2012年2月27日星期一

動物三文治盒


點呀?有無整過"芝士脆方包"先?成5成功先?好5好味先?
o拿~如果你地整o個時覺得d芝士有小小痴住個鑊,好難攞出嚟,咁就將個鑊離火幾秒,然後用手按住塊包~好似用塊面包嚟抺鑊咁郁下塊包,咁就會好容易攞返塊包出嚟ga na!o拿!o拿!o拿!淨係呢個貼士都值要過多廿萬落我Account度la~係米先?

好!正題~正題~
小王子今個星期三又去Camp  o勒~唉~我卒之都有啖氣透na!自從小王子升呢做左中學Duck,忙到嘔不特止,重學識埋駁咀。我真係有種透5到氣嘅感覺,如果佢再5去Camp比我透一透....
             咁我就去搵個Camp比自己去!
咁小王子去三日兩夜,而我呢~就返Canberra陪小王子爸爸,騎騎騎~浪漫呢~

上次我米提過小王子打網球d攪笑o野嘅~重未講完呀blog友們。正所謂鄉里出城都5會得一件半件瘀o野la係米?話說小王子第一堂上網球課,打極都打5到個波,於是阿教練sir就同佢地班"未來溫布頓選手"講﹣﹣>
      "其實打網球就好易ga啫~你地想像下好似要將個拍掟出去咁...."

阿教練sir都未講完,小王子已經好聽話咁......真係成塊網球拍咁車過去對面場!即場d人就更係笑到死咁濟la~小王子點?有乜點啫?米o係度傻笑law!

每個星其六學校都規定要d小朋友返學校Sport嘅,叻o個d米同第間學校打比賽law~泎o個d米同自己友搓下波咁law!前兩個星期六我去睇小王子"打網球",咁o個日佢都係同d波友仔自己搓波gar啫~但係都一樣有球証計分,十分之咁認真gar喎!

咁我離遠見佢地打緊雙打,同小王子一team o個條o靚仔呢又5知做咩?硬係好似好忙咁~係咁彈來彈去,真係好似"世界選手"咁喎~總之見個波一嚟佢就衝過去,都5理個波人地係打比佢丫?一或係打比小王子?總之就有理無理咁,係5係都死命去搶波,之但係佢又一定係~兼夾必定係接5到個波gar喎!!!!

而我家嘅小王子呢~唉~唉~唉唉唉~佢見其他三個人咁忙,小王子竟然突然間咁坐左o係個地下度(重要係坐左好耐),望住人地忙!!!!我真係即時比佢吹到~~啤一聲!!!!
於是我好無奈咁同小王子爸爸講﹣﹣>
          "不如你都係車我返屋企先把la~"

心諗真係無眼睇呀~點知到小王子返到嚟屋企,第一時間衝入嚟同我講﹣﹣>
小王子﹣﹣"媽媽!今日我係成team打得最高分gar。"
我﹣﹣"5係哇?我明明見你打打下坐左o係個地下度gar喎!"
小王子﹣﹣"無呀~"
我﹣﹣"就係有law~"
小王子﹣﹣"係咩?.......but我真係今日最高分o個個嚟gar!"
我懷擬.......
             佢地玩緊"o個種波",只要你5掂到個波,咁就會攞到分gar law!





2012年2月24日星期五

芝士脆方包





好o勒~男左女右,男左女右,老嘅前面,嫩嘅後面,全部人nana淋排隊過對面一号𥦬交低廿萬先再講下。
咩話?無錢交?
咁請你nana淋離開本blog,若然5交錢齋o急食譜,貴電腦將於5秒後自動毀滅!!!!

講返正題先下~本來呢個食譜我係以ebook食譜形式出售嘅,但係基於本人已經懶到去一個連氣都5太願透嘅地步,所以費事攪Paypal同銀行入數o勒。最後決定就咁post上網等大家開心下(er....你地係米真係會開心呢?)。咁工因為我之前出o個篇介紹"芝士脆方包"嘅Blog,經已係上個世紀嘅事,所以今日我再post多次"芝士脆方包"嘅由來,而食譜就係o係最下面o個part度o勒~

