2010年3月31日星期三

比卡超頭盒



今日卒之有時間錄"嘩box教室之視像教學",希望聽日可以post到上blog!今次教你地整飛碟包,同傳受究竟點sin可以炸完個包到lunch time o個時個包重脆卜卜嘅秘決!如果你都想知道嘅話,就千奇米錯過na~~~~~~

琴日係一年一度嘅圖書開倉,咁我就更係poke到咁去la~~今次開倉地點轉左,竟然o係city度開,攪到我呢咁hea!你知5知city幾難拍車至得假
~重要拍左都重要行餐死至去到呢!不過我都算好彩ga na~因為竟然比我拍到個街位,雖然要行5分鐘,but都好過無呀!如果拍去shopping mall,要行成15分鐘至到呀!我拍o個個係30分鐘嘅位,來回又要10分鐘,即係話我要o係20分鐘之內就要揀哂所有想買嘅書,兼比埋錢!

我目標明確,主攻小說 ~一入到去我就不停咁"立"!我計過每本書都5可以望多過1分鐘
。最後成功地o係20分鍾內掃左42本小說!hahahahahaha.......
我準備未來o個4個月都5再買書ga o勒~呢42本書點都應該夠小王子睇4個月嘅~~為左呢個目標,我重係5厚5"立",d字5細5買!hahahahahaha.......
今次重5由排小王子睇?hahahahaha.....

講起買書,我又諗起一件小王子嘅攪笑野
三年前有一日,小王子同我講好想睇沙士比亞本"羅蜜歐與朱麗葉"!我問佢點知有呢本書ga
?佢話係睇書知道沙士比亞呢個人,而佢本"羅蜜歐與朱麗葉" 好出名,所以好想睇!三年前小王子得7歲咋~睇"羅蜜歐與朱麗葉"?我都5知"羅蜜歐與朱麗葉"有無兒童版呀!於是我就可始做research o勒~究竟..."羅蜜歐與朱麗葉"有無兒童版ga呢?答案係﹣﹣無嘅~其實"羅蜜歐與朱麗葉"根本都5係小說嚟,只係一個劇。重要係寫古文,真係想買都好難呀

不過依我一向"為仔死,為仔亡"嘅性格,又點會令小王子失望至得ga!最後我都成功地買左一本寫得比較英文嘅"羅蜜歐與朱麗葉"比過阿小王子大人
。點知.....佢一路睇,一路話5明!咁我米叫佢慢慢睇law~~終於...

我正在拃車嘅時候
............
小王子﹣﹣"媽媽!我5明呀!"

我﹣﹣"你慢慢睇la~沙士比亞好出名ga!佢寫d野可能會好深ga!"
..........又過左一陣............

小王子﹣﹣"媽媽!我真係5明佢想講咩喎!"
我﹣﹣"係?咁你讀比媽媽聽o勒~"
於是小王子就讀左其中一句比我聽o勒~而o個句嘅意思大慨係﹣﹣"什麼什麼甜蜜過阿邊個邊個嘅乳頭!"
我﹣﹣"吓?"
小王子﹣﹣"媽媽!呢句係咩意思呀?"
我﹣﹣"er................................................................"
小王子﹣﹣"媽媽!則係點呀?"
我﹣﹣"er.................................................o拿!BB呀!呢本書呢 er.............................就呢er............................則係呢 um........................o拿!我諗呢而家呢本書對你嚟講就太深,你而家未睇得明ga!等大個d sin再睇la好無?"
小王子﹣﹣"但係媽媽!我想而家睇bor!"
跟住我就一手攞左本書走!咩沙士比亞原來咁咸濕ga咩?



2010年3月29日星期一

星際飛車盒



5知你地重記5記得"袓利亞"呢?我好細個o個陣o係hk有一間叫"袓利亞"嘅快餐連鎖店,我記得佢地嘅美式熱狗腸同橙汁係勁勁勁好味嘅!不過呢間野開左5係好耐就執左lu~~~而佢地嘅美式熱狗同橙汁就成為我其中一個童年回憶o勒!


