2012年9月30日星期日

手工玫瑰方糖

喂~喂~喂~今次有又得意o野教你地na!
好!齊高呼 "小王子媽媽萬歲、萬歲、萬萬歲" 先。
教埋今堂 "玫瑰方糖" 之後,跟住o個幾堂"嘩!Box教室" 我會教返做"嘩!Box"o勒,因為我知道一路都有班"嘩!Box"嘅粉絲嘅,所以希望家有厭食小王子嘅你都可以同我一齊整"嘩!Box"。

今次教你地做呢個 "玫瑰方糖",又係一個間單、易做兼零失敗,但係出到嚟個樣又係靚到嚇得死人o個隻嘅。做 小小 o野、洗 小小 錢就可以攪到d茶飯......
無錯!
"小小付出,大大收獲" 正正就係我地C9繼 "輸人5輸陣" 嘅另一個代名詞la。
嘩哈~
哈~

係咁嘅~有日我忽然間諗起﹣﹣"不如試下做方糖la"!
記5記得以前我地細個o個陣,好多時去到d餐廳度食野,都會放粒方糖o係口度當係食糖gar?以前我地o個代點似而家d細路咁幸褔至得gar~放粒方糖o係口就當係食左糖ga na。於是就開始research、構思、試做、然後就出現今日呢個"手工玫瑰方糖" o勒。
"玫瑰方糖"
令一杯普通嘅奶茶透出淡淡嘅玫瑰味,老實講我覺得有 小小 浪漫feel呀!hahaha...而朱古力方糖呢我以前見過一次,覺得幾得意,所以今次試下自己做,佢為你o個杯day day飲到想死嘅咖啡帶嚟驚喜,係米好正先?











其實我重攪左好多其他5同款同5同味嘅方糖,但係因為我5想次次dVideo都攪到鬼咁長,所以今次淨係教你地做兩個味啫,有用現成方糖嚟做嘅~又有全人工手做嘅,第堂再教你地第d味同點樣用糖霜裝飾粒方糖。今次教你地用返上次學做糖皮花買落嘅糖皮做裝飾,等你地5洗哂o野。

o拿~咁又打到幾蚊爺頭ga na!積
少成多呀姊妹~



溫馨提示:
1. 玫瑰花茶泡好之後,色素要o係茶暖暖地o個時落,因為咁d色會容易d溝均。

2. 茶要全凍至可以加入砂糖中,如果5係砂糖會即時比熱整溶。

3. 玫瑰花最好預先去掉花蕊,淨係加入玫瑰花辨落砂糖中,咁做出嚟嘅方糖會靚好多。

4. 朱古力方糖可以用靚朱古力,5洗用cooking chocolate。

5. 溶朱古力要去掉高熱至可以加coat上方糖度,5係粒方糖會即時溶。

6. 今之我用左靚朱古力嚟做呢個朱古力方糖,如果你真係無辦法攪得掂靚嘅朱古力
(靚嘅朱古力比cooking chocolate難控制好多,想知多d嘅Blog友可以睇返我教gi朱古力o個堂"嘩!box教室"。)可以用返cooking chocolate嚟做,但係要快手d,5好等到d cooking chocolate凝固左你都未coat好d方糖。再5係放粒方糖放入冰箱度雪5分鐘至再coat朱古力都得。
7. 最好連同防潮包同做好嘅手工砂糖一齊。

8. 要好運至會見到朵花浮o係杯茶面gar,所以祝你好運o勒!

9. 吾一定要整方形嘅,用個細嘅cookie cutter嚟整都好,再5係就搵個細冰格又得。

10. d糖花記得要全乾至好痴上粒方糖度呀!

11. 只要存放得好,玫瑰方糖可以放好耐,但係朱容力方糖因為有朱古力可能會返潮嘅開係,最好5好放得太耐,否則朱右力面可能會出現雪花狀。

P.S. Video o係相下面,碌落小小la~





















2012年9月24日星期一

棒棒蛋糕班



經過"植物細胞模型""Board game"兩個大刧之後,終於捱到小王子放Term Break o勒~喂!喂!喂!你地千奇米話﹣﹣"嘩!咁快又放假?"
你地齋睇Blog就更係話快la~因為查實我本人係渡日如年gar law!再5放假我可能會提早返天家gar na。
加上上個禮拜五小王子考埋最後一級大提琴(8級之後第三級),捱左咁多年小王子終於考哂所有級,以後都5洗再考大提琴na,之後就可以專心去比賽o勒。只要考埋"聚寶盤"嘅school年尾大考同埋去埋之前小王子被邀請參加o個個Cello比賽......
            
