2011年6月23日星期四

蛋皮壺



今日呢個煎蛋皮係新技術,我第一次整啫~果然係有小小難度呀!下次應該會整得好d ga na~小王子琴日話今日要帶熱Lunch,同想食炸豬排,所以我今朝尊登炸左塊豬排放入"嘩box"度呀!


其實我一直都好擔心,到小王子青春期o個時點算好呢?我點樣應付佢對異性嘅好奇心呢?呢單o野查實我已經擔心左好多年,我同小王子爸爸講﹣﹣﹣


 "唯獨係呢樣o野,我真係5識教law!"


小王子由細到大,所有佢睇嘅電視、電影,我會部都揀過哂。
sex呀~kiss呀~d主角著嘅衫太少呀~意識5好呀~有粗話呀~or d公仔太凸出女仔d胸呀咁﹣﹣>通通 NO!NO!NO!
小王子細個o個時,打打殺殺,有暴力嘅卡通﹣﹣>亦都 NO!NO!NO!
如果係去戲院睇嘅,我會一早預先Reseach好哂,知道套戲邊個位會有kiss,或者邊個位會有d小王子5應該睇到嘅o野。一到o個d位,我就會Cover小王子對眼ga o勒!


小王子大個o勒~而家同佢去睇Movie,5一定係睇卡通,由前兩年開始,小王子想睇嘅Movie,多數都係人做嘅~不過都係 G嘅,則係無論咩年紀都可以睇嘅。
PG嘅戲﹣﹣則係要大人陪至睇得o個d呢~我好少同小王子去睇。
M呢~則係要15歲以上至睇得o個d呢~我係一定一定5會比小王子去睇嘅........
除左一套﹣﹣
就係Transformer o勒!


有追開我個blog嘅blog友,都應該知道小王子第一樣開始收集同研究嘅~就係Transformer,玩左咁多年Transformer終於等到有Movie做,你話o個時我點好意思話5比小王子睇ar?其實o個時我睇完套戲於嚟好嬲,因為一路支持Transformer嘅都係呢班小朋友,有咩理由套戲會係M,兼有Sex scene,粗話又多,個主角間房重要有個裸女嘅Poster!!!
  嘩~有無攪錯呀?


我記得o個套戲我好忙,Cover 完眼又要Cover 對耳,真係攞命!
舊年年尾,小王子迷上Harry Potter,一個week之內刨哂7本Harry Potter。咁o岩o個陣Harry Potter有新戲上,所以我o係HK o個時就同小王子去iMax度睇Harry Potter。點知人地滿坐,我同小王子要分開坐,我o個陣真係好驚如果有咩5應該睇嘅o野,咁點算呢?一路睇,我就一路驚......點知真係有一幕,個女主角好似無著衫咁,同另一個男主角接吻。嘩~我幾驚呀~又行5到去小王子度Cover佢對眼,咁點算呢?我望過去小王子度......小王子竟然........


自己用對手cover自己對眼!!!


我真係忍5住笑左出嚟~我真係覺得小王子好鬼死可愛law!


所以o個時我帶小王子去學拉Cello,因為諗住第日小王子可以o係學校度參加弦樂團,下下都要去彩排,咁忙~應該無時間諗d無謂o野掛?你知la~


 無論男仔又好、男人又好~一無世藝就多o野諗ga na。


o係小王子8歲o個時,佢問我點樣生BB,我已經好清楚咁同小王子解譯哂,點樣make love,咩係sex ga o勒~我同小王子講,你有咩5明就問媽媽,千奇5好返學校同學同討論,如果你聽到有同學o係School度講sex,你記得即時彈開,如果5係比老師知道你就有死ga na!





2011年6月22日星期三

熊寶寶飛碟包盒



小王子琴日好開心呀!

