2012年6月26日星期二

日式可樂餅(嘩!Box教室)


無錯!又到左"嘩!Box教室"嘅時間o勒~有櫈仔嘅Blog友nana淋担好,未有櫈仔嘅話可以過去已經担左櫈仔嘅blog友o個邊搶。Wah hahahaha.......
喂~借小小位嚟講下近況先下~
小王子終於正式放Term Break o勒,放Term Break嘅第一日我同左小王子去打書釘,點知小王子一打就打左6個鐘,成功咁比佢刨完1.5本厚過字典嘅小說。而我就好漂亮咁慳左廿餅o勒~Wah ha ha ha ha,不過代價係要陪小王子一齊"釘C"左o係間Book shop度。跟住落嚟嘅Term Break又會發生d咩呢?等過兩位禮拜放完至話你地聽下~

好!講返呢個"日式可樂餅"先~
我相信應該無小朋友會5鍾意食呢個可樂餅。咩係可樂餅?
米誤會呀可樂餅5係用可樂整gar!!
因為如果照呢個理論嚟推斷......可樂餅係用可樂整嘅話.......咁......老婆餅米........
要用個老婆嚟整law?!?!

查實係咁嘅~用薯仔泥加埋其他配料,再o係上面包上面包糠嚟炸,日本通常呢種食物為"可樂餅"。不過查實而家可樂餅已經演變到好多5同嘅做法同口味,再5係只限於用薯泥嘅做。不過今次"嘩!Box教室"教你地做嘅~係最基本嘅可樂餅,由最基本嘅學起,第日再教你地做由基本變化出嚟嘅新一代可樂餅。

o拿!就咁嘅~我希望每次你地睇"嘩!Box教室"嘅視像教學之前,都睇一次我嘅溫馨提示先。因為我寫得o係溫馨提示度嘅,都一定係我覺得係最重要,同埋係我應為係Tips嚟嘅,又或者係我嘅經驗之談。所以你地一定要留心每次我o係溫馨提示度究竟寫咩o野,咁樣就可以將失敗指數降到最 最 最 低o勒!

材料:
薯仔  500g
牛肉碎  150g
洋蔥  半個
鹽、糊椒粉  少許
日式面包糠

面粉

溫馨提示:
1. 洋蔥切得越細越好,而洋蔥一定要用中慢火炒到金黃色,因為少至金黃色嘅洋會有一種好特別嘅甜味,佢會令成個可樂餅嘅風味完全5同哂,而呢重甜味係用糖代替5到嘅。

2. 如果洋蔥未炒到熟透就用嚟做可樂餅,你會發覺o係用手搓薯餅嘅時候,薯泥因為洋蔥嘅左格而不能順利搓成薯餅形。

3. 炒好嘅洋蔥牛肉碎一定要放至完全凍哂至可以加入熱薯泥裡面,因為熱嘅洋蔥牛肉會有油脂,將未放涼嘅洋蔥牛肉加入薯泥裡面,薯泥就會因為有油而無辦法搓成薯泥。

4. 雖然洋蔥牛肉要放涼至可以加入薯泥裡面,但係薯泥就一定要趁熱同洋蔥牛肉撈均,5洗擔心洋蔥牛肉加入熱嘅薯泥度就會溶返d油脂出嚟,因為Boiling Point5同,所以薯泥嘅熱度係5會將洋蔥牛肉嘅油脂溶返出嚟。

5. 洋蔥牛肉同薯泥一撈均就要即刻用手搓成薯餅形。

6. 撈洋蔥牛肉同薯泥嘅時候5洗太大力,撈均就好,5好係咁攪~攪到薯泥出黏狀。

7. 我o係HK試過做可樂餅,去Super度買薯仔,諗住買來佬o野實無死,於是買左美國薯仔,點知整完出嚟完全無可樂餅嘅香味,食落口完全係兩會事。所以o係HK嘅Blog友們千奇米買美國薯仔嚟整。

8. 撈洋蔥牛肉同薯泥嘅時候,可以試味,如果太淡可以o係呢個時候落鹽。

PS. Video o係最下面~











2012年6月19日星期二

海狗bb 飯糰盒



嘩!琴日我介紹比你地o個個電蒸午餐盒,我一Post條link出嚟,好快就有人同我講已經賣到斷左貨。咩原來我個Blog咁多人睇ga咩?睇嚟我要即刻聯絡o個間公司,問佢地收返d介紹費先至得!hahahaha........
想買又買5到嘅Blog友5洗失望,因為淘寶5係淨得呢間公司有得賣呢個電蒸午餐盒,有d公司賣得重平tim呀~不過講到大陸電器呢家o野,都係5好貪平la,橫掂買到最貴都係講緊幾十蚊之ma。