嚟左外國廿幾年,雖然呢度5興美式熱狗亦都無 "袓利亞"快餐,但係我一路都無忘記過童年食過嘅美式熱狗。有兩次比我o係d "山卡na" 嘅food court見到有得賣,我即刻買嚟食la~但係5知點解覺得難食到飛起,攪到我勁失望
!直頭有d童年回憶幻滅嘅feel呀!究竟係我口味轉左ar~一或係根本"袓利亞"嘅美式熱狗就從未好食過,只不過細個無咩其他野食,再加上童年情意結~令呢個美式熱狗o係我嘅回憶裡面好食左十倍呢?

今日我整左車仔飛碟飽同美式熱狗比小王子做"嘩box",睇下呢個美式熱狗可5可以為小王子制做另一個屬於佢嘅童年美好回憶!




2010年3月25日星期四

動物嘉年華盒



今朝不停咁諗﹣﹣"究竟應該幚呢個‘嘩box’改個咩名好呢?"
初初望見個盒裡面d動物咁得意,不如叫"炸Zoo盒"la~一或叫"炸包盒"好呢
?後來o係個Mon度睇返d相,我突然間覺得個盒裡面d動物好慘,重好似笑得好牽強咁......我即刻就諗到﹣今日呢個"嘩box"就叫做"野味盒" la!hahahahaha.........But sounds like 好殘忍咁,話哂都係小王子食嘅野ma~都係用個可愛d嘅名好~~所以最後至將佢改做"動物嘉年華盒"!


其實呢個"動物嘉年華盒"係炸咖哩飛碟飽嚟~我今朝都係第一次整,幾驚5成功呀!如果5掂,小王子今日就無"嘩box"~要食lunch order!好彩~~~~掂喎!重香得好鬼死緊要tim呀!朝早5點開爐炸野,我諗係得我一個傻婆會ga啫!hahahahaha..... 本來我縮骨,諗住整面包5洗咁早起身,有着數喎!點知o個幾隻"野味"攪左我一朝,我真係到最後o個幾分鐘至整好呀!!真係偷雞5到,蝕渣米呀!

如果你想知道呢個包係點整,去嘩box教室度睇下la~






2010年3月24日星期三

幽靈盒



重記5記得琴日"嘩box"個配菜係咩呀?﹣﹣係匈牙利燴牛肉呀!小王子個姑姐
話小王子會5會以為自己去左間高級餐廳度喎 ~~ hahahaha.......本來我有d擔心小王子會5鐘意食ga,所以琴日都係放左少少o係個"嘩box"度。點知放學我問小王子d牛肉好5好食,小王子竟然話好好味!

所以我琴晚o係個㷛度偷左少少燴牛肉出嚟,然後用嚟整左幾個pie!嘩哈!嘩哈!

