小王子媽媽@書展

好多謝你地嚟書展見我～

真係好多謝你地～
其實小王子媽媽只係一個平凡到不得了嘅普通C9仔，同其它好多C9仔一樣日日過住煮飯揍仔嘅生活，好多謝你地令我發現自己嘅不平凡，又好多謝你地對我嘅支持，我答應你地會繼續創作更多令人嘩嘩聲嘅蛋糕裝飾，令你地一樣可以o係屋企人同朋友面前成為"不平凡"嘅人。

喺書展度有Blog友送我軟糖，又有Blog友送我飲品，雖然只係一d再普通不過嘅o野，但係我好感動，真係好多謝你地知道我講到口都乾，又記得我可能口淡淡想食粒糖。我收到嘅又點只係一筒糖同飲品咁間單呢？你地嘅心意我收到哂，超 超 超 感動！
BUT
5代表o個廿萬無數喎～最多比你地扣數下～hahahaha.......

其實我都係喺書展度第一次正式見到我自己本書，睇到實物之後～老實講有N咁多樣o野需要改進。但係第一次出書查實我自己係完全無經驗嘅，邊d野應該堅持，咩o野應該要其實我一dd慨念都無。
唯一一樣我可以確定嘅係，書裡面每一個字都係我嘅心血，係我對你地一直咁支持我而作嘅回應，係我送比你地嘅禮物。有買到書嘅Blog友應該知道呢本書同HK市面其他食譜好5同～
第一. 書厚到嘔
第二. 圖多到爆
第三. 中英對照，但係英文part詳細到你5信
第四. 好多字

親愛嘅Blog友們！
你地一嬲都知我教親你地o野都5會淨係教做法gar la，次次我都會囉囉saw saw咁同你地講解每個程序嘅原因同埋道理，要知道點解至知道點解會錯？o係邊度出錯？如果連點解都5知咁點去改呢？

所以我本書比其他食譜多好多字﹣﹣千奇米浪費我嘅苦心，要刨哂佢呀！因為做蛋糕裝飾師5係做餅咁間單，要比做餅師識更多嘅o野，咩o野要點用同o係咩情況用，而咩o野5可以同咩一齊嚟用，真係5係淨係雞蛋撈牛油再撈麵粉咁間單gar。一個再好食嘅蛋糕到最後都要靠華麗嘅外表嘅。

而蛋糕裝飾其實係源於外國嘅，所以好多材料都要以英文名為準，呢個就係點解我本書嘅英文part會詳細得咁緊要嘅原因。
裝飾過程有時會好覆習，要令你地睇圖就學得識～呢個就係點解我本書會咁厚、咁多圖又咁多字嘅原因o勒。
米好似睇其他食譜咁嚟睇呀，學5到o野gar，o個d字至係重點呀！！！
Well～雖然我本書以蛋糕裝飾為主，但係有食譜gar！裡面個cupcake食譜好正gar，你真係要試下，重有超少甜cake pops食譜、雪芳蛋糕食譜同芝士蛋糕食譜，o拿～我都話好食嘅食譜應該都無走雞gar na，信我la！
P.S小王子媽媽星期一重会去書展教做朱古力玫瑰花,如果你想學,又或者想同我吹下水嘅話就今晚6:00-7:30喺書展見na.