小公主米通蛋糕

重記5記得前o個排小王子驘左個Cello比賽？每年呢個比賽都會o係所有驘左16歲以下賽事冠軍裡面，不論係咩樂器同組別，一共41個比賽項目度揀5超過10個人去另一個冠軍賽度，進行另一場比賽，今年佢地揀左小王子去呢場冠軍賽，淨係比佢邀請去冠軍賽嘅人已經每人有AU$300，若果再o係冠軍賽度勝出重會有獎金tim bor～

我同小王子爸爸從來都無諗過大會真係會揀仲小王子，更加5會知道原來會有獎金tim la～不過可以被邀請已經係一個光榮，所以無論到最後小王子驘又好～5驘又好～我同小王子爸爸都會好開心。講到底係要同16歲嘅人一齊比賽，5分樂器、5分年紀，真係會有d難度嘅。

為期4日3夜嘅"聚寶盤"Camp終於過去，小王子亦平安返回地球。其實有樣o野我真係5明～o個日我去到學校接小王子o個陣，見其他人個個都正常gar喎～
因乜解究係得小王子一個塊面一撻撻黑色，d牙又痴滿之前食過嘅o野，連d頭髮都好似打完杖咁，o個面重好似十日無挮so咁～
到我返到屋企打開佢個袋洗衫.....

         嘩！！！5打由自可，一打開個袋成陣惡臭"供"出嚟？
咩事呀？小王子明明係去豪華團gar？5通佢靜靜雞瞞住我去左阿富汗？

唉～跟本上小王子就係完全無照顧先己嘅能力，大佬呀～食完o野都抺一抺個咀la～呢d o野好似係常識嚟gar喎？o個日我見到佢落車個樣......

講真我真係5係好想認佢做仔呀～佢個樣真係衰到呢～

不過"聚寶盤"呢個wild Camp又真係豪華團嚟gar喎！！
話說"聚寶盤"o係藍山有屬於自己嘅成個Camp site，不過我5知道原來o係個Camp site度係有個長注嘅廚師，小王子今次去4日3夜，頭o個兩晚都係宿營嚟嘅～到最後o個晚至係露營gar啫。雖然佢地要日日遠足～又上山又落山咁行到就快釘，
之但係你地知5知佢地露營o個陣晚餐係食咩呀？
佢地露營o個晚竟然係食牛排！！我都未見過人地露營食牛排嘅～雖然要自己整，但係都係豪啫，兼且早餐重有英式鬆餅同麥片過佢地揀，5講我重以為佢地係o係酒店度食緊"早餐抱飛" tim呀！hahaha.......

咁宿營o個幾晚就更加5洗講la～晚餐又燒雞又成，連早餐都豪過人，又Pancake，又煙肉蛋咁～嘩！佢地d糧晌重好過o係屋企度，下次我都要跟埋小王子去至得呀！

而o個個Christian Study Board game亦都差不多做起o勒～今次小王子爸爸拍心口話佢攪掂，所以我只係幚手reseach下d圖畫啫。
小王子爸爸係第一次幚小王子做呢d剪剪貼貼嘅功課，做成點？小王子爸爸做得嘅就更係全電腦化la～係o個d 5識科技嘅C9仔(即本人）至下下都要落手落腳gar啫！家下科學發達，用個電腦攪掂哂再用張A2相紙成張Print出嚟就攪掂la～洗鬼又搓又焗咩？
就係咁～我又過左呢關o勒！！hahaha....多謝小王子爸爸！

今日post呢個"小公主米通蛋糕"就係用上次"嘩!Box教室"教你地做o個個米通餅嚟做gar o勒～
因為上堂教左你地用棉花糖嚟裝飾呢個米通餅，下堂要教你地用糖皮去裝飾，本來就係諗住教你地做呢個小公主，之但係我一做就發現原來都難難地，所以就咁Post上blog比你地睇。

