2011年2月28日星期一

黑白熊貓三文治盒



有日,有個朋友同我講﹣﹣
"我身邊無你咁多有趣嘅o野發生ga!"


其實日日o係身邊周圍發生嘅事,5一定係樣樣都係有趣嘅~問題係在於你點睇o個件事ga啫!好似牛奶仔同雞泡魚,佢地單o野5關我事ga,但係換個角度睇呢~就即刻覺得成件事變得好好笑law!
不過有時我都會諗﹣﹣
"點解我身邊更係有咁多怪事發生ga 呢?"


好似前o個排我同小王子返HK,咁o岩我又有個o係加拿大住嘅舊同學,佢又返左HK喎。咁我地米同成班舊同學,出嚟飲飲食食law。咁你地知la~我地呢d講得好聽就係叫做o係外國返嚟啫,其實實質米係兩條加洲橙同澳洲橙!
咁對於我地呢d澳加燦(喂!喂!喂!米聽錯呀~係澳加燦,5係冚X橙 or X家橙呀~),咁對於我地呢d澳加燦嚟講,當我地day day重捱緊AU$0.6 一條鐵線、而HK係賣緊HK$6 一百條嘅時候....
你地話﹣﹣
我地兩個有無可能會5 o係HK度發左癲先?
你地話﹣﹣
我地發癲係米正路先?
你地係5會明白,當我地兩個澳加燦去到$10店o個時,o個種震撼、激動同失控法ga na~真係5係講少,o係$10店度見到嘅o野,我地呢度都係賣$10,不過係AU$10啫!
5單止係澳加燦去到$10店發左癲,連小澳燦﹣﹣小王子去到$10店,見到d文具都即刻short 左!
你地話ar﹣﹣
我地呢d o係第度返HK嘅"橙",係幾咁大鄉里至得gar!
可能係地會覺得好cheap,之但係我地d"橙",o係$10店真係可以買到手信ga na!


聽日會講一件我o係HK度發生嘅超~攪笑事,包你笑到5出得聲!



2011年2月23日星期三

眼鯨鯨飯糰盒



有追開小王子天地嘅Blog友,一定知道我有d潔癖ga o勒!我由細到大都 勁 勁 勁怕污"Jo"嘅~細個o個時,我好鍾意食魚蛋粉ga,咁o個時要食魚蛋粉呢d o野就更係去大排當度食嘅,我記得o個時我媽媽帶我去大排當度食魚蛋粉,我媽媽放左成尺咁厚嘅報紙落地下,我都5敢放對腳落個地度,重要媽咪一路餵我,我一路兩行眼淚係咁流。你地5會明有潔癖o個種悲哀法ga na~
所以雖然我o係HK度住過17個年頭,但係你地所講o個d淨係HK至有嘅地道乜乜、地道物物,我係通通都未試過嘅!例如.....
人人都話HK茶餐廳d奶茶好好飲ga~
 sorry!我未飲過。

HK茶餐廳d波蘿油好好味ga~
 sorry!我未食過。


茶餐廳一嬲都係我嘅大忌嚟,我成世人最怕對腳行落d紙皮石度,又打死都5肯坐卡位,因為我覺得呢兩樣o野都好污"Jo"。好多年前我睇過部西片,叫咩名就真係5記得o勒~但係裡面o個個男主角就係好似我咁,5行紙皮石、鎖左門又check完又check幾十次、餐廳永遠去o個一兩間、去到又永遠要坐番

同一個位、食同一樣o野。

o拿~我就係咁ga o勒!



今次我返HK,有個舊同學帶我去"茶餐廳"度,話我一定要試下佢地d波蘿

油同奶茶喎~
 吓!"茶餐廳"?

