2010年9月8日星期三

Memetchi 盒


上次我講小王子一歲o個陣,我同佢去“crying control programe”度學瞓覺。之後有幾個blog友問我究竟點樣學,今日我o係度同姊妹們分享下下~
咩野係學瞓覺呢?就係要d BB學識5靠外在嘅野﹣﹣好似奶咀、人奶、抱or要人陪瞓……總之5係靠自己瞓覺,係要其他野幚佢瞓la!小王子一路都係食人奶,未食過奶粉嘅,重係食到兩歲~但係佢到一歲都一晚醒成十次有多食奶,其實佢5係真係要食嘅~但係如果你5比佢啜下咩?佢就成個醒哂。所以到小王子一歲o個時,我諗至少有成3個月無瞓過覺呀!
重有一樣野衰喎~

5知點解,由小王子出世之後o係醫院一返到屋企,無論佢瞓得幾淋,總之你一放佢落張BB床度,佢就會即刻醒ga喎!but放佢落單人床咩?佢又5醒喎!咁你知la~單人床無欄欄住,好危險ga ma,所以就迫住我要部佢瞓o勒~我一嬲都好反對同BB一齊瞓ga,整慣哂5好law!

最後我就同小王子一齊去“crying control programe”度住左幾日,等小王子學點樣瞓覺!o拿!我以下講嘅野,就係”crying control”嘅方法o勒~如果你真係想用呢個方法去訓練你嘅小朋友瞓覺,你就要有心理準備﹣﹣

1. 初頭o個一、兩日係真係會喊得好西利嘅﹣﹣如果你5捨得佢喊,就5好試o勒~

2. Please 洗開老爺、奶奶、阿婆、阿公﹣﹣因為呢班人就係令你失敗嘅關件人物!

3. 要同老公約法三章﹣﹣無你嘅準許,5準心軟入去睇佢!

4. 訓練緊o個時就要時時留o係屋企度ga!


4歲前嘅BB一定要瞓晏覺,越細嘅BB就要瞓得越多晏覺,小朋友最好7點就瞓,所以你要定好佢每日瞓晏覺嘅時間表。好似小王子一歲o個陣就係每日嘅10:30am 同 2:30 pm 瞓晏覺嘅!每次瞓晏覺都5可以瞓多過1.5 小時,如果1.5個鐘佢都未起身就叫醒佢,最後o個覺5可以遲過5:00pm起身,5係7:00pm佢就會瞓5着。

跟住我會講一堆數字,呢d數字就係你要每隔幾多分鐘入去睇佢一次!個數字係任你定嘅~咁當然,如果個小朋友越細,你就可以定入去密d睇佢。

你可以定﹣﹣1, 1 ,2, 2, 3, 5, 7, 8, 10。

則係話你放低左佢之後,如果佢喊,出房等一分鐘,入去睇一睇佢,如果佢企左起身,你就放返低佢、同佢講good night,跟住出返嚟~又再隔一分鐘再入去,跟住隔2分鐘入一入,2分中又入一入,3分中,5分中,7分中,8分中,10分中。但一到左10分中,你就要每次隔10分中至可以再入去睇佢。每次入去都5好同佢有眼神接觸,淨係放低佢或者同佢come被,然後講goodnight,跟住出返嚟~一直咁做直至佢瞓着為止。

咁當然你可以set 1,1,2,2,3,3,3,5,5,6,7,8,9,10 la~

總之o係10分鐘之後,你每次都要隔10分鐘先可以再入去。千加5好心軟,因為d BB真係精過鬼,你一心軟,佢下次就會再喊耐d,5會咁易擺休ga。

聽起嚟好似好非而所思,我初初都係咁覺得,但係我去左學先發現﹣﹣真係work ga喎!小王子第一日喊左兩個鐘頭令40分鐘,第二次喊左一個鐘頭令40分鐘,再下一次喊左半個鐘,再下一次就喊左10分鐘。

記5記得我話5可以瞓過5:00pm?如果佢初初學,由2:30pm喊到5:00pm都未瞓,咁就5好比佢瞓呢覺,因為再瞓7:00pm佢就會瞓5著。如果佢喊到4:45pm至瞓著,5:00pm都一樣要叫佢起身。好心軟,你諗下~如果你一路比佢瞓,到佢應該要瞓o個陣又瞓5著,咁只會係一個惡性遁環ga啫
!你要佢習慣呢個時間表瞓覺。到佢學識同習慣左,就算你交佢o係BB車度,上面come塊布,佢都會自己瞓覺。以前如果我要去唱詩班,我就係咁放小王子o係BB車度,come塊布,小王子就會自動瞓覺。因為去學過瞓覺,所以小王子由細到大瞓覺都乖得好緊要,o個時人人見到佢瞓覺咁乖都難以至信ga!就算到而家,如果我去人地屋企度食飯,一到夠鐘,我就會放小王子去人地屋企張床度,小王子就會自己瞓覺,5會complain。
but你要記住,就算佢學識左,如果係成紀細嘅小朋友,都會回光反照,突然間又5肯瞓。如果係咁,你就要同佢5好出街幾日,從新再train佢一次。小王子都試過幾次咁,我就從新用呢個方法去訓練佢,到佢大d就5會咁ga na~