2011年5月20日星期五

皮卡丘壺


今日小王子學校攪"bad hair day",佢緊張到死呀!又要bad,又要型,but又5要似女仔!嘩~~~家下我係神仙咩?當年跌落地球o個時受左重傷,d法力無哂ga na


咁我米問佢﹣﹣"你想點整呀?"

小王子話﹣﹣"我想媽媽suprise我!"咿?我發現小王子可能真係以為我係神仙喎!!!!!咁我應5應該同佢講清楚,其實我5係神仙呢?

咁琴日我米帶左小王子去買o個d,一噴就成頭有色嘅"哂錢野" law!都ok~AU$6.xx啫!重未食得哂我隻車!!!!!
買左之後,小王子極度興奮。重開始"通知"我聽日想要整個咩頭!
小王子﹣﹣"um.......媽媽!我想要好似Sonic咁呀!"

我﹣﹣"吓?Sonic個頭點ga?"
小王子﹣﹣"吓?咩媽媽5知Sonic係點ga咩?"

我﹣﹣"我點知呀!"
小王子﹣﹣"吓?咩媽媽無睇過Sonic咩?"
我﹣﹣"有~~~but無留意佢個頭係點ga ma!"
小王子不停咁指手畫腳﹣﹣"o拿~媽媽!Sonic呢度就咁嘅~咁嘅~o個度又咁嘅~咁嘅.........."省下一萬字。
都話當年跌落地球o個時受左重傷,d法力無哂洛~~~~家下淨得美貌ga咋~hahahahaha......


Anyway,今朝我一路同小王子整個頭髮,一路話﹣﹣

"唉~媽媽真係應該去做髮型師至o岩呀!型到呢~~~~~"

小王子竟然答﹣﹣"媽媽!咁點解你5去做呀?"
唉~~~真係比佢激死!我自言自語啫~又5係叫佢答!
到出門口o個刻佢都另返轉頭問我﹣﹣"媽媽!點解係5去Barber shop度做呀?"
心諗﹣﹣"頂!係米玩野呀?"


重有樣攪笑野,小王子有個同學仔記錯左,以為前日係bad hair day。攪個頭攪到遲到!重要返到學至發現5係o個日,咁米即刻入廁所度洗law!最死係佢整到自己個頭藍色,一洗﹣﹣﹣攪到成面都變左藍色。其他同學米叫佢做"名凡達" law~hahaha..
PS. 碌落d睇la~有相睇ga!












芝士脆方包(食譜eBook介紹)


17歲就嚟左澳洲讀書o勒~而家諗返起已經係N咁耐之前嘅事嚟。以前讀書無咁多錢,就算同小王子爸爸拍拖o個陣,都係AA制嘅多~erm.....其實就算拍拖,都5一定要男仔出哂錢嘅~小王子爸爸o個時嘅零用錢5係好多,所以我地o個時都好少話出去睇戲呀咁,總之高消費嘅o野我地都好少做。

 

o個時o係Melb.有間餐廳,5係高級o個種,好似係家庭式餐廳,好多人一家大細去食ga!o個時我同小王子爸爸o係教會團契,有時會一大班人一齊去呢間餐廳度食o野嘅。點解?間餐廳係米好好食ga?
非也~非也


o係呢間餐廳度食o野,無論你order咩食,佢都會送一塊外脆內軟嘅芝士包過你食,得一塊ga咋~無得order嘅。而呢間餐廳 最 最 好食嘅o野﹣﹣>
就係呢塊芝士包o勒


後來呢間餐廳連所店因為經營不善,全線執笠,而呢塊芝士包就從此消失於宇宙。幾年之後,我曾經見過Super有類似嘅芝士包賣,但係可能無市場,所以而家已經再買5到o勒~


因為我實在太~掛住呢塊外脆內軟嘅芝士包所以o係好多年前,我憑記憶中o個個味道而研發出呢個"芝士脆方包"。我5知道o個間餐廳嘅芝士包同Super賣o個塊芝士包係米好似我咁整法,但係我呢塊"芝士脆方包"無論係外形同味道,同當年o個間餐廳嘅芝士包係有99%相似ga


小王子就無機會食到o個間餐廳嘅芝士包o勒,因為早o係小王子出世之前,佢地已經全線執哂笠。但係5緊要,因為小王子有個傻媽媽,所以佢一樣可以o係今日品賞到本來5屬於佢嘅味道。每次我煎牛排多數都5會煮飯,而係做呢個"芝士脆方包"配埋牛排一齊食嘅。小王子一見到塊"芝士脆方包"對眼真係發哂ga


如果你都想見到你屋企個小寶貝雙眼發,可以買個ebook食譜嚟學整,每個ebook食譜售價為AU$1
呢個"芝士脆方包"5洗用焗爐,難度係初中級,真係易整到你5信law!