而下堂就教你地用第個糖皮款去裝飾個米通蛋糕o勒～有興趣學做糖皮嘅
Blog友千奇5好錯過na！

所以今日個"嘩!Box"我聽日至Post o勒。

好恐怖蛋皮盒

有時對住小王子我真係無語！
之前米講過話小王子呢個term開始玩劍擎嘅～上劍擎堂嘅第一日，我專登早d去接小王子，因為我想去睇下小王子究竟攪成點。
老實講～經過懶人hea網球同傻仔踢足球呢兩單o野之後，我都已經有哂心理準備，5會抱太大希望亦都5會太失望gar o勒。正所謂無期望就5會失望ar ma～
之但係........o係望到小王子練習劍擎嘅基本動作o個時......
SORRY！真係聽5住笑左出嚟～我都5想gar，但係大佬咁攪笑，點忍得到至得gar？
你地都知la～人地打劍擎個個舉起一隻手，對腳就ar下ar下好似隻蟹咁gar ma～但係5知點解我睇嚟睇去，都覺得小王子似o係度玩緊躲避球多過打劍咁gar呢？

o拿～o拿～o拿～你地千奇5好話﹣﹣＞
                "aiya～人地o岩o岩第一堂學之ma！"

因為o個度人人都係第一堂學gar咋喎～因乜解究係得小王子一個打得咁攪笑gar呢？
我因為笑得實左太緊要得濟，無辦法繼續企向度觀賽，所以即刻上車打比小王子爸爸，嘩～真係笑到我肚都痛埋。
你地估下小王子爸爸同我講咩la na～
小王子爸爸話......
       "咁你快d入去錄低佢比我睇la～hahahaha......"
於是我nana臨走返入去用個iPhone錄低小王子"打躲避劍"嘅情形o勒～影o個時我真係笑到手都震埋呀！

好一對變態父母呀～o拿～Blog友們今日你地好彩na，因為呢個video我會post o係度比你地睇，最右手面傻下傻下～人地行佢又5行，到人地5行佢又行o個個就係小王子o勒～


外号～外号～
小王子第一本短篇小說終於面世o勒～
小王子除左做o野奇慢得驚人之外，重有一樣o野係超驚人嘅，係咩？就係熟聖經o勒～小王子由兩三歲就開始學睇聖經，初初就更係睇d好淺，圖畫多過乜嘅BB聖經la～佢識多小小我就換過本深dd嘅比佢，再識睇本深dd gar咩～我又再再再換本又再深dddd嘅比佢睇。
老實講聖經d字好鬼深，小王子識咁多字，最初都係由睇得聖經開始，越睇越認得多生字。

5知你地有無聽過聖經故事呢？有無聽過一個有關旦以理被投入獅子坑嘅故事呀？
小王子呢本小說就係講旦以理o係獅子坑度，除左o係聖經理面記  個天使同佢講嘅說話之外，天使重好秘密咁同旦以理講，天父要比3000歲命佢，要旦以理o係現代(即係而家)搵三件信物去除魔，因為天父知道o係好多年後嘅今日，魔鬼會重現人間.............
呢個就係小王子呢本小說嘅大綱o勒～都幾好睇gar！hahaha........

P.S. 今日個"嘩！Box"相o係最下面～

Halloween三文治

上個禮拜我提到自己o係低潮期，好多謝好多Blog友留言鼓勵我。我諗個個人都會有開心同5開心嘅時候，雖然我來自火星～之但係o係地球住左咁耐，更有d會比你地同化左gar o勒。

之前米同你地講過，小王子爸爸為左搬嚟Sydney同我地住，轉左份人工少好多嘅工，而且份合約只係得半年gar咋，再過多三日份合約就完o勒～雖然公司話會同小王子爸爸續約，但係就要到一月份約至攪得掂。則係話小王子爸爸有兩個月係會無工做，雖然話會請返你，但係一日未簽約一日都係未落實。因為呢件事，其實我靜靜咁擔心左好耐。

