2011年11月29日星期二

肥豬盒



重記5記得上個禮拜我提過~每年最高貴學府都會o係年尾嘅畢業禮度,頒發一d全年大獎?例如全年總學業獎呀~全年總法文獎呀~全年總音樂獎同全年總運動獎呀等等等等。咁之前米話會有另一個頒獎禮,係尊頒發獎行比一d未到全年最好o個個,但係又相當好下嘅人嘅。往年呢除左畢業禮之外,就頒另一個頒獎禮,一次過頒哂呢d細獎嘅。今年最高貴學府將呢個頒獎禮分左做兩次,分開嚟頒呢d細獎。上個week o個個就係尊頒d 咩運動呀~音樂呀~法文呀~Chess呀......總之係吾等洗o個d獎la。

而琴日o個個頒獎禮呢~就係頒好似學業獎呢d比較大嘅獎行嘅,同樣地如果你o係琴日攞到獎,咁則係話你5係全年最另o個個,o係下個禮拜o個個畢業禮度,你5洗至意攞到獎。亦都同樣地,如果你o係琴日o個個頒獎禮度有獎攞,之前係一定會收到信通知嘅~
所以上個禮拜,次次我去信箱度攞親信,個心同隻手都相當咁震下~嘩!幾驚有學校信呀?好彩~無收到喎!hahahahaha......
琴日放學小王子一上車,我就問佢....
我﹣﹣"點呀?今日邊個攞學業獎呀?"
小王子﹣﹣"今日阿潺仔強、邊個邊個同阿邊個邊個都攞左學業獎呀!"
我﹣﹣"係?"
小王子﹣﹣"係呀媽媽!o個d同我有機會掙全年總學業獎嘅~今日都攞哂獎呀!"
我同小王子一齊大聲咁尖叫﹣﹣"呀~~~~~~~~~"
我同小王子不停咁o係架車度尖叫~
小王子﹣﹣"媽媽!如果人地打開我地道車門,聽見我地係咁o係度嗌,一定會以為我地係傻gar!"
我同小王子一齊﹣﹣" wah hahahahaha....."
我﹣﹣"咁睇嚟~下個禮拜個畢業禮,我要幚你燙埋條底褲去至得喎~"
小王子﹣﹣"hahahaha....."
我﹣﹣"不過係淨~係燙條底褲啫,其他野咩都5燙喎!hahahaha....."
小王子﹣﹣"點解呢?"
我﹣﹣"o我~咁樣做其實係有原因gar!"
小王子﹣﹣"係咩呀?"
我﹣﹣"就係等你到時一上台就除哂d衫,淨得條燙左嘅白底褲,咁可以話比人聽﹣﹣>Look!I'm sooo Pure~"
小王子﹣﹣" and soooo divine~"
我﹣﹣" and sooo fresh~"
我同小王子﹣﹣" wah hahahahaha......"

重記5記得邊個係潺仔強?呢~考考下試突然間嘔,又比人模擬呢單o野拍左個video,然後放左上Youtube o個個呢~
潺仔強同小王子一班,一嬲都係小王子攞全年總學業獎嘅勁敵,琴日當潺仔強上台攞學業獎o個陣,小王子情不自禁咁揸住左個拳頭仔chok左一下,然後講左一句﹣﹣>
                                             
                     " YES!"

咁o岩比坐佢隔離嘅蛇仔明見到......
蛇仔明﹣﹣"小王子(化名)!你做咩呀?"
小王子﹣﹣"吓?erm.....無o野呀!"
蛇仔明﹣﹣"咁你做咩咁嘅?"
小王子﹣﹣"吓......o我~我登佢開心啫~"
蛇仔明﹣﹣"o我~原來係咁!"

