米睇小今日呢個盒，因為個方包係我自己焗嘅香蕉月桂包，而d Lego朱古力又係我自己做嘅，5係o係出面度買gar！所以就算係睇起上嚟係好簡單嘅o野，查實係用左好多心機gar！
原來而家d細路真係short short地gar喎，琴日小王子o係學校度同Super Junior吹水，兩個竟然鬥邊個至係最浪費時間之王。
Super Junior﹣﹣"我最叻就係浪費時間gar na！"
小王子﹣﹣"哼！咁係因為你未識我啫～"
咁都有得鬥，我真係比佢地吹脹！
小王子同我講話Super Junior話自己因為浪費時間，所以重未做英文同History份Assessment，
我同小王子講﹣﹣"呢d5係Waste time,係懶啫～好似你呢d用兩個鐘望住份功課o個d至叫做浪費時間呀！"
小王子﹣﹣"wah hahahaha....."
我﹣﹣"你聽日去問下佢去Wee要用幾耐、刷牙要用幾耐、沖涼又要用幾耐？好似你呢d淨Wee都要15分鐘、刷個牙要10分鐘、連沖涼都用半粒鐘嘅人至叫King of waste time。"
小王子﹣﹣"hahaha....Super Junior話佢浪費時間，放左學
我﹣﹣"唓！呢d直頭係叫懶la～你返去同佢講，你平時無玩嘅時間嘅，因為你連用嚟玩嘅時間都浪費埋呀！"
小王子﹣﹣"wah hahahaha...."
小王子出哂名係The King of浪費時間，真係佢敢認第二都無人敢認第一呀！如果浪費時間都有世界比賽嘅話，我一定會幚小王子報名參加，分分鐘比佢攞個世界冠軍返嚟都5定。
查實小王子除左浪費時間稱冠之外，重有一樣o野係全球冠軍，係咩？就係take care自己d o野o勒～每日放學o係小王子行出學校門口，我第一件事就係問佢﹣﹣＞
"今日有咩功課做？帶齊要做功課嘅o野返嚟未？"
小王子次次都係好肯定咁答我﹣﹣"帶哂na！"
跟住行上車，o係開車之前我又再問多佢4至5次﹣﹣＞
"帶齊要做功課嘅o野返嚟未？"
次次小王子都答﹣﹣"帶齊。"
o係揸車由學校返屋企o個幾分鐘車程，我大慨又會再問多小王子4至5次﹣﹣＞
"帶齊要做功課嘅o野返嚟未？"
Of course小王子都係答﹣﹣"帶齊。"
落車o個時我會再問一次，入到屋企沖涼o個陣，我又會再問多兩次，之但係......
到一坐低做功課o個陣......
小王子就會話﹣﹣"aiya～我5記得帶........."
o拿～呢d情形5係間5中發生，而係間5中無發生咋！面對小王子day day係咁，我真係發癲咁濟。
每一次我聽見小王子話"5記得"，我就會同佢講﹣﹣＞
"o係我個字典度係無"5記得呢三個字，5該你Delete左呢三個字！"
好似上個禮拜小王子有份英文功課要問下老師係米要咁做，星期一小王子話"5記得左問！"
星期二﹣﹣＞"5記得左問！"
星期三﹣﹣＞"5記得左問！"
星期四﹣﹣＞"5記得左問！"
我忍到星期四真係發火呀～
我大嗌﹣﹣"o係我個字典度係無"5記得呢三個字，5該你即刻Delete左呢三個字！"
小王子﹣﹣"..........”
我﹣﹣"你根本就無o野記得gar！"
小王子﹣﹣"......."
我﹣﹣"你有咩記得gar？"
小王子﹣﹣".........."
我﹣﹣"我問你有咩記得gar？"
小王子好細聲咁𠵱𠵱哦哦﹣﹣"......有gar "
我嬲到就快斷氣﹣﹣"你有咩係記得gar?你咩都5記得，你有咩記得呀？"
小王子突然好自信咁講﹣﹣"我個名！"
聽見小王子咁答，我即時呆左，眼碌碌咁望實佢，然後....wah hahahaha....咁大笑左出嚟。
小王子見我笑，佢又係咁大笑。
呢條軟皮蛇我真係鬥佢5過law！
沒有留言:
發佈留言