2011年10月27日星期四

科學怪人盒

時時都有人問我﹣﹣>"點解你身邊會有咁多攪笑o野發生ga呢?"
其實好多o野發生左,就咁睇落去係一D都5好笑ga,之不過如果可以換個角度嚟睇、笑看人生,咁所有o野又會突然間變得好有趣ga喎。可能因為咁,所以我第一次介紹小王子爸爸比我哥識嘅時候,我哥同小王子爸爸講左一句﹣﹣>
                     "你日日同佢一齊米好開心law?"
hahahaha.....講個秘密你地聽,其實我哥係個導演嚟ga,不過5話你地知佢係邊個,但係你地一定有睇過佢拍嘅戲ga law!

好!入返正題先~
琴日講到我做代課老師,但係攪笑嘅事又點會得一件至得gar?再講兩件好笑o野過你地聽下~
話說我教第一堂一年級嘅時候,對住先生位坐嘅~係一個男嬰!我第一眼見到佢嘅時候,我無出聲,淨係望實佢,心諗﹣﹣>
     "嘩!你明明重係BB嚟ga喎~你嚟學校做咩呀?"
男嬰眼仔碌碌咁望住我,我忍5住問左佢一句﹣﹣>
                              "你幾多歲呀?"
男嬰﹣﹣"6歲!"
我﹣﹣"你6歲?"

第二次我再上男嬰堂嘅時候,再望真佢~
心諗﹣﹣>
"你明明應該重o係屋企度食緊奶ga喎~有咩理由嚟讀一年級呀?"
於是我又再問佢﹣﹣"你真係6歲?"
男嬰﹣﹣"係呀!"

真係無言-ing~

間間小學都係朝早收功課嘅,我記得如果係上第一堂嘅話,學校係會預早10分鐘上堂,比d小朋友收哂功課至上堂嘅~但係次次我上第一堂,淨係收功課都要收成堂。呢個又話無做,o個個又話無帶,阿邊個邊個又話5係無做淨係無帶,阿邊個邊個又話阿邊個邊個有帶but無做........總之就係鬼話連篇,由其係o個d所謂嘅"行長"同"班長",全部都係誅事丁嚟gar。總之人地便秘都關佢地事ga law~


有一日我上上下堂,有兩個細路無nana嘈起上嚟,A又話B攞左佢支木顏色,B又話支木顏色係A偷佢嘅~唉~總之就係"now咁攪" la。
我攞起支木顏色嚟睇,又無寫名喎~心諗今次真係口同鼻咬o勒,正當我5知點算o個陣,我隨口問左一句﹣﹣>
                            "有無人知呢支木顏色係邊個ga?"
o靚仔甲﹣﹣"我知!我知!鍾先生我知道。"
我﹣﹣"係?你知道呢支木顏色係邊個gar?"
o靚仔甲﹣﹣"係呀我知呀~"
我﹣﹣"咁係邊個ga?"
o靚仔甲﹣﹣"我知呀鍾先生!你將支木顏色整斷佢,一人一半米得law!"
我啤住條o靚仔,心諗﹣﹣>
    "o靚仔家下係米玩o野呀?&^^%^$&^**)"
o個一刻我有一個好強烈嘅衝動,就係想即刻、立刻"的"條o靚仔出去,然後濕佢一鑊!

件事最後係點解決我真係5記得左o勒~不過睇嚟我EQ咁低,都係5係幾適合教書law!所以做老師5應該係"我的志願",應該係"我的夢想" 至真,重要係一個遙不可及嘅夢想嚟tim bor。





2011年10月26日星期三

骷髏寶寶盒


今日講樣好笑o野過你地聽,而呢件事係關於﹣﹣>"我的志願"嘅!
我由細到大都有一個志願,就係教書o勒~由小學一年級到中學,次次作文作"我的志願",我都係寫"老師"。就算去左外國讀書,我都係一心諗住畢業之後返HK度教書嘅。不過自從識左小王子爸爸,又決定留o係澳洲5返HK之後,我就知道呢個"我的志願"係永遠都5會實現嘅,因為o係呢度如果想教書,大學畢業都無用,一定要再讀"教育學士"至可以教書,廿幾年嘅Planning突然間無哂,o個時我真係覺得人生無哂目標咁,好傍惶!