我o係小王子9歲o個陣開始做"嘩!Box",初初係就咁影張相放o係自己個Face Book 度嘅~後來就開始開Blog寫小王子天地。之後d朋友話我整得咁靚,不如o係FB度開個Fan Club la咁,我5識開,佢直頭幚我開埋tim!所以o係Face Book度我有個Fan Club叫小王子廚房,每日都會有好多Blog友o係o個度問我o野嘅。

      http://www.facebook.com/pages/小王子廚房/184202804994

其實你地睇返好早期嘅小王子天地,你地會發覺o個時我無咩講,每編Blog都好短。後來寫下~寫下~就越寫越長,小王子又真係鬼咁多攪笑o野喎,所以我時時都話我出本"小王子101件攪笑事件簿"會快過我出本食譜。

又再之後我寫下寫下,又將小王子所有同學仔都改哂代号,如果你有追開小王子天地嘅話,咁一定記得燒烤叉、雞泡魚、肥Chris同技安.......佢地,因為佢地嘅攪笑故事陪我地過左無數個美麗清晨。最初個個嚟睇小王子天地嘅人都係因為我o個個"嘩!Box",但係隨住小王子天地越嚟越多人睇,竟然出左一班鍾意追文而5係睇相嘅Blog友,佢地嚟小王子天地係為左睇小王子嘅故事。就o係o個個時候我開始有另一個諗法,就係用小王子天地記錄住所有小王子嘅童年,到小王子大個o個陣送比小王子做禮物,雖然小王子5識睇咁多中文,之但係只要小王子天地一日o係個網度,小王子幾時都可以睇到la~話5定小王子第日識左個HK女朋友,咁佢個女朋友米可以讀比佢聽law!hahahaha......
小王子知我一路都有寫Blog,但係佢無"Blog"呢個Concept,所以從來都無問我係咩嚟。今個term小王子o係"聚寶盤"轉讀日文,本來可以揀讀中文or日文嘅,不過小王子話要學日文,等第日幚我釋食譜喎~所以小王子揀左讀日文。咁教日文o個個日本娃娃叫佢地o係屋企帶d有開日本嘅o野返去,小王子同我講o個陣,我話﹣﹣>
"咁你帶我個Blog返去la~show佢我地d"嘩Box" law!"
就係咁~小王子終於第一次睇到我個Blog o勒。不過佢重係5係好明咩係Blog,我同佢講﹣﹣>"呢個係媽媽嘅Digital Diary"

小王子﹣﹣"o我~"

佢即刻明哂!

其實小王子一個月大,我就開始晚晚講故事比佢聽,我知o個時小王子未識聽我講乜,但係我想養成佢第日大個晚晚睇書同聽故事嘅習慣ma~所以就算小王子得一個月大,我都晚晚坐o係佢bb床邊講故事比佢聽。

但係而家~
小王子晚晚都要我讀Blog比佢聽,由Bed time story變左做Bed time Digital Diary。家下小王子每晚淋瞓前,我都同佢一齊坐o係床度讀Blog。小王子聽返佢以前發生過嘅事,笑到反肚咁濟。原來寫Blog都係一個親子活動嚟gar喎!!!

PS.琴日我話小王子返埋今個禮拜就放兩個星期假,原來5係~佢5至放兩個禮拜,小王子放到17/7,所以要到17/7之後至會再Post "嘩!Box" o勒~




2012年6月18日星期一

糖皮Mini cake


終於平安咁過左上個禮拜,上個禮拜有咩咁特別?之5係我要開班教做糖皮蛋糕 law,成個week我都係o係度準備上堂嘅o野,兼夾做左無數咁多糖皮花仔同玫瑰花用嚟上堂用!咁小王子又帶埋個巨箱比我油"龍"呢~就係因為咁,我兩個禮拜無做家務呀!間屋亂到呢~所以上個星期五我上完堂返到屋企,第一件事就開始做返呢兩個禮拜嘅家務,嘩~真係重慘過死呀!!!!所以話呢~今日的事真係要今日做gar law!

o拿~今日Post d蛋糕相過你地睇o勒~
係米靚先?有無後悔無去到跟我學先?後悔都無用lu~穌洲過後無艇撘lu~所以今日尊登Post d相過你地睇,等你地痕下都好!hahahaha........