我個心真係即時離一離,but重有另一個舊同學一齊去,我又5好意思話怕,最後米跟住佢地一齊去law!

o個間"茶餐廳"o係銅鑼灣﹣﹣好似叫翠華!佢地話呢間o野好出名ga~d冰鎮波蘿油好好好好味ga,咁我見都去到lor,米試下人人都話好飲嘅HK"茶餐廳"奶茶、同個個都話好味嘅冰鎮波蘿油law!

個波蘿油一嚟到嘅時候,我望住塊成吋厚嘅冰鎮牛油,真係忍5住講左一句﹣﹣
"嘩~~好邪惡嘅波蘿油呀!!!"

咬左一啖......之後大叫.......

"天呀~~~世間上竟然有咁好食嘅o野嘅?"

我一食個波蘿油就知小王子一定會超級鍾意食呢樣o野,因為除左粥之外,我鍾意食嘅o野,小王子都多數會鍾意食嘅。


第日我同小王子講﹣﹣

我﹣﹣"媽媽琴日食左樣好好好好味嘅o野呀!"
小王子﹣﹣"係咩嚟呀?"

我﹣﹣"就係波蘿油o勒~"
小王子﹣﹣"咩o野係波蘿油呀?"

我﹣﹣"um......則係個波蘿包裡面夾住舊好厚好厚嘅牛油law!等媽媽搵日帶你去食la~好邪惡ga....hahahahaha....."


於是我就帶左小王子去返o個間翠華"茶餐廳"度食呢個"邪惡嘅波蘿油"o勒~小王子見到舊牛油放o係d冰上面,已經覺得好得意ga na,


小王子﹣﹣"點解d牛油要放o係d ice上面嘅?"


我﹣﹣"就係因為佢放o係d ice度,至叫冰鎮ar ma~中文係咁叫ga!你快d咬啖試下la~好好味ga,呢個就係邪惡波蘿油o勒!"

我見小王子咬左啖,就問小王子係米好好食呀?
小王子﹣﹣"嘩~真係好好味呀!但係媽媽,咩o野係邪惡呀?邪惡點解呀?"
我﹣﹣"hahahaha.....邪惡則係Evil law,則係Evil 波蘿油呀!塊butter咁厚,食左實肥la~咁重 5Evil ?

小王子﹣﹣"hahahahaha......"


2011年2月22日星期二

雪人sushi盒



小王子終於都足左11歲o勒~以前小王子曳o個陣,我 一定會大大聲咁鬧佢嘅。但係而家我鬧佢o個陣,個心硬係會有種好不祥嘅預感﹣﹣就係好驚小王子會突然發爛,然後濕我一鑊。
點解?
因為最近我發現,每次我望小王子嘅視線,好似越嚟越平排咁,小王子好似就快有我咁高na!而家我鬧 小王子o個時,其實我重驚過佢,老實講﹣﹣其實由早兩年開始,小王子就已經大力過我好多,確實係分分鐘都可以打鑊我嘅~如果真係打起上嚟,我係一定5夠小王子打ga law!

近排我有種好強烈嘅感覺﹣﹣
就係有咁耐風流o勒!

最近我發現,小王子開始識得駁咀。有次真係激到我同小王子爸爸出5到聲ga!每次我嬲到眼定定咁望住小王子嘅時候,老實講﹣﹣我個心係o係度不停咁講緊粗口,o個種谷住又5講得出聲嘅感覺,真係好似就快要爆炸咁呀。其實我同小王子爸爸真係好錫小王子ga,所以每次聽到小王子駁咀o個陣,其實個心好難過。心諗﹣﹣
"我咁錫佢,佢點可以咁對我ga?"

所以我同小王子爸爸講,我地試下盡量5好鬧小王子,要比小王子知道爸爸媽媽有幾咁鍚佢,咁佢覺得爸爸媽媽咁鍚自己,自然就5會做d令爸爸媽媽傷心嘅事ga la~於是我三朝5埋,兩日就同小王子講﹣﹣

"爸爸媽媽咁鍚你,你重駁爸爸媽媽咀,真係令爸爸媽媽好sad ga~你知5知道呀?"

o拿~呢招好似有效喎!
我覺得小王子知道自己曳o個陣,爸爸媽媽係忍住5鬧自己,所以佢真係try 5 駁咀喎!一人讓一步ar ma~希望小王子真係明白我同小王子爸爸有幾愛佢,5好再做令我同小王子爸爸傷心嘅事就好na!