不過我5係未教過書bor~大學o個時有一年暑假我返HK,我一心要搵份代課老師嘅暑期工,於是我去左好多5同區嘅教育署度登記做代課老師,真係5講你5知,原來有好多人想做代課老師,去登記做代課老師o個個file厚過兩本電話簿呀!咁當然我就實無行la~
不過~凡事都講背景嘅,我媽咪有個舊同學係小學校長,咁順理成章我就去左佢間學校度做代課老師。我記得o個時我付責教一至三年級,分別教英文、中文同自然。
                咩話?教中文?


hahaha.....係呀!教中文呀~你地都知la,我係always都執筆忘字ga ma,叫我教中文喎~你話死5死至得gar?有一堂上中文...........
以前我地讀書,更係一個禮拜寫毛筆小字,一個禮拜就寫大字。咁o個個禮拜咁o岩到寫大字,於是我同班小朋友講﹣﹣>
我﹣﹣"小朋友!今個星期六、日嘅家課要寫大字呀~"
小朋友們﹣﹣"鍾老師!家課要寫o係家課欄度gar,你要同我地寫o係家課欄度至得ga!"
(家課欄其實就係黑板則邊間左一行嚟寫家課)
我﹣﹣"吓?er.......好la~"
點解我會er.....呢?因為o係o個一刻,我已經知道自己5識寫﹣﹣"大字一篇"o個個篇字o勒!我硬住頭皮行過去寫,心諗行到去應該會記得點寫掛?點知......
我背住班同學仔寫"大字一.......................(浸默-ing~),班細路靜哂,而我隻右手就o係"大字一" o個度停低,手仍然係舉高,重加埋隻手有小小震~個心就係諗極都諗5起個"篇"係字究竟係點寫...
我心諗﹣﹣>
                            "呢鑊o野點落台呢?"

而班細路就又浸默到開始o係我身後面"gigi 浸浸" o勒~於是我好無言咁轉過身,然後話﹣﹣>

"鍾先生突~然間吾記得左個"篇"字
點寫........"

幾十個o靚仔一路舉手一路嗌住﹣﹣>

                      "我識!我識!我識!我識!我識!我識!我識!"

真真真真瘀爆!
亦都因為咁,呢個"篇"字我係一世都吾會再吾記得點寫ga law!







2011年10月25日星期二

鬼鬼怪怪三文治盒


琴日講到我愛上左15年後嘅小王子爸爸,今日要講我同小王子爸爸結婚之後發生嘅事,未結婚之前,我同小王子爸爸一嬲都係自己一個人瞓~所以無咩同人share一張床嘅經驗,而攪笑嘅事就係因為咁而發生o勒~
我同小王子爸爸結婚o個時,係o係酒店度擺酒嘅。咁每逢你o係酒店度擺結婚酒,酒店就多數會送一晚房比新人嘅,o個晚擺酒攪到好夜,第朝又要一早比返間房人,其實o個晚都無咩點瞓。

事情係o係第日我同小王子爸爸返到屋企發生嘅~話說第二晚我同小王子爸爸返到屋企瞓,半夜我凍醒左,發現原來只要小王子爸爸一轉身,就會將所有被卷走哂,我見佢成條壽司咁,我扯極都扯5到d被嚟"come",成晚凍到死咁濟!但係慘痛嘅事又點會只係得咁少呢?跟住我發現﹣﹣原來小王子爸爸d鼻鼾聲係大到可以拆天嘅。5係講少ga,小王子爸爸o係一樓扯鼻鼾,樓下都聽得清清楚楚,o個晚我心諗﹣﹣>

                                        "今次奶o野na!"

小王子爸爸扯鼻鼾好奇怪,佢5係好似一般人咁扯。佢係由細聲開始,然後大聲、再大大聲、再再大大大聲、再再再大大大聲,然後再再再再一下勁勁勁大聲咁嘅。你知la~成晚無被"come",隔離o個個又鬼咁死嘈,所以我晚晚都係背住小王子爸爸打則身咁嚟瞓嘅....

初初結婚有一晚,小王子爸爸又扯佢o個d細、大、大大、大大大~勁勁勁勁大聲嘅鼻鼾,我o個時5知小王子爸爸呢個扯鼻鼾方式,瞓瞓下我以為佢尊登扮扯鼻鼾嚟嘈醒我,小王子爸爸越扯越大聲,到最後o個下勁勁勁大聲,我以為佢見我5醒就o係我耳邊度大聲咁扯。於是我即刻彈起身大叫﹣﹣>                            
                    "你係米玩o野呀?"