點解?因為小王子琴日驘左比賽law!不過5係拉琴比賽喎~又5係彈琴比賽啫!驘Music比賽佢都無咁開心呀~究竟小王子驘左咩o野比賽?就係.....
Chess Competition(國際橡棋比賽)o勒

之前我都同你地提過,小王子係Crazy about Chess ga la,小王子未夠4歲我就開始教佢玩國際橡棋,從來都無諗過小王子會熱愛呢樣o野得咁緊要。我亦都從來無諗過~原來Chess都有Coach嘅,小王子每個星期三都有個Coach,單對單咁Coach小王子Chess嘅,教下戰術呀~研究陣形呀咁。老實講~5係因為小王子學,我都5知原來Chess都可以玩到咁鬼尊業嘅。

小王子一嬲都係School Chess Club嘅中堅分子,亦都係Chess嘅校隊嚟,今次小王子重做埋School Team Captain(校隊隊長),帶隊出去比賽。小王子話因為今次驘左,所以佢地可以出線進入決賽,下次決賽係同全省學校比賽,如果都驘到呢~就再出線同全國學校比,再驘呢~就出國進行國際賽。
雖然我同小王子都覺得~下次決賽就已經會比人打沉,不過小王子都一樣好開心,琴日攞住個獎坐返嚟,一見到我就話....
 "媽媽!我今日win左呀~"
見小王子咁開心,我都登佢開心呀!


小王子有個同學叫"藍精靈",5係因為佢"十分勁!",係因為佢真係同"藍精靈"一樣.....十分勁矮呀!


我記得我第一次見到藍精靈,係一個School day嘅朝頭早,我見到小王子同一個到自己手臂咁高嘅人,一路行一路傾計。我心諗....小王子做咩無nana會同個二年級嘅人咁好傾ga呢?佢幾時識左個二年級小朋友無同我講嘅?


放學o個陣我問小王子,做咩會同個二年級小朋友咁好傾,小王子一頭霧水,都5知我講咩!後來小王子話....


"5係呀媽媽!佢6年級ga,係我個friend嚟ga!"


我﹣﹣"吓?5係哇?6年級?佢到你手臂咋喎!"
小王子學校,真係有d細路仔矮到你5信ga~我見到有個5年級嘅細路,竟然到小王子腰咋!!!我覺得o個個細路應該係叫朱儒。

Anyway,我想講嘅係,小王子話琴日比賽每人對7場,如果你7場都驘哂呢~就會有個特別嘅獎座ga o勒。但係藍精靈7場裡面輸左一場,攪到佢即場喊。我話...
我﹣﹣"嘩!輸左比賽喊,好肉酸啫~"
小王子﹣﹣"因為藍精靈好想要o個個特別嘅獎座呀!"
我﹣﹣"咁你有無安慰藍精靈呀?"
小王子﹣﹣"有呀!我同佢講,只要你盡左力就得la~呢個就係我地應得嘅獎座!"
(解題:小王子嘅意思係話,你已經盡左力,所以5洗5開心,而家我地攞到呢個獎座,就係我地應得嘅~因為我地無驘哂7場,所以5洗介意攞5到o個個等別獎座。
)你話死5死?小王子講o野要解題ga!
我聽完小王子咁講,心諗﹣﹣"嘩!邊個父母聽到個仔有個朋友,o係佢難過o個時咁安慰佢,會5感動呀?"比著我?我即刻同小王子講,呢個朋友你要mark實佢呀!呢d至係true friend呀~

我﹣﹣"咁佢輸左就即場喊,d人米笑佢law?"
小王子﹣﹣"無呀~因為d人對藍精靈得4隻手指more有興趣law!"
我﹣﹣"吓?咩佢得4隻手指ga咋?"
小王子﹣﹣"係呀!藍精靈隻左手得4隻手指ga咋~我見佢呢度有條‘la’,所以應該係細個o個時有意外呀!"
我﹣﹣"咁你有無問佢點解呀?"
小王子﹣﹣"無呀媽媽~因為我覺得5應該咁問人,可能佢5想提呢~"
我﹣﹣"......."

天呀~點解我平時咁鬼衰,會生左個咁善良嘅仔ga?會5會o係醫院攪錯左呀?






2011年6月20日星期一

蛙蛙鹿盒



我家除左o係個米缸度養左隻"米奇老鼠"﹣﹣>小王子!
之外~ 其實重養左隻大肥貓﹣﹣>小寶!
小寶無咩點,佢係得兩個嗜好ga啫﹣﹣>就係食同瞓!
我時時都覺得.....其實做佢好過做人!正一係飯來張口呀~一日24小時,我諗小寶有廿粒鐘都係用嚟瞓覺嘅~其餘o個4粒鐘,都係食下o野呀~如下廁咁law!不過重有一樣特別嘅野,小寶會o係呢4粒鐘裡面做嘅~係咩?
就係.........