小王子返埋今個禮拜就放Term Break o勒,Yeah~我又有兩個week假放lu!有追開小王子天地嘅Blog友應該知道,小王子放假我係5 Post Blog嘅~不過我打算下個禮拜照樣會Post"嘩!Box教室"喎,o拿~係米體貼先?今次"嘩!Box教室"又教咩?我諗住教你地整"可樂餅",你地話好5好呢?咩話?咩o野係可樂餅?係米用可樂整嘅?更係5係la~"可樂餅"係日式炸薯餅,好好食gar,我同小王子最中意食gar o勒,裡面重有d肉碎gar呢?一早整定、炸好,近入冰箱度,到想食o個陣就可以攞幾個出嚟焗返熱佢,係米正先?

嘩!越講越遠,正題o勒~正題o勒~
5知你地有無覺得時時用微波爐嚟番熱d o野食,好似5係好健康咁呢?又或者有d食物如果用微波爐嚟番熱嘅話,一係就越叮越乾、一係就叮完你見到都5想食?小王子爸爸日日都帶飯返工食嘅,其實我時時都好擔心小王子爸爸日日咁叮飯食,會5會對身體5好。所以好早年我就轉用玻璃兜飯盒比小王子爸爸帶返工,之但係5知點解玻璃兜飯盒d蓋時時都"come"得5實gar喎~如果遇著有汁嘅食物就更加係隨時會倒到周圍都係。
o拿~今日有樣正o野要推介比你地,就係一個電蒸午餐盒,呢個電蒸午餐盒係小王子E ma幚我o係淘寶度買嘅,個盒外形雖然5係好大,但係放o係裡面蒸o個個盒嘅Size又幾大gar喎!總之夠食la~我比左個盒小王子爸爸帶返工用,小王子爸爸話好到不得了,連佢d鬼佬同事都話正,想叫小王子爸爸幚佢地買個tim!個電蒸午餐盒呢就係放o係公司度嘅,小王子爸爸每日淨係攞裡面o個個飯盒返屋企,第朝我幚小王子爸爸放好o個日嘅午餐o係個飯盒度,小王子爸爸返到公司,到食晏就之前15分鐘,就放大約兩湯匙水落個電蒸午餐盒個底度,再放返我幚佢準備好o個個飯盒落個電蒸午餐盒裡面,蒸15分鐘、無倒汗水,小王子爸爸就有一個熱辣辣嘅午餐食o勒~o拿!係米好介紹先?比埋個Video過你地睇o勒~









2012年6月13日星期三

蛋蛋沙律盒



有無睇到我琴日o個個"嘩!Box教室"先?係米超有誠意嘅制作先?其實每一次我出"嘩!Box教室"~無論係打文一或係用視像教學,我都要花好多時間去制作,特別係錄視像教學,其一係無人揸機我要自己就嚟就去,又要顧住整,又要o急實部機睇位,錄完重要小王子爸爸幚我Edit放上Youtube(因為我5識ar ma)。就咁咩都5理Post個食譜出嚟就更係易la~但係有咩用先?要睇食譜嘅書局大把la,咁Post出嚟係真係無意議gar喎!!!

雖則我話要從失敗中學習啫~之但係我地呢d新一代嘅C9,要輸人5輸陣,又要上網又要煲劇、間5使重要吞下Pop。咁你話o勒~我地係米要識埋個原理,將個失敗指數降到最 最 最低先?所以我至會又長氣又冗氣咁,又要錄影又要打文兼次次都Post咁長Blog gar啫。所以親愛嘅Blog友們,如果你地認同我嘅理念嘅話,敬請每次睇我"嘩!Box教室"o個時要等別認真na,因為我每次制作"嘩!Box教室" o個時都真係好好好認真gar。

我知~我知~今日個"嘩!Box" 確實係流左d,之但係我今個星期五要教人裝飾糖皮蛋糕ar ma,所以呢幾日好忙咁整定好多糖皮花,等到時d同學仔可以用嚟裝飾個糖皮蛋糕。都話左自從我同小王子移居地球之後無哂法力lor,而家得番兩隻手~小王子重要無nana o係"聚寶盤"度帶個超巨形嘅木箱返嚟喎,個箱係佢自己o係 Technology 堂度做嘅,女巫叫佢地帶返屋企度油喎,之前Art堂又5知要做咩陶瓷,又要我5知幚佢剪咩Template(模型版)。我琴日同小王子講﹣﹣>
"你返去同老師講話媽媽頂5順o勒~再咁就快要食藥ga o勒,叫佢以後d o野o係學校度做哂佢,5好攞返嚟!"

