星級免焗蛋糕

我諗o係呢個世界上面無人會懶得過我，因為我個腦時時都諗住d懶蟲o野，付出小小收鑊大大。
好似今日"嘩！Box教室"咁......


邊個話一定要識焗o野至可以做蛋糕gar？
邊個話一定要o係酒店度至買到高級蛋糕gar？

計我話個個媽媽都可以做蛋糕，個個媽媽都一樣做到酒店look嘅cake。走下後門啫～邊個話5準gar？
小王子媽媽今日就教你做懶到出汁又靚到出汗 嘅懶人免焗蛋糕。姊妹們你地準備好未呀？
今堂係深造班，懶媽媽們5該煲返之前"珠寶曲奇"、"免焗蛋糕－糖皮裝飾法"、"情人節朱古力牌" o個三堂"嘩！Box教室"呀。
Video o係相下面，碌落d la～


講返小王子先～

有追開小王子天地嘅blog友實知道，小王子由細到大講o野都一舊舊。總之就係個腦諗一半又用個口講另一半，再用個心將兩半合返埋，一句講哂－－＞

                得佢一個人知道講乜！

好似講電話咁，對小王子嚟講真係重慘過叫佢去担泥。查實次次小王子打電話比我，我真係5知佢up 乜，總之就係咿咿哦哦 咁硬係5到point（呢樣o野就真係十足小王子爸爸）。

我都精gar na,次次同親小王子講電話，5理佢講咩我都會重覆講一次比佢聽，由其係佢打返嚟話5記得帶o野叫我攞去，都聽5明佢講咩點攞去啫？

次次叫小王子打比同學真係要用刀行住佢，好似前兩日小王子同"縮骨仔"一齊做group project。縮骨仔明明誓神劈願話星期六會email佢做o個part比小王子做，但係就更係無左影la。終於o個晚我叫小王子打電話比"縮骨仔"，我教定小王子講......

我－－"o拿~個電話係阿縮骨爸嘅，你聽電話o個陣記得話Hello Mr.縮，我係縮骨仔個同學小王子，5該叫阿縮骨仔聽電話丫。"

點知.......
小王子－－ "喂，我係小王子，小王子呀~我想同縮骨仔講，er.....係呀縮骨仔呀~我地做group project ，我係縮骨仔o係"聚寶盤"嘅同學。"

電話接通左，我見小王子氣都無透一輪咀咁o係度講，我重以為係電話留言tim，點知原來佢係同阿縮骨爸講緊電話，人地鬼知你小王子係乜水咩？真係比佢吹脹，一味自己一輪咀咁講，重攪到阿Mr.縮連個插咀位都無。
收線之後......


我－－"嘩！你有無攪錯呀？打個電話你洗5洗咁緊張呀？"
小王子重要死撐－－ "無...無呀，我無緊張呀！"
我－－ "無？你緊張到手都震埋，5知重以為你打緊電話比外父tim呀。"
小王子－－ "咩係外父呀？"

我心－－＞  > £¥¢([)¢¢¥¢£)°]#•¢£(¥

但係原來呢個世界小王子咁嘅人係多得很，話說o岩o岩過左個weekend小王子參加左電台面試 拉大提琴，贏左就會通知你去電台度綠音。
琴晚小王子爸爸個手提電話突然晌，我見小至子爸爸5 o係度，所以就接嚟聽.......

我－－" Hello～"
豬地－－"........."
我－－"吓？"
豬地－－"豬地。"
我－－"豬地？"
豬地－－"er.....係呀豬地。"
我－－"我諗你打錯電話na。"
豬地－－"小王子"
我－－"吓？小王子？"
豬地－－"係呀～小王子，你係米小王子媽媽？"
我－－"係呀。"
豬地－－"小王子呀5該。"
我－－" er......請問你邊位搵小王子呀？"
豬地－－" 豬地。"

聽到佢咁應我，我心真係媽媽聲－－＞ *^$&%$&%*

小姐～我個仔讀男校gar wor，你"豬地"搵佢想我點反應先？
好無夽咁我將個電話遞比小王子.......


我－－"豬地搵你呀～"
嚇死小王子－－"吓！！！"
我－－"邊個係豬地呀？"
小王子－－" 5知呀～"
..............
........
......

原來係電台打嚟話揀左小王子去電台綠音。
真係比阿"豬地" 吹到脹一脹呀！
我同小王子爸爸講－－＞
"喂你快d教下個仔點同人講電話呀，5係第日佢變左阿豬地咁就真係死得na。"