                咁~我今年終於無驚無險咁玩完na。


怪獸度度有~邊度特別多?我前兩日o岩o岩至見到一對怪獸夫妻
話說小王子有個同學叫"左頭左勢",小王子係攞左"聚寶盤"音樂獎學金入讀呢年事雖然我同小王子無o係"聚寶盤"周圍同人講,但係呢單o野差不多全"聚寶盤"嘅師生都知道哂,所以o係學校度好多人都知小王子o係邊個。

就係因為咁有次o係"聚寶盤""左頭左勢"個阿爸專登走嚟同我搭訕,其實一行埋嚟就猛問小王子考到幾級呀、重識彈咩o野呀咁嚟chok我,佢講左兩句極奇難聽嘅英文就問我o係邊度嚟,我一話係o係HK嚟佢就bi li ba la咁猛同我講廣東話咁同我講廣東話無問題gar喎~但係奇趣嘅o野就係咁發生o勒.....

我﹣﹣"咿?阿"左頭左勢"識5識講廣東話gar?"
左爸﹣﹣"吓?er....佢5識gar~"
我﹣﹣"吓?係呀?我小王子講得好叻gar,因為我平時同佢講ar ma~hahaha...."
左爸﹣﹣"er......你鬧佢或者佢識聽小小嘅~"我﹣﹣" @O@~ "
我心諗"5係哇?你200﹪係HK人,阿"左頭左勢"又100﹪係中國人,你d英文弱到咁你5係同我講話平時用英文同佢溝通下哇?
“你鬧佢或者佢識聽小小”?﹣﹣你講呀?"


"左頭左勢"無咩o野特別叻,讀書又5係好叻又5鍾意睇書咁。不過"左頭左勢"識得彈琴同拉小提琴,but佢d小提琴就真係拉得mama na,之不過咁佢同小王子都係o係"聚寶盤"個弦樂團度,所以佢同小王子都幾熟gar。就係因為咁上個星期六"左頭左勢"開生日會都請埋小王子去,而就係咁我同小王子爸爸親眼見証到呢對怪獸夫妻。
阿左媽一行埋嚟就問.....
左媽﹣﹣"咿?聽講小王子琴日去考琴喎~"
我﹣﹣"吓?係呀!佢琴日去左考Lmus Cello呀~所以今日佢嚟玩好開心呀。"
左媽﹣﹣"啊~你小王子一定係跳級la咁,如果5係點可以咁細個考到咁高級啫!"
(嘩~佢講o個時個樣真係極奇樣衰gar!)
我﹣﹣"佢第一次考級係6歲,考四級,跟住考5級,然後就考AMUS 同LMUS law!"
左媽﹣﹣"係law!如果5係跳級點考到咁高級啫~好似我地“左頭左勢”咁,佢個老師5人比跳級gar,所以到而家至考到7級之ma~"
嘩!我聽到同睇到佢o個張咀臉真係O左咀,查實老師5比"左頭左勢"跳級可能因為佢弱呢~總之一路聽佢吹"左頭左勢"我就一路"o我~o我~o我~"咁認佢law!
另一邊小王子爸爸一同左爸打招呼,左爸就即時同小王子爸爸講廣東話,之但係一講就話﹣﹣
"“聚寶盤”5係最好ga,重有學校好過佢gar,之不過我"左頭左勢"呢~小學就o係"聚寶盤"度讀gar o勒,識左好多朋友,如果同佢轉校佢會好5開心gar,所以我地至留o係“聚寶盤”度gar啫!"

