野食gar，你口可以坐低食埋o野至入去買o野嘅。小王子爸爸o個朝要返教會彈琴，所以o個朝得我同小王子去比賽啫～食o野o個時我同小王子爸爸講......

我﹣﹣"唉～真係有無攪錯呀？琴日就話o係學校有o野付責5去得啫～今日無理由5去掛？"
小王子爸爸﹣﹣"咩阿Cap水Sir今朝無去到咩？"
我﹣﹣"更係無la～佢明知呢次比賽對班細路係咁艱難，佢點都要去同班細路打下氣，Support下佢地ar ma！有咩理由成朝無出現過ga啫～"
我﹣﹣"蝦～呢條友真係淨係識Cap水ga咋喎～"
小王子爸爸﹣﹣"好難講嘅～今日話哂都係星期日，可能佢有其他o野做呢～"
我﹣﹣"我覺得係無任何藉口law！我又5係話要佢成day o係度，但係應該朝早去露下面，show下Support ar ma！"
就o係呢個時候，有把令人"巴幾火" 嘅聲音從遠處轉嚟......
Cap水Sir﹣﹣"喂！Hello～"
我離遠見到佢同小王子打朝呼，我低叫左一聲﹣﹣＞
                                             "吓？5係下哇？5係真係佢嚟下哇?"
小王子爸爸見到我個樣已經忍5住o係度笑！
我﹣﹣"5係哇？條友重夠膽同我地打朝呼？"
小王子爸爸呢就係咁猛笑～
我﹣﹣"你又話佢有o野做～好明顯無law～"
小王子爸爸﹣﹣"hahahaha...."
o個條Mr. Cap一味o係度問我同小王子今朝比賽比成點呀～下場幾點再去比呀.....
總之一句講哂﹣﹣﹣＞佢今日係5會去gar law！

Jessica's Wedding cake

呢個係Jessica嘅Wedding Cake，呢個Cake同上次Rositta o個個有d相似，因為Jessica同我講話佢好鐘意我幚Rositta o個個Cake，就算一樣都OK！
但係我諗﹣﹣＞
"點解要同人一樣呢？呢個係屬於Jessica嘅婚禮，一個屬於Jessica嘅幸福，應該係獨一無二至o岩gar？"
所以我就base on Rositta個Cake而設計左呢個Jessica呢個Wedding Cake o勒～

其實我真係5應該再接好似Wedding Cake呢d咁大嘅order，點解？因為我要搬屋ar ma～老實講曾經o係我Blog同face book度留過言想要搵我做Cake 同 Catering 嘅人真係有好多～不過次次當我回復佢地﹣﹣＞
            "我5係住o係HK度ga喎、又話者我5係住o係呢個埠gar～"
多數d order都係接5到嘅。

好似Jessica咁，其實Jessica係住o係Sydney度～所以初初佢o係face book度留話想搵我做Wedding Cake嘅時候，我心諗多數都係接5到gar o勒～所以當時我5係回復佢﹣"我要搬屋，5接order。" 而係話我5係住o係HK度gar喎～點知Jessica話佢都5係bor！佢話佢住o係Sydney度，我同佢講﹣﹣＞
         "我年尾至搬去Sydney住，11月o係Sydney嘅order我係接5到gar！"
Jessica同我講佢真係好鍾意上次我幚Rositta做o個個Wedding cake，問我可5可以考慮接佢呢個order。於是我話﹣﹣＞
                                "如果你落嚟Canberra度攞，我米接law！"
其實我諗﹣﹣＞
                      "無理由有人會肯揸6個幾鐘頭車嚟攞個Cake掛？"
點知.........
點知Jessica話好喎！佢話佢揸車嚟攞個蛋糕，叫我接呢個order。
我心諗﹣﹣＞
                      "今次真係捉蟲tim！"

