2011年12月8日星期四

Wedding Cookie


今日係小王子最後一日返小學,聽日佢地成班一齊去水上樂園玩,所以小王子好興奮。原先打算o係小王子小學最後一日,整一個好特別嘅"嘩Box"比佢返學,不過小王子今朝話佢今日好想去小食部買o野食,所以我就比左10蚊過佢law!點解今日小王子會想去小食部買o野食?因為之前有日小王子5記得帶個Lunch Bag返學,攪到Lunch time無o野食,咁班主任Mrs. Johnson就杖義借左幾蚊比小王子去小食部買o野食。就係o個次~竟然比小王子發現左~不來小食部有個"和牛肉卷"賣,重要鬼咁好味tim!至於o個d"和牛"有幾"和"?就不得而知o勒~hahaha....所以最後一day返學,小王子決定要再會一會隻"和牛"多次law!

今晚就係小王子畢業禮,之前提過嘅全年大獎都會o係今晚度頒發。琴日去畢業彌撒o個陣,最高貴學府已經將小朋友嘅畢業証書頒發,重派埋今晚畢業禮嘅得獎名單,至於今晚小王子究竟會攞到咩獎呢?全年總學業獎又攞5攞到呢?

                   究竟點呢?
                   係米玩o野呢?
                   重玩呀?
                   hahahaha......
今年小王子真係攞到全年總學業獎,重攞埋全年總法文獎同全年總音樂獎tim呀~小王子琴日一見到個得獎名單,開心到不得了!

所以2011年嘅"嘩Box"收爐o勒~要等2月至會再開爐na!因為返埋今日學就放暑假lu~Yeah~

前日我post小王子Party d相,有心水清嘅blog友猛問我臺面o個兩個中國人係咩水?一個係同小王子同級5同班,係小王子Chess team second board(則係捉第二個,又話想做team captain o個個)。另一個係朱古力餅~佢5係中國人嚟ga,佢係越南人嚟。呢個term至o係第度轉嚟最高貴學府讀嘅。朱古力餅5同小王子同級gar,佢讀5年級,一樣都參加左Chess Culb,老師同全校介紹朱古力餅係插班生,小王子見佢插班、無人同佢玩,於是就問佢想5想同佢地一齊玩law,所以朱古力餅米有份去小王子個Party度!小王子話朱古力餅個人好nice gar!~

呢d Cookie係之前我焗d版比人睇嘅~今日Post埋比你地睇!順便post幾張琴日畢業彌撒嘅相過你地睇,我都話小王子d同學好多好高gar la~但係有d同學又矮得可憐喎~你地自己睇下o勒,真係聯想5到佢地會係同級兼同班同學嚟gar!










小王子同藍精靈真係好老友~

小王子同佢嘅Chess Team~ (後面o個個5係)


你地見5見到?用手插褲袋係最高貴學府嘅Trademark嚟,
個個都插手落袋嘅~


 d高度真係差好遠gar~




小王子vs燒烤叉~


 有d同學真係好鬼高~


呢個就係老虎仔~一年級o個時嘅擠班生,個個都僧到佢死,
小王子見無人同佢玩,好多時都會走去同佢傾下計~不過佢5真惜,
細個o個時,時時打小王子,小理子頸後面有條"那"~就係佢整嘅!


靚仔竹高精,再post多次相你地睇~

到小王子攞畢業証書~



o拿!你地話誇5誇?同班同學嚟gar~
佢地係企o係同一級度gar!


小王子一見到我就好緊張咁同我講﹣﹣"三個呀!我攞三個獎呀~"


班主任Mrs. Johnson嘅擁抱~
畢業生同其他人握手~

2011年12月7日星期三

公仔棒棒蛋糕



今日心情好沉重,因為o岩o岩參加完小王子學校嘅畢業彌撒。其實今年最高費學府全級6年級生,淨得小王子一個係5留返o係最高貴學府嘅中學部繼續讀,其他人都留返o係原校。
今朝見到藍精靈媽咪,佢同的講藍精靈去完小王子個Farewell and Birthday Party之後好5開心,因為佢好5捨得小王子。

琴日我問小王子有無後悔揀去Sydney度讀書?如果再比佢揀過,佢重會5會揀離開d好朋友?"
小王子話﹣﹣>
"5會!淨係有d 5捨得佢地,不過就算再比我揀,我都一樣揀去Sydney讀中學!"
我同小王子講﹣﹣>
"咁你o係Sydney真係要比心機練琴同讀書,如果5係~你就白白咁斷送左呢d友誼na!"

今朝一入到去教堂,一聽見d風琴聲,再睇到個Progame 所有6年級嘅大合照,上面寫住﹣﹣>
                        "Goodbye and all the best!"

