2012年7月31日星期二

甲蟲先生盒



琴日講到"聚寶盤"個熊貓Sir日日同小王子佢地預習"上課流程",佢地足足"預習"左成十個禮拜。
今日繼續講熊貓Sir之北京逃生記。
就咁嘅~前幾個禮拜小王子米放左三個禮拜Term break嘅,咁北京5知有咩攪,總之"聚寶盤"就派左熊貓sir代表學校去北京參加la,叫得熊貓sir去嘅~我估計應該係同音樂有關嘅教育博覽會la,不過話5定係"救救熊貓瀕臨絕種研討會"都5定bor!hahahaha......

咁您代表得"聚寶盤"去海外開會嘅~飲飲食食開公數就更係不亦樂乎la,"聚賽盤"重安排埋專人導遊帶阿熊貓Sir遊北京tim bor。erm......正到咁,我開始明白點解阿校長要嚟監堂睇熊貓Sir上堂,隻熊貓會驚得咁鬼死緊要。o係"聚寶盤"度做原來咁鬼好褔利,比我都5願走la~

講返隻熊貓遊北京單o野先下~
小王子放完term Break之後o個個禮拜,熊貓Sir重o係北京度。隻熊貓要開學第二個禮拜至返到嚟,佢一見到小王子佢地就同佢地講﹣﹣>
"你地知5知我差d就死o係北京度,返5到嚟見你地na!"
(唉~呢隻熊貓走嚟教書真係哂哂,查實佢應該去做戲至o岩!)

小王子話原來熊貓Sir去北京o個陣,撞o岩北京落大雨,小王子同我講......
小王子﹣﹣"媽媽你知5知熊貓Sir差d就死o係北京度,返5到嚟見我地na!"
我﹣﹣"點解呀?"
小王子﹣﹣"熊貓Sir話o個日佢同個導游o係北京度行行下~佢話5知點解突然間覺得自己個頭濕得好緊要喎,咁阿熊貓Sir米担高個頭望下個天law~跟住熊貓Sir用手做左一個好似牛油果咁嘅形,然後話....."原來個天落緊雨,嘩~d雨咁大滴gar!"
我﹣﹣"咁大滴?誇5誇d呀?"
小王子﹣﹣"hahaha....熊貓Sir話佢見落雨,米諗住走入地下鐵d隧道度行law!"
我﹣﹣"係呀?"
小王子﹣﹣"係呀~點知原來北京d地下鐵d隧道係會漏水嘅,熊貓Sir話佢o係個隧道度突然間聽到一下巨響,跟住佢向後一望....嘩!有道水牆o係熊貓Sir後面咁迫埋嚟呀~"
我﹣﹣"水牆?嘩!家下奪寶奇兵盜墓咩?"
小王子﹣﹣"係真gar!熊貓Sir話咁佢米諗住向前走law~點知佢前面又有一道水牆向住佢咁迫埋嚟喎!"
我﹣﹣"wah hahahahaha.........咁佢點呀?"
小王子﹣﹣"咁熊貓Sir o個時揸住個公事包,裡面有哂熊貓Sir嘅電話、電腦同佢所有財產..."
我﹣﹣"吓?咁佢5係雙手舉起個公事包嚟走下哇?"
小王子﹣﹣"係呀~hahaha....."

我﹣﹣"wah hahahahaha..."
小王子﹣﹣"重5止呀媽媽~熊貓Sir走走下發現原來o係個隧道兩個都有電制,咁阿熊貓Sir又驚自己會電死喎,d水又"郎下~郎下~"咁就快掂到d電制喎!"

我即時用對腳做左一個吉字形,雙手舉高然後對腳keep住個吉字形嚟行﹣﹣"吓?咁阿熊貓Sir係米雙手舉高個公事包~然後對腳好似咁樣行呀?"

小王子﹣﹣"hahahaha......係呀!"
我﹣﹣"wah hahahahaha....."
小王子﹣﹣"熊貓Sir重話,o個日o係北京度死左66個人tim呀!"
我﹣﹣"吓?真係gar?"