但係見Jessica咁鍾意我做嘅蛋糕，個心真係好感激佢！而且佢咁有誠意，揸6個幾鐘頭車都要搵我做Wedding Cake，所以我無理咁多，決定接左Jessica呢個Wedding Cake order。雖然我同Jessica未見過面，更加5係知己，但係我一樣比左個知己價過佢，（更係la～人地重要揸6個鐘車至嚟到攞個cake喎！）兼焗左46塊印左佢同佢老公名嘅Cookies做佢地嘅結婚禮物。

Jessica話佢個Wedding係用紫色做主題，所以蛋糕上面嘅花仔我轉用左紫色。本來我打算成個Cake都用哂d紫色花仔做裝飾，完全5用玫瑰花。點知我做左幾百朵紫色花仔都5夠用，最支連後面都要加隻絲帶蝴蝶至得。唉～真係激鬼死人！！！！！
呢個Wedding Cake我用左成萬朵花仔鋪成，我想做到d花仔好似落雪咁～一朵朵o係個天度落落個蛋糕上面，成個Wedding Cake都變成用白花鋪成嘅一遍雪地，你地覺得似5似？如果每一朵花就係一個祝福，Jessica已經擁有我成萬個祝福o勒～

Jessica！祝你今日新婚快樂～

聖誕老人三文治盒

就快又到聖誕節o勒～咩話？無咁快？睇開d la姊妹，12月我地呢度放緊暑假ga ma，邊有機會整"嘩Box"啫？所以米11月嚟整聖誕Theme law！

話事話喎～今個禮拜5知有無時間寫blog bor，因為今個禮拜我要整Wedding Cake呀，所以可能無時間寫blog o勒～

上個禮拜我無整"嘩box"，除左係因為小王子上個week要考Piano之外～重有就係我o係Sydney度租屋呢件事，晚晚攪到我心緒不靈，咁朝早米起5到身整"嘩Box" law！不過而家租到o勒～所以可以瞓一覺！上個禮拜尾有朝小王子見我又比份三文治佢......

小王子﹣﹣"媽媽！而家你吾整"嘩Box" ga na？"
我﹣﹣"吾係～係琴晚媽媽瞓得吾好，所以今日好攰，米無整"嘩Box" law！下個禮拜至整得吾得呀？（語氣係有些少恐嚇嘅成份嘅～）
我﹣﹣"得～吾～得～呀？"
小王子﹣﹣"OK！呢個係一個合理而又可以接受嘅原因。"（翻擇英文嘅）
我望住小王子個背面，心諗﹣﹣＞
            "唉o也～真係比你吹脹喎！"


其實聽見小王子話想要"嘩Box"，個心真係甜到漏，橫者呢d就係媽媽嘅情意結，見個小王子而家大個o勒，但係重話想要媽媽整嘅"嘩Box"，感覺小王子重好需要自己咁，所以個心其實好鬼死開心。hahaha......

呢幾個禮拜會好忙，因為計Wedding Cake之後，我要同小王子整Birthday Cake，雖然有排都未到小王子生日，但係因為小王子要去Sydney度讀中學，所以我同小王子爸爸決定o係小王子走之前，幚小王子開一個Farewell and Birthday Party，等小王子可以同佢所有最好嘅朋友仔好好咁講聲再見，吾知點解～打到呢度我個鼻突然間有d酸酸地，希望小王子到時5好喊，吾係我肯定會頂吾順ga law！

Halloween cup cake

琴日小王子考Piano，老師話小王子已經到左可以教人嘅Level o勒～不過睇小王子十下十下咁款，睇嚟都係蝕本貨嚟，今次真係回本無望na！

琴日考完琴，我帶左小王子去食雪糕同買禮物。小王子最後買左本厚過字典～講世界出名棋局嘅書，同埋一個IQ鎖。咩係IQ鎖？ 呢～用鐵做，一係就叫你點樣拆開佢，一係就叫你點樣砌返原狀o個d呢！
我一聽見小王子話要去o個間shop度，我就知道佢一定係想買呢樣o野ga o勒～因為之前小王子已經o係呢間shop度叫我買過呢樣o野，不過我諗，呢d咁嘅o野一拆開左係一定砌吾返ga law！買到返屋企都係當垃圾ga啫～所以o個次我叫小王子再揀下其他o野先，吾好咁快就決定要買呢個IQ鎖。

