兵哥盒

怪事年年有，奇事今年特別多～

小王子間新學校"聚寶盤"確實夠哂奇趣。話說o岩o岩過左o個個星期六係"聚寶盤"一年一度嘅Symphony under the stars"(星下之交響樂團）。係呀！"聚寶盤"年年都搞呢個星下之交響樂團gar，咩嚟？米一邊聽學生組成嘅交響樂團，家長、朋友就一邊野餐兼望星星law～幾咁浪漫至得gar！

呢個星下之交響樂團，5一定要有細路o係"聚寶盤"度讀至可以去，人人都可以去嘅ga，重5收錢ga tim bor～我見"聚寶盤"派哂傳單比呢區d屋，請佢地都一齊去，點解我知？因為我都收到ar ma～咩你地5記得我係住o係"聚寶盤"隔離gar咩？hahahaha.....
星期五放學o個陣，小王子同我講......

小王子﹣﹣"媽媽！聽日有煙花放呀～"
我﹣﹣"吓？5係掛？"
小王子﹣﹣"係呀媽媽！佢地寫明話會放煙花gar。"
我﹣﹣"係咩？放煙花？係5係叫你地表演完，一人揸住幾支o個d衝天炮，然後向住個天"蕉～蕉～蕉～"咁咋？hahaha......"
小王子﹣﹣"hahahahahahah.....不過o個度寫住話係學校d Cadet放gar！"
我﹣﹣"無理由嘅～放煙花好貴gar。"
小王子﹣﹣"咩放煙花好貴ga咩？"
我﹣﹣"更係la～
小王子﹣﹣"要幾錢gar.............”
省下一萬字

點知星期六o個日落大雨，"聚寶盤"即刻出email比所有家長，"Symphony under the stars"(星下之交響樂團）改成"Symphony under the roof"(屋薝下之交響樂團），個Concert要改o係室內進行，好彩講到明煙花呢個環節係5會取消嘅～
o個晚淨係表演嘅學生已經有390人，下面嚟睇o個d呢～就超過二千人。原來d煙花真係"聚寶盤"d Cadet自己做同放嘅，我揸住部相機成晚，就係為左要影低d"煙花"，post上blog過你地睇ar ma～hahaha....我幾咁掛住你地至得gar？一路等到夜晚10點幾至輪到放煙花......
無錯！當第一個煙花升上半空之際～我心情係相當之咁覆習嘅～
我認我見到d煙花o個陣﹣﹣﹣＞
                                                  我係O 左咀嘅！
心諗﹣﹣＞
                       "5係哇？咁認真？
                       "真煙花？咁誇張？"
再諗﹣﹣＞
"嘩！"聚寶盤"d Cadet堅喎～連爆破都識？嘩～第時5去阿富汗打仗都可以去做賊喎！！！
又諗﹣﹣＞
"嘩～第時叫小王子去join Cadet好喎。學識做煙花～第時無野撈可以返HK度做喎！"
..............
........
.....

總之心情係好覆習la～

Blog友們！請細心欣賞﹣﹣"誇nana School Concert之放煙花！"

企鵝bb三文治盒

之前提過小王子嘅新學校大到驚人，設C重超級完善。間學校成個"尋寶箱"咁，讀下～讀下～又發現多d，讀下～讀下～又再發現多dd.....

上個禮拜我發現，原來小王子新學校竟然有註校嘅物理治療疹所，兼夾day day都有兩個尊業物理治療師註疹，等d細路仔如果o係學校度玩Sport受傷～可以即刻有尊業物理冶療師同佢疹冶。嘩！！！！！誇nana呀～