2012年7月30日星期一

小星飯糰盒



琴晚我超無聊睇返以前自己寫d Blog,好多我都完全無哂印象,睇下~睇下~笑到我反肚咁濟,5怪得之有d Blog友鍾意追文多過睇相,原來我講o野都幾好笑gar喎!!!hahaha....

自從小王子升呢做左中學duck,真係無以前咁多攪笑o野發生,日日淨係做功課都做到死咁濟,有時我都真係5知寫咩好。而且Sydney d人正常過Canberra d人N倍,所以無咁多令我O咀嘅事發生。

不過o係"聚寶盤"度有個熊貓Sir好攪o野。點解佢會叫做熊貓sir呢?就係佢5知點解圍住對眼嘅四周,都有個勁 勁 勁大嘅黑圈圍住,5係普通5夠瞓o個d黑眼圈呀~係真係好似熊貓圍住對眼o個對黑圈咁gar,就算你好遠好遠見到佢,你都會見到有兩個好似比人o岩o岩打瘀左對眼咁嘅黑眼圈。所以我一路都係叫佢做熊貓Sir嘅,我初頭同小王子講,笑到小王子死。hahaha.....

話說呢個熊貓Sir係音樂老師嚟,因為佢為人風趣,講o野又攪笑,所以個個小朋友都好鍾意佢gar。次次小王子執書包o個陣,一見到o個日有音樂堂就會話﹣﹣>
                       "好o野!"

究竟熊貓Sir有咩咁攪o野呢?

話說o係第二個term o個陣(則係上個term呀~), o係聚寶堂度無nana有好多堂都有人去監堂,erm....好像以前我地o個d見習老師咁呀~有人嚟睇佢點上堂law!不過o係"聚寶盤"度係學校自己d高層去監堂。我5知點解佢地要去監堂,不過阿熊貓Sir就緊張到死咁濟。
有份去監堂嘅人其中一個就係"聚寶堂"嘅校長,咁o岩去監熊貓Sir上堂 o個個就係校長o勒。熊貓Sir o係上個term嘅第一個禮拜就已經同小王子佢地講,校長會o係term尾度嚟睇佢地上堂,

重話.....
"o拿!你地5好以為我驚喎~查實我係一d都5驚gar!"

下一堂佢又話
"我真係一d都5擔心gar!因為當日就係校長請我嚟聚寶盤度教書gar o勒~"

堂堂都提住
"其實我真係一d都5驚gar!"
"咁係校長請我返嚟gar ma~我洗咩驚先?"
.............

之但係.......

熊貓Sir竟然用左三個月嘅時間去同小王子佢地排練,到時阿校長嚟到監堂o個時佢地要做d咩!

"o拿!我5係話驚gar~不過我地預習下到時個流程啫,咁到時無咁混亂ar ma!"

終於o係第二個term嘅所有音樂堂,頭o個半粒鐘都係比阿熊貓Sir同佢地"預習流程"。
初頭由.....
"o拿!到時你地米講d無聊o野呀下~"

到......
"好!家下預習埋到時會問嘅問題......."
"o拿!到時我會問咩咩咩,喂喂喂~阿邊個邊個你到時答呢條,阿邊個邊個你就答o個條。"

然後......
"喂!你地到時要自然d~我問o野o個陣你地要扮到第一次聽,5好比人一睇就知我地一早夾定呀下~"

距離校長嚟監堂嘅時間越嚟越近,阿熊貓Sir同班細路預習"上課流程"嘅時間就越嚟越長~終於到左最後一次"預習流程" o個日,小王子淋落堂o個陣問左熊貓Sir一個關於音樂嘅問題,熊貓Sir竟然話﹣﹣>
"咿?呢個問題問得好喎~小王子你可5可以o係下堂校長嚟監堂o個陣再問我多一次呀?"

小王子O咀-ing﹣﹣"吓?hahahaha.......好~"



2012年7月24日星期二

Cake Pop(嘩!Box教室)



原來小王子呢個禮拜去Camp係流料~查實9月去至o岩!不過要收o個三舊水係堅嘅,因為我已經比左。
等我重諗住小王子呢個禮拜去Camp,鬼咁死開心tim。等我重同小王子爸爸講....
我﹣﹣"我呢個禮拜要好晏好晏至瞓~又要好晏好晏至起身!"
小王子爸爸﹣﹣"hahaha.....點解呀?你好攰咩呀?"
我﹣﹣"我5理~總之我要好晏至瞓軍好晏至起身,我要興祝我嘅自由。"
小王子爸爸﹣﹣"hahahaha...."
點知......不來5係呢個禮拜去!!唉~灰-ing!