至於究竟今年小王子攞5攞到個全年總學業獎~就要等下個禮拜嘅畢業禮o個時至會揭曉na~





今日post埋小王子上個禮拜o係雪梨音樂學院拉Cello嘅表演過你地睇下~

2011年11月28日星期一

煎Pan盒



本人一嬲都係o係本皇府,担任美術顧問及最高執行人員嘅工作嘅~嘩!個朵幾勁呀~無錯!小王子一嬲同美術有關嘅功課﹣﹣>都係由本人執行嘅!
而又5知點解?學校又硬係咁鬼多功課都係要加埋d畫畫游游、剪剪貼貼ga 喎。
家下學期尾,最高貴學府又無nana要小王子佢地做一份Passion(熱情)嘅Project,呢度做Project好鬼多步驟,由決定Topic、構思到Research到畫圖到剪剪貼貼....萬幾個工聚,重話~要最後係要做個Presentation比家長睇ga喎!
有日放學小王子突然間同我講...
小王子﹣﹣"媽媽!我決定o係Passion呢個Project,最後個Presentation度做本書出嚟呀!"
聽到呢個消息,因為太~激動嘅關係...Sorry~我係真係忍5住咁慘叫左一聲出嚟!
我﹣﹣"吓??"
(心諗﹣﹣據聞執行o個個係我喎?你咁快就決定?係米應該要參考下本人嘅意願先呀大佬!)
小王子聽見我慘叫就話﹣﹣"咿?媽媽你做咩呀?"
我自知自己反應一時Over左,死頂咁話﹣﹣"o我~無野!無野!你繼續講la~"
小王子﹣﹣"我想咁咁咁~然後就點點點~跟住又咁咁咁.....(省下一萬字)"
小王子就越講越眉飛色舞,而我.....就越聽越咩心情都無!

又過左兩日,當我重諗緊點做o個本書出嚟嘅時候,小王子話佢改變主意想做Poster。其實我一路都以為,呢個Passion Project只係最高貴學府萬幾個school Project嘅其中一個,最多米就係到最後去學校度聽下班小朋友做Presentation,發下up風咁law!點知.....
點知原來小王子時時講o個個Presentation,係要做個攤位出嚟,攤位?5係下哇?重要係一人一個咁大鑊!

天呀~點解淋放暑假都5放過d家長呢?又話係present 比d家長欣賞嘅?做攤位米則係要d家長幚手做~我都無話過想睇,係米應該要諮詢下我地d意見至決定呀?

今日Post燒烤叉、竹高精同恐怖份子張相過你地睇下~

              煎Pan盒
          NOV 28,2011

小王子嘅Passion係Chess~



小王子一個人同時捉兩盤棋~


d棋係我一粒一粒咁用交剪剪出嚟gar~


個棋盤用咁多默,係小王子爸爸用Office個Printer print出嚟嘅~公器私用ma!


小王子話捉驘左佢就可以有朱古力食!


要將小王子想嘅o野,實質咁整出嚟....


呢幾張o野真係整左我同小王子爸爸成晚gar!


四眼天雞捉5掂,搵埋老豆嚟幚拖~by the way,佢老豆串到痺!

都攪5掂,叫埋阿媽出馬~by the way,四眼天雞個阿媽又靚又好人,5知點解會嫁比佢阿爸?


o拿!o拿!o拿!呢個就係恐怖份子o勒~係米極其樣衰先?


右下係恐怖份子~


各位觀眾.....燒烤叉!


請留意企o係度o個個......


呢個就係異常俊娋嘅竹高精o勒~真人靚仔好多gar!


班主任Mrs. Johnson~by the way,呢條o靚仔做莎士比亞,成場咩都無做,淨係不停咁重復念住一首詩!


雞泡魚同佢嘅Passion Project,雞泡魚話第時要做腦科醫生,所以佢嘅Passion Topic係講人體大腦嘅~

2011年11月23日星期三

聖誕花環盒



無論你地點講都好~我真係覺得做老師係一份好工。試問o係呢個地球上,重有咩工係﹣﹣>
        一人之下,萬人之上呢?

雖則要受一人氣,但係下面重有萬幾人比過你出氣喎!有壓力?吾開心?呢d o野~人工包埋ga la ma!份份工都係有壓力、份份工都係吾開心gar la~5係淨係做老師至係咁gar喎!!!
好似小王子三年級o個時個班主任咁,日日YELL,日日鬧~係又YELL、5係又YELL~攪到班細路仔個個覺得返學好似返地獄咁,有個小朋友重因為受5住個班主任日鬧夜鬧,終於精神崩潰,返返下學都要即刻返番屋企,重停學左一排,你都知la~而家d o靚仔心血少,5嚇得ga ma。呢個老師o個年比d家長投數到暈,不過學校都重死撐佢,咁我都明嘅~如果你一投數就即刻炒佢,學校重威信何在呀?不過呢個老師o係o個年嘅年尾就即刻比"最高貴學府"炒左。
咁你話o勒~日日搵人出氣都重要有錢收喎?呢d工去邊度搵至得gar?