小王子爸爸﹣﹣..........................(無反應~)
我﹣﹣"重扮o野呀?"
於是乎我攞住個枕頭,起勢咁打小王子爸爸,重要一路打一路話﹣﹣>
                                  "玩o野呀!玩o野呀!玩o野呀!"
小王子爸爸﹣﹣..........................(無反應~)
吓?堅瞓ga?5係哇?我當時真係大打激呀~直頭O哂咀!!!!!
之後o個十幾年,小王子爸爸晚晚都係行雷咁聲,我就同自己講﹣﹣>
                           
      "我好幸褔!我好幸褔!我好幸褔!...."


我d friend話我係傻ga,不過我根本就改變5到小王子爸爸扯鼻鼾呢個事實,咁米唯有催眠自己law~而且可以同對自己最重要嘅人一齊,"聽"到佢把聲,知道佢就係o係自己身邊,呢個都係幸褔嘅一種嚟gar!5係咩?

同小王子爸爸結左婚三年到,我就發現佢夜晚瞓覺o個時,瞓瞓下會吾透氣,o個時我同小王子爸爸講佢可能有睡眠窒息症,叫佢要去醫生度check。不過小王子爸爸就一路懶懶閒,前兩年我迫佢去檢查,一check發現原來真係有睡眠窒息症,醫生話小王子爸爸一個鐘頭裡面停左58次呼吸,平均5夠一分鐘就停一次。由o個時開始,小王子爸爸每晚瞓覺都要帶住一個呼吸機嚟幚助佢呼吸。原來只要小王子爸爸一帶住個呼吸機,就5會扯鼻鼾ga喎~嘩!第一晚小王子爸爸用個呼吸機嚟瞓覺,o個晚我係十幾年內,第一晚一覺瞓到天光,真係要多謝佢個呼吸機na!






2011年10月22日星期六

南瓜蛋糕


今日小王子學校有活動,吾洗帶lunch所以無"嘩Box"。不過我今日post個之前整嘅南瓜蛋糕過你地睇下~我第一次咁整朱古力蝴蝶,整完發現好鬼死靚喎~hahaha....
時時都係講小王子,從來都無講過我同小王子爸爸嘅故事,今日轉下話題~吾講小王子,講我同小王子爸爸嘅愛情故事,吾知你地有無興趣聽呢?

我係美少女呢單o野,神早就5係秘密嚟ga o勒~既然我家下都重係美少女lor~咁後生o個陣更加係Kawaii ga呢~hahaha......既然係Kawaii,就更係有人追ga la,不過我成世人計埋小王子爸爸在內,都只係拍過兩次拖咁大把ga啫,而我嘅初戀係發生o係19歲o個年。我本人嚟講就一嬲都好踏實,又吾浮誇嘅,所以我揀第一個男朋友嘅時候,係抱住"靚仔無本心"呢個座右銘嘅~亦都因為咁,我第一個男朋友係醜到飛得起。諗住一定5會出事la~點知咁醜嘅人都可以一腳踏兩船ga喎?真係千揀萬揀。

頂!早知咁就搵個金賢重咁嘅look ga la,話哂都可以止下咳ar ma。


o係我讀12班o個陣,有個同學仔帶左我返教會,至於小王子爸爸,我就係o係教會度識佢ga o勒。咁當然5係一去到就識la~o係去教會嘅第二年,因為第三個人嘅介入,我終於要同我個初戀男朋友講bye bye 。教會好多好關心弟兄姊妹嘅人嘅~因為呢件事,有一晚有三個弟兄嚟左探我,o個次係我第一次正式見到小王子爸爸。

o個晚佢地走左之後,我突然間有一種好強烈嘅感覺,就係呢三個人裡面,有一個會對我好重要,影晌好大,我5知點解會有咁嘅感覺,亦都5知係邊個,o個晚佢地走左之後,我o係我本Diary度寫低左佢地3個嘅生日日期。老實講我從來都未試過有咁嘅感覺,而成世人呢個感覺亦所只係發生過一次ga啫~就係呢一次o勒。o個時我諗﹣﹣>
   "會5會係天父想同我講o野呢?"

