心口針曲奇

近排short左，計"我要買珠寶曲奇"之後，因為長時間無人送珠寶比我，再加上小王子送左條5蚊嘅"鑲滿哂鑽石嘅珍珠手鍊"比我做母親節禮物，所以痴左～終日係咁整d珠光寶器曲奇餅。

查實我覺得自己眼光幾好gar！

點至叫靚點為之5靚我真係睇第一眼就有哂feel gar，所以你睇我整d蛋糕都靚靚地gar ma係米？

不過......
點解.......
小王子佢.......

呢樣野一dd都5似我gar 呢？
小王子爸爸就更加.........



唉～
唉唉～

話說上個月我同小王子由英國返嚟o個時o係香港度留左6日，我就因為新書宣傳忙到甩轆...呀5係～
5只甩轆，係四肢都甩哂至o岩。

所以小王子爸爸都返左HK，因為o個幾日我真係無時間揍小王子。小王子今年高左好多，好多衫褲都5 o岩著，但係因為我要做o野，所以一早就交帶定小王子爸爸帶小王子去買衫買鞋。我世估5到佢地兩仔爺竟然會玩"親親父子你揀我5揀"呢個本世紀最令人慘不忍道嘅遊戲。幾日過去........
有朝我起身見到小王子爸爸換哂衫出門口....
一抬頭望過去....嘩～個心真係離一離！心諗.......
“嘩！低B藍？”

我﹣﹣“嘩！你咩事呀？買件咁嘅色嘅T-shirt嘅？”
小王子爸爸﹣﹣“騎騎～個仔幚我揀gar！”
我﹣﹣“吓？5係哇？”
小王子爸爸﹣﹣“係呀！我叫個仔同我揀，我就同個仔揀ar ma～”
我O咀-ing～

當我咀都未O 完之濟小王子就行出嚟o勒......
我一望小王子.......

我﹣﹣“嘩！你又咩事呀？”

小王子爸爸﹣﹣“係呀！件T-shirt佢自己揀gar。”

小王子﹣﹣“係呀媽媽！靚5靚呀？”

我﹣﹣“吓？er........則係咁～如果係我就一定5會買law！”

小王子﹣﹣“點解呀媽媽？5靚咩？”

我﹣﹣“er..................”

終於o個晚我做完宣傳....
我同小王子爸爸講.......

“老老實實o勒～究竟你地兩個買左d咩衫？”

於是小王子爸爸就攞d衫出嚟比我睇o勒......
我一望.......

“嘩！香蕉黃？5係哇？"

小王子爸爸﹣﹣“5靚咩？個仔都有一件gar！”

我﹣﹣“吓？個仔都有件同你呢件一樣嘅香蕉黃？”

小王子爸爸﹣﹣“係呀！”

我﹣﹣“兩件一模一樣？”

小王子爸爸﹣﹣“係呀！我覺得幾靚丫～”

我﹣﹣“得！聽日你地5好再買衫o勒～等我後日做完野同你地去買。”