不過我呢個星期日就要同小王子去阿根庭度表演,要去十日ga,希望可以o係呢十日內整理到呢個ebook食譜出售,如果5係就要等十日後我返嚟至得ga na!



2011年5月19日星期四

兔寶寶三文治盒



嘩!呢幾個禮拜我真係忙到癲呀~小王子要去Sydney考獎學金,又Interview、又Audition、又考試。攪到我同小王子爸爸,三日5埋兩日就要搾車上Sydney!!!加上因為要去阿根庭,又要攪防疫注射呀咁,真係攪到我死咁濟,小王子重要琴日考Theory同School Concert喎!!!真係咩鬼都一齊嚟law~至於去阿根庭嘅行李呢~我係一件都未執過嘅,連要買定去嘅o野~我係一件都未買嘅!!!!
天呀~~~今次真係C o勒!

聽日我地又搾車去Sydney,星期日會由Sydney出發去阿根庭o勒~係呀!最後我都係決定跟埋小王子同小王子爸爸一齊去阿根庭呀~老實講,其實我好鬼驚坐飛機,真係5係好想去ga!不過我諗﹣﹣

"此時此刻,我係米應該o係小王子嘅身邊呢?"

我5想因為我無去見證住小王子嘅"世界第一次"而後悔一世呀!所以最後都決定要同佢地一齊去。我地會o係阿根庭十日,所以親愛嘅blog友們....

未來呢十日都5會有"嘩box"呀!




2011年5月18日星期三

櫻花兒壺



終於有時間打blog o勒~上個星其5,我米這要陪小王子去Museum嘅~話說o個日我去到Museum,真係嚇左一跳!

嘩~~~~5年級咋喎!因咩鬼d人咁高ga?小王子有好多同學重高過我呀!我都5算係好矮啫,我都5尺4 ga,小王子爸爸就重高,佢6尺2呀!小王子一嬲都5矮ga,我次次post相,更有好多人留言話佢高嘅~小王子而家都到我眼咁高ga na。

不過o個日當佢同o個d巨人一齊,小王子即刻變左小童size!咁當然重有好多人矮過小王子嘅,but高o個d真係 誇 誇 誇 到爆law!我知小王子o個級有兩個同學仔係特別矮嘅,佢兩個真係矮過小王子成一個頭ga。今年年頭開學,我見到佢兩個其中一個嘅媽媽,佢話﹣﹣"嘩!你個仔高左好多呀~唉~~睇返我地XX(化名),又無高到!

" haha.....咁我望一望佢個仔la~嘩!真係喎~~~我諗佢讀小學呢5年都可能着同一套校服,完全5洗買新ga law!
Oh!又越講越遠tim~我想講嘅係﹣﹣o個日我重以為佢兩個小矮人無返到學tim
!因為同型巨人o係一齊,佢兩個真係蟻一樣law!要見到佢地實在係有d難度~
我地而家o岩o岩開始冬天,朝早同夜晚真係零度ga!晏就就好d,十鬆d度la~但係d鬼真係好野喎!完全5怕凍ga bor~其實我都已經5係好怕冬,幾度着短裙都ok ga。但係我同你地講,o係我地呢度係無人着羽絨嘅~o個日我去Museum,諗住要吹風,米是但攞左件羽絨背心出門口law,係羽絨背心咋!去到竟然有人問我係米好凍,因為我睇起嚟好似好凍咁喎~

"5係掛?我着左件背心咋bor!"
但係最攪笑嘅係,就算係零下幾度,如果你着件背心底衫出街,係原全5會有人望你,覺得你有問題ga喎!到夏天大熱天時40幾度,你帶冷帽咩?又ok bor~究竟﹣﹣係我有問題定一或佢地有病呢?

PS.今日除左有小王子最鍾意食嘅叉燒,重有蛋下面嘅豆鼓蒸排骨,都係小王子嘅至愛嚟ga!