之後我咩都無做,一切都比由天父安排。大家千奇吾好誤會我係一個好容易鍾意人嘅人,先至會無nana有咁嘅feeling,如果真係咁嘅話,我就5會成世人淨係拍過兩次拖咁大把o勒~

初初發現自己有d鍾意小王子爸爸o個陣,成日避來避去,好5想見到小王子爸爸,其一係因為上次o個單o野真係嚇怕左我na~心血少5敢再攪多次。另一個原因為我之前o個個男朋友係細過我嘅,我發誓以後都5會同細過我嘅人一齊~偏偏小王子爸爸細過我年半!我5想等待,同一個年紀細過自己嘅人一齊,要等佢長大、等佢成熟、等佢到適婚年領,試問人一生又有幾多個年頭可以用嚟等待另一個人呢?

小王子爸爸同我告白o個陣,已經同我講將來佢一定會同我結婚,(一開始就講結婚,聽落好似好無稽   ,但係呢個真係就係我同小王子爸爸嘅故事)小王子爸爸話5會要我等到佢30歲。重話如果我讀完書要返HK,佢就陪我一齊返,5會同我分開(因為小王子爸爸係移民嚟嘅,而我就係自己一個嚟讀書,所以一畢業,我就要返HK ga na!)就係呢個承諾,我決定同小王子爸爸一齊。

幾年之後我大學畢業,小王子爸爸5係同我讀同一間大學,亦都5係讀同一個系,所以小王子爸爸比我早一年畢業,佢一畢業就不停咁搵工,希望可以搵到份長工,然後就即刻同屋企講要同我結婚。頭o個年小王子爸爸只係搵到份Temp做,雖然收入ok,但係5係長工,根本就5可以同屋企人講想要結婚嘅事。我畢業之後小王子爸爸因為吾想我返HK,於是佢用做Temp嘅收入,供我讀尊業面包西餅課程,連同生活費都係小王子爸爸比ga。半年之後小王子爸爸終於搵到份長工,佢即刻同屋企講要同我結婚,所以小王子爸爸好後生就同我結左婚,o個年小王子爸爸只係23歲,而我就係咁~一讀完書就嫁左比小王子爸爸o勒。

可能因為我年紀細,又無咩戀愛經驗,其實o個時我5知究竟咩係愛情?只係覺得我同小王子爸爸拍左咁多年拖,有好多感情,係應該要結婚嘅。
下個禮拜就係我同小王子爸爸結婚15周年紀念o勒,我知道好多人都話老夫老妻,一對夫妻一齊生活左咁多年頭,咩愛情神早就已經無哂,最多淨係得番感情ga啫。但係如果你而家問我同小王子爸爸重有無愛情,我可以好肯定咁答你﹣﹣>
                                                                                 
       "我真係好愛好愛小王子爸爸!"


雖然而家對我地家庭嚟講,"將來" 重有好多吾確定~小王子去到新學校會5會識到d壞朋友呢?要長期同小王子爸爸分開住會5會影晌到我地嘅感情呢?小王子爸爸要長期自己搾長旅車嚟見我地,會5會有危險呢?重有一個月小王子就小學畢業o勒~兩個月後我同小王子就要搬上去Sydney住,但係到而家都重未租到屋........
但係o係呢一刻我覺得係我最幸褔嘅時候,我覺得要幸褔吾一定要有好多錢,只要你擁有一個容易滿足嘅心就夠o勒~

又或者係因為我同小王子爸爸嘅"愛情"開始得好"遲",所以到兩個人o係一齊20年後嘅今日,我地重有好多好多愛情圍蹺住我地。







2011年10月20日星期四

鬼屋三文治盒



琴日個"嘩Box"個個都留言話恐怖兼核凸,不過小王子放學返嚟同我講,話佢個個同學仔都大叫﹣﹣>
                                         "Awesome!"

我一早就話o個班男子組係越核凸就越快樂ga la~

今朝一早o係學校,我又同小王子and雞泡魚吹水。吹下~吹下~吹到去阿陳員外度。大家放心,陳員外個阿爸吾係醫生。無錯~終於有個細路個老豆5係做醫生ga o勒!咁陳員外屋企係做咩ga呢?
呢個陳員外屋企係開﹣﹣>
                                             
               客棧﹣﹣>即係酒店!