小王子有個同學仔叫"魔童",魔童有個細佬讀4年級,但係佢地兩個就曳到飛得起,時時打人都不在話下~魔童個細佬"小魔童"重要有種族歧視,尊蝦同打d有色同學。佢地兩個見校長多過見父母,小王子話佢地時時比校長昭見,個個同學都話﹣﹣>
            "呢d係家族傳統!"

上次雞泡魚同我講魔童個媽媽超無禮貌,雞泡魚話上次學佢同小王子要幚"最高貴學府"做接待,所以o個日係School Uniform free day,但係佢同小王子都要著校服返學。雞泡魚話o個朝佢同小王子o係學校門口做緊接待,魔媽突然間停左佢架老Ben o係佢地前面,然後好無禮貌咁問佢地兩個....
魔媽﹣﹣"咩今日係School Uniform free day咩?"
雞泡魚&小王子﹣﹣"係呀!"
魔媽﹣﹣"咁你地兩個又著校服?"
雞泡魚&小王子﹣﹣"因為我地兩個今日要做接待ar ma~"
雞泡魚話魔媽吾該都無聲,淨係留低左句粗口就揸住架老Ben走左o勒。

琴日小王子同我講,魔童又比校長罰吾準返學。我問小王子知5知點解?咁小王子就例必話5知ga la~不過小王子話老師同佢地講,今次魔童係因為三次對老師無禮貌喎~
今朝見到雞泡魚,我問佢知5知點解魔童會比人罰5準返學......  
雞泡魚﹣﹣"我淨係知道個日山村老師叫魔童執起舊垃圾去扔,魔童話﹣﹣>“點解你自己5執呀?”"
我﹣﹣"咿?有point喎~"
雞泡魚﹣﹣"之後魔童重對住山村老師做左呢個表情-->Bu~~ "
我﹣﹣"咁佢又抵死na~"
雞泡魚﹣﹣"d老師真係好奇怪!有次個垃圾筒明明就o係老師隔離,但係佢竟然老遠咁叫我過去,然後比舊垃圾我,叫我幚佢扔落~佢隔離o個個垃圾筒度喎?我心諗﹣﹣“點解你自己5扔呀?”"
我﹣﹣"吓?5係掛?"
小王子﹣﹣"係呀~係呀~有次明明舊垃圾就o係老師腳邊,個老師又老遠咁叫我過去,叫我執起舊垃圾喎!我5明點解佢5自己彎低身執起舊垃圾喎!!!"

唉~有時我真係5係好明d老師究竟個心諗咩?
又話要教d小朋友正直﹣>但係Cap水Sir又明目張膽咁瞞稅!
又話要教d小朋友做事勤力,5好怕蝕底﹣>但係自己腳邊舊垃圾都5執!
又話要教d小朋友要控制情緒,5好亂發皮氣﹣>但係自己就日Yell 夜Yell!
又話要教d小朋友5好貪心﹣>但係自己生日就一早通知哂d細路!
又要教d小朋友要有責任心﹣>但係生日之後o個日又更係話病要請假!

須知道佢地咁攪法~我地d家長都同佢地一樣﹣﹣>有壓力同5開心,都好難做下ga我地!

真吹到脹~

2011年11月22日星期二

平安夜盒

5想自己攞到獎嘅頒獎禮你地見過未?琴日我就去左一個,人人都吾想自己攞到獎嘅頒獎禮度o勒!
係咩頒獎禮?其實舊年都講過ga o勒~"最高貴學府"每年學期尾,一定會租o係全個埠最大型、最靚同最正式嘅禮堂度攪畢業禮,同頒全年總大獎嘅~咩獎?米係學業獎呀~全年成績最好嘅法文獎呀~音樂獎呀~體育獎呀~美術獎呀,連全年最聽話獎同友宜大使獎呀咁,都係o係o個晚度頒發嘅。舊年小王子失意左個學業獎,法文獎呢~就年年都係小王子攞嘅~音樂獎呢~只要小王子o個年5係o個隻"狗"教音樂,小王子都多數攞到嘅。咩話?5記得邊個係隻狗?5記得嘅Blog友,請移玉步都呢度o急o急先下~

                http://blog.yahoo.com/babyprince-world/articles/46639/index?bb=0

咁年年o係呢個大型頒獎禮之前,"最高貴學府"都會o係自己學校個禮堂度舉行另一個頒獎禮。就係比d成績都好,但係又未到全年最好o個個,又或者係已經o係某方面盡左最大努力,同埋每年"最高貴學府"嘅全校國際象棋比賽,都會o係呢個頒獎禮頒發嘅~