2011年5月16日星期一

嘩~獅子王壺



聽日無"嘩box"~因為聽日小王子又要去Sydney考中學獎學金o勒!今次小王子係要去呢間學校 Audition 拉Cello。而呢間學校嘅音樂獎學金係全費嘅~則係話如果考到呢間學校嘅獎學金,小王子未來o個六年嘅中學都5洗比錢o勒!之前另一間中學Offer左比小王子獎學金係6年中學半費再加o係外面學Cello嘅學費全免。不過~其實我同小王子爸爸未諗會去邊間度讀,到最後要睇哂d Offer至會決定,雖然分分鐘o個大na na嘅AU$4000會凍過水!

其實為左小王子考中學獎學金呢單o野,我同小王子爸爸都已經死左5知幾多細胞!小王子爸爸今朝重同我講,因為聽日小王子要去Audition,所以佢(小王子爸爸)好緊張,瞓5著!我呢~雖然我無好像小王子爸爸咁瞓5著,但係都5好過得去邊。我時時都覺得好對小王子5住,因為如果考5到獎學金,我係供5起小王子讀私校嘅~星期六o個日我同小王子講....


我﹣﹣"小王子(化名)!如果你考5到想讀嘅學校,媽媽又afford 5 起比full fee~I'm sorry呀!"
小王子攬住我同我講......
小王子﹣﹣"That's OK ~媽媽!我去間good school就得la,我5洗一定要去"The Best School"ga!"
我聽見小王子咁講,d眼淚真係流到出嚟咁濟呀!
小王子5知係安慰我,一或係真係咁諗~小王子話.....
小王子﹣﹣"媽媽!如果我真係要入去XXXschool度讀嘅話,我反而失望tim呀!"
我﹣﹣"吓?點解呀?你5係鍾意o個間多d ga咩?"
小王子﹣﹣"而家我5鍾意na~after去過o個間school度睇,又聽左咁多o野,如果真係要我去o個間度讀,我會好失望ga!"


你地5好問我小王子講呢段說話係咩意思,因為小王子一嬲對"解譯"<﹣﹣都5係好掂!我直頭懷疑~小王子可能誤解左"失望"<﹣﹣呢個詞語嘅意思!
不過我知道佢係想講而家5想去讀之前想去讀嘅o個間學校o勒!





2011年5月13日星期五

織織再復織織


人人都問我做咩鬼消失於Face book中?因為我出名係"Face book看更"ga ma~不過呢幾個月,我真係好少上Face book,連Blog都懶打呀!點解?之前米講過law~掛住織o野ar ma。


我真係好鍾意織o野ga,點解?因為織o野5洗用腦ar ma,你都知la~5洗用腦嘅o野就最o岩我ga o勒!hahahaha......不過小王子同小王子爸爸5鐘意著冷衫、帶頸巾。攪到我都無哂慶至啫~不過而家發現,其實除左冷衫、頸巾之外,重有好多o野係可以織,而且重可以自己用返tim bor!於是乎呢幾個月,我日織夜織,誓要補返之前o個十幾年無織過嘅時間呀~呢度係一部份我呢幾個月織嘅o野,重有d o野我重織緊,未織完嘅~重重有好多想織嘅o野,打算會織嘅,織好再post上嚟過你地睇下~




呢本書我買左十幾年,一直都好鍾意呢件"斗篷",終於都織左出嚟na~

我mama地鍾意呢兩隻色,but要計返個tension,所以無得揀!


可能我用淺色做底,所以個花5係好出~呢件o野我織完又拆、拆完又織咁試左3。個顏色組合,最後至決定用呢兩隻色ga!



我就係為左呢件"斗篷",至買呢本書ga!不過我點都無辦法o係呢度搵到同tension嘅冷嚟織,所以後來我就o係第度訂d冷返嚟至織到ga!

綠色我都好like呀!

所以兩隻色都織左!hahaha...著起嚟好靚下ga!


呢件係兩著嘅~可以當"斗篷"!


又可以當頸巾~

今年慶鹿花紋ar ma~米織件嚟玩下law!


呢件好得意ga~所以一定要織!