我同小王子爸爸結左婚15年o勒~o係我同小王子爸爸結婚之前,我係一個人住嘅~所以o個時我養左隻貓陪自己,佢就係小寶o勒!小寶今年17歲na~人地話貓一歲=人7歲


如果真係咁,小寶家下都成百歲lu~名乎其實嘅﹣﹣>家有一老,如有一寶呀!


究竟有咩o野,小寶會抽出佢o個寶貴嘅4粒鐘裡面嘅時間嚟用ga呢?就係﹣﹣>陪小王子練Piano o勒~


小王子每朝5:30am就開始練彈琴,而小寶呢~一聽見小王子彈琴,就會nana聲咁去坐o係小王子腳邊度,陪小王子彈琴。幾咁sweet 至得ga!不過正所謂物似主人形,我小寶同我係一樣咁有性格嘅~WHY?因為小寶係淨係鍾意聽彈琴ga啫~Cello同豎琴小寶係5吼嘅~頂籠過嚟兜個圈!但係如果小王子係彈琴,小寶例必坐足全程。


以前我o係HK,屋企都有養貓ga!次次我半夜一個人溫書,佢都會瞓o係我書台上面陪我,陪足一晚ga!不過佢係一路瞓一路陪law~佢就無小寶咁敬業na,小寶開眼陪喎~幾鬼有義氣至得gar?


今朝我偷影左小寶幾張陪練相,今日post比你地睇下~重有前幾個禮拜小王子有個豎琴Concert,呢隻歌係小王子作ga!post埋過你地睇下~







2011年6月16日星期四

ELMO飯糰盒



等我回應返琴日個題目先下~究竟小王子o個日係同左個靚女跳舞丫?一或做左個Real Gentlemen呢?
呢樣o野我都好想知bor~所以前日小王子一放學,我就問佢...
"點呀?你今日同左邊個跳舞呀?"


小王子﹣﹣"我同左三個女仔跳呀!"
我﹣﹣"係?叫咩名呀?"
小王子﹣﹣"5知呀!我都無問~"
~吹脹~
我﹣﹣"咁靚5靚ga?"
小王子﹣﹣"er.........咁....我諗第二個係叫5靚la!"
我﹣﹣"吓?Why?"
小王子﹣﹣"媽媽!你記5記得我地去阿根廷o個時,上海隊有個帶眼鏡嘅boy呀?"
我﹣﹣"記得呀!做咩呀?"
小王子﹣﹣"o個個女仔係exactly係o個個boy嘅girl form呀!佢同o個個boy直情係一樣樣ga!"
我﹣﹣"吓?5係哇?"
我﹣﹣"咁其他兩個呢?靚5靚ga?"
小王子﹣﹣"媽媽!我都5識分咩係靚,咩係5靚~"
我﹣﹣"你咁米係叫5靚law!"
小王子﹣﹣"媽媽呀!"


bar1f.gif picture by kellyruby
好o勒~以上所講嘅5係我今日想講嘅o野。我今日想講嘅係.....
嘩!咩而家d小學生咁鬼叻,識得上網upload同download o野ga喎~我淨係識得用facebook同Blogga咋,如果個電腦一叫我話download d咩咩咩呢~我就會即刻stop ga o勒!點解?因為我形住係一定會仲毒ga law!


點解我今日會講呢樣o野?事源小王子而家讀緊呢間"最高貴學府"都有中學獎學金考嘅,小王子都有補到ga,不過後來小王子考到Sydney中學嘅獎學金,咁我地米無去到考law。不過小王子有去到之前學校做模擬試,係學校安排比d小朋友試考嘅~小王子返嚟話個test好淺,淺過Sydney考o個d好多。

我知道勇氣大到就快夠殺人嘅燒烤叉同小王子老死雞泡魚都有去考。有朝我送小王子返學,阿叉媽無nana走嚟同我搭爹,咁我邊有o野同佢講至得ga?米問佢...

我﹣﹣"點呀?個獎學金試燒烤叉(化名)考成點呀?"
叉媽﹣﹣"唉~好難呀個test!"