誇？咁未算～原來學校o係藍山（出名觀光地）擁有成個Camp site，等學校d學生o係o個度去Camp。閒時又會比d家長會搞下"媽媽Camp“ or "爸爸Camp”咁。如果家長得閒想去渡下假，NO Problem！只要你比小小錢，學校一樣租比你。

o係香港間間學校課外活動都有童軍，呢度都就5係好興童軍o勒～好多時如果你想玩童軍就要出去外面自己參加，好少學校會有童軍。但係就好多中學都會有Cadet，erm......好似當兵咁law！我見佢地時時著哂成套﹣﹣＞準備隨時去阿富汗咁嘅裝束。去親就都係o個d慘過担泥嘅野外Camp。小王子同我講，話人人都同佢講千奇米join Cadet，因為係辛苦到嘔嘅。

點解我會無nana提起Cadet呢？因為琴日我接小王子放學嘅時候，比我發現學校竟然擁有至少兩部呢d高過兩個人嘅 超 超 超 巨形軍車。嘩！！！！！實左太～太～太～誇na！所以我5理其他人嘅目光，即刻舉起部iphone，點都要影張相post上blog呀！hahahaha.........

講樣好笑野過你地聽～話說我而家o係Sydney租緊呢間屋，屋主個仔以前都係讀呢間"尋寶箱"嘅，不過就畢左業成十年na。前日我請佢地嚟我度坐，佢地爆左樣好笑野過我聽，係咩？就係.....
其實o係呢度好多大學校都會有得寄宿嘅，5洗一定係住得遠gar，就算你住o係學校隔離，但係又錢多到"無訂洗"，又或者你o係屋企見自己個仔見到就快想死～只要你比大約同學費一樣咁多嘅錢......兩萬五倒la～咁就以踢個"眼中釘"入學校寄宿gar na！
咩話？貴？5貴ga na，有人幚無"肯"左口"釘"喎～呢個價差5多la！hahahaha........

o係"尋寶箱"度寄宿好正，因為餐餐都係自助餐，兼夾餐餐都有國際美食，有中餐有西餐，食肉又有～食素嘅又有～連沙律bar都有埋。總之就係更有一樣o岩你口味la！之但係d細路又點會咁容易就滿足至得gar？佢地係包咬頸gar ma，國際美食又點啫？邊夠個麥當當嘅漢堡包吸引先得gar？

包租婆同我講，學校係規定寄宿生5準夜晚出外嘅。偏偏o係學校大門口對到正就係間麥當當，麥當當d薯條有幾香大家都知gar la～於是有晚班寄宿生就決定爬牆出去買，之但係十幾廿人一齊爬牆嚟講～就算學校5發現，途人見到都會報警law！於是乎佢地就派一個人爬牆去買，5知係米真係麥當當d薯條香得濟。回程o個陣比人捉住，佢都算有義氣gar na，本來打算自己硬食，之但係你手攞住十幾廿個包～你5係真係諗住一個人硬食哂廿個包下哇？廿個人當場斷正la～
咁校長罰咩呢？校長就係罰佢地全部人o係冬天半夜，o係又凍又濕嘅操場上個每人做50下掌上壓o勒！hahahaha......

谷谷雞三文治盒

5知你地知5知道，其實我有兩個Blog ga呢？有d Blog友鍾意用Yahoo blog嘅。咁其實yahoo blog又真係易用兼方便好多ga喎。之不過o係我Face book個Fan Club度，我係放另一個blog嘅link上去嘅，其實兩個Blog post嘅o野都係一樣，只不過有人慣用yahoo blog，又有人齋睇5留言，所以用咩blog都無所謂ga啫。
前一排有本網上雜誌﹣﹣"LOVE kids Magazine"搵我做訪問，兼且邀請我o係佢地度開新Blog，個訪問出左na～如果有時間可以去o急o急bor﹣﹣＞

http://issuu.com/lovekids/docs/lovekids_issue_01?mode=embed&layout=http%3A%2F%2Fskin.issuu.com%2Fv%2Fcolor%2Flayout.xml&backgroundColor=FFFFFF&showFlipBtn=true&autoFlip=true&autoFlipTime=6000