我對眼已經濕哂,小王子小學畢業na~

                       小王子第一日返學前班~
                    第一日返幼自園~
                    第一日返小學~

小王子所有第一日嘅情景,我重記得好清楚!我5知道自己究竟係5捨得小王子長大?一或係5捨得小王子身邊幾段真志友誼?
試問人一生會有幾多個真朋友?又會可以遇見幾多段真友誼?希望小王子5會忘記此時此刻,更希望o係此時此刻嘅雞泡魚、肥仔Chris、占士甸、潺仔強、藍精靈.....重有好多好多小王子嘅好朋友,永遠都5會忘記小王子。因為~被遺忘係一件非常殘忍嘅事!

今日post嘅棒棒蛋糕相,係上個星期六Church開Christmas Party我整嘅~o個日的整左N咁多樣o野,淨係Cheese Cake我都整左5款,不過趕5切影相na~淨係影左棒棒蛋糕咋!我整嘅棒棒蛋糕係用我自己嘅食譜,5係好似網上o個d用Topping、cream cheese加蛋糕碎整嘅~o個d甜到嘔呀!我覺得我用我呢個方法嚟整棒棒蛋糕,好食N倍law!










2011年12月6日星期二

快樂聖誕雞盒



琴日講到,o岩o岩過左o個個星期日小王子開左個Farewell and Birthday party。今日會post Party影嘅相,究竟邊個係蛇仔明、邊個係肥仔Chris、邊個係得4隻手指嘅藍精靈同潺仔強........今日將會揭曉。小王子一共請左12個最好嘅朋友仔去佢個Farewell Party,不過老死占士甸同雞泡魚無份,因為佢地兩個神咁早就去左遊埠 ,所以嚟5到Party。

而呢班比小王子邀請嚟Party嘅同學仔,除左一個之外,全部都係最高貴學府Chess Club嘅成員,個個都鐘意玩Chess,所以至會一見到我個Chess Cake就即時兩眼發光。到琴日返學都重提住個蛋糕,重問小王子~媽媽有無pack d brithday cake比佢返學食,想叫小王子分d比佢地食tim!hahaha....

呢班有份去Party嘅小朋友,個個o係學校成績都好好gar!好耐之前小王子同我講過,佢話o係最高貴學府有兩種人,
    一種就係聰明,讀書叻嘅~(少)
    一種就係四肢發達,but頭腦簡單嘅~(多)
小王子話其他人覺得讀書叻o個d係書蟲,又有d 5抵得人地讀書好,所以係完全5會埋佢地身,5同佢地玩嘅。

前日Party o個陣,小王子爸爸細細聲咁o係我耳邊講﹣﹣﹣﹣>
     "吾怪之得佢地比人叫書蟲la~真係個個都成條書蟲咁樣gar喎!"

我一嬲都覺得,阿肥仔Chris淨係識得追女仔,日日都諗住女子組o個邊o個個鬼妹Barbie。點知原來肥仔Chris個人好有point,比其他o個11個低B仔(包括小王子)有見地得多~
話說開Party嘅地方,係一個尊比小朋友玩槍戰嘅鋪頭,o係呢度開Party~可以玩兩次槍戰。玩完第一次就食d野,再玩多次,然後就切蛋糕咁law~而呢班低B仔就o係玩完第一次槍戰之後,開會決定下一場槍戰分兩隊玩定三隊玩,兼夾邊個做隊長。
嘩~~班細路嘈到拆天咁濟!
呢個又話要做隊長、o個個又話佢做最好!又話咁又話咁,攪左好耐都未決定到,究竟下場係分兩隊玩定三隊玩,由邊個做隊長。我同小王子爸爸見到佢地咁就笑到肚都痛埋。
肥仔Chris指住其他人一路數就一路話﹣﹣>
"o拿!one two three four、one two three four、  two three four...one o個個做隊長米得law!"
嘩~肥仔Chris有Point呀!!!!!
之後都重未解決到喎~於是肥仔Chris再講多一句﹣﹣>
"唉~究竟你地知5知道,由邊個做隊長係完全無分別gar?跟本5會有咩5同gar?一樣係咁玩gar咋!"
嘩~肥仔Chris,我由心裡面咁敬配你!吾怪之得當其他人重"鴨"緊片o個陣,你就已經諗緊點至溝到阿鬼妹Barbie la~
But都重係解決5到喎~
終於肥仔Chris走去同小王子爸爸講﹣﹣>
"我真係頂佢地5順呀~我要出去一陣,我5可以再o係度聽佢地咬na!"

小王子爸爸就係咁笑law!

o個日小王子真係玩得好開心,今日post相o個陣,我真係有重好5捨得佢地嘅感覺,畢竟~肥仔Christ、雞泡魚佢地,倍住我地o係小王子天地裡面成3年咁耐na!你地會5會都一樣咁5捨得佢地呢?



右面o個就係恐怖份子~

格仔衫o個個就係藍精靈~

呢個小朋友由幼自園已經同小王子一班~佢有三個兄弟姊妹,but無一個係同爸爸嘅,而佢媽咪而家個老公究竟係邊個呢?一向都係個迷嚟嘅!

呢個就係潺仔強!

呢個亨利高小王子成個頭~

o拿!呢個就係肥仔Christ o勒~

紅衫呢個就係蛇仔明~

勁掙緊做隊長~




成班低B仔重玩Gi~