負電拍拍與正電拍拍盒

越嚟越覺得，能夠每日為小王子準備"嘩box"係一種幸褔。好驚5知o係幾時會力不從心地不能再為佢準備！

琴
日無"嘩box"，因為我病左！如果你一路都有睇開我個blog,應該會發現我時時都話好眼瞓! 因為我有一種怪病﹣﹣Nacolepsy.
呢種病令我一日24小時都覺得眼瞓，就算係拃車停紅燈，我都會瞓著。呢個病令我5可以好似正常人咁生活，除左體力5夠之外，連拃車都會有危險，所以我好少
出街，如果5係必要（好似要接小王子放學或者學野），我都會留o係屋企度上網！除左要食藥之外，醫生同我講，有呢種病，可能會突然間4支無哂知覺，連o野
都講5到。我同佢講，我未試過咁！

星期日我經歷左第一次病發，o係教會聚會嘅時候，突然間呼吸困難，4支完全郁5到。我情緒突然失控，o係聚會嘅時候突然大喊！小王子爸爸將我成個抱起去嬰兒房。全教會嘅人都以為我係情緒病發，我o係度程清﹣﹣我無痴線！我係Nacolepsy病發啫！

星期日晚本來想整蛋皮公仔，但係整 整下真係支持5住。所以琴日朝我同小王子講，媽媽5舒服，你今日買Lunch order la! 

我希望可以一直為小王子做"嘩box"，一直到小王子話"媽媽！我大個仔na~~5洗再整"嘩box" 比我ga na!" 為止！呢個係媽媽一個小小嘅心願！

小王子話負電拍拍同正電拍拍係孖生嘅，所以一整就要整哂佢地o勒！