我o係"LOVE kids Magazine"度開左第三個Blog（5洗驚～其他兩個blog我會繼續寫），o係呢度好多blog友呢三年幾以嚟一路見証住小王子嘅成長，寫新blog要重新介紹同交代過小王子嘅人物性格，其實真係有d難度，寫得5好～人地可能以為你o係度哂命，其實我都有d擔心。
有興趣嘅blog友可以去睇下我個新blog整得靚5靚～
                               http://lovekids-littleprince.blogspot.com.au/

我同小王子搬左嚟Sydney都有三個幾月o勒，大部份時間無小王子爸爸o係身邊嘅日子亦都過左三個幾月o勒。時時都有人問我﹣﹣＞
                   "適5適應呀？習5習慣呀？開5開心呀？掛5掛住小王子爸爸呀？"
我都會答﹣﹣＞
 "我無諗過呢d問題，因為無論我適5適應同習5習慣～都5會改變到事實。"

你地話5係咩？就算我5適應，就算我5習慣，個事實都5會改變gar la～我又5會因為咁同小王子返Canberra嘅。所以最好嘅方法就係"5好諗～向前望！"

小王子o係新學校好忙，好鬼多o野做，功課又多、Assessment又多，又要規定一個week要打幾日波，又要規定參加幾個樂團。之前我米提過學校神早派左本o野比家長，寫明邊科今年有幾多個test，有幾個份功課同有幾多個Assessment，要o係邊個week交、幾時考試、重講埋邊份功課係占全年嘅幾多分嘅～
其實我重未講完本o野裡面重寫左d咩，點解我見到本o野會腳軟呢？o個本o野除左寫明今年有咩要交同考之外，其中裡面重列明埋﹣﹣＞
                               "欠交功課十大籍口"之不被接納！

籍口一﹣﹣＞壞機！
                     電腦壞左！﹣﹣＞不被接納
                     Printer壞左！﹣﹣＞不被接納
                     無論屋企有咩電器壞左而道至欠交功課！﹣﹣＞不被接納
籍口二﹣﹣＞我病！
                      無nana病！﹣﹣＞不被接納                    
所有無nana病嘅人要比老師檢查要交o個份功課嘅進度，因為你係"無nana病"至交5到功課gar 啫，份功課無理由你一d都未做，所以要比老師檢查入功課你做到邊度。                        
所有無nana病嘅人，無論係有心病 or 有身病：都0要o係交功課o個日嘅9:30am前，打電話去校務處。兼要寫信比校長，重要o係第日返學o個日，親自同校長解釋點解會欠交該份功課。
籍口三﹣﹣＞因為點點點，所以我做5哂！
                     無論因為點點點都﹣﹣＞不被接納
所有因為點點點而交5出份功課嘅人，都要去同Head of House解釋點解你做5哂，你攪5掂就放學留o係度佢搵人攪到你掂為止。
除左Head of Department之外，o係任何情況下無任何老師可以私人醒比多幾日你做。

籍口四﹣﹣＞我5記得帶！
                     提早老人痴呆者﹣﹣＞接納！不過～
                     痴呆一day（第二日交）：少10﹪分數
                     痴呆兩day（後日交）：少20﹪分數
                     痴呆三day（大後日交）：少30﹪分數
                     痴呆四day（大大後日交）：少40﹪分數
                     痴呆五day（大大大後日交）：少50﹪分數
                     痴呆六day或以上：校長私人醒嘅，都係扣50﹪分

所以你地話，我接到本o野點會5腳軟至得gar？所以家下我day day都問住小王子聽日有無o野交呢句說話，至少十次呀～因為交漏一份or遲交左一份，分分鐘影晌年尾個總成續攞5到個A gar！
所以家下我day day都問

蒙面超人RX三文治盒

查實我都5知學校點攪嘅～一個鐘頭嘅Break分兩次放已經夠慘ga la，重要Break o親之前o個堂都例遲放gar喎！好似琴日咁小王子兩個Break之前o個堂都好晏至放，所以佢淨係夠時間食到半份三文治，唉～整下整下我都5知應該整d咩比小王子返學食gar na！！！