又到左"嘩!Box教室"嘅時間o勒~首先要向你地道過歉先,因為錄今次"嘩!Box教室"嘅時候小王子o岩o岩出風癩。所以我o係個Video度個腦係完全放空嘅,老實講有d位我自己都5知自己想做d咩?所以你地可能會發現今次嘅"嘩!Box教室",d相比平時差d。But張就下la~小王子5舒服ar ma,我見到佢身上面d風癩,又紅又腫兼且痕到小王子叫救命,我真係肉都赤埋,又幚5到佢,淨係不停咁同佢講﹣﹣>
                  "如果可以,媽媽情願代你痕呀!"


好o勒~講返今日個正題先下,一直都有好多Blog友留言叫我教整Cake Pop,之但係之前我出左 Cake Pop嘅ebook食譜,所以5可以o係"嘩!Box教室"度教你地整,今次我寫左個新食譜嚟教你地。o拿!今次呢個棒棒蛋糕係比我之前出ebook o個個食譜甜d嘅。我會嘗試繼續研發無咁甜嘅cake pop食譜,又試者去搵d我覺得少甜嘅cake pop食譜比你地。我打算o係鬼節之前教你地整多幾款用嚟攞返學校充數嘅cake pop,因為我已經有d超應節嘅cake pop款na。BUT~要比d時間我!

白Pop材料:
鮮忌廉  45ml
白朱古力  100g
麥維他消化餅  80g

黑Pop材料:
鮮忌廉  45ml
黑朱古力  70g
麥維他消化餅/朱古力餅 80g


溫馨提示:
1. 其實5一定要用麥維他消化餅嘅,你可以試下用其他餅。
2. 盡量5好雪得太耐,如果真係雪耐左,一定要放o係室溫下回左溫至好開始做。
3. 白pop係會比黑pop甜嘅,如果想無咁甜可以用白pop coat黑朱古力,or 黑pop coat白朱古力。
4. 如果買5到專整cake pop嘅紙棒,可以用雪條棍代替。
5. 第一次做cake pop嘅blog友,我提議淨係用朱古力嚟coat外面o個層,因為溶嘅朱古力比溶嘅Candy melts希d,做嘅時候會易控制好多。




















2012年7月23日星期一

豬bb盒



呢排小王子晚晚出風癩,都5知佢敏感d咩?對上一次係咁係小王子4歲嘅時候,o個次我同佢戒口戒左成年都有。我估小王子係敏感味精law,以前4歲就話易戒口啫~而家咁大個,好難戒gar na,重要係味精喎~家下有咩無味精先?真係連屋企用開o個d調味品都有味精la~唉!所以今日個"嘩!Box"可以話係咩都無嘅,因為小王子要戒口。

我以前嚟澳洲留學,識到好多好多同我一樣都係留學嘅朋友,當然5一定個個都係由HK嚟留學,有d係由馬來西亞嚟、有d係由文萊、有d係由印度尼西亞、有d係由台灣連巴基斯坦嚟嘅都有。當然大部份嚟留學嘅人都會讀大學,所以我真係有好多同學大學畢業,咁當然我亦見到一d人因為留學太辛苦,高中未畢業就話要走、有d上到大學讀5掂要放棄、又有d本來成績好好地,5知做咩鬼無nana走去學人考試出貓,比人踢佢返屋企。

老實講,大部份當年嘅同學我都無聯絡na,不過因為Face Book~我遇返好多同學。當中更係有成功-ed嘅、努力-ing嘅、同勞勞碌碌搵兩餐-ing  嘅人。而因為再遇上佢地,令我發現左個真相,就係如果你o係讀書o個幾年5努力嘅話,你下半世再點努力都只係可以勞勞碌碌搵兩餐。我親眼見証住當年勤力到連食飯都刨住本書嘅同學,佢地而家嘅生活無憂。又見到當年放棄5讀返HK嘅同學,每日要勞勞碌碌至搵到兩餐。

