青玫瑰糖皮蛋糕

終於返到嚟屋企o勒～
呢個假期我同小王子、小王子爸爸去左香港同韓國，又o係香港開過班。雖然短短15日，但係過得係極之咁充實.........


你地又估我o係韓國度買咩最多呢？
化妝品？ 
非也～
泡菜？
亦非也～

係小王子嘅衫呀！！！

小王子大個左，無左Baby fat，淨低個窄到飛起嘅 A字大斜博。重遺傳左我嘅高腰同小王子爸爸嘅腳長，最後就成為上身超短嘅，但係對腳又超長兼有A字大斜博，條腰重係超超超幼嘅........
                    "正宗外星人"

就係因為小王子生得高所以神早經已 5可以o係童裝部度買衫，之但係次次我帶佢去成人部嘅時候？d Sales一見到小王子個博頭，試都5比佢試就叫佢"過主"，話佢地呢度無衫o岩佢，連細碼個博頭佢都著5落，叫我地帶小王子去第間shop度試下。

買褲就重慘，對腳咁長買5到中童，買大人咩？小王子條腰又幼到加細碼褲著左都可以成條跌叔落嚟。

呢單o野真係節磨左我好鬼耐，所以非不必要我都5會o係澳洲度買衫比小王子嘅 。

之但係.........
呢個博窄、腳長、腰又幼嘅外星人身形，正正米就係都教授嘅身形law！

你睇下韓劇裡面d韓仔？5係個個都成"條"人咁至得gar？
所以去到韓國，我同小王子去行街買衫，o個d老細見到小王子都雙眼發光咁，笑哂口咁猛攞d衫比小王子試。
之但係如果小王子爸爸一問.......
                        "有無我嘅size呀？"

d老板真係即時無你咁好氣兼洒哂手另唒頭咁話.......
                       "無呀～無呀～無呀～"

更係la～小王子爸爸成坐阿爾卑斯山咁，有咩可能韓國有人咁嘅size至得gar？？？

就係咁我帶個空o急去，成o急放滿小王子衫咁返嚟。

最吹賬係小王子一著起d韓仔衫，個博頭同條腰竟然o岩身到好似度身訂做咁。真係5到你5信呀！！！！！！！