小王子琴日放學返嚟同我講，原來睇書可以抵做"社區服務"o個十個鐘，小王子話只要你睇6本書就可以當"社區服務"一個鐘，
小王子話﹣﹣＞

"媽媽！琴日我做左3個鐘，則係重有7個鐘，睇6本書就當一個鐘....咁我只要睇42本書就得la！好Easy啫～"

我即刻話﹣﹣＞"嘩！做乜你5早d講呀？咁琴日米5洗去law！"
有睇開小王子天地嘅Blog友都應該知道，對小王子嚟講～5好話睇42本書，就算要睇420本書對佢都全無難度la！要小王子跑42個圈就話死啫～hahaha....

今日我要表揚一個人呀！邊個？就係o係香港西半山高街嘅劉戩揚醫生o勒～
點解？
雖然我look好大隻，但係就淨係得個樣。次次返親HK都奶o野，前一次就係去左一日澳門，返到HK又痾又嘔兩個禮拜，我家下聽見"澳門"兩個字個心都離一離！

o岩o岩過左o個個新年，我同小王子and小王子爸爸返左HK探小王子婆婆20日，本來無o野gar bor～之但係次次小王子爸爸返HK，都會去長洲搵個尊整腰骨嘅神醫睇腰骨嘅。咁今次都5會例外ga la～咁一場去到長洲喎，更係吃埋海鮮至走la，o拿！o拿！o拿！我就係奶左o野o勒～o個碟奪命炒蜆都害得我慘na，痾嘔都不左話下～重攪到o係街度成個暈左，你地話係米超超超肉酸至得gar？

話說我o係長洲返到HK o個晚已經5舒服gar o勒～第朝重嘔到企5到，我重5單止o係屋企度嘔，o係巴士度又嘔、連睇醫生都一路睇一路嘔，好彩家下人人都帶住個環保袋，如果5係就係5止肉酸咁閒單law！

咩話？我係米去睇高街嘅劉戩揚醫生，佢藥到病除所以要表揚佢？
非也非也～
查實我5係去睇劉醫生，我係去左睇阿劉醫生落兩條街o個個李醫生。o個日小王子爸爸扶我去睇醫生，阿李醫生見我一路睇症一路嘔，就nana淋幚我打左支止嘔針，之後開左d藥比我就送客o勒！其實李大夫都5錯gar，以前我睇過佢好多次都藥到病除gar。
之不過o個日我打完支針，小王子爸爸扶我返屋企，我地行左一分鐘小王子爸爸就叫我企o係路邊等一等佢，因為佢要去對面間面包鋪度野面包比小王子食。之但係小王子爸爸一行開～我就見有小小暈！呀5係～5係見有小小暈，係勁勁勁頭暈。心諗5係咁橋下哇？5係要暈o係個街度樣衰得咁緊要哇？之後我眼前開始黑、對耳又開始聽5到聲，個心就猛話﹣﹣＞
                                    "爸爸 ！快d返嚟～快d返嚟～"
終於我捱到小王子爸爸返嚟，而我就真係成個暈o勒～小王子爸爸扶實我都5知點算，其實HK人情都5算紙咁薄，因為有兩個途人即刻幚小王子爸爸手扶實我，又幚我入d鋪頭度借張櫈比我坐，重即刻去搵附近疹所醫生出嚟睇我～
                                        無錯！係就劉醫生o勒～