咁都未算死,最死係小王子o係個巨箱度畫左條龍,叫我幚佢油。Hello Kitty我就話識油啫,o個d咩龍呀獸呀我識鬼咩?我見小王子刨緊本有條龍做封面嘅小說,我問小王子.....
我﹣﹣"你係米想油到條龍好似呢條咁呀?"
小王子﹣﹣"係呀媽媽~"
我﹣﹣"好ar,我陪你油﹣﹣>你油~我坐o係度陪你。"
小王子﹣﹣"hahaha....."

所以之前有日我同小王子爸爸講﹣﹣>
"我估個仔真係以為我係神仙嚟,因為佢以為佢諗到嘅o野,我係一定做得到出嚟gar 喎!"        

P.S. For 住o係Sydney嘅Blog友,今個明五10:00am 我會o係我Church度開班教裝飾糖皮蛋糕,有興趣想嚟跟我學整餅嘅Blog請留個言,我比個地步你下~  




2012年6月12日星期二

gi 朱古力花(嘩!Box教室)



又到左小王子媽媽教你地整o野食嘅時間o勒~好多Blog友問我究竟點樣瀄朱古力花,其實要瀄朱古力花5係好難,但係就要識得個技巧,只要係學識瀄朱古力花嘅技巧,咁就瀄咩都5係問題o勒~無論係cream又好icing又好,因為其實所有o野都係一樣咁瀄 ga啫。

朱古力係一樣好神奇嘅食材,無論係咩甜品都好,只要有朱古力o係裡面就會變得特別好食、保存期特別耐、特別濕潤,連整o個甜品都特別易成功。就以海綿蛋糕為例,海綿蛋糕無論係材料一或係做法,都貌似易到嘔,但係相信好多鍾意焗蛋糕嘅BLog友都試過~o係海綿蛋糕上面滑鐵爐。但係如果你試下轉焗朱古力味嘅海綿蛋糕,可能又會成功gar喎。朱古力o係甜品界裡面簡直就係"神來之手",佢能令所有不同嘅甜品都變得好好食。

係學瀄朱古力花之前當然要溶朱古力先la~但係一講到溶朱古力就有一大堆學問na,所以o係我上次教你地整o個個"夾心朱古力波"我話﹣﹣>
"中級組嘅同學可以試下將個"夾心朱古波"coat melted chocolate。"

又好多鍾意煮o野食嘅人一講到朱古力就驚,5知試過幾多次萬事俱備~獨係盤melted chocolate "喎"左,攪到真係一鑊泡。其實o係煮食嘅過程上面有失敗未必係一件壞事,因為我地往往都可以o係失敗嘅過程中學到新o野,就算係我都5係每一次一煮就成功~
                失敗無問題﹣﹣但係一定要知道點解!
如果5知道"點解",下一次就無辦法進步gar na。

焗西餅 5同煮飯,煮飯可以樣樣卓量。但係整西餅係一種Science,每個step都有得解,面每個解釋都係其中一個令呢個西餅成功嘅原因。即使係一d用開眼嚟落份量嘅人都一樣係有一個特定嘅份量,只係佢地係用自己對眼嚟量啫~真正卓量係好似你炒菜落鹽咁,真係可以連望都5洗望,求其落少少。

以下我講嘅o野好重要,雖然o係Video裡面我有講,但係因為太~重要o勒,所以我一定要用字再打出嚟一次,等你地5記得o個時可以即刻上嚟呢度睇返,5洗再成個video再睇多次咁煩。你地一定要記到實,因為呢d就係溶朱古力嘅最基本但係又係最最最重要嘅技術。

1.朱古力價錢有貴有平,究竟係咩令到佢地嘅價錢錯咁遠呢?就係Cocoa butter嘅含量,越高Cocoa butter含量嘅朱古力就會越貴,朱古力味越濃。

2. 朱古力雖然同咖啡好老死,但係同水就係世仇。要不你就落一杯水,千奇米落小小,有種hot chocolate就係用大量牛奶同朱古力溶埋一齊嚟飲ga o勒~所以落大量水嘅話就無問題,問題係一滴、半滴,即使係個碗未乾透,一或係個匙未抺乾。5好睇小嘅小小濕氣,佢會令一大盤朱右力毀於一旦。

3. 永遠5好用木制品嚟放朱古力or 攪d朱古力,因為無論你抺到幾乾,木制品裡面都會有濕氣。呢個就係點解我地炸o野嘅時候會放對快子落d油度睇下有無泡,你有無諗過o個d泡究竟係咩嚟?點解會有嘅?就係因為木快子裡面嘅水氣na。

4. 受左濕氣影晌嘅朱古力會結成一舊舊,用5到ga na!

