丫～烏～包盒

記5記得之前我o係小王子去wild camp o個篇blog度，提過小王子有個超黑人僧嘅同學？無錯！今日我就係要講呢個戍李﹣﹣>燒烤叉！
點解佢叫燒烤叉？
因為佢係阿差﹣﹣"more law 差"o個個差！
呢隻燒烤叉，讀書又5得，做人佢又5得！次次我一諗起佢，就想搵日"僕"佢放學，然後打佢打一身ga o勒～
點解我咁講？
等我係咁意，講兩樣燒烤叉嘅事過你地聽la～重記5記得小王子o個個尊蝦有色人種嘅"技安"同學？講到有色人種，小王子點同燒烤叉比？用嚟燒過烤嘅～點都實黑過我小王子la！but呢隻燒烤叉原來係色盲，因為佢竟然5發覺自己黑蚊蚊，想走去埋"技安"堆，重周圍同人講最僧中國人！最死係連"技安"都5 so佢，重係勁蝦佢ga tim！

有次小王子上美術堂，燒烤叉坐o係小王子對面。一路上堂燒烤叉就一路好似上左身咁，不停o係度講"fxxk"，小王子就叫佢5好再講，燒烤叉實行采你都傻，係咁不停咁講"fxxk"。
小王子就同燒烤叉話﹣﹣
 
"如果你再講，我就同老師講ga na！"
點知說時遲，那時快，o個隻燒烤叉竟然舉手同老師講，話小王子講"F" word！老師聽到佢咁講，就即時過去鬧小王子。好彩其他同學即刻話，5係小王子講，係燒烤叉講。其中一個篤燒烤叉出嚟嘅人，就係燒烤叉自己個死黨o勒～

我同小王子講﹣﹣呢個篤燒烤叉出嚟嘅小朋友，做得過朋友呀！因為佢無因為o個個係自己死黨而包"痺"佢！自從燒烤叉比自己個老友篤左出嚟之後，燒烤叉直頭當佢係仇人！事無大小都嚟搵佢麻煩，重時時當眾羞辱佢呢個老死。攪到佢呢個過氣老死勁5開心，最後呢個小朋友就埋左小王子堆，同小王子一齊玩o勒～

上次小王子去wild camp，好死5死同隻燒烤叉同瞓一個營。走o個日小王子o係度執營，咁小王子就問燒烤叉可5可以幚佢一齊執（其實個營係燒烤叉同小王子兩個瞓嘅～燒烤叉根本就有責任去收營ga la！)點知隻燒烤叉同小王子講要去廁所＜﹣﹣借尿遁呀！but一去就去左20分鐘，本來諗住可以5洗做，點知佢遇著"慢世魔王小王子"廿分鐘都5夠小王子由個營度行出嚟la～小王子見到燒烤叉，又再叫佢一齊收營o勒～點知隻燒烤叉又話﹣﹣
                   
"5得呀！我要換衫！"

兼且佢重走去老師度，同老師講﹣﹣話小王子一 拳打落佢隻眼度喎～我真無懷疑條友係有妄想症ga！佢阿爸係醫生，應該醫下自己個仔la！好彩係人都知佢有妄想症，無人信佢！
無錯！燒烤叉個阿爹又係醫生，你地聽到呢度，應該都估到燒烤叉將來都5會變成到d咩好o野，都係癈物一名嘅多。所以天父錫佢一個醫生爸爸，5係第時佢點攪呀！

所以我時時都同小王子講，叫佢千奇米get close to 呢隻燒烤叉，
因為你5知佢幾時會"扇"你！

上個禮拜，燒烤叉個阿娘竟然打電話比我，想約小王子去佢屋企玩！
嘩～我真係5知點答佢law！又5講得大話～於是我ee ee er er...咁同佢講﹣﹣
小王子o係度做緊功課，等佢做完功課我就問下佢，重要睇下佢學o野個時間表，睇下可5可以去law！總之就係打發佢阿娘la～

之後我問小王子想5想去燒烤叉屋企玩，老實講﹣﹣小王子讀左呢間學校咁耐，係一次都無比人邀請過去人地屋企度玩law！所以我都好難做，心諗～如果個仔真係想去嘅～都要比佢去。點知.........

