2011年4月13日星期三

甜心三文治盒



其實琴日我都重未講完,雖然去到要去嘅地方啫~但係重有成day要o係o個度ga ma,食晏o個陣我又5知邊度有o野食喎,又5敢行得遠喎!於是乎我同小王子就好似好慘咁,坐左o係大學出面o個個巴士站度,比小王子食我朝早帶左o個塊Cookies同兩條朱古力o勒~


小王子食緊o野o個陣,我又攞左小王子爸爸比我o個份地圖嚟刨﹣﹣


因為我根本5知自己o個陣o係邊?究竟今晚點樣返酒店呢?
 我刨下~刨下~o我~我知而家o係邊na!點知......


o個晚小王子上Masterclass上到成7:00pm ,出到嚟成個天都黑哂,我同小王子講...
我﹣﹣"5洗驚!因為媽媽晏就o係你食緊o野o個陣,已經study過個map,我識路返酒店ga o勒!"
小王子﹣﹣"真係?"
我﹣﹣"哼!更係la~5係你真係以為媽媽係傻ga喎?"
於是我又再"咩"起個琴,拖住小王子咁行~返酒店度o勒!行行下重比我地見到間Super tim bor~咁米順個便入去買d o野law!


我重同小王子講﹣﹣"點解我地今朝見5到呢間Supermarket ga呢可?"
小王子一路食住雪糕、一路話﹣﹣"係law~係law~"
查實我地兩個懵丙重未發現,因為我地家下行錯左路,所以至會見到d之前見5到嘅o野law!
行下~行下~




咿?5對路喎!!!!!
點解5見今朝o個條路嘅???


我即時記起小王子爸爸同我講o個句說話.....
小王子爸爸﹣﹣
"o拿~到時如果真係5識路,5洗驚~開左你部iphone4 o個個google map嚟搵la!"
無錯!iphone!iphone!iphone!等我開個google map嚟睇先~


 ~半分鐘後~






頂!個google map點用ga?又5教我,我點識用呀?


唉~咩google map都係癈嘅,搵個人map重好過la!於是我即刻打比小王子爸爸.......


我﹣﹣"我5識路返酒店呀~~~~"
小王子爸爸﹣﹣"咁你而家o係邊度呀?"
我﹣﹣"我都5知自己而家o係邊?我好~攰又肚餓呀!"
小王子爸爸﹣﹣"咁你開個iphone google map嚟睇la~"
我﹣﹣"我5識用呀~你又5show我一次先,我點識用呀?"
小王子爸爸﹣﹣"咁你等一等,我即刻開左部電腦先......你而家o個條係咩街呀?"
我﹣﹣"我5知呀~but我見到有間XXX同XXX喎!"
小王子爸爸﹣﹣"咁你等一陣!"
我﹣﹣"咿?5係bor~原來我企緊o係275号度bor!我o係XX街嘅275号度喎!"
小王子爸爸﹣﹣"咁你眼望住275,然後向右行~一直行到街尾再轉左,就會見到你今朝行過o個條路ga na!"


於是~我5止係"咩"住個琴、拖住小王子、重拖埋自己o個個攰到嘔嘅身體,同埋.....同埋好捉虫咁o係Super 買o個幾袋o野行~返酒店!


你地話係米慘絕人圜先?

等我講返今日個"嘩box"先~呢度有好多細路仔係對Nuts敏感嘅,真係會死人ga!前兩年有個13歲嘅細路去school camp,玩游戲o個陣要食一啖花生醬,然後再接力,o個個細路原來係對花生醬敏感,可能怕同學笑就5出聲,就係食左一啖,真係即刻死左!所以呢度d學校係5比小朋友帶任可有Nuts嘅食物返學嘅~你地知5知,5比用花生醬同Nuterlla,對我幾慘至得ga?小王子又5食Jam喎!想整份甜嘅三文治都5得~
BUT


終於.....
嘩哈~嘩哈~
比我研發左呢個Milo朱古力醬,以後小王子嘅三文治又多樣o野查lu!我今日就係用左呢個Milo朱古力醬嚟整呢個"甜心三文治盒" o勒~
等我試用多兩日,如果反應良好就教你地整下~