咁又變左另一樣新野o勒
~~~~~~~最重要係.........今朝我又5洗咁早起身喎,真係雙驘 ga ~~ hahahaha...



2010年3月23日星期二

pizza杯杯盒



今日呢個pizza杯杯又係新野嚟~~~~hahaha....重有隔離o個個匈牙利燴牛肉都係新嘅!因為5知道呢個pizza杯杯凍左重好5好食,所以琴晚我試整左個,然後搵左我嘅御用白老鼠﹣﹣小王子爸爸嚟幚我試食!haha..咁Mr.白老鼠話好好味,個杯重脆卜卜tim bor~~ 所以今日小王子嘅"嘩box"就係帶pizza o勒!呢個pizza杯杯真係好鬼易整,下次有機會o係"嘩box教室"度教你地整!

小王子其實淨係得個樣look好似好醒咁,其實佢本人係超級"拾下,拾下"!所以有好多時我都比佢"吹到爆"!因為比小王子吹脹到"爆"嘅程度ar ma~~上次講過小王子運動麻麻,其實小王子除左運動麻麻之外,畫畫佢都係麻麻嘅。咁當然la~~咁殘酷嘅事實我係5會同佢講嘅!hahaha... 咁係咁ga la~如果你一早就同佢講佢咩咩咩5得,咁佢都接受左lor,重邊樹會o係o個方面到努力sin得ga?所以我通常都會o係佢5掂o個d area度多多鼓勵嘅!haha...而小王子最"拾"嘅地方係﹣﹣佢可以完全5知自己Art 5掂不特止,佢重竟然覺得自己畫畫係好得下o個隻。

有一次小王子學校舉行Art Show,呢度d小學好好嘅 ~~人人都比機會,所以Art Show人人都有作品展覽。當然小王子都有份la ~~~~~~~~~~做媽媽嘅無話有咩期望嘅,咁個仔有野展覽就更係開心,去捧場兼帶埋長短鏡tim la!

一入到去個展覽廳度就見到有好多畫呀~模型呀咁。咁家下我係嚟捧個仔場喎~最緊張就係究竟邊個作品至係小王子ga呢?於是我問小王子。。。。。

我﹣﹣" 邊張畫係你畫ga?"
小王子指住o係一張放左幾個動物模型嘅臺上面嘅其中一個模型~~
小王子﹣﹣" 媽媽!呢個係我整ga!"
心聲:咿?都幾靚喎~~~其實佢d Art都5係咁差啫!原來個仔進步左自己都5知!
我﹣﹣"係呀?好靚喎~~等媽媽影低佢,比爸爸睇sin!"
(於是。。。我就源用當年"足球小將"嘅攝影方法﹣﹣近鏡,遠鏡,上面,下面,由左到右,又由右到左咁幚隻模型大大話話影左成廿張相!係爭左未幚佢照X-ray ga啫!)攪左一大輪.........
小王子﹣﹣" 咿?呢隻5係我做ga bor~~ 媽媽!呢隻至係我整ga!"
......................................
(跟住我用好無夽嘅眼神望住小王子!)
我﹣﹣"吓?"
心聲:頂!o靚仔家下係米玩野呀?真係比你"吹到爆"呀!(當然心聲係5會講出聲la~~係個心咁諗ga啫!)
我﹣﹣"咩你5認得邊隻至係自己整ga咩?"
(我指住另一隻模型)
我﹣﹣"你係米肯定呢隻至係你做ga?"
小王子﹣﹣"係呀!係呀!我肯定呢一隻係我做ga!頭sin我見5到呢隻之 ma~~"
(於是我再一次重復頭sin嘅動作﹣﹣"足球小將"攝影法!)...........





2010年3月22日星期一

法式火箭pie盒


小王子真係有好多野都5食,所以佢將我整 "嘩 box" 嘅難度提升左十倍。整嚟整去都係o個幾樣,真係佢5悶我都悶呀 ~ 所以我決定今個禮拜要整d新野比小王子做 "嘩 box"!

今日我整呢個"嘩~火箭盒"個 pie 其實係 quiche lorraine﹣法式火腿 pie。我琴晚尊登整左幾個超 mini 嘅 quiche lorraine,就係為左今日比小王子做"嘩 box"!hahaha...都幾大工程ga~ 又要整pie皮,又要整餡!but 整d新野5洗咁悶ma~~~~~~最重要係﹣﹣我又5洗4點咁早起身呢~~~ hahaha

2010年3月19日星期五

小王子*偶像之旅




我講過小王子係超級咁鐘意睇書嘅!舊年有兩個小王子好鐘意嘅作家嚟澳洲開簽名會同talk,小王子不停咁嗌住要去

。死在佢地係o係Blue Mountain度開,由我呢度拃車

去Blue Mountain 要3,4個鐘頭ga!!!你地話係米死sin?最後點?你地睇下d相就知道最後米拃左車去law

~~~~~~~~~~~~~~

今次嚟嘅係 Emily Rodda 同 Andy Griffiths,好彩阿 Roald Daul神早就釘左ga啫

!5係佢o係英國開簽名會,我就實行死得都得o勒

~~


呢個就係寫"Deltora Quest"嘅Emily Rodda o勒~~~淨係等佢簽個名都排左成個半鐘頭隊呀!(Emily手上呢本書係小王子尊登帶去比佢簽名ga!)呢本書簽左名,5知o係ebay到係咩價呢?hee hee

呢個就係寫好多funny book嘅 Andy Griffiths o勒~

你地睇Andy講talk,小王子聽得幾留心?



o個日好熱,但係小王子好開心呀!



