2015年11月26日星期四

手編娃娃之o都咀雞




上次講到我近日沉迷於鉤公仔,攪到成屋都係手編娃娃,鉤好嘅公仔多到一張梳化都放5 哂。終於小王子爸爸話-->
                      "太多na~" 
重叫我攞d公仔出去賣!!!

o拿~呢個就係第一個人地同我訂 手編娃娃o勒。
希望佢會去到另一個好愛佢地嘅主人懷裡。
其他手編娃娃我會放o係ebay度賣,有興趣嘅Blog友可以PM下我。


5知你地有無睇過好多年前o個套日劇--"交晌情人夢"?
重記5記得裡面個男主角點解5去外國深造?
5記得?因為佢怕搭飛機ar ma 。
點解我會講起呢套戲呢?因為現實真係會咁.........

重記5記得今年四月o個陣,小王子跟"聚寶盤"去左土以其表演o個個超級豪華團?由Sydney飛去威尼斯要轉一次機,加埋要坐成 30幾個鐘頭 飛機gar。小王子話佢地途中遇到風暴,架飛機飛飛下突然間跌左一下好勁嘅~成架飛好似跌左一個好大嘅高度咁。
                  嚇到小王子呢~~~
佢以為會返5到嚟見媽媽!!!!
之後o個幾十個鐘頭行程,小王子驚到眼再無合上過。

自此
小王子怕左搭飛機!
以前小王子會話第時想去英國讀書......
而家佢諗起去英國要搭飛機........
無提o勒~

過左呢個聖誕節,小王子就升中五 o勒~
開始要諗大學要讀咩科,有日小王子同我講.......

小王子--"媽媽,第時如果我做左醫生,我想去做無國界醫生呀!"

我望都無望小王子就話--" 你5得gar!"

小王子--"點解呀?"

我仍然無望過佢,然後話--"你聽我講la~你5得gar!"

小王子5死心繼續問我--"點解我5得呀?"

我--"總之你信我la~你5得gar 呢~"

小王子--"點解呀?"

終於我好凝重咁望住小王子,然後話--" 唉~做呢d會死人gar 仔!"

小王子--"做咩都會死gar la媽媽!"

我--"問題係你怕呢~"

小王子--"邊個話我怕 gar?"

我--" 咁你怕搭飛機5係就係因為怕死咩?"

小王子望住我話--"係喎~"