小王子前日同我講...
小王子﹣﹣"媽媽!今日個P.E. 老師同我地講,如果我地o係呢幾年讀書嘅時候努力,將來嘅生活就可以好舒服,想要咩都有能力擁有gar na~"
我﹣﹣" See!同媽媽講嘅係一樣呀~"
小王子﹣﹣"個P.E 老師重話,第時我地約女仔,你想話約佢o係車站等丫?一或係想揸架車去接佢丫?"
......

就係因為咁~令我諗返起一件事!
o拿!正題na~以下至係我今日想講嘅o野嚟。hahahaha......
重記5記得以前我時時提起嘅女子組?當年"最高貴學府"時時都會同"最高竇學府"班女子組一齊攪活學嘅,想當年小王子4歲o個陣都o係"最高竇學府"o個邊,同班女子組讀過一年學前班嘅。嘩!o個時真係個個禮拜都有生日會攪gar,而去到佢地屋企開Party,佢地間屋係豪華到你5信嘅。有幾次我重以為自己走左入o個d專講靚家居嘅雜誌裡面tim bor。你5會想像到女子組o個邊d人究竟係幾有錢嘅,淨係朝朝送返學o個條車隊d車,經已貴到嚇得死人。

其實無他嘅~
因為o係呢個世界上面,5係淨得東方人呢個人種係重男輕女嘅~好似意大利、印度、中東.....好多好多人重都有重男輕女呢樣o野。生仔就死慳死抵都要比佢讀私校,但係如果連個女都送得入"最高竇學府"度讀嘅,好多都係因為d錢多到5自在至會。所以女校o個邊真係有好多家勢顯赫到嚇死人嘅女仔o係度讀gar。

咁當然~都有留學生o係"最高竇學府"度讀書嘅!之但係日日要同呢批真正顯赫嘅人一齊生活(寄宿)同讀書,真係會有d壓力嘅,兼且日對夜對耳濡目染。

幾年前有個嚟我Shop度買野嘅客同我講佢個姪女就係留學o係"最高竇學府"度讀書,佢話o係"最高竇學府"度開大Party,d女仔係去訂二千幾蚊(講緊澳元呀)條Designer Label嘅裙,買車就一定要買新車,5揸二手嘅,最 最 最令我有印像嘅係以下嘅一段對話....

有日"最高竇學府"上堂,老師問.....
老師﹣﹣"你地知5知點至可以o係最短嘅時間變做有錢人?"
女子組A﹣﹣"我知~我知~你有個阿叔突然間死左,留左一大筆遺產比你。"
老師﹣﹣"錯!因為等到你收到筆遺產都有排攪。"
女子組們﹣﹣"咁點呀?"
老師﹣﹣"就係即刻嫁個有錢人!"


吓????連d老師都o係學校度咁教?5係哇?我聽到o個陣係真係O左咀。雖然小王子個P.E.老師同o個個"最高竇學府"老師講嘅o野都係事實,之但係前者係可以激勵班男子組要努力讀書,而後者係教班女子組不勞而獲喎?






2012年7月17日星期二

小熊豆豆盒



今日小王子終於返學o勒~
嘩!呢個Term Break都放得長na~差5多放左成個月。之不過下個禮拜小王子就要去Camp喎~重要係去露營。去四日三夜露營,我睇小王子去完可能會發現露營係重辛苦過担泥。

"聚寶盤"同"最高貴學府"最5同嘅地方係o係"最高貴學府"度讀書樣樣都講錢,又樣樣都同你計錢。如果你地重記得前兩年小王子o係"最高貴學府"度去Campo個單o野,個Camp嘅收費貴就不左話下~去之前"最高貴學府"重請嚟Mr.屈同眾水魚爸爸and水魚媽媽講解去Camp嘅裝備~


你地重記5記得o個次呀?呢~咩都叫你5好專登去買,但係如果你個仔無嘅話係分分鐘會釘蓋gar呢~同場兼夾醒張8折卡過眾水魚,之但係o個間o野淨係個電筒都賣AU$99 ga呢?