雞仔三文治盒




今日要介紹兩個新人物登場,佢地就係﹣﹣
雞泡魚同埋牛奶仔o勒!
查實雞泡魚係小王子最好嘅麻吉,由幼自園開始,雞泡魚就已經同小王子一班ga o勒~就算中間有兩年5同班﹣﹣好似今年咁。但係都完全無影晌到雞泡魚同小王子之間嘅麻吉情ga bor!



雞泡魚係印度人,點解佢會叫做雞泡魚呢?由幼自園開始,我一路見證住雞泡魚由一條小金魚,越谷越脹~越谷越脹~而o岩o岩過完o個個暑假返嚟,雞泡魚簡直係彭脹到~好似條雞泡魚上左岸咁﹣﹣一發不可收拾!每次我見到雞泡魚,都登佢條校服褲慘,因為佢條校服褲嘅褲筒,就快比雞泡魚隻肥肶谷到爆烈。hahahaha.......


而牛奶仔呢~雖然今日係牛奶仔第一次出場,但係亦將會係牛奶仔o係小王子天地最後一次出場。
點解?睇落去你地就會知ga na。


入返正題先下~點解牛奶仔會叫做牛奶仔呢?皆因牛奶仔屋企係開農場嘅,佢個農場大到.......係橫誇呢度最大最闊嘅高速公路兩邊。一年級o個年,阿牛媽重請全校嘅小朋友(係呀!你地無聽錯呀~係全~校~呀!),去佢地個牛家莊個度玩左一日,可想而知,牛奶仔個農場係有幾大嘅。
牛奶仔同雞泡魚一樣,由小王子幼自園就同一班ga o勒,小王子都有同牛奶仔玩開嘅~但係就無同雞泡魚咁麻吉law!
我有登牛奶仔5抵ga!因為牛奶仔5止係無美貌~IQ更加係零蛋,
But
天父間5中都會let d不幸嘅事發生嘅。更何況~天父比左個咁大嘅農場過佢喎!真係飲奶都飲得招績過人la~


點解今日我會提起牛奶仔呢~有時我會諗﹣﹣"究竟係我5正常丫?一話係人地5正常呢?點解有d家長做嘅o野,我5單止係5明,直頭係無辦法去理解ga呢?

話說牛奶仔幼自園、一年級同二年級o個時,係同小王子一班嘅。三年級牛奶仔就轉左校,但係到舊年~牛奶仔又突然間返番嚟讀喎,重同小王子一班tim!我係覺得好奇怪ga,but阿牛媽都5會采我ga la~所以我都真事問,點解牛奶仔又會返番嚟讀。


暑假完o個陣,小王子話好想請幾個同學仔返屋企度玩,雞泡魚呢d就更係鐵膽ga la~而牛奶仔呢~就係其中一個小王子想請嘅人o勒!咁我米同小王子講﹣﹣
"等開學見到佢地至約la!"
點知開左學成個禮拜,都5知牛奶仔喎!問親小王子就更係例必係5知嘅。所以有一朝,我走去問雞泡魚。雞泡魚竟然話我聽~原來牛奶仔又轉左校!
吓?又轉?
原來雞泡魚同我講,之前牛奶仔 5 o係度讀o個兩年,係轉左去一間公校度讀。我一直都以為牛奶仔係轉左去第二間私校度,老實講﹣﹣讀開私校嘅小朋友,係無咩可能會習慣讀公校!佢地要用好長嘅時間,至可以同其他小朋友玩得埋一齊ga。我都5明?點解牛媽會將個仔轉去公校嘅?最後米又係要轉番返嚟~
不過最 最 最令我不能理解嘅係﹣﹣
今年牛奶仔要轉校嘅原因!


