琴日小王子學校攪運動會，所以無"嘩box"！
不過今日有個好消息要同你地分享，就係........
小王子考到o係雪梨嘅中學個獎學金na～
呢單o野你地都聽我講得耐la～而家真係考到na！好興奮呀！！！！！呢個獎學金係包括小王子6年中學嘅一半學費，同埋o係校外學Cello嘅100%學費，成十幾萬AU$ ga～如果小王子考5到，小王子爸爸就會好重負担，亦都會好大壓力兼好辛苦，因為o係雪梨嘅私校學費真係好貴ga，5係一般人負担得起，咁o岩～
我同小王子爸爸就係"一般人"嚟ga law！
記5記得前日我話上個星期4去左間School度Interview？就係呢間law！我都估到呢兩日會有信通知ga o勒～所以由前日開始，我就不停咁去check個信箱，一步步行去個信箱度，個心就係咁跳！琴日朝我攞住封信，個心肝仔真係跳左出嚟咁濟，心諗.....
"好5好打開呢？"
"會5會考5到呢？"
"好5好等小王子爸爸返嚟拆呢？"
"咿？封信咁厚嘅？5知用燈照5照到裡面呢可？"＜﹣﹣o拿！o拿！o拿！我一諗完呢句都覺得自己有d白痴ga！用燈照？我5係咁都諗得出哇？話哂我都係現代美少女喎～點可以諗出d咁阿婆嘅o野ga！"
所以
我5理三七二十一，即刻拆封信嚟睇！睇到話小王子考到，我真係即刻想喊！！！我打電話話比小王子爸爸聽，小王子爸爸一聽到話小王子考到，即刻嘆左一聲，係鬆左一口氣嘅嘆聲。原來我地全家都係為小王子而活，小王子5開心，我同小王子爸爸都5開心，小王子快樂，我同小王子爸爸比佢快樂一萬倍！好神奇呀～
我知～我知～你地5係個個都信有上帝嘅！但係天父嘅安排，又真係奇妙到你5信5得law，點解我咁講？因為一路我同小王子爸爸都係諗住，如果小王子考到獎學金我就同小王子即刻搬去Sydney，而小王子爸爸呢～就要一個人留o係Canberra，因為小王子爸爸係個I.T. Consultant ，而佢做緊嘅技術呢～係好少地方會用嘅，Sydney就更加無公司係用呢樣o野。所以我地係由此至終都諗住要分開生活，我同小王子就搬去Sydney，而小王子爸爸呢～就只有weekend至可以上嚟見我地。
老實講～上次我同小王子o個單"Adelaide 冒險之旅"你地都睇過ga la，你地認為無左小王子爸爸o係我身邊，我掂5掂先？不過我都無諗咁多，總之個仔考到就走，咩都到時至算ga o勒！
點知......
小王子爸爸有個舊同事o係第個department 度升左職，（小王子爸爸係Contractor，係無得升職ga，總之人工就係續個鐘計，無病假、無假期嘅！）小王子爸爸呢個舊同事好鍾意食我整d cake ga，時時都幚我訂嘅～佢同小王子爸爸講，如果小王子爸爸調過去佢個部門，佢可以試下幚小王子爸爸攪比小王子爸爸o係Sydney度返工 ，但係就做佢地部門嘅o野，不過就5再係 Contractor law！就係因為小王子爸爸係 Contractor，人工係續個鐘計，雖然人工係高，但係就無左好多家庭生活，你諗下o勒～
手停口停喎！！真係病住都死返工la～係米先？
天父奇妙安排，知道小王子爸爸如果要轉工，人工就會少好多，所以安排獎學金比小王子。連無可能嘅事（Sydney根本無小王子爸爸嘅工！），天父都將佢變成有可能！天父咁睇我地一家，我真係5知點報答佢呀！！！！！！！！！真係衷心感謝～
沒有留言:
發佈留言