都話"聚寶盤"同"最高貴學府"5同gar lor,"聚寶盤"好闊佬gar ma~

咩話?夜晚要留o係學校度練樂團?
我"聚寶盤"免費比埋晚飯過你食,要係放題不特止,兼夾要係熱o野,怕你地個胃5夠暖拉5到琴呀!

咩話?要代表"聚寶盤"出去比賽?
嘩!d咁神聖嘅事點可以"麻乎"?一定要的嚟的去far la~咁辛苦行來行去,容乜易"竊"左道氣gar?所以一定要打的,入我"聚寶盤"數。

咩話?"聚寶盤"開Concert?
d咁高興嘅事就一定要放煙花助興la咁~
................

咁既然我地"聚寶盤"對你地咁闊佬,所以你地都米同我地根根計較,樣樣都同我地計婆仔數。好似我地"聚寶盤"去露營,樣樣用具都要有我地"聚寶盤"大大個麥頭至叫做係型!營好睡袋好,總之乜o野要帶去Camp嘅o野都要有我地"聚寶盤"麥頭至為之係Very Good。
所以~
呢個禮拜小王子將會o係"聚寶盤"攞一大堆印有"聚寶盤"麥頭嘅露營用具返來,
而~
張單會自動Send去你Account 度ga o勒!

平時食人嘅、著人嘅,係時候要嘔返d出嚟o勒,所以話呢個世界邊有白食嘅午餐至得gar?
之不過咁~"聚寶盤"成套露營裝備,又營又成都係收AU$300啫,比起當年"最高貴學府"淨係個電筒就晚經要AU$99、保暖底衫AU$145、連件雨褸都要AU$499......真係小 巫見大巫law!





2012年7月16日星期一

vivi Wedding cake


天呀~小王子變左聲呀!!!!!無陰公呀~我小王子慘變地盤佬!

我個小王子家下變左"佬王子" na~咁我個Blog洗5洗改名叫"佬王子天地"呢?

呢幾個月小王子開始發育,成面暗粒,情況可以用慘不忍暏嚟形容。我經已個個禮拜煲涼茶、一有時間就幚小王子做Mask。就係驚佢塊面o個幾十粒暗粒基因突變,成為明粒,我真係5敢諗小王子成面暗瘡o個個樣law!真係諗到都想喊呀~

小王子放左幾個禮拜假,聽日終於要返學na~呢幾個禮拜我攪左乜?無錯!就係呢個蛋糕o勒。有人結婚咩?唉~你米理我la,我傻gar ma,咁人地突然間好想整結婚蛋糕ar ma,上網search下la~嘩!見到個結婚蛋糕款好靚,我都好想做喎。於是我就無nana o係屋企做結婚蛋糕o勒~hahahaha.......係米好無聊呢?o個d花仔我第一次做ga咋,以為好易la~嘩!原來一朵要做好耐ga喎,攪到我做左好鬼死多日。所以話呢~有時d o野真係5可以淨睇表面ga law!

小王子放假又做左乜?上次米同你地講,放假第一日我就陪小王子去打書釘,小王子釘左o個書局度六粒鐘睇左1.5本小說嘅~米就係o個0.5本小說,小王子day day心思思叫我再同佢去書局度刨埋淨低o個0.5本,終於我抵5住小王子嘅死纏晒打,過左幾日我又再陪小王子去刨過。之但係前幾日o個六粒鐘我已經將全book shop嘅中、英、日食譜,由內至外、又由外至內刨哂la ma~家下又再去,老實講...我o係小王子隔離"合"左兩覺!

至於其他日子,小王子每日要練琴就更ga la~小王子就快考Cello同樂理o勒,所以放假日日都要溫習樂理、預習下個term學校將會教嘅書.....佢話佢識哂year 7 d Maths 喎~所以我賣左學校出年year 8本Maths Book比小王子,於是乎呢個假期小王子自修year 8嘅Maths o勒。

重有~重有~o係呢個假期小王子去過一個大提琴比賽。呢個比賽小王子已經係第三年參加,如果你已經追左小王子天地幾年嘅話,應該會記得。前年小王子用個細琴,個評判坐到"無雷公"咁遠,佢話聽5到小王子拉。舊年又話小王子拉超時,要取消小王子資格。前兩年我都嬲到出5到聲幾日,今年專登揀左隻短歌,小王子攞左第一。小王子好開心,我都登佢開心啫!