今年牛奶仔轉左去Sydney度寄宿,原因係牛奶仔5鍾意今年佢o個班個班主任!
5係哇?
無錯!就係呢個原因,牛奶仔5鍾意今年佢o個班個班主任,咁阿牛媽就拿拿淋走去同學校理論,要求學校比阿牛奶仔讀第班。更係5得la~如果你咁都轉到嘅~聽日米有一大班家長走去學校,又話要轉班law!都腦殘嘅~比你做校長都5會比你轉la!真係問都哂氣law!睇嚟.....
牛奶仔嘅IQ係遺傳自牛媽ga喎~


就係因為咁~牛奶仔又再一次轉校o勒!其實牛奶仔從未比今年呢個班主任教過,佢只係聽聞呢個老師好惡啫。究竟而家d父母係米癲左?個小朋友未遇到錯節就幚佢避定先,咁如果出年o係Sydney呢間學校,牛奶仔又5鍾意個老師,咁係米又轉校呢?咁樣教小朋友,呢個小朋友一定5會成為一個成功嘅人,成世注定係輸家!
好彩~天父眷顧,賜牛奶仔一個富爸爸!




2011年2月21日星期一

小白兔蛋包飯盒



有時其實我諗...
小王子最鍾意嘅~可能5係音樂,
小王子最 最 最 鍾意嘅﹣﹣係睇書!
因為小王子每晚8點就瞓覺,所以小王子嘅一日﹣﹣比平常人短好多。又因為小王子無咩時間刨書,所以小王子5會哂任何一個可以睇書嘅機會,
有時小王子會半夜起身刨書,
有時就靜靜雞5瞓,開個電筒仔嚟刨,
有時又會4、5點起身刨。
同小王子行街,佢可以一路行、一路刨
刷牙嘅時候佢又刨!
wee wee嘅時候又刨!
(poo o個時就更加5洗講la)
朝早o係車刨!
放學上車佢又刨!
每個星期六我地同小王子搾車去Sydney度學cello,幾個鐘o係車度,小王子一樣可以不停咁刨!
o係學校度一有時間佢又刨!
總然言之~小王子就係書不離手,一日刨到黑!


每日我同小王子爸爸,淨係鬧小王子睇書呢樣野,一日起碼鬧至少20次!
點解?
因為只要小王子一攞起本書,就無朝無日,你叫佢佢聽5到,你同佢講野佢又5理!總之就係十問九5應la~小王子一睇書,就好似Shut down左自己成個system咁樣,咩野都5理。


連小王子個班主任都話﹣﹣"只要小王子一攞起本書,佢要叫幾~次,小王子至會將本書放低。"
不過學生鍾意睇書,老師又更鍾意ga,所以我從來都無接過小王子老師因為小王子睇書嘅投數。


小王子重有一樣o野恐怖,就係小王子會一路睇書、一路同本書講o野,有時又會一路咁笑!!!!嘩~真係鬼上身呀!
所以話﹣﹣
做父母真難!個仔5鍾意睇書又擔心,到個仔太~鍾意睇書呢~又激氣!


琴日小王子去同學仔嘅生日會,玩得開心到不得了,我都成兩年無幚小王子開生日會na,點解?因為小王子嘅生日係o係一月頭ga,情形就好似你地8月生日一樣,放緊暑假,鬼得閒嚟參加生日party咩?所以小王子已經兩年無開生日會ga na。今朝我問小王子,下個月幚佢開個生日會好5好?小王子話好呀~咁我米問小王子想要個咩生日蛋糕law!小王子竟然話...
小王子﹣﹣"媽媽!我想要一個好似本書嘅Birthday cake呀,呢~好似本書打開左咁放o係個cake上面咁ga呢!"
真係比佢吹脹呀!