我心諗"更係難la~根本上燒烤叉讀書就無科叻!神早我就覺得佢去考獎學金係送死ga la~"

我﹣﹣"aiya~係呀?"
叉媽﹣﹣"係呀!成50個人爭兩個獎學金位,好難啫~"
我﹣﹣"吓?er.......其實50個人爭兩個獎學金位5算難na~Sydney o個d學校係幾百人爭一、兩個位ga!"

又過左兩日,有朝我問雞泡魚個獎學金試考成點?難5難?
雞泡魚一嬲成績都好好ga!

雞泡魚話﹣﹣"5難,but閱讀理解就難na~"
我﹣﹣"係呀?"
雞泡魚﹣﹣"係呀!o個日潺仔強都有去考呀~but佢5舒服,做到閱讀理解o個時,嘔落去張paper度呀~"
我﹣﹣"吓?係呀?阿潺仔強平時成績好好ga喎~咁米好可惜law?佢一定考5到la!"
雞泡魚﹣﹣"係呀!就算阿潺仔強其他paper做得好好,but閱讀理解有15分ga,佢無左呢15分係一定無機會ga。"

(你睇~你睇~人地雞泡魚講o野幾有攞揖?同小王子平時講o野一舊一舊咁,真係差得遠呀!)
雞泡魚﹣﹣"不過潺仔強無為呢樣o野5開心喎!潺仔強強最up sad嘅係,竟然有人模擬佢嘔o係張卷呢單o野,o係屋企拍左個video,然後放上Youtube喎!"

我﹣﹣"吓?wah hahahahaha......比條link我~比條link我~"
雞泡魚﹣﹣"無左na~阿潺仔強發現條片原來係自己兩個死黨拍嚟放上Youtube度,所以好up sad,而家佢地兩個收返條片na!"

所以話呢~而家d小學生係米強先?拍條片放上Youtube度都識喎?我就5識law!真係幾鬼盞鬼至得gar!!!




2011年6月15日星期三

小太陽盒



琴日小王子學校又攪Cross Campus。咩嚟?咁小王子係讀男校ga ma~Cross Campus米則係同另一間女校一齊攪d活動咁law!次次Cross Campus,一係男仔去女校度玩,一係就女仔過嚟男校度。咁今次又玩咩呢?今次佢地玩......
Ball Room Dancing!!!
哈哈哈哈哈哈........我齋諗個場面都覺得好笑law!
小王子3歲o個時,我帶左佢去學芭蕾舞一個term。點解?因為o個時我發現小王子好似有d控制5到自己嘅手腳,個腦想咁,但係d手腳又5聽話,所以o個時我帶左小王子去學跳舞,等佢d手腳可以同佢個腦合作!But d咁女人形嘅野,我只係比小王子學左一個term啫~一個term之後小王子d手腳果然同佢個腦合作無哂問題!
手腳同個腦5配合喎~可想而知,小王子嘅舞技會有幾高至得gar?


前日我問小王子,如果你地去請d女仔跳舞,佢地5肯咁點算呀?小王子話佢阿sir恐嚇佢地,如果女仔嚟請佢地跳舞,佢地若然say NO!返到嚟佢地就死硬!!!


我話﹣"吓?咁如果係佢地5肯又點呀?"
小王子話女仔o個邊嘅老師已經恐嚇左班女仔,若然say NO!返到嚟佢地一樣要死!!!
我同小王子講﹣﹣"吓?hahaha....你應該返去同老師講,你話“連總理都係我地選出嚟ga喎~但係我地竟然5可以選自己個舞伴?”"
小王子覺得我係勁有point law!
我話﹣﹣"不如你返去問下老師,洗5洗人去helping la~因為我係從未試過咁想去school度helping ga law!hahahaha...."
小王子﹣﹣"媽媽呀!"
我﹣﹣"你放心la~媽媽一定會帶哂video去錄影ga!hahahaha...."
小王子﹣﹣"媽媽呀!"
我﹣﹣"其實聽日無論點,你都係得一個結果ga啫~"
小王子﹣﹣"咁係咩呀媽媽?"
我﹣﹣"就係一係人地比你踩C,一係你搵著個肥妹做Partner,就你比佢踩C law!hahahaha...."
小王子﹣﹣"hahaha....咁則係點都係踩C law?haha....."