我﹣﹣"小王子（化名）！你想5想去燒烤叉屋企度玩呀？"
（小王子本來做緊功課，聽到我咁講即刻彈左起身，眼定定咁望實我，對眼重要碌到好大好大，好似受左好大打擎咁。）

小王子﹣﹣"吓！！！點～解～我～要去～燒烤叉屋企度玩呀？"
（講嘅時候重要係口震震～）

我﹣﹣"咁你想5想去ar？燒烤叉個媽媽打電話嚟請你去玩呀！"
小王子﹣﹣"吓？更係5想la～我點會想去燒烤叉屋企度玩喎～"
我﹣﹣"O~k~咁媽媽幚你攪掂佢！"

呢個包係我前日焗嘅～諗住應下節
，所以米焗個"呀嗚～包"
 law！整完我都覺得幾得意呀！hahahaha....

雞漢堡足球盒

慘絕人寰呀～～～～～         小王子又要換琴na～～～～

琴日同小王子去Sydney學琴，老師話小王子大個o勒～要換個大d嘅琴。小王子而家用緊個1／2 size嘅琴，老師家下話要換個3／4 ga喎！

平時o係小王子後面後琴o個個哥哥同佢個阿爹，睇嚟都o急住左小王子好耐。5怪得之次次我地學完琴出嚟，到佢入去學嘅時候，佢都四萬咁嘅口對住我地。我諗佢神咁早就o急到小王子用緊個1／2琴，嘩！
等左咁耐至撞到個水魚喎！

點解我話佢o急住小王子？

因為佢第一時間攞左佢個仔以前用過o個個3／4 琴嚟過我地試law！老謀心呀～

人地阿爹重同我地講，呢個琴係阿邊個邊個好嘅大提琴手用過，又話個琴攞過去邊度邊度估過價。佢話有paper work證明個琴值AU$5000 喎！唓～有鬼用咩！細嘅琴，根本就係有價無市ga la，5係你見到我地都5會咁開心la！
不過老實講﹣﹣個琴又真係好好聲嘅！小王子一拉，就話個琴d聲好，好似佢平時聽o個d出名大提琴手嘅CD裡面o個d琴嘅聲喎。

唉～雖則話可以講價啫～但係點都要幾千蚊，人地至會肯賣ga la！最慘係個琴小王子係5會用多過兩年ga ～因為以小王子呢個年紀，同小王子爸爸6尺2嘅身形，小王子應該頂籠兩年就要換full size嘅琴ga na！
睇嚟.....我寫ebook食譜寫到手軟，都未夠小王子換到個琴呀！

                   今次真係死得na～～～～

所以由而家開始，所有賣ebook食譜嘅錢，將會直接存入"小王子老婆本基金"。而小王子嘅第一筆老婆本，應該會用左o係佢換琴o個度na！

正因為受左咁大嘅打擎，所以連同整"嘩box"嘅心情都直插入谷底。琴晚我焗左好多個動物包，其中一個就係呢個足球包o勒～小王子一見到就話要食呢個足球包。所以今日就用左呢個足球包嚟做三文治同雞漢堡"嘩box" o勒～

Rositta's Wedding Cake

婚禮終於結速o勒～我好鬼眼瞓！

所以休息左一day。

星期日嘅婚禮好成功，無論係Wedding cake o個part，一或係Catering o個part，都完全無出錯。淨係小王子爸爸幚我執溜左幾盒apple pie去啫～所以家下我有成百個apple pie晌屋企，真係5知點死！