2011年2月16日星期三

肥o都o都豬三文治盒



有睇開小王子天地嘅blog友,都應該知道小王子係一條超級軟皮蛇。

前o個排我同小王子返HK探婆婆同阿公,咁o岩o係o個陣時,司徙華先生過左身。o個排電視不停咁播住司徙華先生嘅掉念會ar咁。有一日,我同小王子o係婆婆屋企,阿公就開左電視睇新聞,而我呢就係度織織復織織,至於小王子呢~就o係度攪嚟攪去,總之就5知o係度攪咩la。
呢一刻電視播緊司徙華先生嘅第N個掉念會.........小王子係咁問我佢地o係度做緊咩?(我以前都提過,雖然小王子講流利嘅廣東話,但係睇廣東話嘅電視節目,佢係睇5明嘅~因為有好多中文嘅詞語,平時應對係5會用到嘅。)

小王子﹣﹣"媽媽!佢地做緊咩呀?"

我﹣﹣"er......有個好人die左呀~"

小王子﹣﹣"咩人嚟ga?"

我﹣﹣"er........一個好famous嘅人law!"

小王子有鋪癮﹣﹣就係打爛沙盤問到篤!

小王子﹣﹣"媽媽!o個個係咩人嚟ga?"

我﹣﹣"ee er er......"企徒想就咁就混過去,點知.....

小王子﹣﹣"媽媽!o個個係咩人嚟ga?點解會咁famous嘅?"

我﹣﹣"er.......總之佢做左好多好好嘅野la~所以佢die左米有好多人好sad law!"

電視個鏡頭o岩o岩去到有d人起身以前同講對司徙華先生發生過嘅事.........

掉念者甲﹣﹣"以前我曾經問過司徙華先生,點解你5怕人鬧嘅?有咁多人鬧你,點解你會完全5怕ga呢?..........省下一萬字"

就o係呢個時候.......小王子突然間細細聲咁o係我耳邊講左一句說話.......

小王子﹣﹣"媽媽!I'm going to be famous~"重要係笑得好奸咁講~﹣﹣"吓?"

小王子﹣﹣"因為我都5怕人鬧ga ma~所以 I ’m going to be famous at the future" hahaha

我﹣﹣"...................(無言-ing~)"

吹脹~咁都比佢諗到!








2011年2月15日星期二

熊雞雞飯糰盒



上回講到小王子已經完全接受左自己係軟肉男嘅事實。其實重有一樣o野,小王子係深信不異嘅﹣﹣

  就係自己好靚仔!
呢單o野5知由幾時開始成為小王子嘅"事實"。不過小王子都算醒ga na,因為呢個"事實"佢淨係會o係屋企度同我講ga啫,可能連小王子自己都知,如果呢單"事實"揚左出去,係分分鐘會比人打鑊嘅~所以小王子淨係會o係屋企度自吹自擂,話自己 "Dazzling" 喎!
o拿!"Dazzling" 呢個字,本來我就5識嘅~but自從小王子用"Dazzling"嚟形容自己,我就學識多左一個英文生字o勒~我問小王子呢個字點解,佢話則係好似個頭會發光咁,好"橙"眼,個個女仔見到佢,都會"嘩~~~~"咁喎!

(小王子講"嘩"o個陣,係用祈禱咁嘅手,重成身打左一個冷震tim~)

 老實講﹣﹣我係確實有d比佢吹脹嘅!



上個禮拜我米話小王子話自己個肚腩大,要減肥咁話嘅~點知上個禮拜學校個swimming trail,人人除衫換泳褲o個時,個個都問小王子點解會咁廋嘅?
老實講,小王子其實5算係廋,but又5肥。um....正常地球人咁law!but 5知點解呢度d鬼仔,次次放完暑假,至少都重成十幾廿磅嘅。真係年年開學都嚇我一跳ga!
小王子話,有d人著起衫look 5 肥,but原來一除衫就周身肉喎~
小王子聽到d同學咁問佢,就即刻好自豪咁話﹣﹣


"I watch my diet"


唓!5係我,佢有咁fit?


