2010年9月6日星期一

比卡超三文治盒



Yeah~新Blog開張!!!!
以前o個d相同blog,我會一篇篇咁轉返過嚟~o係呢度﹣﹣無癲婆!得小王子同鍾意小王子嘅你地~o係度寫o野,我覺得自由好多,重可以post小王子嘅相同video上嚟。其實小王子piano比賽o個個video,我前日已經upload左上youtube ga na~但係5知youtube做咩鬼,更係話個video重process緊!等佢一process完,我就會post上嚟呢度ga o勒~好開心呀!想post咩都得呀!

小王子爸爸萬歲,因為呢個Blog係小王子爸爸幚我整左成個禮拜ga na!

如果我同你地講﹣﹣

  "琴日係父親節"

你地會5會話我傻?不過係真ga,o係澳洲,father's day係o係9月第一個sunday ga!人地話最偉大o個個係媽媽,其實我覺得﹣﹣一個屋企,最偉大o個個係爸爸至o岩呀!至少o係我呢個屋企係咁。我知小王子爸爸而家做緊呢份工好5開心ga,但係要養我同小王子,佢無得揀law~我時時覺得自己好衰,次次母親節呀咁,小王子爸爸就會一早諗定o個晚去邊度食飯,又會送禮物比我。但係到左父親節或者係小王子爸爸生日呢~我就一d表示都無!我重衰到由結婚第三年開始﹣﹣則係小王子出世o個年,我就從無一年記得我同小王子爸爸嘅"結婚記念日"。erm............唉~次次都係小王子爸爸到o個日提我,又會同我出去食飯。

唉~~~~~

不過我無表示係可以理解ga!因為小王子爸爸5鍾意洗錢落自己身上ga~佢得兩條牛仔褲同一對波鞋,重要5著到爛佢都5肯買過新嘅~但係小王子爸爸從來都5會5比我買野比自己ga喎,佢重話﹣﹣

"5好哂錢買o野比我,你留返d錢買你自己鍾意嘅野la~"

Blog友們!我5係o係度哂命,我係覺得~我真係應該o係度讚揚下小王子爸爸為我同小王子做嘅野!

我知道小王子爸爸日日都o係公司偷偷地睇我個blog嘅~所要我要o係呢度讚佢,等佢睇到!

用口講~好肉麻嘅 ~hahaha....

講返琴日父親節先~

之前o個晚我已經同小王子講好,叫佢第朝早d起身練琴,練完琴我教佢煮早餐比爸爸食!

嘩!開心到小王子ar~佢成世人都未掂過個爐頭ga!今次可以用個鑊煎o野喎~~~佢真係緊張到不得了law!hahaha........琴日朝我教小王子打蛋、煎蛋、煎bacon、用牛油搽面包,整左個煙肉蛋三文治比小王子爸爸食。好鬼開心呀小王子,雖然~

蛋﹣打到一地都係!重有幾十塊蛋穀o係隻蛋度

不過都算係個新開始嚟ma~hahaha.....小王子整左兩份三文治,一份係小王子爸爸嘅~一份就係佢自己嘅!小王子覺得自己好叻呀~識用爐煮野喎,所以猛叫~

"媽媽!你試下好5好味ar~"

我話﹣﹣"得na!你食la~"

小王子﹣﹣"媽媽!你試下好5好食先la!"

我﹣﹣"得na~5洗試ga na~實好味ga!"

小王子﹣﹣"點解呀媽媽?你都未食,你點知實好味呀?"

我﹣﹣"蛋d鹽係我落嘅,bacon本身就有味,你淨係牛油搽面包,咁有咩可能會5好味呀?要整得難食重難過要整得好食呀仔~"

小王子﹣﹣"oh!"




yeah~今日新blog啟用!你地快d去o急o急na~
                                     
        http://www.babyprinceworld.com/
睇下正5正ma~o係o個度我會寫多好多野ga!只要你地login左,就可以留言,方便好多ga!

今日我又用呢招﹣﹣"借刀殺人"!hahahaha.....
點解?因為今日我整嘅係雞蛋三文治,平時小王子係點都5會食ga!but我用嚟整"嘩 box",小王子o係群眾嘅壓力底下~係點都會食哂佢嘅!wah hahahaha.......呢招絕呀!兼萬試萬靈~