我地而家住緊嘅地方係租嘅，雖然好近學校，但係因為有條溪流經我地個後園，所以我地間屋好潮濕。
濕到點？濕到我d衫好多都發哂moo，袋橙放o係個地下度三日，連袋橙都發埋moo。有日我做糖花，本來朵花乾左，點知有朵5小心跌左落地，第朝我執返起o個陣朵花竟然係軟哂嘅，d牆就更係有moo la～最誇張嘅係連我部iPhone個機背都發左moo。

o拿～以上種種我都可以忍，之但係小王子自從搬左嚟呢間屋度住之後，日日都出風癩 ，呢樣我就真係忍5到o勒～我無話一定關間屋事，but好可能真係因為太潮濕所以小王子至會咁。
原本下個月我地就租約期滿，我同小王子爸爸都打算租過第間屋，就算離學校遠d都無所謂，最緊要5好咁潮濕，希望小王子d風癩會有好轉。
點知小王子爸爸突然無工做，就算公司兩個月後請返小王子爸爸，但係我地都一樣5可以o係呢個時候搵屋。因為o係澳洲租屋要有好多證明，其中一個就更係工作證明la～小王子爸爸呢兩個月無工做.....咁則係失業la～失業無收入你諗都5洗諗會有人肯租屋比過你。
突然間本來嘅計劃全部亂哂，最慘嘅係小王子5知要出風癩出到幾時，一見到佢周身腫哂我真係心都up埋呀。
加上近排有d 5開心嘅事發生，所以我心情突然大受打擎，係咩事？下次至同你地講下～

好na～好na～講返正題先na！
之前應承你地教你地做"嘩！Box"，所以今次"嘩！Box教室"真係教你地做"嘩!Box" o勒。
為左應節嘅關係，所以今次教你地做"Halloween三文治"。希望你地都可以同我一齊做"嘩!Box"。
前幾日我又o係度糊思亂想，又諗到d得意o野，兼做埋reseach～下堂"嘩！Box教室"教你地整下～重可以同小朋友一齊做tim gar bor。

溫馨提示：
1. 雖然我今次教你地做隻肥蝙蝠，但係其實做咩都得嘅，運用自己嘅創意，你隨時都可以將呢隻肥褔變做熊貓、Bear Bear熊......咩都得嘅。
2. 如果你地5用日本Soba面改用意大利粉，因為三文治係乾身嘅，所以條意大利粉到小朋友晏就食o個陣都會重係好硬。所以就算係用意大利粉，都要預覺用幾滴油炸一炸條意大利粉先。
3. 做呢種三文治最好就係用新鮮面包，如果你用隔左好多夜嘅面包嚟整，塊面包要預先放入微波爐度叮軟先。4. 我係用日本或者係韓國嘅沙律醬嘅，因為比突杰身，用嚟痴食材嘅時候會痴得好好多。

朱古力玫瑰花

呢d玫瑰花5係用糖皮做gar，亦都5係用而家新出o個d朱古力糖皮整嘅，呢d玫瑰花係用真正朱古力嚟整gar，雖然呢種做法我識左N年，之但係查實我都係第一次做，所以技術真係有待改進。

人人都有高潮、低潮，我諗我而家係低潮緊，所以連做"嘩!Box"嘅心情都無。無心情我鍾意做d 5洗用腦嘅o野，例如睇下電視，睇電視對我好重要gar，可能你地會覺得好奇怪，但係睇電視係一樣令自己咩都5諗嘅活動，咩o野都可以5諗住，淨係望住部電視就得o勒～所以對我嚟講睇電視係一個令自己減壓嘅方法。

為左可以令自己5諗o野，我5止係齋睇住部電視、追住字幕，我重要連對手都要o係度不停咁做緊一d重覆嘅動作﹣﹣＞                例如做糖皮花同今日呢d朱古力花。
不過後果係......因為不停咁做，但係又無要用嘅地方，於是成屋一盒二盒花擺到周圍都係。

有時諗下覺得人生好無奈，以前o係Melb.讀書、拍拖、結婚同生BB，住左十幾年因為小王子爸爸工作嘅關係，我就抱埋小王子一齊同小王子爸爸搬左去Canberra。又o係  Canberra住左十年，因為小王子讀書嘅關係我同小王子爸爸一齊搬左嚟Sydney。

之但係......走嚟走去都好似無一件事係因為我自己而去做。每個人都有夢想，我由細到大嘅夢想係做一個老師，不過之後結婚、生BB，又因為小王子太叻，攪到我無一分鐘係得閒嘅。
原來～o係我未實現到自己嘅夢想嘅同時，就要為實現另一個人嘅夢想而努力。
如果而家你問我有咩夢想，我可以答你我無！連自己想咩都5知，呢個感覺好恐怖。
好似教會咁，又好似從來都5係我鍾5鍾意而決定留5留低，以前o係Canberra因為小王子要學聽道，我同小王子爸爸就轉左間英文教會，就算我幾5慣都要頂。
到而家o係Sydney，雖然我5慣，但係我見小王子爸爸好投入教會生活，又再一次我5知為乜但係都要留低。