5. 市面上有三種最普通嘅朱古力,就係黑朱古力、牛奶朱容力同白朱古力。其實呢個世界係無白朱古力呢樣o野,嚴格嚟講白朱古力5算係朱右力,佢係因為世界需求而做出嚟ga啫。

6. 白朱右力好易吸水氣,好似我之前所講,吸左水氣嘅朱古力係無可能溶得成功嘅。由其係想用嚟做蛋糕裝飾,如果朱古力o係溶嘅過程上面失敗,咁你就一定無可能裝飾得成功na。所以開左又未用完嘅白朱右力要特別用膠袋放好,盡量5好比佢受潮。

7. 牛奶朱古力雖然無白朱古力咁易受潮,但係一樣會受濕氣影晌,所以要放好。其實無論係邊一種朱古力,只要我係開左又未用完,我都會用密實袋裝好,以免受潮。

8. 整開西餅嘅人會知道,有一種朱古力叫Cooking chocolate,比我地平時食開o個d朱古力平d。究竟Cooking chocolate又同我地平時食嘅chocolate有咩5同呢?首先Cooking chocolate嘅Cocoa butter含量比較低,That's why Cooking chocolate嘅價錢比平,咁當然朱右力味無咁濃la~咁究竟應該用邊種Chocolate嚟整o野食好d呢???

9. 用嚟當作材料咁放入個甜品度一齊煮嘅~當然係揀Cocoa butter 越高、味道越濃嘅朱古力就越好味。

10. 但係講到用嚟做蛋糕裝飾就完全5同o勒~用越靚嘅朱古力gi出嚟嘅朱容力花,set嘅時間就會越長,就係你等嚟等去都未可以做下個step。

11. o係Video裡面我話要加熱到60度,其實我噏錯左,係30﹣40至o岩。

好o勒~準備好未?準備好就要去片o勒,正因為朱古力有一大堆學問,所以Video嘅前半段會比較長,請Blog友們耐心d睇o勒。Video o係最下面。















2012年6月5日星期二

Poke Ball三文治盒


嘩!今日5知講咩話題好tim?好耐無講過"聚寶盤",不如今日就講下"聚寶盤"la~
"聚寶盤"闊佬呢單o野  你地都知ga la~o岩o岩o個個禮拜"聚寶盤"攪左個5知咩"設計週",成個week每個Lunch time同小息都有o野攪,不過小王子就5好彩na~你地都知小王子平日o係"聚寶盤"度重忙過CEO ga la,所以有咩可能小王子會去到參加聚寶盤設計週嘅活動至得gar?

小王子由細到大都好鍾意摺o野嘅,而講到摺飛機嚟講就更加係勘稱係專家。咁o岩設計週其中一日Lunch time就係摺飛機比賽,小王子有o野做去5到好鬼死失望。最後比Super Junior個大佬Junior攞左冠軍,小王子同我講o個陣我話...

我﹣﹣"吓?比Junior攞左第一呀?"
小王子﹣﹣"係呀~"
我﹣﹣"o拿!你下個禮拜返去同阿Junior講,今次你好彩呀~因為我無參加ar ma,我外号"無敵飛機王",4歲我就開始摺飛機.....(我都未講完,小王子就話....)
小王子﹣﹣"But not good until now~"(但係一直都摺得5好直至到面家)
我﹣﹣" Wah hahahaha......係呀!"
小王子﹣﹣"係呀~Junior因為驘左摺飛機比賽,所以攞到張AU$50嘅game shop禮卷呀!"
我﹣﹣"嘩~~~~aiya~早知你去參加la~hahaha...."
小王子﹣﹣"5止呀~之前o個日阿XX去另一個設計週嘅Ikea平面設計比賽,驘左兩飛戲飛tim bor。"
我﹣﹣"吓?嘩!你學校真係闊佬到呢~"

o係呢個設計週其中一個項目就係砌Lego,"聚寶盤"有幾個教聖經嘅老師,竟然一齊砌左個全澳洲最高嘅Lego 模型 ,重上埋報紙tim,真係吹啤啤喎!你地米睇少呢架Lego火箭,呢度d Lego好貴ga~呢壇o野閒閒地要洗幾皮o野至砌到。

 就係下面呢個﹣﹣>




小王子之前都一路猛叫我去睇佢老師砌o個個Lego火箭,又話好高、又話好大,我邊有心話會真係去睇至得gar。直至o個日我o係屋企扔舊報紙,至o急到報紙原來介紹"聚寶盤"個設計週,兼且重影埋o個個Lego火箭嘅相。當時我睇到張報紙o個張相,即刻諗起的同小王子返"聚寶盤"返學嘅第一日,"聚寶盤"個校長o係台上同所有學生同家長講嘅一句說話﹣﹣>
"你地5洗係專家至可以o係"聚寶盤"度讀書,因為我地呢度有大把專家教你點樣成為一個專家!"

