親愛嘅Blog友們，我要再一次o係呢度澄清.......
都話左我係住o係澳洲度gar洛～o係HK嘅Blog友5洗再留言問我接5接order na。
o係HK嘅Blog友又想搵人做蛋糕嘅，可以搵我個老友華仔整，佢都整得好靚gar～佢條link o係呢度﹣﹣＞
http://www.facebook.com/pages/mini-Kup/125844797442686
BUT 撻我個朵佢都5見得會比個知己價過你ga 喎！hahahaha......
上個月"聚寶盤"搞左個春季遊藝會，食嘅、玩嘅、睇嘅、表演嘅兼連機動遊戲都有，咩 碰碰車呀～攀石機呀～跳樓機、海盜船....應有盡有～咁我就更係超盡責咁照落好多相過你地睇la！o拿～今日Post上Blog na。其實呢類遊藝會間間學校都有搞，全部都係o係自已校園度舉行，有米嘅學校就搞大型遊藝會，5行缺水o個d學校就搞微型遊藝會law！逢親School Fete學校家長一定全體總動員，搞攤位、搞義賣、總之就各出其謀幕求為自己學校搶錢。咩話？我有無幚手？hahahaha......我呢d Potato，呢o係咁大間薯仔倉入面，就更係搏哂大霧咁5覺5覺就咁就.........算～gar la！
咩啫？咩喎？咁我呢dC9仔，又無尊長，淨係識煮兩餐就米出去獻世la ma～你地話係米先？"聚寶盤"人強馬壯，全校成二千幾個學生，咩勁人都有la～洗鬼我咩！
所以o個日我淨係付責去玩同影相啫！hahaha.....你地話係米爽先？
不過我真係配服"聚寶盤"d家長gar！佢地真係有諗頭gar喎～點解我咁講？因為"聚寶盤"春節遊藝會o個日有幾百個攤位，其中有d真係出位都暴gar！
好似有個攤位就搞左檔兒童雞尾酒，靚靚嘅雞尾酒膠杯加埋d五顏六色嘅果汁溝汽水，重要插埋把傘仔tim！嘩～幾咁正呀，真係成杯雞尾酒咁gar，現場好多細路都一人揸返一杯，都不知幾咁爽。
重有檔賣二手書嘅，因為小王子係書蟲嘅關係，平時一有二手書開倉我都會帶小王子去掃場嘅，之但係o個d二手書真係又殘又舊，次次買到返嚟我都要用滴露抺過至比小王子睇嘅。
但係"聚寶盤"呢檔二手書，查實用二手書嚟形容佢我個人覺得係有d侮辱佢，因為佢地d書重新過出面書局賣o個d，有d重成套成套新嘅一樣咁擺o係度賣，全部"二手書"都係由學校家長捐出嚟嘅，所以係無本生利。至於個賣法更加係奇趣，就係無論咩書都好一律"兩蚊一寸"。
咩叫做"兩蚊一寸"？好似小王子買左5本書，收錢o個個人就成棟書放o係台度，然後再棟把鐵尺o係隔離，成棟書5寸高就收10蚊law！兩蚊一寸ar ma，嘩～d書新到咁賣兩蚊一寸，我打算出年推架手推車去掃！hahaha.....
不過......最 最 最出位，又最 最 最頂癮嘅5係呢檔"兒童雞尾酒"，而係o個檔"受傷打石膏"呀！
話說我陪小王子去遊藝會度玩，咁小王子就更係住玩機動遊戲la～咁我呢d陪太子讀書嘅就周圍"頭鱷鱷"o勒～
但係5知點解......
咿？點解咁多人整親隻手嘅？心諗.....
"唉～d鬼真係百厭gar！一年都5知整斷幾多次手腳～"點知我行下～行下～
竟然見到檔尊幚人打石膏嘅檔口，同場排隊嘅父母不停咁猛問自己個小朋友﹣﹣＞
"傷手指一或修手臂？"
吓？5係哇？原來有檔o野玩打石膏呀？
呢檔"受傷打石膏"不停咁有好多人排隊，我眼見就係全場最好生意嘅一檔，o係度打石膏重可以揀打粉紅色定打粉藍色嘅石膏。
沒有留言:
發佈留言