我17歲就嚟左澳洲讀書o勒~而家諗返起已經係N咁耐之前嘅事嚟。以前讀書無咁多錢,就算同小王子爸爸拍拖o個陣,都係AA制嘅多~erm.....其實就算拍拖,都5一定要男仔出哂錢嘅~小王子爸爸o個時嘅零用錢5係好多,所以我地o個時都好少話出去睇戲呀咁,總之高消費嘅o野我地都好少做。


o個時o係Melb.有間餐廳,5係高級o個種,好似係家庭式餐廳,好多人一家大細去食ga!o個時我同小王子爸爸o係教會團契,有時會一大班人一齊去呢間餐廳度食o野嘅。點解?間餐廳係米好好食ga?
非也~非也~


o係呢間餐廳度食o野,無論你order咩食,佢都會送一塊外脆內軟嘅芝士包過你食,得一塊ga咋~無得order嘅。而呢間餐廳 最 最 最好食嘅o野﹣﹣>
就係呢塊芝士包o勒!


後來呢間餐廳連所店因為經營不善,全線執笠,而呢塊芝士包就從此消失於宇宙之中。幾年之後,我曾經見過Super有類似嘅芝士包賣,但係可能無市場,所以而家已經再買5到o勒~


因為我實在太~掛住呢塊外脆內軟嘅芝士包,所以o係好多年前,我憑記憶中o個個味道而研發出呢個"芝士脆方包"。我5知道o個間餐廳嘅芝士包同Super賣o個塊芝士包係米好似我咁整法,但係我呢塊"芝士脆方包"無論係外形同味道,同當年o個間餐廳嘅芝士包係有99%相似ga。


小王子就無機會食到o個間餐廳嘅芝士包o勒,因為早o係小王子出世之前,佢地已經全線執哂笠。但係5緊要,因為小王子有個傻媽媽,所以佢一樣可以o係今日品賞到本來5屬於佢嘅味道。每次我煎牛排多數都5會煮飯,而係做呢個"芝士脆方包"配埋牛排一齊食嘅。小王子一見到塊"芝士脆方包"對眼真係發哂光ga!


如果你都想見到你屋企個小寶貝雙眼發光,可以本嚟試下。
呢個"芝士脆方包"5洗用焗爐,難度係初中級,真係易整到你5信law!




2012年2月23日星期四

面包超人盒



嘩!琴日無nana有千幾個瀏覽人次兼幾十個留言,嚇得我丫~原來小王子天地做左Yahoo blog嘅Editor's Pick。等我重以為發生左咩事tim!

o拿~再提多次你地na,"嘩Box教室"之"芝士脆方包"嘅食譜聽日出na~有興趣學嘅Blog友就担定櫈仔na!

琴日我無整嘩Box,因為我去左小王子間新學校個小食部度做義工。點解?因為外國d家長好多都要返學校度幚手gar,有d學校直頭寫明,如果你一年內無返學校help到幾多個鐘就要比錢。咁小王子間學校就無咁規定,不過佢地有好多岡位比家長做Helper,我又除左煮o野就真係咩都5識嘅,所以米揀做小食部law!諗住應該無咩難度ar ma~

點知原來好似我呢類美少女媽媽係真係一d都5捱得嘅,一捱就會瓜柴!

話說做小食部Helper係由朝早9:00做到下就1:30嘅,每日應該有三個家長做helper,連埋學校小食部本身o個個員工一共4 個人。咁媽媽A同媽媽B就講多過做,而o個個員工阿sim就重攪o野,因為佢係付責做智多星﹣﹣則係一味得個點字。其實我5係幾明,阿小食sim明明係學校用銀紙請返嚟gar喎~點解佢咩都5洗做?兼且老馮日日開工都有三條"o靚"過佢點ga呢?老老實實o勒~如果學校重有呢類位要請人,我第 一個報名。最後好似係得我一個人做咁,我做左雞三文治、煙肉三文治、蛋三文治、蒜蓉包、切雞、煎煙肉、拾蛋、執貨,做埋收銀兼洗左無數咁多嘅o野。嘩!企左一day,攰到我呢~不過小王子就好開心,個放小息鐘一晌~小王子係第一個衝落嚟同我買o野食嘅,佢一味咁望住我笑,所以我忍5住咁當眾錫左佢個面珠仔一啖呀!hahaha....