2010年3月18日星期四

曼魚盒


瞓左幾日晏嘅,今朝又要4點爬起身,真係辛苦到爆呀

~~~~家下我重係超級眼瞓tim bor!
唉~~呢d就真係正牌嘅 "為仔死,為仔亡" o勒!

復活節小王子爸爸會帶我同小王子去Gold Coast度玩,其實小王子爸爸真係好錫我同小王子。雖然我係信教,知道無前世今生呢樣野。但係如果我有十世,我十世都要嫁比小王子爸爸呀!佢對我重好過我阿爸阿媽對我呀~~有時我發皮氣到自己都覺得自己衰!但係小王子爸爸都會就我
~~我諗小王子爸爸可能係呢個世界上皮氣最好嘅人!

近幾年小王子爸爸老左好多~~~條腰骨又越嚟越差!每個星期六佢拃完6個鐘頭車去sydney同小王子學Cello,返到屋企真係有兩日條腰痛到起5到身ga!我見到都覺得好sad呀~~ but佢堅持小王子一定要繼續o係sydney度學琴
。叻嘅醫生、律師可以有好多個,但係做音樂家就只能夠做最叻o個個!第一喎~~~~5係咁易ga!能力之外重要濟遇呢?其實.....我開始擔心呀~~小王子話第時要讀音樂,讀音樂就一定要去歐洲。睇嚟~~我地重要有排供呀!



2010年3月17日星期三

面包超人pancake盒



琴日整pancake比小王子做"嘩box",小王子鍾意到不得了,佢話d pancake好好味。所以今日又係整pancake比佢做晏就!hahahahaha.......我發現原來整"嘩~~pancake box" 5洗4點咁早起身喎!我應該早d發現至o岩~~~

hee hee...難得小王子又鍾意食喎,好o野!等我第時整多d "嘩~~pancake box" 至得!正所謂﹣﹣一家平宜,兩家着ma~~~

小王子o係學校一嬲都係乖嘅學生,讀書又very good!但係就因為咁,每年佢嘅班主任都會安排佢坐o係死角位,又或者同o個d上堂頑皮嘅人一齊坐。因為佢地覺得小王子呢類學生5洗點理,所以可以坐o係離自己最遠嘅位置。而搵呢d學生同時時搗蛋嘅人坐呢~~~一隻手掌又拍5響喎!幾好呀~~~ 不過就因為咁小王子讀書以來都無得過老師嘅寵愛!有時我諗﹣﹣"究竟要教佢乖好定5乖好呢?" 其實我個心好登佢5低!但係小王子係個後知後覺嘅人,佢根本無諗過老師錫邊個,5錫邊個呢個問題!所以我都無出聲,由得佢自得其樂。

今年小王子升5年級,佢個新班主任係一個上左年紀嘅女人,d仔女都大哂o個隻。一睇佢個樣就覺得佢係好難雙處o個種人!但係離奇地~~from day one開始佢已經對小王子好有好感,樣樣都揀小王子做。好多時小王子返嚟同我講學校發生嘅事,我都覺得﹣﹣“嘩!擺明偏心你喎!”

 連小王子都同我講﹣﹣"媽媽!我覺得我係more than the teacher's pet 呀!"

我當然係開心la~~~捱左咁耐,卒之有個老師慧眼識英雄ar ma! hahahaha.....而家小王子日日返學都開心到不得了,又會落力做功課呀,project呀咁,因為佢5想令老師失望ma~~ 希望小王子嘅運氣可以繼續落去la~~~



2010年3月16日星期二

比卡超pancake盒



小王子勁鍾意睇書,佢個房d書多到四道牆都差不多放哂書架。佢有po癮鍾意將d書睇完又睇,所以我好少同佢去圖書館借書,因為借書要還,無得返睇!佢個個月都會叫我買書比佢睇~~比佢放血放得多,諗諗下都係5係辦法
,於是有次我帶佢去圖書館,諗住都係去借書低d!點知去到圖書館,我一睇﹣﹣"嘩!

咩咁少書嘅?" 小王子睇左幾本就同我講﹣﹣"媽媽!不如我地返屋企度睇la~屋企重多書過呢度呀!" 最後小王子只係借左3本書就走o勒~