小王子由三年級開始就無同過陳員外班,不過由幼自園到二年班,小王子都係同陳員外同班嘅。我記得o係小王子讀幼自園o個年,有日小王子放學返嚟好興奮咁同我講,話今日見到好大好大架巴士。原來陳老爺o個日搾左佢地架旅遊巴去學校,比d小朋友參觀下佢地架車,兼且重o係車上面放埋電影比d細路仔睇。小王子話陳爸爸o岩o岩買左架好大嘅巴士,上層可以睇Movie,下層重有Coffee machine同Toilet ga~小王子細個o個時好鍾意車ga,加上小王子o係呢度從來都未坐過巴士(其實我都未,小王子細個時時都叫我同佢去坐巴士,老實講o係呢度我根本5識點坐巴士,連買飛都5識,所以我未同過小王子o係度坐巴士ga。不過返HK就日日都有坐),所以可以見到同上埋去架巴士直度坐,o個時對小王子嚟講真係十萬個新奇。

陳夫人生左3個仔,一直到大前年,終於比佢追到個女,金菠蘿到呢~總之就係一日抱實個女,驚死有人會嚟搶左佢o個隻la。咁當然~阿陳夫人係一嬲都5同我講o野嘅,更係la~話哂大家身份懸殊ar ma。

點解今日我會無nana諗返起呢單o野呢?因為今朝同雞泡魚吹水o個陣,佢同小王子提起陳員外係從來都吾"so"佢地嘅~
我問佢地點解.......

雞泡魚話﹣﹣"陳員外知道自己屋企好有錢,所以平時態度好囂張ga!"
小王子﹣﹣"係呀~佢好招責ga!"
我﹣﹣"唓~除左我地,成間學校d人都rich ga la~有咩好招責呀?咁佢同邊個玩呀?"
雞泡魚﹣﹣"佢淨係同運動好,屋企又有錢嘅人玩ga咋!"
我﹣﹣"咁佢dumb吾dumb ga?"
雞泡魚同小王子一齊答﹣﹣"dumb gar!"
我﹣﹣"唓~咁有咩用啫?"
雞泡魚﹣﹣"係呀!屋企rich又點啫?到將來大個左都要靠自己ga la~"
我﹣﹣"講得o岩~雖然你地兩個5係學校最rich o個個,但係你地係school裡面最聰明o個幾個呢~所以5洗理好似陳員外呢種人!"

陳員外個人無智慧,又要有地位。希望陳老爺d生意生生性性,吾係阿陳員外
下半世真係5知點算na!






鬼屋三文治盒



琴日個"嘩Box"個個都留言話恐怖兼核凸,不過小王子放學返嚟同我講,話佢個個同學仔都大叫﹣﹣>
                                         "Awesome!"

我一早就話o個班男子組係越核凸就越快樂ga la~

今朝一早o係學校,我又同小王子and雞泡魚吹水。吹下~吹下~吹到去阿陳員外度。大家放心,陳員外個阿爸吾係醫生。無錯~終於有個細路個老豆5係做醫生ga o勒!咁陳員外屋企係做咩ga呢?
呢個陳員外屋企係開﹣﹣>
                                             
               客棧﹣﹣>即係酒店!



小王子由三年級開始就無同過陳員外班,不過由幼自園到二年班,小王子都係同陳員外同班嘅。我記得o係小王子讀幼自園o個年,有日小王子放學返嚟好興奮咁同我講,話今日見到好大好大架巴士。原來陳老爺o個日搾左佢地架旅遊巴去學校,比d小朋友參觀下佢地架車,兼且重o係車上面放埋電影比d細路仔睇。小王子話陳爸爸o岩o岩買左架好大嘅巴士,上層可以睇Movie,下層重有Coffee machine同Toilet ga~小王子細個o個時好鍾意車ga,加上小王子o係呢度從來都未坐過巴士(其實我都未,小王子細個時時都叫我同佢去坐巴士,老實講o係呢度我根本5識點坐巴士,連買飛都5識,所以我未同過小王子o係度坐巴士ga。不過返HK就日日都有坐),所以可以見到同上埋去架巴士直度坐,o個時對小王子嚟講真係十萬個新奇。

陳夫人生左3個仔,一直到大前年,終於比佢追到個女,金菠蘿到呢~總之就係一日抱實個女,驚死有人會嚟搶左佢o個隻la。咁當然~阿陳夫人係一嬲都5同我講o野嘅,更係la~話哂大家身份懸殊ar ma。

點解今日我會無nana諗返起呢單o野呢?因為今朝同雞泡魚吹水o個陣,佢同小王子提起陳員外係從來都吾"so"佢地嘅~
我問佢地點解.......