嘩~嘩~嘩~我當時個咀真係O到爆咁濟呀!咩話?有第間好d but你5轉?
嘩!你"左頭左勢"讀書又5係叻,5好話假若真係有間好d嘅你考5入到去la~查實若果你"左頭左勢"5係靠o係小學部度直升上中學,根本連"聚寶盤"你都未必入到tim la~
嘩!d人真係大言不慚gar喎~好似想話我知米以為小王子考到"聚寶盤"嘅獎學金就好巴閉咁。都痴痴地gar,我從來都無咁講過!

阿左媽重攪笑la~一聽就知佢5係講英文嘅人,之但係佢又堅持死都要同你講英文,連阿左爸同佢講o野,佢都要答英文,走o個時佢聽到我同小王子爸爸講廣東話,就左我一眼然後即刻閃開,驚死我地會同佢講中文咁。唓~你咁巴閉,咁睇5起人講中文咁你5嫁鬼佬?做咩要搵個200﹪HK人嚟做老公啫?


P.S.重記5記得之前我開班教做棒棒蛋糕?呢d就係我o個日做gar o勒~
















2012年9月18日星期二

免焗蛋糕裝飾法下﹣﹣糖皮裝飾法



嘩!嘩!嘩!又到左小王子妳媽教你地整o野食嘅時間o勒~係米好期待呢?hahaha.....

我一嬲o係"嘩!Box教室"度教你地整o野嘅宗旨都係要簡單易做兼零失敗要普通人用普通o野去做出一d嚇死人嘅o野嘅。點為之係普通o野?則係5洗點買屋企都搵到,or 就算要買都周街買到嘅o野去做d靚到嚇死人嘅o野law。

所以次次"嘩!Box教室",無論係我自己試做一或係正式錄影,我都盡量用Tools去做嘅,因為每次我都係幻想緊如果我係你地~第一次做呢樣o野,屋企又咩都無,咁點算好呢?所以每次就算我有o個樣工具,我都尊登5會用嘅。
可以令一個普通C9做到一d好5普通嘅o野至為之very Good。

之但係一直都有好多Blog友叫我教整糖皮老真講我其實5係好想教,因為糖皮呢樣o野係一樣真係要Tools又dTools難買兼貴到嚇死人嘅o野嚟。所以如果教整糖皮嘅話,o係你未整到d靚到嚇得死人嘅o野之前,自己就先o係賣Tools 間shop度嚇死左自己先o勒~
呢個就係我一路都5想教你地做糖皮嘅原因。

個個都話想學做花,之但係做糖皮花o個d Tools貴到呢~我查實神早已經o係賣Tools o個間鋪頭度死左幾次。不過~

                     正所謂死過返生,18年後又一條好漢啫。

為左要教你地做糖皮花其實我諗左好耐。究竟點先可以5Tools做到糖皮花呢?試過好多種方法,又做左好多Research~雖然係真係有5洗用Tools做嘅糖皮花,但係好多時都要用技術搭夠,有d好似好易嘅技術,其實對第一次接觸糖皮嘅人嚟講真係會有難度gar!
所以Blog友們,今次小王子媽媽教你地做嘅o野,小王子媽媽5敢寫包單係零失敗gar。我試左好多個做型,有d真係難~好似我試做 "小公主米通蛋糕",就發現係教5到你地o勒~但係我盡左力o勒,希望一直想做糖皮嘅Blog友,可以趁呢個機會試下玩下糖皮na。下次至教返你地做返d零失敗嘅o野下~

P.S.一直都5想錄得d Video太長,之但係又真係有好多o野要講比你地聽,5單只係要教你地點做,而係要教埋你地個理論。好似點樣溶朱古力、點解次次做酥皮都失敗.....
想教識你地個原理,而5係單單淨係識做5識解,識標5識本呀!糖皮真係有學問gar,就算你去買Tools,都要識點同人講買咩gar係米?
所以Blog友們對5住呀~今次有7個Video。
我係真係好比心機咁錄,而小王子爸爸亦都好有心機咁幚我做Video Edit 同upload上Youtube度gar,希望你地5好哂左我同小王子爸爸嘅心機,可以有耐心咁睇哂佢。
食用膠水
材料:
Tylose Powder 3/4tsp
滾水  1cup