後來小王子同我講,話學校要租架吊擘至可以將個Lego火箭吊走。


                                    June 5,2012
                              Poke Ball三文治盒

2012年6月4日星期一

好想彈綱琴盒



無陰公呀~無陰公呀~
我個Blog比人hacked左呀!!!!!!!
變態ga~變態ga~
連C9仔個場都攪!!!!!
冷靜d~冷靜d~5係呢個Yahoo Blog。有追開小王子天地嘅Blog友應該知道其實我5係淨得呢個Yahoo Blog,另一班Blog友係追開o個個Blog嘅。o岩o岩過左o個個星期5,有Blog 友o係我Face book Fans club 小王子廚房留言,話我聽我另外一個Blog比人hacked左,叫我快d去搶救。
我就更係第一時間同小王子爸爸講la~電腦我5識gar ma!咁o岩前一排小王子寫左本mini 小說,小王子爸爸要幚小王子打入電腦度準備我攞去印。所以小王子爸爸未得閒同我攪番掂個Blog,家下小王子爸爸將所有去的另一個Blog嘅人,自動divert去我呢個Yahoo Blog,所以睇開我另一個Blog嘅Blog友入到嚟見到係Yahoo Blog 5洗驚,係有原因嘅。

我承認我係有dd衰,時時連同小王子一齊笑小王子爸爸,有時笑下佢大肚腩,有時笑下佢無頭髮,間5中又笑下佢5靚仔。之但係小王子爸爸就係因為比我地笑得多,次次笑親小王子爸爸,小王子爸爸都話﹣﹣>
"我已經有免疫gar o勒~你地點笑我都5怕gar o勒!"

唓~都5好玩嘅!我見家下笑親小王子爸爸佢都無反應,於是我轉軚連同小王子爸爸一齊笑小王子o勒~wah ahahaha.....有時笑下小王子係外星人,有時又笑下佢肥,有時又笑下佢好醜樣。wah hahaha.....

上個禮拜有晚,我同小王子一齊瞓o係佢自己張床度,等小王子爸爸入嚟同我地一齊謝謝天父。我就瞓o係度,而小王子就更係必定咁攞住本書嚟刨,小王子爸爸行入嚟o個時,我 細 細 聲咁問小王子.....
我﹣﹣"爸爸靚5靚仔呀?"
小王子用本書遮住塊面 細 細 聲咁話﹣﹣"5靚仔!"
我﹣﹣"wah hahaha....係咩?但係點解我一望到爸爸就會recall到你個樣嘅?咁你米都5靚仔law?"
小王子又用本書遮住塊面 細 細 聲咁話﹣﹣"我似媽媽ar ma~"
我﹣﹣"wah hahahaha......你有咩理由會似我至得gar?我執你返嚟ga咋喎~"
小王子﹣﹣"wah hahahaha....."
我﹣﹣"o拿!則係咁~如果你o係街度見到舊擦膠,將佢執返屋企,再擺佢十二年,然後又攞返出嚟,咁你望下舊擦膠,你會5會話﹣﹣>"咿?佢個樣好似我喎!""
小王子 and 小王子爸爸﹣﹣"wah hahahahaha......"
我﹣﹣"o拿~係米呢?5會gar ma!咁所以你個樣有咩理由會似我至得gar? wah hahah..."


P.S.
Only for 住o係Sydney嘅Blog友~
呢個星期5早上10:00am,o係我Church有人教做糖花(不過5係我教,但係我會去),下個星期5同樣時間呢~就係教點樣用糖皮裝飾蛋糕(o拿!呢堂係我教na~),如果你有興趣想學下點樣做糖皮蛋糕,就5好錯過o勒。有興趣嘅Blog友留言比我,我比個地址過你下~

費用係全免嘅,但係若果大家有感動想過廿萬落我戶口,本人係絕對無任歡迎嘅。