不過我織o個陣都拆左好多次ga~

o拿!o拿!o拿!呢件就真係要講na~著起係勁勁勁靚嘅~如果裡面著件黑色背芯,跟本5會發覺係兩件分開嘅~

我著過幾次,d friend都以為我係買返嚟嘅~完全估5到係自己織,我同佢地講話係自己織,嚇死佢地呀!重N咁多人想我幚佢地織件tim bor~

2011年5月12日星期四

冬甩嘩壺



有追開小王子天地嘅Blog友,應該一早就知道小王子擁有100﹪遺傳自我嘅美貌ga o勒~(小王子爸爸無份!Wah hahahahaha....)之不過咁,小王子除左100﹪似我咁靚之外(hahaha.....),原來重有一樣o野,小王子係似到我十足嘅,而呢個秘密我都係舊年至發現ga啫!係咩?就係.....
咀gel gel o勒!
你都知la~我一嬲都強調輸人5輸陣ga ma,總之就死都要撐住la!咁之但係小王子一嬲都係條軟皮蛇嚟gar,打又5怕、鬧又5驚o個種呢~重平時又鬼咁死好人喎,所以我一路都好擔心小王子第時讀書會比人蝦law!其實5止我ga~連阿小王子爺爺都覺得小王子返學係一定會比人蝦嘅~


點解我咁講?
因為舊年我地一家同小王子姑姐一家,重有小王子爺爺嫲嫲一齊去旅行。咁淋走o個時,小王子借左部DS比表細細佬玩,點知表細細佬太細個5識用架DS,最後將小王子電左幾個月嘅game嘅save level全部洗哂!小王子無發皮氣、又無嬲表細細佬,淨係眼濕濕咁望住我(都話左小王子好少喊ga lor,眼濕濕好大件事ga na~)。小王子爺爺見到小王子咁就想氹返小王子la~又話買過個新game比佢呀咁,點知小王子同爺爺講話5洗o勒,我ok呀!於是小王子爺爺就嘆左一下氣,然後話.....
"死la~佢咁鬼死好人,o係學校實比人蝦la~"


其實呢樣o野我都懷疑左好耐﹣﹣>小王子成個好蝦樣ga喎~有咩理由學校o個d技安呀咁,會5攪小王子至得gar?雖然我時時都問住小王子有無比人蝦,但係會5會小王子比人蝦都5敢同我講呢?一或係比人蝦左自己都5知law!你知la~小王子一嬲都十下十下ga ma!
終於有日我問小王子,點解技安佢地周圍蝦人,但係會5蝦你ga呢?


點知小王子話﹣﹣>"佢地蝦5到我law!佢地初初有想蝦我gar,重同我講d難聽嘅說話,諗住我聽完一定會5出聲,好5開心呀咁~點知比我駁返轉頭,咁幾次之後佢地直頭5敢埋我身law!佢地呢d人就係想見到你5開心個樣,你越5出聲,佢地就越得戚law!"
我﹣﹣"吓???咁你點駁返佢地呀?"(咩我個仔有咁勁咩?)
小王子話有次技安笑小王子個髮型,話佢個頭係女人頭喎~小王子話技安諗住小王子會5出聲ga,點知小王子即刻回佢一句....
"你又5係我,關你咩事呀?"
就係因為技安無諗過小王子會回咀,所以即時出5到聲。


技安有好多手下,有日打手甲一見到小王子,就即刻用手cover自己對眼,然後猛話自己盲左,通常d鬼做呢個動作,則係話你個樣好醜樣,所以一見到你個樣就比你醜到盲左~點知小王子一聽見佢咁講,就回佢一句....
"其實你日日都有照鏡,應該有好多practice至o岩ga!"
即時吹到打手甲脹!


又有日打手乙又用d說話嚟話小王子,點知小王子同佢講.....
"我終於知道呢個世界係5完美na~因為有你o係度!"
打手乙即時彈開~


又又有日,有個戍李行o係小王子前面,突然間停低,然後作勢要讓小王子行先~重講左句....
"Lady's first~"(則係話小王子係女人!)
點知小王子即刻停低,然後又作勢要讓阿戍李行先,然後講左一句....
"Age before beauty~"(則係老人優先~)