我﹣﹣"係gar!"


我同小王子講﹣﹣"聽日你5好淨係請d靚嘅女仔跳舞呀!靚嘅女仔大把人請la~5洗你請喎!如果有d5靚嘅女仔,無人請,你就請佢地跳舞la~因為呢d至係一個Real Gentlemen要做嘅野呀!"
小王子﹣﹣"我知道ga na媽媽!o個d靚嘅人,多數都好囂張ga!"
我﹣﹣"係呀!好似阿XX米係咁law!"
小王子﹣﹣"但係媽媽!阿XX都5靚~"
我﹣﹣"咁有d人覺得自己好靚~ga ma!好似你米咁law!"
小王子﹣﹣"媽媽!我5係靚,我係"Dazzling"呀~"
我﹣﹣"hahahaha...."



琴日終於過去~你地重記5記得竹高精呢?我都話竹高精係異常咁俊俏ga la~小王子話,第一個比女人揀嘅男仔﹣﹣就係竹高精o勒!


又你地重記5記得阿肥仔Chris呢?咩話?又5記得?咁再去o急o急先再講o勒~
肥仔Chris竟然比飛左佢o個個女仔揀做舞伴喎!小王子話聽到佢地一路跳就一路say sorry,因為佢地係咁踩到對方對腳喎!


小王子有個同學,係印度人、生得好矮,但係又要留左兩條貓王"的水"喎~小王子話無女仔肯揀呢個同學跳舞,所以老師立令﹣﹣
"一定要有人揀左呢個縮水印度貓王至可以繼續揀落去!"
小王子話幾個女仔圍住縮水印度貓王,但係死都5肯揀佢做Partner law!hahaha....

Anyway,講返今日個"嘩box"先,Why要講呢?因為今日我整呢個日式三文魚金菇蒸飯實左太~太~太~好味o勒!所以要話你地聽點整,等你地都可以試下!
我就咁落埋d切左嘅金菇,同埋三文魚一齊落落d日本米度蒸,重要加小小日本鼓油同日本酒,三文魚蒸熟就可以攞出嚟先,搗碎d三文魚,等d飯好就落d鹽同埋d三文魚落去,撈埋就食得o勒~真係好好味ga!你都可以try try bor!






2011年6月8日星期三

豬魔王壺



嘩!今朝得o個零下幾度,真係5出"嘩壺"都5得law~


今次去阿根廷,小王子除左有你地見到TV Program o個個由300幾人組成嘅管弦樂團伴奏嘅Solo表演之外~小王子重有一個自己嘅Solo Concert,o個晚都有成400個觀眾ga!o個晚係我地o係阿根廷嘅第3日,個Concert係o係當地一間好靚好高級酒店嘅Ball room度舉行。



o係d觀眾入場嘅時候,大會要小王子企o係一個5好比入緊場嘅觀眾見到嘅地方。我一路見到d人入場,o個一刻我真係覺得好 好 好感動,d 眼淚係咁o係對眼度打滾。心諗~
"呢一個係屬於我小王子嘅晚上,由4歲半開始學Cello到而家,成千個5點天都未光嘅早上,一路練琴一路流嘅眼淚~今日呢d所有我從未見過嘅人,就係為我小王子而嚟到呢度~呢一刻,我最最最愛嘅小王子係主角!"


我行去攬住小王子,同佢講左一句﹣﹣
"小王子(化名),Congratulation呀~"


小王子重問我﹣﹣"媽媽!你Congratulation我d咩呀?"


媽媽嘅心,除左媽媽之外係無人會明白ga!


我笑一笑,然後同小王子講﹣﹣"媽媽 Congratulation 你 work hard 左咁耐,記5記得o個d媽媽陪你5點就起身練琴嘅time呀?今日就係你show比the world睇~What you can do na!所以媽媽米Congratulation你law!"







