真係激到我發癲呀！本來一早就打完篇Blog ga na，點知post o個陣click錯制，成篇無哂！所以攪到咁晏至post到law！
上個禮拜我米5見左個iphone嘅～星期六o個日，小王子爸爸同小王子去Sydney學琴o個時，買返部新嘅 iphone比我呀！重要係iphone 4喎～hahaha....好開心呀！
多謝小王子爸爸！
小王子由細到大，我都同佢講廣東話嘅～以前未結婚o個陣，每次我去到人地屋企，如果佢地都係講中文，而佢地嘅小朋友又5識講中文ga呢～我就硬係覺得佢地5似一家人，硬係格格不入咁嘅。所以當我生左小王子之後，我就立志要同小王子講廣東話，不過o係小王子好細個嘅時候，每次小王子爸爸放工返嚟，都一定一輪咀咁同小王子講英文嘅。我次次都話﹣﹣
"做咩要同佢講英文呀？"
咁小王子爸爸又更係答﹣﹣
"Sorry！慣左口，5記得左！"
有好多小朋友，因為5肯講講己嘅母語，到最後變左完全5識得講，淨係識聽。就好似我睇台劇咁，我聽得哂ga， but你叫我講國語咩？我米EE er er咁law！呢度有好多小朋友，用英文嘅方法嚟講中文，則係點？則係將所有字都連埋一齊講law！我時時都認為，如果父母5係由細o係外國長大，受外國嘅教育，英文已經好似係佢自己嘅母語一樣。就千奇5好由細到大同個小朋友用英文嚟溝通，因為英文同中文係好5同，中文講o野係無尾音嘅，而英文呢～就好著重尾音ga喎！而呢d由細到大o係屋企用開 "Chinglish" 嚟溝通嘅小朋友，佢地講英文o個時嘅語氣就會變得好粗老、好無禮貌咁ga na
～所以以前有個鬼婆，佢聽到我同小王子講中文，佢以為我鬧緊小王子呀！
其實情形就好似我地聽到人講越南話，我地都覺得佢地講o野好似好粗老咁ga，係米？（不過，呢個只係我自己嘅意見啫～無跟據、5係秘及！）
重有一種人係勁攪笑嘅～就係o個d回流左返HK，一直o係HK度生活，但係佢地嘅小朋友竟然係5識講中文！！！！！我好多時o係教會見到呢種人返嚟旅行，佢地嘅小朋友，5識聽，又5識講中文。
其實如果你5諗住返嚟長住，個小朋友5識中文，第時佢點o係HK度生活呢
？佢究竟要點樣將自己定位呢？又未o係外國度生活過，但係就連中文都講5掂～咁......究竟呢個小朋友要界定自己係中國人定係外國人呢？
小王子講廣東話好流利ga！我最配服係小王子從來都5覺得講中文係一件羞恥嘅事，每次我去接小王子放學，只要小王子一見到我，5理身邊有無其他同學，小王子都會同我講中文嘅～反而係如果我見小王子有同學o係則邊，我都會同佢講英文，因為我5想令小王子尷尬ma～不過小王子就一於好少理
，5理有咩人o係隔離，總之一見到我就會同我講中文。不過小王子嘅中文又5夠佢睇廣東話嘅卡通bor～所以中文嘅電視，小王子係睇5明ga，但係普通應對呢～就完全No Problem！
o係小王子bb嘅時候，我已經打算佢第時要讀而家呢間學校ga o勒～我知道呢間學校係一定要interview至入得嘅。呢度interview5會問屋企搾咩車嘅
，haha......係淨考個細路ga啫！又因為我一直都係同小王子講中文，我怕第時學校interview嘅時候，小王子會5知人問佢咩。所以o係小王子兩歲半o個時，我一個禮拜帶小王子去兩日Child Care Center，等佢可以學下聽英文
。小王子三歲至識講o野，所以o個時三歲半去學校interview，其實小王子係o岩o岩識講o野無耐ga咋～成個interview差5多兩個鐘，全部都係考小王子嘅，多o野考到我都驚。我記得其中一題，個校長指住張圖畫（其實張圖畫係一隻手錶！）
校長問小王子﹣﹣"What is this?"
小王子竟然答﹣﹣"Oh！This is a 錶！"
校長當然5知小王子講乜，因為我同小王子爸爸都打左個凸至識反應！hahaha....
個校長問我地笑咩？我話佢講得o岩ga，but用左我地d話啫！呢樣o野我地叫錶ga！hahaha...
PS. 親愛嘅Blog友們，我已經寫緊第二個ebook食譜o勒～希望可以快d同你地見面la～
沒有留言:
發佈留言