星期日個個都食得好開心，主人家覺得自己好有面，猛咁多謝我！攪到我好5好意思～多咩謝呢？我又5係5收錢嘅！老實講～比著以前？真係比錢我都5做ga！but自從生左個大花筒小王子，咩鬼都話要學，攪到我乾塘。唉～果然係人窮志短呀！我而家無哂大志ga na～你地比錢我做餅la！hahaha………
5止淨係整個Wedding cake，連同當日招乎賓客嘅到會，都係我一個人做嘅～真係一個幚手都無！不過要o係呢度特別鳴謝小王子爸爸，雖然佢無幚我煮野，但係小王子爸爸幚我洗左好多碗同執左好多野！

d人見到個結婚蛋糕同咁多野食，全部O哂咀。N咁多人行過嚟同我講野，其實我最怕咁ga na～平時返church，我都係坐o係最近門口嘅位，方便完左可以即刻走～5洗同人打朝乎。我最怕d人行過嚟同我講野，最好就係企o係死角位，等d人見5到我！其實我係個宅女，所以鍾意留o係屋企上網～我5係好like同人講野嘅，o係網度同人講野，5洗見面，o岩哂我呀  ！

呢個Wedding cake係4面睇嘅～咩叫做4面睇？則係你o係邊個方向睇佢，都係正面，都係5同樣！通常Wedding cake淨係得一個正面，轉過小小已經無野睇ga na！我未見過一個Wedding Cake好似我呢個咁～係4面都係正面嚟嘅。本來無諗過咁整，but整整下就變成咁～創作呢樣野好奇怪，通常我整cake都5會諗哂要點整嘅～我只會諗個大慨，到整o個時至一路發揮嘅。好似呢個cake咁，原先無諗過會用咁多花～but越整越多，到最後就蝕水o勒～

P.S.原來淨係可以upload 20張相，Catering食物嘅相要聽日至post na咁！


真係面面都係正面嚟ga！

你地見過切結婚蛋糕未？

夠200人食嘅到會～

ebook食譜之棒棒蛋糕

係na～係na～
米吹la～

你地睇左小王子天地咁耐，應該都睇得出﹣>我！即本人

<﹣嘅中文水平係去到邊ga la。家下要我寫篇"文皺皺"嘅食譜喎！係米要多小小時間先？我都知好多人想學嚟，趁呢個

聖誕節

整嚟威下ga o勒，所以我馬不停蹄咁edit個食譜同d相，終於完工，攪掂哂～

請鼓掌﹣>


＜﹣喂！你做咩5鼓掌呀？個樣重要咁衰？
                                    

信5信我打你la na！

o拿！約法三章先下～AU$1蚊貨仔，

你地米複印 or 將份食譜放上網ar吓！d錢要用嚟幚補下小王子ga，你地5係想小王子無錢開飯哇？

Phillips Airfryer HD9220

記吾記得上個月我病到死死下呢？就o係我死死下o個陣.......我買左隻小飛象！咩啫？邊個話病吾可以買o野ga？
正所謂﹣﹣＞
  Shopping能醫百病ar ma！

o拿！講返隻小飛象先～你地都知道我一嬲都好鍾意食炸o野ga ma係米？OK～OK～我認！5係好鍾意，係最鍾意食炸o野。後生o個時就話怕肥
（其實而家重怕！），到家下老o勒～又話怕膽固醇。唓～咁點呀？咁米則係成世都5食得？直至市面上出現左佢﹣﹣＞
 熱空氣炸機（Airfryer）

吾知無咩o野嘅blog友請o急一o急個video先～


o拿！市面上得兩個牌子有呢種Airfryer機啫～除左Phillips，重有Tefal 。Tefal 係法國牌子，佢係最先出Airfryer嘅～前幾年佢一出， 澳洲都未有得賣o個時，我已經o急到呢部o野實，做哂Research......，到後嚟澳洲終於有得賣o勒～但係到最後.....我都係無買到呢部。點解？因為我覺得佢5好，佢部機其實有d似炒o野咁....總之經我Research之後就係覺得5好la。
一直到舊年年尾，Phillips出左呢部 Airfryer HD9220，初初我覺得呢部機太大部，個樣又5夠Tefal o個部靚仔，所以都無話鎖定要買佢。到今年我的起心肝做呢部機嘅Research，到最後我覺得係買得過嘅～而最重要嘅係小飛象可以放入洗碗機度洗ar ma～所以就算係病到死死下，都要買佢返嚟。諗住可以沖喜下都吾定ma～hahahaha......