上個禮拜我收到信,話小王子會o係呢個頒獎禮度攞獎,叫父母出席。我一睇到封信.....
嘩!嚇到我丫~
心諗﹣﹣>"5係下哇?我個仔5係要論落到要攞努力獎下哇?"
我足足睇左封信4次,至見到o個個Chess字!o我~個仔去攞Chess比賽獎啫~嚇得我丫!
小王子已經連續兩年係"最高貴學府"全校國際象棋比賽高級組別嘅冠軍,而呢個獎一嬲都係o係呢個頒獎禮度頒發嘅!

不過封信淨係話小王子會o係呢個頒獎禮度攞獎啫~攞咩獎同攞幾多個係無講嘅,只係我估到小王子係去攞國際象棋獎啫。雞泡魚就重攪笑,佢知道如果有獎攞係一定會收到信嘅,佢就一味諗住﹣﹣>
             吾好收到信~好收到信~吾好收到信~吾好收到信~
驚死自己會有信通知要攞獎。

而我呢~琴日一路頒其他d獎,個心就一路話﹣﹣>
    吾好係小王子~吾好係小王子~吾好係小王子~
hahahaha......名乎其實係一個"5想攞獎頒獎典禮"!

小王子最後成功地只係攞到全校國際象棋比賽獎﹣﹣>好采啫~
今朝見到雞泡魚,我話.....
我﹣﹣"恭喜你喎~琴日無獎攞!"
雞泡魚﹣﹣"hahaha....Thank you呀~"


P.S.今日post個小王子之前piano concert嘅video你地睇!





就係呢個獎o勒~

2011年11月21日星期一

大頭仔雪人盒



其實有兩樣o野我覺得係無得免強嘅~一樣係音樂、而另一樣就係運動!
我有個舊同學o係HK,佢個女係讀某名女校嘅。佢同我講佢地學校規定所有人都要識彈琴,咁我同學個女咁o岩係5識彈琴,於是學校就要佢個女o係課外活動嘅時候,去學校個琴房度彈琴!!係要佢自己一個o係個琴房度彈成個鐘琴喎~
Blog友們!你地聽5聽得出呢句﹣﹣>
              "要佢自己一個o係個琴房度彈成個鐘琴"嘅問題所在呀?
個問題係﹣﹣>
                                                 佢根本都5識彈琴!

去琴房度彈咩鬼琴啫?真係吹脹喎~
好似運動咁,咁實在有d人係無運動細胞gar ma~真係迫都無用gar ?例如好似小王子呢類,行平路都會無nana PK嘅人,你叫佢去運動,米則係變相叫佢地去送死。
你地都知la~小王子一嬲都讀開男校ga ma,所以我同小王子揀去考獎學金嘅中學都係揀返男校。咁d男校又硬係好奇怪~驚死d男仔5識郁咁,一定係規定人人都要玩Sport gar喎!小王子出年去讀o個間中學,一個week要上幾堂P.E.就不在話下,個個星期六都要返學校玩Sport,而且人人都要揀一樣Sport主修。其實對d無運動細胞嘅人嚟講,你係咁chur住佢地嚟玩Sport,米賺佢地怕左運動~一諗起要運動就驚na!咁我又5係話要完全5運動喎~but要適名而止同睇人law!如果5係~咁同"要佢自己一個o係個琴房度彈成個鐘琴"有咩分別先?
咁你叫我揀喎~我更係揀游水la~點解?一定5會P.K.兼整親ar ma。點知佢地學校要游得叻至可以揀游水!!!我心諗﹣﹣>
                                                           "唓~玩咩?"
我一早就知,如果要揀至入到嘅話,小王子係完全無機gar na!上個禮拜,學校尊登搵左一日要d小朋友去試水,睇下邊個游得好。小王子出嚟o個陣,我問佢.....