2011年2月14日星期一

愛心号列車三文治盒



小王子爸爸個office搬左,重要搬到好遠!兼無乜車位~所以而家朝朝都係我車小王子爸爸同小王子返、返學嘅~晏就呢就車佢地兩個返工、返學。遇o岩小王子放學要學o野嘅日子﹣﹣好似星期一、二咁,我就要放左放學車左小王子學o野,然後再返轉頭車小王子爸爸。而家我係一個名符其實嘅"全職司機"!
因為朝早要早過以前半個鐘出門口,所以我真係趕到暈,好多時真係連嘩box d相都影5切,你地話慘5慘?
今日係情人節,我聽日有個cake order,阿小王子爸爸重要話公司要開情人節party,人人都要帶d o野返去食,阿小王子又要送d情人節曲奇比今個新班主任,舊年o個個班主任咁錫小王子,又要送d比佢。重有佢地兩父子今日o個個lunch box同早餐,你話o勒~我今朝係米忙到嘔咁濟呢?據聞....我都係人地個情人嚟ga喎!

今日係情人節,所以整左個"愛心号列車三文治盒",個三文治係一架放滿心心嘅車仔嚟ga!but我今朝趕得濟,所以求其影左幾張相,影得5係幾好law!

學校年年都將所有學生大撈亂,今年小王子讀o個班,全部都係肌肉男!個個都係運動健將,同舊年5同,舊年o係小王子o個班,好多讀得書嘅~加上小王子本身係一個軟肉男嘅關係,所以小王子o係一眾肌肉男嘅包圍下..........令人覺得小王子d肉特~別~咁軟!
記5記得舊年小王子水運會o個單攪笑o野?
咩話?5知??

琴日小王子學校又做swimming trial,你地都知la~我對小王子運動呢家o野,不嬲都無寄有任何其望ga ma!不過接放學點都要問下情況gar,其實我對小王子嘅運動標準好閒單﹣﹣就係5洗包尾就得o勒!放學o個陣小王子同我講.......

小王子﹣﹣"嘩~媽媽!阿XX嘅Backstroke(背泳)好西利呀!"

我﹣﹣"係?"

小王子﹣﹣"係呀!佢今日Backstroke全班最快呀~"

我﹣﹣"係呀.....咁你呢?你今日swimming trial點呀?"

小王子﹣﹣"er.......ok la~"

我﹣﹣"ok?游第幾先?"

小王子﹣﹣"free style(自由式)我come last呀!"

我﹣﹣"吓?"

小王子﹣﹣"free style 啫~"

(我心諗﹣﹣"咁都好d,咁則係除左自由式之外,其他會好d la!")

我﹣﹣"咁Backstroke呢?"

小王子﹣﹣"erm....................Backstroke...............second last呀!wah hahahahah....."

我 and 小王子爸爸﹣﹣"吓!!!!!!!!!"

小王子講完之後,就自己o係度猛咁大笑。睇嚟小王子已經完全接受左自己係軟肉男嘅事實。



2011年2月11日星期五

織織復織織


o拿!o拿!o拿!o拿!o拿!
今日 post 我織 d o野na~

織o野其實好好玩,由其係可以一路睇電視、一路織,確實係勁爽ga!之但係而家d冷呢~就貴到離哂大譜law!家下出去買件重平過自己織,難怪呢門手藝越嚟越少人識la~

條頸巾同"斗篷"嘅冷,我係o係HK度買嘅~

嘩!!!貴到呢~~

不過又真係好暖ga喎!o個對勾花手就嘅冷,係N年前我o係呢度嘅ebay度買嘅~點解無nana要o係ebay度買冷?因為呢種冷係100%羊毛兼用手動紡織機,全人手打出嚟ga。咁我未試過織呢種人手打嘅冷ar ma,米買兩舊嚟試下law!點知d冷一寄到嚟。我一摸.....