之不過咁,原來o係school度做helper,學校係供應晏就過你食ga bor。之前我米提過新學校裡面有好多5同嘅小食部同餐廳嘅~而且佢地重好豪,打的兼比埋放題d學生食。原來學校連d老師同員工都供應埋放題過佢地食gar喎!!!話說琴日因為我去做helper,所以我同其他兩個helper媽媽晏就上左去學校其中一個餐廳度食o野,嘩!原來又係放題嚟gar喎~又 salad bar又 hot food、cold food、三文治、湯、炒面....水果兼各式飲品都有。嘩!個場面真係嚇左我一跳,其實我好想影張相post上blog過你地睇,之但係同另外o個兩個媽媽A、B一齊,好似5係幾好意思攑機影相,好似好大鄉理咁~所以米無影到law!


2012年2月21日星期二

墨魚先生飯糰盒



自從小王子升呢做左中學duck,我同佢都忙到CC下~小王子就忙到嘔~而我就忙過嘔!功課多就不左話下,重下下都係Assessment(評估)嚟,一開學就派埋本o野過你,寫哂邊科有幾多個Assessment、幾時交~占全年o個科嘅幾多分。嘩!我齋睇到o個本o野都見有小小腳軟呀。點解?

呢度好多科目都分等級嘅~則係話如果你英文好,咁上英文堂o個陣你就去同其他英文都好嘅人一班一齊上,5同等級嘅班就學5同嘅o野。erm....叻d就學d深d嘅o野,無咁叻嘅就學d無咁深嘅o野law!之但係即使你係o係最叻o個班,但係你考試同d Assessment做得5好嘅話~即時就燉返你落嚟弱班度上堂ga喎。咁同樣地,o係弱班上緊堂o個d人就更係會搏哂命咁做d Assessment,希望可以上去強班度la。

小王子一嬲成績都好好嘅,所以我一直都好擔心Sydney競掙咁大,小王子嚟到會5會由考第一變左做 考 第 尾 呢?好彩~原來小王子o係Sydney都係叫做叻o個個喎(呢樣o野我真係從來無諗過嘅~)!好似英文咁,小王子就o係AA班o勒~但係數學要o係第二個term至分班,我真係好擔心小王子去5到AA班law!所以小王子d Assessment我真係一d都5敢抬慢,之但係小王子d Assessment又多到死喎~我都5知d先生點攪嘅?英文o個份就似做Art、Art o個份又似做英文、P.E. o個份就重攪o野﹣﹣我直頭5知佢想d o靚仔做乜?歷史o個份又5知想點咁.......攪到我同小王子爸爸全家總動員,小王子做緊呢份o個時,我同小王子爸爸就一個幚佢research第份資料、另一個就search定d相等小王子用嚟做下一個Assessment。
而家小王子忙到連練琴嘅時間都5夠,唉~我真係煩到嘔law!

所以Blog友們!可能你地會發現今年我無day day 寫Blog gar,而且d"嘩!Box"亦都無以前咁復習,其一係忙到無心機la~其二係小王子大個仔,d"嘩!Box"做得太~Baby....好似5係幾好咁law。

其實舊年o係我同小王子去阿根庭表演之前,我已經寫左兩個Ebook食譜,小王子E-ma亦都一早幚我攪掂左個Editing,可以出gar o勒~之但係我懶過嘔,連收錢都嚴麻煩。所以呢兩個ebook食譜,我將會就咁post上Blog比你地睇,費事攪咁多o野law!第一個會o係今個禮拜尾post上嚟,如果你都想學下點整"芝士脆方包"嘅話~就鎖定本Blog o勒!






2012年2月16日星期四

Pokeball 批點心盒



今日又出"嘩!點心Box" o勒~
原來學校放題5
係淨係得PieSausage roll咁寡~重有Bread Roll Sandwich 揀gar喎~勁有誠意law校長
無錯!
家下我就係等緊小王子o係學校度練管弦樂團(係呀~篇Blog琴晚寫gar!),而小王子呢~就猛o係度食放題o勒。恐防有新嚟嘅Blog友,等我係咁二提一提咩係School放題先下~事源係咁嘅~話說小王子每個星期三都要o係學校度練管弦樂團6:30pm-8:00pm gar~咁學校知道d學生忙,怕佢地無時間食Dinner所以每個星期三就搵人送定好多o野食同飲品比佢地食,連甜品飯後果都包埋,重要係任食。所以我稱之為﹣﹣>
                                     "School 放題!"