我﹣﹣"點呀?係米游第一呢~?"
小王子﹣﹣"吾係呀~游第二呀!"
我﹣﹣"由後面倒數呀?"
小王子﹣﹣"wah hahahahaha....係尾二呀媽媽~我5知點解越游越浸呀!hahaha..."
我﹣﹣"hahahaha...."

咁則係游水無機la~咁重有咩o野揀呢?
其實除左游水之外,有一樣o野小王子係好想玩嘅~係咩?就係劍擎o勒~
小王子一同我講想揀劍擎,我就大叫"溫特ful" la~點解?係米因為玩劍擎夠型仔?
非也~非也~查實係因為玩劍擎o個套衫,將成個人罩到堪,無理由重會整親到la下哇?
不過原來劍擎要Year 8至可以玩,咁則係又無行la~咁揀咩好呢?
                        揀板球小王子又搾雞都無力
                    揀水球又分分鐘會浸瓜
                              揀藍球又會整傷手指
                       揀足球咩又5夠人跑
天呀~~~~~~~~~~~
咁則係無得揀﹣﹣>淨得網球!
哼!講到網球呢樣野,小王子三歲就開始學la~不過......
不過小王子玩5夠半粒鐘,就攰到好似就快C咁濟,你地都知小王子無o野似我,除左美貌之外,佢最最最似我嘅就係怕污Jo。我記得小王子細個去學網球o個時,個場係泥地嚟嘅,小王子見到個波碌左落地,又見到個地下有d蟻,嘩~佢本身就已經覺得個地下係超污Jo ga o勒,家下重有埋蟻,小王子直頭吾敢用手執返起個波,好似個波有菌咁~用兩隻手指仔篤全個波兩邊,然後重要口震震咁同我講﹣﹣"媽~媽~媽~媽~"
o個時我真係比佢吹到我脹呀~
雖則係咁,出年都係會揀網球做主修,其一係無得揀la~其二係打網球,無得埋身,應該會安全d,兼夾咁多樣Sport,係呢樣可以Hea~其他chur住咁嚟玩(要追要掙波),應該無得hea law!





2011年11月15日星期二

聖誕老人飛碟盒



今朝瞓晏左,所以個"嘩Box"整得有d求其,敬請張就~


以前我地o個代,爸爸媽媽點會理我地學校d功課gar?吾似好似而家咁,做家務之餘~揍仔揍老公兼做埋個仔嘅貼身助理。有時真係連我自己都攪吾清楚﹣﹣>
                   究竟係我讀書丫?一或係係小王子佢讀?
辛辛苦苦捱到大學畢業,發毒誓以後吾睇書、吾用腦,兼同所有功課、老師講Bye Bye~點會諗到會好似家下咁﹣﹣>
                                                                真係臨老吾過得世!
不過咁~雖然我同小王子爸爸一嬲都有幚小王子拖做功課,但係我地一向都係本住﹣﹣>
                                                  做得精令、幚得精明!
呢個格言嘅~
好似我咁,一向都係幚下小王子做下勞作呀~填下顏色呀咁,但係個勞作嘅設計同內容,我係一定要小王子自己諗嘅。而小王子爸爸呢~就會幚下小王子做 Powerpoint Presentation 嘅最後Edit ,又或者係幚小王子將佢寫嘅文章打入電腦度gar啫。而Presentation呀~Project呀~文章呀~所有內容,都係要小王子自己做嘅。樣樣都同個仔做哂~咁佢點學o野呀?
點解今日我會講起呢樣o野呢?
話說小王子有個同學叫"占士甸"!佢叫占士甸吾係因為佢好似占士甸咁靚仔,而係因為佢真係叫占士甸,佢姓Dean名叫James。所以話如果你姓劉,就米鬼改個仔叫德華,吾係第日佢無劉德華咁靚仔,淨係比人笑都笑到面黃呀~其實我真係吾係好明占生同占太,當初點解會有呢個構思ga law!