劉醫生真係行出街睇我，重叫小王子爸爸扶的入佢疹所度瞓，不停咁幚我check住血糖同血壓，第一次check血壓我上壓得70，劉醫生叫小王子爸爸即刻送我入醫院，之後幾次再check～血壓慢慢升返去90。小王子爸爸同劉醫生講.....
小王子爸爸﹣﹣"頭先我地o岩o岩睇完下面o個個李醫生，李醫生幚佢打左支止嘔針，會5會係佢敏感支針呀？"
劉醫生﹣﹣"咁佢平時怕5怕打針丫？"
小王子爸爸﹣﹣"怕gar！"
劉醫生﹣﹣"o我～咁佢嘔左咁多次，又成日無食過o野，平時又怕打針～嚇一嚇，個腦突然間無血米休刻law！好正常嘅～"
我即刻同小王子爸爸講﹣﹣"o拿！o拿！o拿！你聽5聽到呀？連醫生都話我"心血少，5嚇得呀！所以你記得就哂我，千奇5好嚇我呀～"
劉醫生幚我check左好多次血糖同血壓，又睇症好多次.....
                                                     
                                               BUT
                                     劉醫生無收到我錢！
5係因為劉醫生無收到我錢，所以我要表揚佢。係佢嘅醫德感動左我，我又5係去睇佢，佢無必要take care我、更加無必要行出疹所睇我、無必要比我入去佢疹所休息、無必要幚我check血糖同血壓、亦都無必要5收我錢！
所以Blog友門，如果你都住得近近地西半山，下次病可以考慮下去睇劉戩揚醫生。
P.S. 阿劉醫生都相當靚仔下gar！hahahaha.......

機械人三文治盒

琴日小王子跟左學校去做垃圾佬！吓？小王子係米周圍去扔垃圾？更係5係la～周圍去扔垃圾o個d係垃圾虫，周圍去掃街o個d至叫做垃圾佬呀！
做咩鬼小王子無nana走去掃街？唉～有頭髮邊個想做癩痢至得gar？之5係小王子間新學校規定每個小朋友都要做"社區服務"law。唉～又要規定一人一個禮拜要打3 Day波～因為獎學金入學，又要規定小王子要參加幾個樂團～功課多都不特止，家下連weekend 重要去掃埋街！！！小王子嘅學校生活係幾咁充實至得gar？
嚴格嚟講小王子琴日5係去掃街，應該係叫去担泥至o岩。因為小王子琴日係去左森林溪邊度執垃圾，佢返嚟o個陣，我重以為佢其實係瞞住我去左玩泥漿摔角嚟～小王子成身都係泥不待止，佢對新鞋更加係壯烈犧牲埋！！！唉～我鬼知原來佢係去担泥咩？如果我係一早知道係咁嘅環境嘅，我發誓o係小王子出門口o個陣，我係一定會死命攬住對新鞋5比佢著gar law！！！小王子話佢一去到，就不停有幾十條水蛭搏命咁想爬入佢對鞋度tim bor～幾鬼死恐怖至得gar！
之不過琴日小王子去完做"社區服務"，返到屋企就輪到我為"社區服務"服務o勒～點解？嘩！小王子污"Jo"到好似成個人跌左入個泥氹度咁喎，返到嚟我幚佢洗左d衫、褲、鞋、襪幾耐至得gar？
o拿！Mr. 校長先生，老老實實o勒～我做o個幾個鐘計5計埋落去小王子o個十個鐘度gar先？

其實學校規定7年級每人每年要做十個鐘"社區服務"，5一定要係去担泥嘅～學校派埋張紙過d家長，講到明咩係"社區服務"，咩5算係"社區服務"。
小王子話幚爸爸媽媽洗車5算係"社區服務"，之但係幚人地個爸爸媽媽洗呢～咁就係"社區服務"o勒！
小王子話幚爸爸媽媽剪草5算係"社區服務"，但係幚人地個爸爸媽媽剪草呢～就係叫做"社區服務"o勒！
真係即時比佢吹到脹！
好明顯Mr. 校長教佢地做人要有公益心，但係5記得教埋佢地要孝順父母喎！而家d細路都經已係十指不沾陽春水gar ma，真係拾醒眼瞓都5見佢地做家務gar。家下重要規定要佢地做BUT 5準同自己屋企做喎～Mr. 校長！究竟你有無諗過我嘅感受呢？