本來小王子出門口之前,已經諗定
等間食咩Pie,重打算靜靜雞"粒"二個返嚟比小王子爸爸,得小王子爸爸Weekend返嚟食。點知今日放題係食Bread Roll幾鬼死失望呀佢個眼神hahaha......其實個Bread Roll好正喎~我見有好多5同餡揀gar,又有雞肉,又有Ham咁。

今日要同你地講下小王子打網球~有追開小王子天地嘅Blog友都知,小王子嘅運動細胞一嬲都係mama地
。之前我提過小王子新學校規定所有學生要揀一樣運動做o個年嘅主修,而我就幚小王子揀左網球,貪佢可以hea打!hahaha.....本來小王子有提過話可以去踢足球嘅,不過我同佢講﹣﹣>"踢波?我無o野驚呀~我驚個波5小心咁碌落你腳邊,跟住你"惡"高頭一望﹣﹣嘩!幾十人一齊向你衝過嚟踩偏你咋!hahaha......"
咁小王子棄足球,走去打網球就更係笑料百出
la~例如一係接5到波、一係就5知個波打左去邊度law!有日小王子放學又要去練網球,咁我去接佢o個陣米成機o急下佢打成點law。o拿!佢地就分好多team嘅,計程度嚟分咁la~好似小王子呢d網球初哥就更係同其他奶都未戎BB級數網球手一team la,本來咁都係好事嚟嘅~
之但係小王子o個個"對手"﹣﹣>"肥叉"
重弱過小王子o個度死呢

我見佢地打來打去,次次都係小王子做開波,但係阿肥叉哥又硬係接5到ga喎!咁佢接5到,小王子米又再開law~重之就係
一個一味o係度開波,一個就一味o係度執波law!場面真係勁攪笑。小王子爸爸重打電話嚟問我,問小王子打網球打成點喎~我真係5知點答佢,
心諗﹣﹣>
           "唓~打咩啫?接到波至叫打喎!家下個波都無打返過嚟~"查實我都5知小王子咁叫5叫係"打緊網球" law!!!"
最攪o野係小王子話阿肥叉哥個老豆"肥佬"同佢地兩個講.....肥佬﹣﹣"o拿!我比兩個月時間你地兩個,如果兩個月後你地打得驘我嘅~我就請你地食雪糕。"
因為我一嬲都教小王子5好貪心嘅,人地話買咩比你都要話5好,所以小王子就話....
小王子﹣﹣"吓?5好na~5好na~"肥佬﹣﹣"吓?你5想要雪糕呀?咁你想要咩呢?"肥叉特然間插咀﹣﹣"我知~佢想要~~~錢!"
然後佢地三個就o係度大笑!

有日小王子打完網球返嚟同我講....
小王子﹣﹣"媽媽!我今日打網球,一打就將個波打左去對面場na~"我﹣﹣"唓~咁有幾勁啫?人地都5係叫你打到咁遠,你呢d叫做出界呀!"小王子﹣﹣"hahaha....係呀~個個見到我將個波打到去隔離場,人人都話我"Powerfull"(好勁)呀!"我﹣﹣"唓~打出界有幾Powerful啫!"小王子﹣﹣"係呀~所以我同佢地講﹣﹣"I maybe Powerful(好勁), But not Accurate(5準確)!"hahahahaha....."
我﹣﹣"hahahaha........"

2012年2月15日星期三

肥豬炒飯盒



隨住小王子升左中學,小王子個"嘩!Box" 5單止無大個到,反而係越做越 細 。小王子話只要個"嘩!Box" 整細d,咁佢都有時間食得哂咁話喎~所以就算小王子已經由小學雞進化成中學duck,但係我整嘅嘩Box就越 嚟 越 細 個,睇嚟好快要用顯微鏡望至睇到個盒gar o勒~
所以你地米睇d相咁,其實係我影得大睇啫,實質呢兩日o個個"嘩!Box",個盒係細過一隻手掌gar。

以前o係Canberra,d人鬼咁種族歧視。我o係"最高貴學府"都捱5少白眼la~不過而家搬左嚟Sydney,又真係好似比Canberra Multicultural(多元文化)好多喎!點解我會咁講呢?

