2011年4月12日星期二

曼魚復活蛋盒



琴日講到我同小王子平安到達Adelaide,我自己攪掂哂轉機、攞行李兼上埋的士同check-in,重相當得戚下tim!今日會計續講埋個戲肉........
話說第朝神咁早,我就"咩"住個琴、拖住小王子開始我地嘅Adelaide歷險之旅﹣﹣>由酒店行去音樂學院!

其實好似琴日我post比你地睇o個張"圖文並茂"嘅地圖,小王子爸爸5止比左一張過我,不過我係咁二post張過你地睇ga啫~由酒店行去音樂學院嘅路線圖,小王子爸爸重印左幾個5同嘅版本比我,有用相嘅、有用平面圖嘅~總之就一大堆la!咁其實由酒店行去音好學院,以一個普通嘅地球人嚟計﹣﹣只係需要10分鐘ga啫!
咁我同小王子5係地球人嚟ga ma~所以我地兩個係除外嘅~你地話o岩5o岩先?
由酒店行去音好學院﹣﹣﹣>我同小王子用左.....erm....差不多一個鐘頭!


咩啫?咩喎?咁係咁ga la~5識路ar ma!本來我攞住張"圖文並茂圖"好得戚ga,轉頭o個幾個灣都無問題ga喎!係張地圖跳得太快之ma~都無講到中間,一下就跳到去音樂學院門口,咁點行去個門口到至得gar?
雖然間音樂學院都好大下啫~但係佢係o係Adelaide大學裡面嘅,又Adelaide大學鬼咁大,我行到去大學入面,點都搵5到我要去o個個Hall o係邊樹。我已經o係大學裡面睇左超過5個成張麻雀台咁大嘅o個d"你在此"嘅地圖ga o勒~之不過無論我係在這嘅此~一或係在那嘅此,我都睇5明究竟我應該要點至行到去個Hall度喎!!!終於......

終於比我見到大學間圖書館,咁我米nana淋"錶"入去,諗住問路law~我心諗﹣﹣話5定人地會帶埋我去呢~點知...........帶我去賣就得~

我拖住小王子入到去Library,就見到圖書哥哥,咁我米即刻問阿圖書哥哥o個個Hall要點行去law!嘩~圖書哥哥幾咁friendly呀~即刻叫我等陣呀!我重以為阿圖書哥哥諗住同我一齊行去tim,點知..........

點知阿圖書哥哥竟然攞左另一張麻雀台咁大嘅地圖過我睇!
唓~如果我識睇重洗鬼入嚟問你路咩?真係激死呀!!!!!

圖書哥哥﹣﹣"o拿~其實都有幾條路可以行去嘅,不過呢~呢條就應該最快o勒!"
我﹣﹣"吓?o我~"
圖書哥哥﹣﹣"o拿!你應該要行出去,然後咩咩咩就轉左、跟住5知點點點就會見到間post office、又5知點無nana就會有間Art Gallery、跟住又5知o係邊度點點點就會去到大街、再轉左又點點點就見到個花園,跟住........(省下二萬字)"

其實我由佢講大街o個度開始,無論係我嘅眼神、一或係我嘅大腦﹣﹣﹣
都係完全放空嘅!

根本5知圖書哥哥o係度"up"緊乜?不過就係咁"up"頭兼答Sure!Sure!Sure!OK!OK!OK!o係圖書哥哥講完一大堆o野之後,我問左圖書哥哥一句.......我﹣﹣"咁......查實我地而家o係邊度ga呢?"

我由圖書館行出嚟o個一刻,彷如一個新做嘅人﹣﹣因為我個腦係全空白嘅!我淨係記得"大街"同"花園"呢兩個名啫。我同小王子講......

我﹣﹣"咁則係點呀?咩大街呀?咩花園呀?"
點知小王子竟然將阿圖書哥哥頭先講嘅o野同我講多一次!!!!

我﹣﹣"咁你帶我去o勒!"
小王子一路行、一路講.....
小王子﹣﹣"第一個路口轉左.....然後就咁....o拿!媽媽post office呀~呢Art Gallery米係o係right hand side law!"
我﹣﹣"咩佢有講過Art Gallery咩?"
小王子﹣﹣"有呀!佢話left hand side係post office,right hand side就係Art Gallery ga!"
我﹣﹣"oh!"

最後小王子真係帶左我行到去o個個Hall度!
我心諗﹣﹣其實係小王子跟我嚟Adelaide 丫?一或係我跟小王子嚟ga呢?

同場加影小王子去Adelaide之前嘅豎琴Concert video,隻歌係小王子自己作嘅~叫Souvenir D'enfance,係法文嚟,意思係童年回憶,小王子話作o個時令佢諗起童年時候開心嘅回憶喎~