做法:
將Tylose Powder 洒在滾水中,用匙攪幾分鐘,然後放涼後入樽放入雪櫃。


o係攪完幾分鐘之後Tylose Powder都重未溶 or 有粒狀都5緊要,因為o係放涼同入雪櫃雪嘅過程裡面,Tylose Powder會繼續溶o係水入面嘅。o係呢個時候5好以為好希道咁落Tylose Powder,因為雪完之後佢會杰第好多gar!食用膠水可以存放好耐gar,平時5用o個時就放入雪櫃度處存。

溫馨提示:
1. 用嚟包蛋糕嘅糖皮英文叫Fondant、做比較軟身亦都比較難乾,之所以我地食o個時至會有touch dry但係又內軟嘅口感。

2. 用嚟做花同整做型嘅糖皮叫Gum Paste,Gum Paste比Fondant較硬身,亦都比Fondant快乾好多,所以至可以用嚟做公仔嘅。

3. Fondant可以好easy咁變做Gum paste,只要將Tylose Powder or CMC Powder 加入去Fondant度,你就可以將佢當成Gum Paste咁用o勒~

4. 
Tylose Powder 同 CMC Powder 其實係兩樣5同嘅o野嚟,但係佢地o係做糖皮嘅用途都係一樣,所以有d shop直頭寫佢地係同一樣o野。所以你地就算賣左邊一樣都ok嘅。

6. 用嚟做食用膠水嘅係Tylose Powder而5係CMC Powder,一般用嚟做糖花嘅食用膠水用我上面o個個份量就OK ga o勒。

7. 究竟要加幾多落Fondant度至o岩呢?其實無一個定律嘅~
有d人每100g Fondant 加1tsp CMC powder/Tylose Powder
有d人每300g就落1﹣2tsp
有d人..........
o拿~都無一定嘅,我覺得如果係做公仔嘅話我就會落多小小,因為佢將會用嚟支  較重嘅部份。之但係其實都係講個手感嘅,你做多兩次就會知道太硬同太軟嘅分別gar o勒。  

8. 做糖皮係一定5會用水質食用色素嚟溝色嘅,第一係因為
水質食用色素嘅顏色5夠濃縮,所以可能落哂成樽都未溝到你想要嘅顏色。又因為落左大量水質嘅色素落舊糖皮度,糖皮會比色素裡面嘅水溝到希哂,糖皮應有嘅濃度就會改變o勒。

9. 如果無"食用膠水",可以用小小水(5好油咁多呀,5係d糖皮會溶gar!)嚟代替,不過因為今次做嘅花盤做型,要痴上去嘅花會比較重,所以就咁用水嚟痴可能會有難度。
5用水同"食用膠水"嘅話~可以用蛋白,不過我5知HK d蛋白可5可以生用,我地呢度係OK嘅。

P.S. 視像教學Video o係相下面,請碌到落最底。



















2012年9月17日星期一

三個嘩鬼三文治盒



天父愛世人~對我佢又點只淨係錫我一個小王子呢!

天父錫我呢個小王子極奇特別又超奇趣gar!

o係學習方面嚟講,小王子確實係個天材之但o係學習以外嘅事呢~
小王子查實係個生活白痴,對日常生活嘅o野係完全攪5掂,根本就係無辦法照顧到自己。所以到家下12歲我都要好似揍BB仔咁嚟揍佢。
就好似去廁所咁,如果我5叫佢出嚟~不論小王子係Wee or Poo佢都會死守住個塔,慌死有人會同佢搶咁無十幾分鐘都5會出嚟。
食完飯去洗手,之但係如果我無叫佢用soap咩~小王子就係咁用水沖一沖就算。
沖個涼嚟講,若言無我坐o係度望住佢,一路提住話查Soap la~洗頭na~沖水la~喂!落護髮素呀......咩呀?未沖淨dSoap呀!........小王子係分分鐘沖半粒鐘都未行到出個廁所門口。
我一嬲都5比小王子一路食野一路睇書,點解?係米因為對消化5好?
非也~非也~
係因為每次當小王子一打開本書,咁所有應該要做嘅野都會用多100倍嘅時間至會完成到。
一路食野一路睇書?咁佢餐飯肯定要食足兩粒鐘

以前細個重誇~
小王子自細就5鍾意食o野,乜鬼都話5食,細個我餵小王子食飯,我要一路咁同住小王子講﹣﹣>
呀~ ma大口。
𡁻~
吞~

o拿~係每個動作都要叫住,全聲控gar!
我家小王子天生係全自動﹣﹣全自己(我)聲控郁動!
小王子就快去到一個"無我叫佢,佢連氣都5會透"嘅地步gar o勒~幾cute至得gar!