我知道吾用油嚟炸o野，聽起上嚟好似"免強d喎～" 。但係偏偏呢個又係每個人心裡面最想得到嘅o野，無嘅～不勞而鑊邊個吾想先？所以當我一post小飛象張相上face book，即刻幾十人留言問好吾好用，其實就人人都想買，但係就人人都吾敢吾買，驚5掂ar ma～


老實講，我"領養"小飛象之前，一早就認清用佢炸出嚟嘅o野，一定吾會靚得過同好食得過用真油炸嘅o野，心諗小飛象個盒面o個碟薯條肯定係用油炸出嚟，而吾係用小飛象炸ga law！


小王子爸爸 最 最 最怕就係我買d大件嘅o野返屋企，而呢部用嚟"沖喜"嘅小飛象確實係用好似隻象咁大嘅。但係小王子爸爸見我而家因為要儲錢搬去Sydney好少買o野，再加上小飛象係用嚟沖喜嘅～所以當佢放工返嚟見到真象咁大隻嘅小飛象，淨係用佢（小飛象）say左個Hi 啫～

 我第一樣用小飛象嚟炸嘅係薯條，係用新鮮薯仔切條嚟炸嘅～可能你地會覺得炸出嚟個樣好黑，但係我要話你地知，用新鮮薯仔切條炸出嚟嘅薯條，就算係用真油嚟炸，炸到出嚟d薯條個樣都係偏黑嘅，所以係吾關小飛象事！(d薯條炸前我有放小小油落去d薯條度撈一撈佢）

 
                                   炸新鮮薯條


第二樣用小飛象嚟炸嘅係雪藏炸魚，嘩！簡直係快、靚、正呀～
通常o係Super買返嚟嘅雪藏炸品，用焗爐番熱要好耐，又要反嚟反去兼且個底係焗極都淋，一係就焗到太乾。

                                     炸雪藏魚柳


用小飛象嚟炸雪藏食物，番熱嘅時間係用焗爐嘅4份之一，5洗反，重要包脆包香口。炸蠔我用左4分鐘倒～炸雞亦就10分鐘倒～炸雞肶都係十鬆d分鐘咋！平時用焗爐焗點得呀？小飛象個盒面o個碟薯條，應該係用雪藏薯條炸出嚟ga law，用佢嚟炸雪藏薯條真係可以炸到咁嘅樣gar！


之後我炸過五花肉、雞肶、雞亦、蠔、新鮮魚柳  、魷魚。因為小飛象可以用極速將食物煮熟，所以當食物炸到熟嘅時候，外面脆而裡面重係 嫩滑兼有肉汁嘅～好似我炸雞肶同雞亦咁，食o個時重好Juicy gar！

                                        炸雞亦



                       炸魷魚、炸新鮮魚柳



                                         炸生蠔
小王子爸爸一路食d炸雞亦就一路話﹣﹣＞
"有無攪錯呀？咁好食都有嘅？"
我同小王子爸爸講﹣﹣>
"買呢部機，係繼我十幾年前決定嫁比你之後，第二個做得最o岩嘅決定呀！"
小王子爸爸﹣﹣"hahahaha....."
好o勒！小飛象嘅分式如下～
憂點：
＊免油或用少量油炸食物
＊快速將食物煮熟，可以保留肉汁
＊可以放入洗碗碟機清洗
＊炸完多出嚟嘅油份重可會o係個底度格左出嚟，呢點Tefal係做5到嘅

缺點：
＊5可以炸用coat炸漿嘅食物
＊5用洗碗碟機洗會有d難洗
＊外穀太大，內籠太細，一次5可以炸太多食物，不過勝在炸得快，可以炸第機

溫馨提示：
如果怕會d食物炸完會痴住個網，可以係炸前噴or掃小小油o係個網度先。

P.S.

咁煮o野點都係要講d廚藝ga下～所以如果你領養左隻小飛象返屋企，但係又整吾到好似我咁就吾關我事ga～
 嚴禁尋仇