咁琴日小王子考完琴ar ma～點都要獎下佢ga la，我都知佢想買呢個o野ga na，米由佢自己鍾意law，橫掂送o野比d細路，都係想佢地開心ga啫！你話係米？
呢d IQ鎖有好鬼多款ga，原來重有Level分ga 喎～由Level 1- Level 6，Level 6就係最難嘅，而琴日o個間shop呢～就淨係得Level 4、Level 5 同Level 6 嘅IQ鎖賣啫。小王子揀來揀去，揀左好鬼死耐，到最後小王子揀左兩個，小王子問我.....

小王子﹣﹣"媽媽！你話邊個好d呀？"
我﹣﹣"erm.......買個Level 5先la～無咁難ar ma，如果整到呢個，下次米再買個Level 6嘅嚟整law！"
我心諗"唓～邊個都一樣la，實整5到嘅，到最後米又係垃圾一件！"
於是小王子買左個Level 5返屋企玩～
一返到屋企，小王子已經急不及待要拆嚟玩o勒～
小王子﹣﹣"媽媽！可5可以open呀？"
我﹣﹣"好～你米拆law！不過你睇清楚佢本來個樣喎，因為一拆開左，你係一定5會砌得返ga law！"
5分鐘後～
小王子大叫﹣﹣"媽媽！我砌到na～我砌到na～"
我﹣﹣"吓？5係ar哇？"
小王子﹣﹣"係呀媽媽！你睇～"
小王子即時show比我睇，我心諗﹣"5係哇？呢個o野更係好易整ga o勒！"
於是我話﹣﹣"比媽媽試下～"
又過左5分鐘.......
我整來整去都整5到，心諗﹣"咿？咁難嘅～"
我扔低左IQ鎖o係台度，然後話﹣﹣＞
                                              "5整na～"
小王子﹣﹣"媽媽！你係米整5到呀？"
我﹣﹣"更係5係la～"
小王子﹣﹣"係嘅～媽媽你係整5到嘅～"
我﹣﹣"唓～你都係整左一次之ma！"
小王子﹣﹣"咁我再整多次比你睇la～"
5洗十秒小王子又再砌返個IQ鎖一次，然後話....
小王子﹣﹣"o拿！我砌到na～媽媽你係米砌5到呀？"
我﹣﹣"唓～都5 fair嘅，我之前都無睇過佢係咩樣，更係砌5到la！"
小王子﹣﹣"好呀～咁我砌一次show你睇ar！"
又5洗十秒小王子又再砌返個IQ鎖一次比我睇。
小王子﹣﹣"o拿～"
我﹣﹣"er..........丫～媽媽突然間好攰呀，都係5砌na！"
小王子﹣﹣"媽媽！你係米整5到呀？"
我﹣﹣"更係5係la～我攰之ma！"
小王子﹣﹣"騎騎～係嘅～媽媽你係整5到嘅～"
我﹣﹣"咩啫？媽媽日日到呢個時間就眼瞓ga la～"
小王子﹣﹣"媽媽你砌5到～媽媽你砌5到～媽媽你砌5到......"
呢個時候小王子爸爸o岩o岩放工入門口....
我一見到小王子爸爸就大嗌﹣﹣＞
                        "爸爸！你個仔變態ga～"

琴晚小王子瞓左之後，我同小王子爸爸講﹣﹣＞

"以後買o野比個仔，咩都買到最難，等佢可以玩耐d！今次捉虫o勒～佢實叫我去買個Level 6嘅過佢玩ga law！"



d cup cake係我整比小王子星期一帶返學同小朋友一齊食嘅～我一共整左36個，整cup cake上面o個支糖整左我幾個鐘，整完哂d cup cake o個陣，我真係攰到企吾到law！