所以雖然我有一個好幸褔嘅家庭，有好錫我嘅小王子爸爸，又有一個好聰明嘅小王子，但係幸褔係要付出嘅。而我就付出左自己嘅夢想同自我o勒～

排骨精盒

而家d女仔真早熟，後生o個時日望夜望想生個女，而家諗返～好彩無生到女啫！

點解我咁講呢？
查實係咁嘅～
自從小王子升呢做左中學duck之後，多功課做就不在話下，兼夾份份功課都要用電腦做，查實再係咁d細路可能5再識點用手寫字gar o勒。因為小王子day day一返嚟就話要用電腦做功課，所以前一排小王子爸爸就買左部新電腦返嚟比小王子專用o勒～

o拿～就咁嘅，小王子爸爸幚小王子set up哂部電腦，兼且整到只要小王子一開部腦，部腦就會自動check email嘅。咁check嘅就更係小王子自己個email account la～前日小王子放學返嚟做功課，一開部腦就大叫........
小王子﹣﹣"wah hahahahahaha........."
小王子自言自語呢單o野神早就5係咩新聞，所以我同小王子爸爸當時都無太大嘅反應。之但係小王子又再大笑........

小王子﹣﹣"wah hahahahahaha........."
我﹣﹣"咩事呀你？"
小王子﹣﹣"wah hahahahahaha........."
我﹣﹣"做咩啫？"
小王子﹣﹣"媽媽！竟然有個女仔send email比我話﹣﹣＞我好愛你呀～你好靚仔呀～我愛你，希望你出年可以再嚟阿根廷la～我拉小提琴gar！"
我﹣﹣"5係哇？"
小王子﹣﹣"hahaha....係呀媽媽！"
我同小王子爸爸﹣﹣"wah hahahaha........"
...................

點解會無nana收到個咁嘅email呢？
有長追開小王子天地嘅Blog友記5記舊年小王子被邀請去阿根廷度開大提琴演奏會？大會重出埋機票連大人o個張都出埋，包埋食宿o個次呢～

重記5記得o個時我提過小王子o係大會宣傳冊同Website裡面張相靚到好似假人一樣呀？呀5係～5係假人，係膠人先至o岩！hahaha.....
所以當時小王子一到步，當地d女仔已經掙住要同小王子影相，有d女仔行埋一邊，細細聲咁話﹣﹣＞
               "真係佢呀～真係佢呀～"
o個時我重同小王子講﹣﹣＞
     "今次死o勒～人地發現你真人5對路，直頭係整容前後咁嘅樣呀！"
點知d女仔竟然走嚟同我講，問我佢地可5可以同小王子一齊影相喎！
我當堂O哂咀～

而呢個o岩o岩send左個email比小王子嘅妹妹仔，其實無見過小王子，佢係睇返大會個Website，見到小王子張膠人相所以即時"愛上"左小王子嘅。

最搞笑嘅係～
佢5單止send左個告白email比小王子，佢重即時登記左o係小王子自己個website度，重要用3同名登記左3次，兼夾小王子o係youtube嘅video佢全部刨哂，subscribe埋兼每個video都like哂。
小王子爸爸話﹣﹣
             "嘩～咩佢咁積極？"
本來我諗住叫小王子回返個email比人嘅，多謝佢愛上自己。之但係我諗下～諗下～
阿妹妹仔咁積極，如果見到小王子回email，容乜易send張裸照過小王子gar，所以都係當睇5到就算o勒～睇嚟呢個妹妹仔真係愛死小王子，5知如果比佢知道小王子平時"著鞋5著襪，個人又好核凸"嘅話，佢會5會傷心到要自殺呢？

P.S.
o岩o岩post呢篇Blog o個陣，又有一個妹妹仔登記o係小王子個Website度，佢個username同email竟然係﹣﹣＞
                    "Ilovejared@...........au"
我真係O哂咀！