呢兩日收到你地好多留言叫我add你地～真係充心感激你地嘅支持。
雖然道歉啟示已經出左，但係佢好快就自己delete番，我5知可5可以當真。而且我知道Rocky個妹已經入左嚟做我blog友，我5知邊個係，但係估到邊一兩個可能會係佢。所以太多嘅野，我5可以O係度講～我淨係知道癲婆比人拉左！所以到佢一放出嚟就會再發癲，5會咁易放過我！
前日出事嘅時候，我情緒失控咁濟。成身震到連字都打5到！因為我成世人都未遇過咁嘅事，更加從來未比人咁鬧過。小王子爸爸返到屋企，我同佢講o個個癲婆o係我個Blog度留言。小王子爸爸一句聲都無出，無問我野，淨係成晚o係書房度，幚我search點先可以block左個癲婆。佢攪到半夜，佢同我講佢知道可以點o勒～所以我個Blog遲d會搬，到時可能無而家咁方便，你地對我嘅信任同支持，對我真係好重要，希望到時可以o係o個度再見到你地。不過個癲婆就一定嚟5到攪事！但係為左保護小王子，以後我都5會post小王子d相，以前o個d我都已經全部收埋哂。
我5係o個d成日將個情呀～愛呀～放o係口邊嘅人，但係我知小王子爸爸為我做左好多野。連續兩日小王子爸爸都不停咁幚我整個新Blog, 我真係好感激佢。所以你地應該知道我同小王子爸爸感情有幾好，佢有幾信任我。我有咩可能會“越洋勾佬”至得gar？唉～
雖然重有小王子廚房，o個個癲婆可以去留言。但係我發覺呢個癲婆癲5哂，佢將所有粗口同講難聽嘅說話，全部用哂私人回應，到佢講大話扮可憐o個d就用公開回應。所以佢未必敢o係小王子廚房度留言。
所以Blog友們，充心多謝你地對我嘅信任。呢個先至係我一路寫Blog以嚟，對我最最最大嘅禮物。原來～呢一年來5係得我一個傻婆o係度自講自說自笑，係有回應嘅～即使你地平時無留言，但係真係明白我，了解我係一個咩人。多謝哂～
沒有留言:
發佈留言