2012年7月8日星期日

免焗小熊曲奇(嘩!Box教室)



嘩!嘩!嘩!小王子放假放到下個禮拜一,星期二至返學,你地話係米正先?咩原來Sydney d學校6月個Term Break放咁長gar喎~早之就一早搬嚟la!hahahaha.....
點呀Blog友們?無見幾個禮拜,有無掛住我先? "斬"下眼又到左年中na bor~好快又到年尾個個開Party嘅時間o勒~憑我嘅經驗年年到年尾呢個時間,學校係一定5會咁易放過d家長嘅,更係話要你整乜整物返學校度充數。
o拿!姊妹們咁你地要打醒十二個精神o急實我呢幾堂"嘩!Box教室"na~因為呢幾次嘅"嘩!Box教室"將會救你地一命,d咩充數show呀~扮勁show呀~將會靠哂呢幾次嘅"嘩!Box教室"na。總之咩都好,最緊要本住我地嘅宗旨﹣﹣>
整咩都要易整、零失敗兼又個樣靚到嚇得死人嘅"呃鬼o野"!wah hahahaha.........

o拿o拿o拿!又值廿萬na~
為左要o親返今日個主題,我決定o係教你地整野食之前,要送個笑話過你地聽,er.....就咁嘅~呢個笑話係有小小核凸嘅~所以Blog友們要有心理準備先ar下~

森林裡面有一隻大灰熊同一隻兔仔o係度痾緊屎。
大灰熊忽然問兔仔:"喂!他痾完屎之後介5介意d屎黐住你d毛o架?"
兔仔諗左一陣就答:"咁又無乜所謂嘅~"
兔仔講完之後.....大灰熊就即刻捉住隻兔仔用嚟抿屎。

wah hahahaha...我第一次睇呢個笑話o個陣,真係笑到反肚咁濟gar!
5洗驚~雖則話我要貼題啫,但係今日5係教你整CCCCCCC~hahahaha......都5係整o個隻5怕d毛痴到咩 咩 咩嘅小白兔啫~今日係要教係地o個隻小熊呀!
前幾日我o係屋企刨食譜(話說我屋企有成千本食譜,英文、中文、日文咩都有),比我見到一個食譜幾正bor~咁我諗﹣﹣>
             "咿?其實改一改佢都得喎!"
於是乎我就整左呢個"免焗小熊曲奇"o勒~又一個零失敗之作,重記5記得我地嘅口号?無錯!就係佢﹣﹣>輸人5輸陣! 

PS. 視像教學o係blog嘅最下面(即係相嘅下面)

黑熊材料:
鮮忌廉 90ml
黑朱古力  150g
朱古力餅  125g

白熊材料:
鮮忌廉 90ml
白朱古力  200g
麥維他消化餅  190g

溫馨提示:
1. 5一定要用我用嘅餅嘅~你可以用你自己平時鍾意食嘅餅嚟整,不過5好係威化餅or有夾心嘅餅就ok。
2. 我o係video度話用200g麥維他消化餅,其實用少10g都ok,因為用200g嘅做出嚟嘅餅會硬身d,一定要用手"鍊"一陣至好搓形。不過無論係用190g or 200g,甚似180g嘅消化餅嚟整都5會影晌到制成品嘅味道。
3. 裝飾嘅糖可以任意選擇,but我提議最好用朱古力糖,因為個味會同個曲奇o岩d。
4. 曲奇最後整完形之後,要放返入雪櫃雪最少3個鐘。
5. 如果真係gi 5掂朱古力眼,白熊嘅曲奇可以用提子乾做眼,黑熊曲奇可以用糖銀珠做眼。
6. 新手小廚神,我提議整老鼠仔先,因為易整好多~
7. 呢個5係脆身嘅曲奇嚟,係屬於CHEWY口感嘅曲奇.