上次我同小王子返Melb.探小王子嫲嫲,咁小王子嫲嫲無nana爆晌口話小王子個表細佬o係學校度比個女仔拒絕左(個女仔話表細佬係中國人,所以好肉酸喎~)。之後表細佬又無nana提起呢年事,小王子就同表細佬講﹣﹣
"Don't worry about Fiona,she has no taste~"
後來小王子返嚟同我講,佢話其實表細佬5應該咁比Fiona話都5出聲,應該要即刻反駁返Fiona至o岩。咁我問小王子如果係你,你會點對Fiona講呢?小王子話.....
"我會話﹣﹣> "印度人呢就太燶(皮膚黑~),妳呢~就係raw(則係話佢地白人係生肉~),我地呢d就係叫well done,very good呀!(則係話黃皮膚係o岩o岩好,5太生又5太熟~)""


小王子d金句多到我寫5哂,我淨係寫d譯左做中文都好笑o個d出嚟。其實諗下~諗下~小王子都算厚道ga na,起碼佢無用佢呢張咀gel gel 嚟gel我ar ma,如果5係?我真係發癲都似law!


後記:其實有時我真係好配服小王子,佢o個種樂觀法,有時真係比佢吹到脹。好似小王子比表細細佬洗哂佢DS game d save level o個單o野,幾個week之後,有日小王子同我講﹣﹣"媽媽!其實我要多謝表細細佬至o岩呀~"
我﹣﹣"點解呀?"
小王子﹣﹣"因為表細細佬洗哂我個game,我要從新玩過~就係因為咁我先可以從新諗,原來我之前哂哂d coin去買d無用嘅o野,從新玩過,我save d coin,而家我玩得重高過之前個level呀!所以我真係應該Thank you 表細細佬至o岩呀!"
我﹣﹣"吓?係呀?咁你返去打比表細細佬la~"(吹脹!)







比超雞仔壺



琴晚我又重施古技﹣﹣整炸矮瓜!嘩哈~嘩哈~

有追開我個blog嘅blog友應該重記得上次我門天過海o個單野!
琴日小王子放學返嚟之後,同平時一樣呢左入房練琴。而我就鬼鬼鼠鼠咁o係廚房度整"門天過海",練練下佢突然間好快咁跑出嚟。
o拿~o係呢間屋度我淨係會o係兩個地方度會出現ga啫﹣﹣一係廚房,二係電腦前面。照平時慣例,佢咁跑出嚟一定係諗住衝埋我度攬住我。

嘩!!!嚇得我ar!d矮瓜我重未整好,佢一行過嚟就實爆煲。就o係呢個電光火石嘅時候,我眼見小王子越走越近,而佢對眼就開始望緊我整緊咩野。我個腦o個時真係空白哂!心諗﹣﹣"點呢?點呢?講d咩好呢?"........
 於是我就話﹣﹣"er...........小王子(化名)呀!er.....你有無食過er........" 我重用手指去第邊,至發現"咿?o個度無野喎!死~點搏呢?"其實我原全未諗到想講咩!
小王子﹣﹣"吓?咩呀?媽媽食過咩呀?"
我﹣﹣"er.......呢~.....er...."
突然間我醒起﹣"咿?琴日佢o係地校度攞左個5知咩Award喎!" 於是聰明嘅我即刻就話.......(PS.呢個時候小王子重有兩步就行到嚟廚房度o勒~)
我﹣﹣"呀!小王子(化名)!你琴日米攞左個Award嘅?你都無比我睇過,快d攞出嚟比爸爸睇下la!"

hahahaha.....跟手我拿拿聲用塊布come住d矮瓜。

到食飯o個陣,小王子不停咁問我呢d係咩嚟。我話呢d叫茄子law!
佢問咁茄子英文係咩?"原來小王子真係傻5哂ga喎!"
我話佢無英文名ga!
佢即刻問爸爸﹣﹣"爸爸茄子英文叫咩?"
我即刻sa佢﹣﹣"好多chinese野都無英文名ga la~腐乳米無英文名law!"

小王子爸爸即刻話﹣﹣"係呀~係呀~"

hahahaha.....
一路食飯,我見小王子係咁夾住舊矮瓜咬,真係忍笑忍到成身都震哂!不過佢就一路食一路諗﹣﹣"呢d究竟係咩嚟ga呢?" 重5止一次咁問我﹣﹣"媽媽!係米矮瓜嚟ga?" 咁我就更係死口都5認la~~~~hahahaha.........

食完飯之後,小王子爸爸好語重心賜咁同我講左一句﹣﹣"上得山多終遇虎呀~~"

ok!ok!最多我以後5買law咁!!!!