之前米提過"聚寶盤"規定所有學生都要選修一樣Sport嘅~
重記5記得小王子第一個term揀左打網球?終於因為泎波對泎波,於是成場球都無人打得返個波過對面場,打打下波小王子直頭坐左o係個網球場中間度hea。
第二個term小王子由打網球轉左去踢波
再一次係
泎波對泎波,成班o靚仔連個波都未知o係邊就係咁猛踢空氣。
呢個term小王子終於可以揀返佢自己一路都想玩嘅Sport o勒~呢個Sport要呢個term開始至比Year 7嘅小朋友揀嘅。係咩?
你地重記5記得呀?
就係劍擊o勒~
唉~小王子終於都揀到一樣,5洗我擔心佢哂親,又5怕佢比人踢親,兼著住咁厚套衫睇怕莫講話係劍,刀槍都應該不入嘅盔甲睇怕小王子都應該無得傷na掛?
咿?小王子連劍都學埋點灑,咁遲d若然小王子學埋騎馬,咁米成為真正嘅白馬王子law?


嘩~全自動聲控白馬王子呀~勁呀!






2012年9月10日星期一

莎士比亞曲奇



查實有樣野我真係5係好明,明明係個小朋友讀書,5關父母事gar喎~點解學校咁奇趣,做親功課都硬係要預埋媽媽一份gar呢?

係咁嘅~上個Term小王子英文科有個assessment,係要佢地想像家下係莎直比亞時代,但係阿莎生又未紅,重係Potato
要小王子佢地做一份旅遊指南介紹d人嚟英國旅行,而其中一個旅遊點就係去睇阿莎生套舞台劇o勒~做完旅遊指南重要做Presentation嘅。

無錯!單o野講到呢度都係完全正常嘅,之不過..........
點解?點解竟點解個老師會同d細路講如果你做Presentation o個時帶d野比d同學食,等佢地可以一路食一路聽你發up風,咁佢地enjoy 洛~自自然然就會攞到高d分la~
\@0@/~  
咁都得?

查實係咁嘅,o係"聚寶盤"度做
Presentation,好多時都係全班一齊比分嘅。則係點?則係你做緊Presentation嘅時候,除左你自己之外老師連同全班同學都可以一齊比分,老師收哂d分紙就會睇,如果自己比左低分但係全班都比高分呢~佢就會加返你小小分,相反如果佢比左高分but全班都比低分你呢~佢就會減你分ga o勒!

咁帶o野返去收買同學呢個咁崇高嘅責任,一定係落o係本人身上ga la~
喂!咁攪法d細路米無左"人一做事一人當"呢個咁好嘅美德law?一或其實學校想傳達有難同當呢個道理呢?
要整野返去食、又要貼題.......
大佬呀~究竟阿莎生平時食乜gar?

之前o個幾日小王子竟然同我講.....
小王子﹣﹣"媽媽!英文Presentation有同學帶抽獎卷返去派呀?"
我﹣﹣"吓?5係哇?"
小王子﹣﹣"係呀~"
我﹣﹣"唓~咁不如直接帶錢返去派la!"

終於我做左呢個曲奇,呢種曲奇我真係第一次做,所以做得mama地,下一次再做一定會靚好多。
小王子話莎士比亞好多劇都有講曲奇上面o個d小天使gar喎~所以佢話呢d曲奇將會o係阿莎生個劇場度賣,重要係限量嘅,
你要去睇莎劇至買到bor。o拿~鬼同人一樣gar啫,一聽到限量就發癲gar o勒。
到最後小王子同我講好多同學仔話塊曲奇好好味,所以全部私人醒多一分比小王子喎!

查實小王子做Presentation關我咩事至得gar?阿老師好像真係驚我太得閒咁gar喎~咩都要預埋我一份。激死呀!