2011年2月10日星期四

熊bear bear枕頭三文治盒~



無見你地咁耐,其實有好多o野要同你地講呀!

其中一樣就係.....重記5記得舊年我提過,小王子被邀請代表澳洲,5月去阿根庭度演奏呀?o個時我重擔心自己無錢比小王子去,個心成日都un住un住。點知.........澳洲注阿根庭嘅領事館 Sponsor 兩張機票比我地,主辦單位重共應埋食宿比我地。而家小王子真係可以去阿根庭na~

好~開~心~呀~

重有呀!!!

小王子又被邀請o係4月,去Adelaide 嘅 Cello Festival 度演奏,重有機會跟世界知名嘅大提琴手上Master Class,真係好好好幸運呀!!!!!

重有!重有!

記5記得舊年年尾小王子去雪梨音樂學院度考獎學金?考到na~考到na~
無見兩個月,係米好多好消息先?

好多謝一直見証住小王子努力嘅你地呀!

而家,只要小王子考到埋o係雪梨中學嘅獎學金,咁我同小王子就會搬去Sydney ga na!要祝褔我地啊!!!

前兩日我米提過話小王子話自己要"減~肥~喎"~重叫我第一個term 5好整"嘩box"嘅?琴日朝小王子一見到我整o個個"bear bear熊飯糰盒",就話﹣﹣
小王子﹣﹣"媽媽!聽日都係整返三文治盒la,因為咁樣我都覺得好肥呀~"

天呀!!!

琴日o個個飯糰連半碗飯都5夠呀~咁都話肥?睇嚟小王子可能想練仙都5定na!

所以今日我都係整返三文治盒比小王子,費事佢又話肥呀!