 嘩!硬過鐵線嘅?


最後就更係隨即打佢入冷宮la~咁我見自己又未勾過o野,米費事去買新冷勾law!分分鐘勾5成ga ma~點鬼知自己摸下摸下,又摸到點勾至得gar?唉~

PS. 特別鳴謝無頭女模﹣﹣小王子E ma!


呢隻冷又係超暖嘅!



呢舊冷真係貴到嘔!but又暖到痺~



N年前嘅舊冷~
有手指嘅手套我以前織過好多,but無手指嘅,我反而係第一次勾!呢對o野我真係拆左十幾次都有至勾得成~
 


o係度新買嘅冷,我超like呢隻色~
呢對手就雖然係無花,但係我見本日本書個日本妹帶起好鬼死型,所以織左對,真係型喎!



呢隻就係硬鐵線嘅﹣﹣100%羊毛兼用手動紡織機,全人手打嘅冷o勒~吹脹!
呢對我都拆左8次ga!


古書


今日無嘩box!因為琴晚我幚小王子做模型做到兩點幾。唉~實不相門,小王子d手工,除非係o係學校度做,如果係要帶返屋企做嘅~~~都係我嘅傑作

!唉~我都5明,我細個美術好高分ga喎!點解小王子真係一dd都遺傳5到我呢樣野嘅?

小王子真係畫貓似狗,畫狗似粒豆ga!到而家10歲,你畫條線比佢,小王子都重係跟5到條線嚟剪,淨係可以o係條線則邊剪,剪完重可以見到條線ga喎!


我真係覺得呢度d學校時時都攪d無謂野,總之就係勞民傷財o個隻la~一時又話要school uniform free day,一時又話要整mud整物返學。我直頭覺得學校查實係想整死d家長至真law!好似上個禮拜,小王子話如果邊個整個damper (澳洲面包)返學,就會有分加喎~咁我就更係拿拿淋整過小王子帶la!諗諗下....究竟關我咩事呀?點解要家長整d野帶返地就有分加先?都莫名其妙ga!

今個星期5,小王子代表學校去參加一個"straw tower"嘅比賽,總之就係用飲管嚟砌個塔,個塔又5可以重過60g同矮過50cm,但係又可以support 3kg嘅重量o係上面。個project小王子一路都係o係學校度做嘅~所以我無見這佢做成點!琴日小王子卒之"整完"個模型攞返屋企。我一睇.....


 嘩!!!5係哇?呢件野甩頭甩骨喎~

d手工粗藻到呢~~真係非筆墨所能形容呀!件野重要係幾個人一齊做ga喎~~大佬呀!

小王子5掂啫~5洗連d組員都咁弱哇?我肯定呢件野星期5未去到比賽場地,就已經散哂。琴晚食飯o個陣,

我忍5住問小王子﹣﹣
          "究竟你地有無用到個腦嚟諗ga?"
小王子竟然答我﹣﹣
                     

 "有ga!"
唉~~~~答有重死!有諗過都整成咁!


上次重死,小王子有日放學返嚟,攞左4張A4紙比我。

佢話呢4張A4白紙係老師比嘅~要佢地用呢4張紙嚟整一本look like幾百年前嘅書。我心諗﹣﹣
               

"5係哇?老師你玩野咩?"
小王子又緊張到死,又話5可以用釘書機,又話5用得原子筆。小王子話要整到真係好似幾百年前d書咁喎~又話o個時未有呢樣,未有o個樣,所以咩都5用得!
最後我剪左兩塊紙皮,同買左塊麻布,用咖啡同茶染左N次,最後又用火壇又成,至攪得掂本野呀!
第日小王子放學返嚟同我講﹣﹣

"媽媽!今日有好多人jealous 我本書呀~個個見到都"嘩~"一聲呀!"

     

O~K~我條氣即刻順哂~