就係因為咁,所以次次圖書開倉(一年得一次ga咋,平好多好多ga!),我就會瘋狂咁掃貨,我試過一次過買左7箱書返屋企。hahahahaha.....
o係o個度掃一次,真係又排5洗買書ga! 因為一次過買得太多,有時我都5係好記得買過d咩書。有日,小王子同我講﹣﹣

小王子﹣﹣"媽媽!阿Christ比佢個girl friend dump左呀?"(Chris你小王子其中一個死黨)
我﹣﹣"hahaha...係呀?你點知ga?"
小王子﹣﹣"佢靜靜雞話我地知ga!"
我﹣﹣"吓?係呀?hahahaha...點解人地會dump佢嘅?"
小王子﹣﹣"媽媽!你知5知如果我地cross campus,Chris會打bow tie 返學ga!"
(小王子讀嘅男校好多時都會同Christ's girl friend讀嘅女校有活動)
我﹣﹣"吓?5係哇?"
小王子﹣﹣"係呀~~~Chris佢TRY TOO HARD na! 媽媽!你知5知道呀?NEVER TRY TOO HARD on girl ga! 如果你 TRY TOO HARD 就一定會separate ga!"
我﹣﹣"吓!!!!!!!!!邊個同你講ga? "
小王子﹣﹣"book law! 我本'Big book for boy'講嘅!"
我﹣﹣" 天呀~~~我究竟買左本咩書比佢睇呀?"



2010年3月15日星期一

骰仔三文治



今日"嘩box"嘅相可以用三個字形容,就係--鬆~郁~蒙~!拃機對手又鬆,影o個時又郁,影到出嚟又蒙!!!唉~~~~~~~~~~~~~~~~~~~~~諗嚟諗去都5知點解今日d相影極都咁肉酸,終於~到小王子出左門口我至諗起--原來我5記得較o岩個快門!!!!!!!!唉~~~真係激死!!!!!
今日呢個朱古力飽我係用我新買嘅麵飽盤焗嘅,出嚟嘅較果真係好靚呀
~~~我重焗多左個係排飽盤ga tim bor, 真係好正呀
~~~晏d post埋用排飽盤焗o個個飽比你地睇下~~~



2010年3月12日星期五

小王子嘅friendship曲奇


今日星期五,無"嘩box"!因為逢星期五小王子都會食學校嘅lunch order,或者叫我o係屋企焗定個meat pie,比佢帶返學校度食嘅~~~ 所以星期五我最嘆,5洗4點起身!hahaha..


琴日焗曲奇,小王子最鍾意我整d寫哂佢死黨嘅名o係上面嘅曲奇,然後有返學校度請同學仔食!今朝見到小王子歡天起地咁攞住d曲奇返學,我都好開心呀~~~


呢個英文字stamp我都係第一次用,想買左呢個stamp成年,真係千辛萬苦至搭到人買~~~苦呀~~~不過整出嚟真係好靚呀!!但係。。。好似我咁要印十幾個5同人嘅名嘅時候

。。。。。老實講﹣﹣﹣到我整o個時確實有種非常強烈嘅捉虫感覺!!到而家upload相至發現,原來我連小王子個名都串錯!!!真係激死呀~~~~~ 但係如果5洗要轉咁多次名,呢個stamp都係very very good嘅!


上次我米話訂左好多個面包盤嘅~~今日終於寄到,好心急想即刻用佢地嚟焗面包呀






2010年3月10日星期三

花邊盒



終於! 今日5洗"PO"去學校度攞野比小王子o勒~~
原定琴日整嘅cookies, 因為小王子嘅帶"hit" 而整5到。所以今日我終於可以整cookies o勒~~~


有blog友話睇完琴日篇blog, 笑到佢噴飯! 又有blog友留言話想睇小王子嘅攪笑o野!其實小王子嘅攪笑o野,真係多到夠出書~~~我諗我出本

   "小王子之101件玩 o野事件"

應該會比我出本食譜快!hahahaha.......
所以我會不定時post小王子嘅攪笑o野,如果你都係小王子嘅粉絲,就要留意啊~~~~~