雞泡魚話﹣﹣"陳員外知道自己屋企好有錢,所以平時態度好囂張ga!"
小王子﹣﹣"係呀~佢好招責ga!"
我﹣﹣"唓~除左我地,成間學校d人都rich ga la~有咩好招責呀?咁佢同邊個玩呀?"
雞泡魚﹣﹣"佢淨係同運動好,屋企又有錢嘅人玩ga咋!"
我﹣﹣"咁佢dumb吾dumb ga?"
雞泡魚同小王子一齊答﹣﹣"dumb gar!"
我﹣﹣"唓~咁有咩用啫?"
雞泡魚﹣﹣"係呀!屋企rich又點啫?到將來大個左都要靠自己ga la~"
我﹣﹣"講得o岩~雖然你地兩個5係學校最rich o個個,但係你地係school裡面最聰明o個幾個呢~所以5洗理好似陳員外呢種人!"

陳員外個人無智慧,又要有地位。希望陳老爺d生意生生性性,吾係阿陳員外
下半世真係5知點算na!








2011年10月19日星期三

鬼眼盒
































講今日嘅話題之前,我要講d背景你地知先~小王子有樣o野係好似小王子爸爸嘅。係咩?就係個身形o勒~小王子爸爸成6尺二,手腳超長兼個pat pat勁凸。hahaha....係呀!小王子同小王子爸爸一樣﹣﹣>
                                          個pat pat係勁凸ga law!

o係則邊望過去,佢地兩個條腰同個pat pat係成個C字ga,真係誇lala ga~

點解我要講呢樣o野比你係聽?因為今日嘅好笑o野就係關於佢地個pat pat o勒!

你地都知道個個星期六,我地都要搾6個鐘車去Sydney度同小王子學Cello,又要去雪梨音樂學院上堂。一年真係5會多過兩個星期六可以留o係度,5洗去Sydney ga咋!星期日又要去教會,個個禮拜日一完教會就要即刻返屋企同小王子練琴。所以對於我地嚟講~係無Weekend ga。
前個星期六,雪梨音樂學院放假,咁o岩小王子個Cello老師要去美國茱莉亞音樂學院做客席講師。所以o個個星期六我地 5 洗去Sydney ,嘩!無nana有日假期喎~我好開心呀!o個日我諗﹣﹣>"咁難得有日假期,一定要慶祝下至得!"

於是我同小王子爸爸講﹣﹣>"不如今晚出街食飯la~"

我地平時好少出去食飯ga!一來可以慳d la~二來....根本呢度都無咩好食,又貴又5好食,咁重出去把鬼咩?

o個日小王子爸爸叫左個炸子雞,小王子其實幾鍾意食雞gar。o個日食食下,我望下~望下~

                                          "咿?個雞尾炸得咁~脆嘅?騎騎~騎騎~"


於是我同小王子講........

我﹣﹣"小王子(化名)呀~你知5知成碟Chicken最好食係邊舊呀?"
小王子﹣﹣"5知呀?係邊舊呀?"
我指住舊雞pat pat﹣﹣"就係呢舊o勒~呢舊係成隻雞最好味嘅地方na!"
小王子﹣﹣"係?"
小王子爸爸立即幚拖﹣﹣"係呀!係呀!"
小王子﹣﹣"咁呢舊係Chicken嘅邊度嚟ga?"
我﹣﹣"重之呢度就係Chicken最~好食o個度la!5信你問下爸爸~"
小王子爸爸﹣﹣"係呀!係呀!"
我﹣﹣"我同你講la~呢舊雞係最適合你同爸爸食ga na,我食就無用na~"
小王子﹣﹣"點解呀?"
我﹣﹣"騎騎~以形保形ar ma!"
小王子﹣﹣"咩o野係以形保形 ar 媽媽?"
我﹣﹣"以形保形米則係你食邊part就保邊part law!"
小王子﹣﹣"咁呢part係邊part呀?"
我﹣﹣"o拿~總之你信我la~最好食就係呢舊ga na!"
(查實呢個時候我同小王子爸爸已經笑到張台反咁濟ga na)

小王子望住個雞pat pat,一路夾起舊雞pat pat就一路自言自語咁.....
望住小王子放舊雞pat pat落個口度,我已經笑到個肚痛到就快死,hahahaha.......

