o係Sydney嘅Blog友，記得睇下今晚5點Channel Tan News，你會見到小王子爸爸gar～最好就錄左放上youtube比我睇la，因為我屋企係收5到任何電視台嘅～所以我今晚我係睇5到gar law！hahaha....
我認自己其實好幸運！雖然我無咩名牌手袋同鑽石介指，但係至少我有個好愛我嘅小王子爸爸，而o係呢16年裡面小王子爸爸從來都無要我捱過一日肚餓。我又真係好幸運！雖然要為小王子犧牲好多，但係至少我有個真係好聰明嘅小王子。
我又知道o係呢個世界上面，其實5係個個都有呢一份嘅幸運。今日我要同你地講一個關於折翼天使振翅高飛嘅故事，而呢個無翅膀嘅天使係我一個既不幸又幸運嘅朋友﹣﹣"華仔"！
我查實係個宅女，可以幾個禮拜都5出屋企門口嘅，所以我5係好識面對面同人溝通。同我熟嘅朋友一定係識左我好多年，因為我咁嘅性格其實5係好識到新朋友嘅。但係因為Face Book嘅關係，我遇見返好多中學嘅舊同學，連5係同我一界嘅校友都遇到，重做埋好朋友tim！
"華仔"係其中一個我o係face book度重新相遇嘅舊同學，5好誤會～我中學係讀女校gar，雖然佢叫"華仔"，查實佢5係男仔嚟gar！係就係5夠我靚law～hahaha.....
"華仔"淨係中一同我同過班，之後就無再同佢同過班o勒～雖然只係同過一年班，不過我就好記得佢，由其係佢o個把沙沙地嘅聲呀，女仔好少把聲咁沙gar ma。
我相信對任何一個女人嚟講，經過婚姻失敗嘅洗禮，當中一定流過數5盡嘅眼淚，渡過無數個合不上眼嘅晚上。不過遺憾地我未能o係"華仔"最難過嘅時候為佢分擔。因為再次"相遇"華仔嘅時候，"華仔"已經係一個單親媽媽，一個人帶住個女，爸爸又係佢、媽媽又係佢，重要一邊做o野，一邊揍女。老實講～o係呢個世界上面5係有好多人我配服gar啫，而"華仔"係其中一個我配服嘅人。如果係我無左小王子爸爸o係身邊，得我一個同小王子，我諗我一定5會有"華仔"o個種泊力。
千奇5好睇小女人，因為女人嘅心胸雖然好狹窄，但係o係佢地心胸後面嘅宇宙係一d都5細嘅！幸運嘅女人會遇上睇到佢地心胸後面宇宙嘅男人，之不過5係每個女人都有呢一份嘅幸運。"華仔"有份正職gar，er......會計掛？其實我都5係好清楚，erm......文識o個d野law～"華仔"同我有一個共通點，就係一樣好鍾意煮o野食。所以我同佢好鬼死多o野講，有時講下有d咩新整cake野出左呀～有時又會講下邊本食譜好。我諗～我同"華仔"兩個都o係對方度學到好多o野！
之但係當"華仔"初初同我講話佢開始接order幚人做蛋糕o個時，我真係嚇左一跳，雖然o個時佢時時都會問我呢d點整、o個d又點做，之不過佢不停咁去進修，不停咁去鑽研，老實講，家下反而係我時時都問返"華仔"呢d點攪、o個d又點做。hahaha....真係風水輪流轉呀～
我親眼見證住"華仔"嘅蛋糕做得一個比一個靚，亦都見證住一個單親媽媽為自己嘅夢想不斷咁努力，而家"華仔"整嘅蛋糕可以話係"一級棒"呀～而佢接嘅order亦越嚟越多，"華仔"做好多小朋友嘅生日蛋糕gar，我時時見佢整o個d糖皮公仔得意到死，真係好鬼配服佢，比著我就無咁好心機law！hahaha......如果你地都想睇下"華仔"d得意蛋糕，可以去呢度﹣﹣＞
http://www.facebook.com/pages/mini-Kup/125844797442686
雖然"華仔"o係婚姻上面遇到佢第一個不幸，被人折斷一對翅膀，但係幸運地佢無因為咁而放棄人生，反而為翅膀縫合，重新插翼展翅 ，同行重帶住自己嘅小公主向住自己嘅夢想一齊高飛。呢個永不言敗，不為命運低頭，心胸後擁有住無限大宇宙嘅女人係我嘅好朋友。所以Blog友們！係下一次你地要訂蛋糕嘅時候，希望你地記得我呢個既不幸又幸運嘅朋友，佢個名叫做"華仔"
沒有留言:
發佈留言