我不得不承應~"最高貴學府"有樣o野係幾好嘅,就係每年每級要教嘅Topic一早就定哂gar o勒,不過用咩形式同點教o個個Topic呢~就由班主任決定,所以班班做嘅project同功課都可能會5同,但係Topic就一樣嘅。好似小王子今年個班主任,就係驚佢地會搵父母幚拖做功課,所以好多要寫嘅o野,班主任都要小王子佢地o係學校度做,無得偷雞!
小王子一講呢個消息我聽,我就即刻、立刻愛上左佢個班主任呀~大呼....
                                     
                     "Mrs. Johnson 萬歲~萬歲~萬萬歲~"


占士甸今年5同小王子一班,占士甸今年同雞泡魚一班。小王子一嬲都同我講,占士甸寫o野好好gar~不過今朝雞泡魚爆比我聽,願來占士甸淨係o係Home做嘅 "Home~work"做得好gar啫~一要o係school度做就奶哂o野gar o勒!雞泡魚話初初佢地班主任見到占士甸寫d文章,大讚﹣﹣>
                                             "你寫o野寫得好好喎~"

點知占士甸一o係學校度自己寫,水平竟然係中下!!!嘩~佢即時比班主任踢爆,原來一路d功課都係阿占生、占太嘅傑作。其實父母咁做,簡直係害左個仔,攪到個仔完全學5到o野,淨係學識偷雞!

呢條占士甸有鋪走捷徑癮,話說占士甸都係拉Cello嘅,但係就拉得麻麻過麻麻o勒~佢知道小王子拉Cello好好,占士甸以為小王子拉琴咁好,一定係有秘決至會咁嘅,於是有日佢問小王子....
占士甸﹣﹣"小王子(化名)!究竟拉Cello有咩秘決至可以拉到好似你咁好gar?"
小王子﹣﹣"o我~拉Cello其實有三個秘決gar!"
占士甸﹣﹣"咁係咩呀?"
小王子﹣﹣"就係Practice(練習)!Practice!同Practice o勒!"
占士甸﹣﹣"唓~"





2011年11月14日星期一

雪人三文治盒


先兩個禮拜小王子又代表"最高貴學府"出隊去參加國際象棋比賽。理論上學校出隊出去比賽國際象棋,就例必由Cap水Sir帶隊嘅.......
但係o個次o個場比賽5係o係Weekday進行,係o係星期六、日~分兩日進行比賽,一日三場﹣﹣>10:00am、1:00pm、4:00pm,而每場要捉兩個鐘,一人每日捉兩場﹣﹣>則係每人每日要捉4個鐘!!
                                                   嘩!真係悶到嘔呀~
                                                   No~No~No~咁未算悶~
                                 每人每日要捉4個鐘點算係悶呀?
坐o係隔離陪捉o個個﹣﹣>則是本人<﹣﹣至係全銀河系最悶o個個好吾好!

好!講返Cap水Sir 先~原本"最高貴學府"出親隊去比賽國際象棋,就一定係Cap水Sir帶隊嘅,但係今次比賽係星期六、日,阿Mr. Cap水Sir話佢每個星期六都要o係"最高貴學府"度付責Cricket Team(板球隊)喎~所以吾帶得佢地去比賽,叫我地父母自己車d小朋友去。OK呀~呢個理由係合理而且可以接受嘅!但係.......
但係第日星期日,Cap水Sir係無o野要o係"最高貴學府"度付責,理應要去比賽場地度睇下班小朋友嘅~o個日﹣﹣>Cap水Sir無出現過!

話說星期日小王子捉完第一場比賽,我同小王子爸爸帶埋小王子一齊去呢度最大形嘅Super度買下o野兼食埋Lunch。係呀~呢度o個間最大形嘅Super係有o野食gar,你口可以坐低食埋o野至入去買o野嘅。小王子爸爸o個朝要返教會彈琴,所以o個朝得我同小王子去比賽啫~食o野o個時我同小王子爸爸講......