小王子食完之後我問佢﹣﹣"好5好食呀?"
小王子﹣﹣"OK la~媽媽呢度究竟係Chicken嘅邊度嚟ga?"
我﹣﹣"你估下la!"
小王子爸爸﹣﹣"係呀!成隻雞係得一個呢度ga啫~你話係邊度丫?"
小王子﹣﹣"er.......eyes?"
我﹣﹣"吓?咩你得一隻眼ga咋?我講緊地球d雞喎,地球d雞5同你planet o個d ga喎~"
小王子爸爸﹣﹣"你話隻Chicken邊度係得一個gar?"
小王子﹣﹣"erm........tail la~"
小王子爸爸一路笑一路話﹣﹣"嗯~再中間小小la!"
小王子諗下諗下.......突然間話pat pat!
我同小王子爸爸o個陣已經笑到死咁濟~
然後.....


小王子突然間用手撥下撥下,好似聞到d好臭嘅o野咁,笑住咁話﹣﹣>
                                                                                 
"EE......我食左個雞pat pat呀~hahahaha..."





2011年10月18日星期二

嚇鬼雞批盒



前o個兩個禮拜學校放假,小王子米去左7日捉Chess(國際象棋)嘅~其中有3日係比賽嚟嘅,一連比賽3日,睇下到最後邊個係驘家。今次係個人賽,小王子攞左第一。不過呢個個都係題外話嚟ga啫,我想講係呢個比賽,除左小王子之外,o係"最高貴學府"同小王子同一個Chess team嘅同學,重有兩個參加。記5記得之前我提過小王子o個個team 4個人當中,其中一個攞左出年"最高貴學府"中學部嘅獎學金?
無錯,佢就係今日嘅主角﹣﹣>    恐怖份子

恐怖份子5只高過小王子成個頭,重"闊~"過小王子一倍。恐怖份子係回教徒,激5激進呢~我就5知o勒,不過肯定係討厭ga law!咁o岩~恐怖份子個爸爸.....又係醫生。恐怖份子係回教徒,所以5食豬肉,兼夾佢食嘅所有肉都要拜過神至食得。小王子同我講,恐怖份子要o係d特別嘅shop度買"拜過神肉"嚟食嘅~

點解今日我會提起佢呢?因為就係o係佢地去比賽o個日發生左一件事,令我好激氣。話說我一早就知小王子一嬲o係學校都有同恐怖份子玩嘅,我亦一早就知恐怖份子讀書都好好,之前我已經問過小王子恐怖份子個人會5會好招績,小王子話佢5招績兼夾個人好謙虛tim~聽見小王子咁講,我都放心佢地一齊玩。不過上兩個月有一日,小王子爸爸接小王子放學,返嚟o個陣小王子爸爸同我講話恐怖份子個人好招績、覺好自己好叻咁,同小王子講o野o個陣又5尊重人。

我話無理由丫~小王子明明話恐怖份子個人好好gar?我真係一頭霧水!

到前個禮拜小王子去國際象棋比賽,o個朝我一早就車小王子去到,人地都重未開門,又見到恐怖份子o係度,恐媽問我可5可以幚佢睇埋恐怖份子,等佢可以走先。OK 丫!都係順個便啫~於是我地三個就上返車度等,o係車度我同佢地講今日比賽要小心d呀~5好比人捉到路呀~o個時我已經留意到,恐怖份子跟本不放我左眼內,o係車度我又聽到佢叫小王子去睇多d捉棋戰術嘅書,態度係極差ga law!之前我米提過小王子校隊一team 4個人,捉第一o個個係board one,係成team捉得最好o個個,board two就係捉第二好...如此類推,而恐怖份子呢~佢係 board four!則係全team最泎o個個,不過我肯定~佢嘅口氣一定係最大o個個law!

呢單o野未係令我最谷氣嘅事,最谷氣嘅係之後我地落左車o係比賽場地門口等,主辦單位遲左嚟,好多細路仔o係門口度等,小王子就同恐怖份子o係度吹水。我都話Chess個圈子好細,個個都知個個係邊個,而"最高貴學府"呢隊校隊,一嬲都無嚟開呢d比賽嘅~所以當佢地上個月驘左"全省小學國際象棋比賽"第一o個陣,o係Chess界真係全城控動!因為佢地係發夢都無諗過會比"最高貴學府"驘到嘅~

所以o個朝o係門口等o個陣,我已經見到好多其他嘅細路,個個指住小王子幾個"gigi 浸浸"咁~就o係呢個時候,恐怖份子好大聲咁講左一句﹣﹣>
                            "Everyone here is beatable!"
                                               (呢度所有人都可以打敗!)