PS. 雞仔下面係韓國燒牛肉~






2011年5月11日星期三

他媽哥池飯糰盒



講左幾日小王子考獎學金嘅嚴肅問題,可能你地都悶悶地ga o勒~所以今日5講獎學金、5講心情、齋講小王子嘅攪笑o野!無聽小王子d瘀o野咁耐,係米好想聽呢?其實諗下~諗下~我應該夠哂料出本"小王子101件攪o野事件薄"同"小王子之校園sa la la" ga la bor!我睇應該有Market gar~hahahaha......


有樣o野我諗我係從來都無同你地提過嘅~就係小王子時時都比人認錯係女仔!
5係哇?小王子一身嘅打扮,係極其咁有男人味ga la喎!佢除左係同地球d女仔一樣.....都係有眼耳口鼻之同手腳外.......應該都無咩係同女仔一樣ga la bor。5通.....小王子已經比人認出佢5係地球人嘅秘密?


其實呢單o野已經5止試過一、兩次ga na~上次我同小王子去Adelaide度表演,差5多所有人都同我講﹣﹣﹣"SHE............"
我話﹣﹣"erm.....is HE~he is a boy."
然後對方就會話﹣﹣"oh!SHE........."
我心諗........
"嘩~你係米智障呀?人地都話係HE~ 洛!"
跟住我就放棄,由得佢話小王子係"SHE",然後就照回應佢地問嘅o野。
可能你地會話﹣﹣


"唓~d鬼佬5識睇中國人啫!"


問題係........
前年我同小王子返HK度探婆婆同阿公,正當我地嘆緊茶嘅時候,有位C9甲行過嚟同我媽咪打朝呼,咁係咁ga喎~明明係見到你成家o係度嘆緊茶ga,but d人都一定會問。。。。
"咿?飲茶呀?"<﹣﹣癈話!


咁小王子婆婆得小王子一粒孫ga之ma~更係同人講....


"係呀!我個女同個孫o係澳洲返嚟ar ma~"
跟住C9甲就望住小王子,然後就同我講......
"你帶個女返嚟呀?"<﹣﹣@_@"
我﹣﹣"係仔~呀!"


之後又有幾次,我同小王子爸爸同埋小王子o係Sydney度飲茶~d點心阿"sim",又以為小王子係女仔嚟,重話.......
 "好乖呀你個女~"<﹣﹣吹啤啤!!!
你地都知la~小王子去到邊都搾住本書嚟刨ga ma,於是佢地又話.......
 "你個女好勤力呀!"<﹣﹣無言-ing!


好o勒!到o岩o岩上個Christmas我同小王子返HK探婆婆,咁年年我都會幚小王子度身訂做shirt衫同禮服ga ma~咁o岩我有個中學舊同學一聽到我話要做衫,就同我講佢老細做開衫o個度好得gar~重即刻幚我問tim!不過佢話去到一定要指定搵阿胡師傅bor~


咁o個日,我米帶埋小王子同小王子婆婆一齊走上去o個間洋服店度law。一入到去我就話........


我﹣﹣"5該~請問胡師傅o係5 o係度呀?"
師傅甲﹣﹣"阿胡師傅無咁早返ga喎~你一點再嚟過la!"
我﹣﹣"o我~咁請問做5做細路仔禮服ga?"(問o個時我指住小王子ga!)
師傅甲啤左小王子一陣,就話......
師傅甲﹣﹣"er.....應該都做嘅,不過你等間問一問阿胡師傅la~"
於是乎我米同小王子同埋小王子婆婆出去搭笠落樓law!點知我地等等下笠o個陣,阿師傅甲就好急咁追出嚟,然後同我講......
師傅甲﹣﹣"我地淨係做男裝ga咋喎!"
於是我指住小王子話﹣﹣"吓?呢個米男仔law!"
師傅甲聽到我咁講,即刻打左個凸!重由頭到腳咁望左小王子幾次,然後話。。。
師傅甲﹣﹣"o我~係呀......."


之後我地又再去另一間我舊同學話做shirt衫好得嘅鋪頭,入到去講完一輪做咩款之後,阿師傅乙就幚小王子度身o勒~點知當佢一攞起把尺度嘅時候,佢話.....
"呢個係男仔定女仔嚟ga?"


5係哇?我小王子明明成個係金賢重咁款ga喎~究竟佢邊忽似女仔先?