我﹣﹣"唉~真係有無攪錯呀?琴日就話o係學校有o野付責5去得啫~今日無理由5去掛?"
小王子爸爸﹣﹣"咩阿Cap水Sir今朝無去到咩?"
我﹣﹣"更係無la~佢明知呢次比賽對班細路係咁艱難,佢點都要去同班細路打下氣,Support下佢地ar ma!有咩理由成朝無出現過ga啫~"
我﹣﹣"蝦~呢條友真係淨係識Cap水ga咋喎~"
小王子爸爸﹣﹣"好難講嘅~今日話哂都係星期日,可能佢有其他o野做呢~"
我﹣﹣"我覺得係無任何藉口law!我又5係話要佢成day o係度,但係應該朝早去露下面,show下Support ar ma!"
就o係呢個時候,有把令人"巴幾火" 嘅聲音從遠處轉嚟......
Cap水Sir﹣﹣"喂!Hello~"
我離遠見到佢同小王子打朝呼,我低叫左一聲﹣﹣>
                                             "吓?5係下哇?5係真係佢嚟下哇?"
小王子爸爸見到我個樣已經忍5住o係度笑!
我﹣﹣"5係哇?條友重夠膽同我地打朝呼?"
小王子爸爸呢就係咁猛笑~
我﹣﹣"你又話佢有o野做~好明顯無law~"
小王子爸爸﹣﹣"hahahaha...."
o個條Mr. Cap一味o係度問我同小王子今朝比賽比成點呀~下場幾點再去比呀.....
總之一句講哂﹣﹣﹣>佢今日係5會去gar law!






2011年11月10日星期四

Jessica's Wedding cake


呢個係Jessica嘅Wedding Cake,呢個Cake同上次Rositta o個個有d相似,因為Jessica同我講話佢好鐘意我幚Rositta o個個Cake,就算一樣都OK!
但係我諗﹣﹣>
"點解要同人一樣呢?呢個係屬於Jessica嘅婚禮,一個屬於Jessica嘅幸福,應該係獨一無二至o岩gar?"
所以我就base on Rositta個Cake而設計左呢個Jessica呢個Wedding Cake o勒~

其實我真係5應該再接好似Wedding Cake呢d咁大嘅order,點解?因為我要搬屋ar ma~老實講曾經o係我Blog同face book度留過言想要搵我做Cake 同 Catering 嘅人真係有好多~不過次次當我回復佢地﹣﹣>
            "我5係住o係HK度ga喎、又話者我5係住o係呢個埠gar~"
多數d order都係接5到嘅。

好似Jessica咁,其實Jessica係住o係Sydney度~所以初初佢o係face book度留話想搵我做Wedding Cake嘅時候,我心諗多數都係接5到gar o勒~所以當時我5係回復佢﹣"我要搬屋,5接order。" 而係話我5係住o係HK度gar喎~點知Jessica話佢都5係bor!佢話佢住o係Sydney度,我同佢講﹣﹣>
         "我年尾至搬去Sydney住,11月o係Sydney嘅order我係接5到gar!"
Jessica同我講佢真係好鍾意上次我幚Rositta做o個個Wedding cake,問我可5可以考慮接佢呢個order。於是我話﹣﹣>
                                "如果你落嚟Canberra度攞,我米接law!"
其實我諗﹣﹣>
                      "無理由有人會肯揸6個幾鐘頭車嚟攞個Cake掛?"
點知.........
點知Jessica話好喎!佢話佢揸車嚟攞個蛋糕,叫我接呢個order。
我心諗﹣﹣>
                      "今次真係捉蟲tim!"

但係見Jessica咁鍾意我做嘅蛋糕,個心真係好感激佢!而且佢咁有誠意,揸6個幾鐘頭車都要搵我做Wedding Cake,所以我無理咁多,決定接左Jessica呢個Wedding Cake order。雖然我同Jessica未見過面,更加5係知己,但係我一樣比左個知己價過佢,(更係la~人地重要揸6個鐘車至嚟到攞個cake喎!)兼焗左46塊印左佢同佢老公名嘅Cookies做佢地嘅結婚禮物。

Jessica話佢個Wedding係用紫色做主題,所以蛋糕上面嘅花仔我轉用左紫色。本來我打算成個Cake都用哂d紫色花仔做裝飾,完全5用玫瑰花。點知我做左幾百朵紫色花仔都5夠用,最支連後面都要加隻絲帶蝴蝶至得。唉~真係激鬼死人!!!!!
呢個Wedding Cake我用左成萬朵花仔鋪成,我想做到d花仔好似落雪咁~一朵朵o係個天度落落個蛋糕上面,成個Wedding Cake都變成用白花鋪成嘅一遍雪地,你地覺得似5似?如果每一朵花就係一個祝福,Jessica已經擁有我成萬個祝福o勒~

Jessica!祝你今日新婚快樂~