重要好大聲咁講左兩次!我個人嚟講就相當民主嘅~如果恐怖份子想自殺,我係好尊重佢嘅意願。但係~5該佢5好拉埋小王子一齊去死!o個度咁多人,個個都係嚟比賽嘅,重要因為佢地上次驘左,人人都o急到佢地實~兼夾"gigi 浸浸"講緊佢地嘅時候,你咁大言不慚咁話﹣﹣>

                                  "Everyone  here is beatable !"

我即時stop佢,同佢講佢吾應該咁講。佢竟然好串咁啤住我話﹣﹣>

                               "咩啫?我講嘅Everyone包括我ga喎!"

我還佢一句﹣﹣>
                                            "就算係咁你都5應該咁講!"

跟住佢個樣係show到幾5順超咁呀~

我心諗﹣﹣>
頂你ar?咩父母教出d咁嘅細路呀?讀書叻又點呀?全個銀河系得你一個叻呀?"最高貴學府"中學部嘅獎學金"? 小王子無去考咋喎~佢去考你未必考到喎!就算做到醫生,你咁嘅做人處事態度做咩都無用la! "

P.S. Post埋小王子攞第一o個張相過你地睇下~








o個日比賽,小王子就係驘左呢個獎杯o勒~



2011年10月17日星期一

衰鬼盒



有時我真係覺得好奇怪,究竟有d父母將個小朋友嘅學習放o係第幾位ga呢?o係"最高貴學府"度,時時都會有d人無nana人間蒸發幾個月,又無nana出現番ga喎!重記5記得同小王子一個Chess team,隻左手得4隻手指嘅藍精靈?藍精靈已經消失於"最高貴學府"嘅空氣中差不多成個幾月o勒~佢去左邊?米就係去左歐遊law!真係奇怪,吾知點解"最高貴學府"d人鍾意尊o係d返緊學嘅日子去旅行ga喎?雖則係話通常呢d時候嘅機票係平d啫~但係佢地5係有大把未開頭ga咩?洗咩貪埋哂呢d婆仔數呀?, 一或佢地要學嘅o野已經全部識哂,所以5洗上堂?

今朝返學見到小王子老死雞泡魚,我地3個o係度吹水,吹吹下講到小王子同班同學"意大利粉~腸"......

小王子﹣﹣"....係呀!"意大利粉~腸"已經無o係度成兩個學期ga na~"

我﹣﹣"吓?真ga?"

雞泡魚﹣﹣"係呀~上個學期佢已經5 o係度ga na。"

我﹣﹣"咁條粉腸去左邊呀?"

小王子﹣﹣"佢去左意大利ar ma~"

雞泡魚﹣﹣"o係city o個間XXX意大利餐廳係意大利粉~腸個爸爸開ga,間餐廳好出名ga!"

我﹣﹣"係呀~咁佢去左意大利幾耐呀?"

雞泡魚﹣﹣"佢第三個學期已經無返學la~"

講下~講下~小王子又開始語無論次o勒.......


小王子﹣﹣"係呀!係呀!意大利粉~腸第二個學期成個學期無返,第三個學期返番嚟幾日,跟住又無返na~"


我﹣﹣"吓?咩呀?"


雞泡魚﹣﹣"你嘅意思係佢第二個學期去意大利所以無返,第三個學期又返嚟幾日,跟住又返番去意大利?有咩可能會咁呀?都5合攞揖嘅~你究竟知5知你自己講緊咩呀?"

天呀~真係比小王子吹到脹呀!

小王子真係5係地球人嚟ga喎~連雞泡魚5同意大利粉~腸一班都知道人地幾時缺席,小王子同人同班都十下十下,兼夾講o野毫無攞揖外加語無論次。
我真係5明雞泡魚平時係點同小王子溝通ga law!

我 ﹣﹣"唉~小王子你真係....."

小王子就一味咁o係度笑﹣﹣"hee hee~hee hee~..."

我﹣﹣"咁佢dumb 5 dumb ga?"

小王子同雞泡魚一齊答﹣﹣"dumb gar!"

我﹣﹣"唉~咁有錢都無用la,佢咁dumb,如果有日突然間所有人都5鍾意食意大利粉同薄餅咁點算呀?又或者忽然間人人都5食蕃茄咁點算?"

小王子and雞泡魚﹣﹣"hahahaha....."

P.S. 時時提起小王子老死雞泡魚,今日post埋佢張相過你地睇下~