2011年6月7日星期二

Teepig 壺



嘩!真係N咁耐無整過寵物小精靈壺呀~
Why?
懶~ar ma!!!
整o個d精靈好鬼耐ga。今朝我問小王子呢隻o野叫咩名,小王子話佢呢"Teepig",係最新一代嘅寵物小精靈,小王子重話就係因為出左新一代嘅Pokemon,所以佢至會想買本新嘅Pokedex嚟刨喎~5怪之得琴日放學,小王子同我講話想買本Pokedex la~我話你米有幾本law!原來係出左新一代嘅寵物小精靈。

可能因為係新出嘅,所以我今朝搵極都搵5到"Teepig"個中文名。所以今日個"嘩壺" 叫"Teepig壺" o勒!


等我繼續講返今次"阿根廷之旅"先下~
大會一早就o係佢地個website度出左小王子張相同資料ga o勒~而且重印埋Program tim,所以o係我地未去到之前,已經有好多人認得小王子ga o勒。點解?之5係因為我嘅高超攝影技巧,加埋小王子E ma嘅神奇執相技術law!嘩!!真係5係講小ga~小王子o係佢地website同Program張相,真係靚到假人一樣呀!想人地5記得都好難la~


最攪笑係d人見到小王子,有d女仔行埋一邊,細細聲咁話﹣﹣"真係佢呀!真係佢呀!"
我同小王子講﹣﹣"今次死o勒!人地發現你真人5對路,直頭係整容前後咁嘅樣呀!"


點知......


d女仔竟然走過嚟同我講,問我佢地可5可以同小王子一齊影相喎!我心諗﹣﹣
"5係哇?"
o個度d女仔見到小王子直頭好似見到 Justin Bieber 咁樣,不停咁同小王子影相!!!吹脹~
咁都未夠攪笑,最攪笑係d人不停咁叫小王子幚佢地簽名。
簽名??5係哇?你地知5知我個仔hardly to write his name ?兼夾d字肉酸到飛得起law!!!!!"
















2011年6月6日星期一

芝麻街盒



十日嘅阿根廷次旅終於過去!平安返回地球!
老實講﹣﹣真係辛苦到嘔呀~最辛苦係因為阿根廷同澳洲相差14個鐘,平時我地瞓覺嘅時候,o係o個度我地食緊早餐。每日到下就6點~5係講小,我真係眼瞓到連企都企5穩呀!晚晚都要小王子爸爸"參扶"至落到去食飯呀~

點解要"參扶"?
因為阿根廷d人食晚飯習慣o係晚上9:00pm至9:30pm。你諗下o勒~我o係6:00pm  o個陣已經烏下~烏下~捱到9:00想5要人"參扶"都好難law

日日12:30食完晏就,要等到夜晚9:00至有飯食,有幾晚我真係差d餓死左o係阿根廷度呀!

今次呢個活動真係好大形,成700幾個由5同國家嘅人一齊去阿根廷嘅伊瓜蘇度表演。伊瓜蘇全個城市都係一個森林,連機場都係o係個森林嘅中間。o個度最出名就係伊瓜蘇瀑布,好靚ga~我今次都有去睇呀!

突然間有咁多人嚟,有好多酒店都比大會全間包哂。大會對我地好好呀!5止包機票同食住,佢地安排我地入住嘅酒店5係好大間,但係就好靚下~又企理,d食物又5錯喎!係咁多間被包嘅酒店,食住最好嘅一間~裡面住左來自德國嘅jazz樂團、南非嘅樂團、上海嘅中樂團同埋我地一家三口。所以日日都好熱鬧ga!

小王子o係今次嘅獨奏會有成400個觀眾,而到最後o個場最大形嘅Concert呢~就有幾千人嚟睇,連阿根廷嘅政府高層同注阿根廷嘅中國領使都有去睇。小王子o係最後呢個Concert度有獨奏嘅演出,而且重係由300幾人組成嘅管弦樂團佯奏,場面好壯觀呀~而且小王子重比當地嘅電視台訪問。今日post o個個TV program過你地睇,裡面有小王子嘅訪問同演奏,小王子o係裡面有兩個訪問,
一個o係01:00 ,o個一個就o係06:42 開始~然後就係小王子嘅表演o勒!希望你地都可以分享到小王子努力嘅成果。我睇到呢個video o個陣,真係好感動,心諗~
"我同小王子爸爸搭左廿幾個鐘機,走到去地球嘅另一端,為嘅就係要見證住呢個屬於小王子嘅世界第一次!"


重有好多相,過兩日至post比你地睇下~