話說小王子間新學校其實5係有好多中國人,以Sydney嘅中國人人口比例嚟講~直頭係叫少tim la。好似小王子o個班就淨係得兩個東方人,一個就係小王子、而另一個就係韓國人嚟。咁以前o係"最高貴學府"度就重少tim la~成級拿埋都都5夠5個東方人。所以小王子其實對呢種全鬼嘅環境,真係熟過乜ga o勒!以前o係"最高貴學府"度,我從來都無聽過小王子會o係學校度同d朋友仔"講中文",亦都無聽過佢d同學仔話想學"講中文" gar喎!而今日嘅攪笑o野,就係發生o係小王子呢間新學校度,而且同"講中文"有關gar tim bor。

小王子有個新同學叫Super Junior(韓國有名組合),點解?因為佢係韓國人ar ma~之但係佢又無我偶像金賢重咁靚仔喎~兼重未夠秤,咁重5係叫Super Junior?hahaha......
單o野其實係咁嘅........

話說琴日小王子放晏就o個時,同Super Junior吹水,咁吹吹下阿Super Junior特然間用隻手指整一整個鼻,於是小王子竟然好大聲咁用廣東話同Super Junior講.....

小王子用極奇誇張嘅語氣話﹣﹣"唉~o也~咩你咁"辣撻"ga,用隻手指嚟new鼻!hahahaha....”
咁of course Super Junior 聽5明廣東話la~
Super Junior﹣﹣"吓?你講咩呀?"
小王子用返英文同佢講﹣﹣"hahahaha....無o野~我讚你叻啫!"
Super Junior﹣﹣"o我~係呀!"
而小王子就o係度猛咁大笑。


我敢肯定小王子以前o係"最高貴學府"度,係從來都未同過d同學仔咁樣講廣東話gar law!小王子話o係新學校度~成日都有個year 9嘅哥哥,問佢咩咩咩中文要點講,之後見親小王子呢就大大聲咁講小王子教佢講o個幾句廣東話,小王子話佢好Fun喎!
之不過咁~Sydney係米真係咁Multicultural呢,我都係言之過早,因為我平時根本5會出街嘅,小王子返左學我就留o係屋企度。所以見嘅人其實好少,至於Sydney係米真係咁Multicultural,就要放長雙眼睇至得na~





2012年2月14日星期二

蝙蝠盒



今日係情人節,亦都係呢二十年嚟~第一個無小王子爸爸o係身邊嘅情人節。往年情人節小王子爸爸都會送花比我嘅,不過就未必會出街食飯bor,因為情人節一定係度度都無位gar law!今年小王子爸爸送左個粉紅色嘅豬仔Cushion比我做禮物,雖然5係咩昂貴嘅禮物,不過我都好開心。我覺得情人節呢個節日,5係用嚟搵借口"斬對方一筆"嘅~應該係用嚟記念大家重可以o係埋一齊嘅o個份難能可貴。所以o係同小王子爸爸結左婚16年後嘅今日,小王子爸爸重記得o係情人節度要送我一個Cushion,咁已經係無價la~你地話係米?

之前我提過話小王子間新學校好鬼死大間,咁學校校社大都5算出奇,大把學校個校社大la~不過咁,有樣o野就真係5係有幾多間學校會咁,係咩?就係痴住學校同周圍街嘅屋~都比學校買哂!
有d街成條街嘅屋比學校買哂,攪到成條街變左做私人街,認真誇la la~有d屋學校用左嚟做內部辦工嘅地方、有d呢~就幾間拆哂,再起d貨倉嚟放o野、又d就直頭扔空左佢,有好多屋又用嚟租返比老師住,連校長住嘅地方,學校都供應埋。
                        嘩!呢招絕呀~睇你重點話遲到?
我就曾經見過幾十個老師一齊行返學嘅奇景o勒~

好似我住緊o個條街,左邊除左我住o個間同另外一間屋之外~成條街左邊嘅屋全部都係學校嘅,校長就住o係對面街頭o個間住,我隔離住o個d全部係學校嘅老師,連5係屬於學校o個幾間屋,住o個d細路都係讀呢間學校嘅。
之不過~你地5會明白,住左個先生o係隔離係有幾大壓力gar o勒!點解?嘩~家下你嘅周圍圍住你嘅,全部都係學校d針喎!正所謂"醜事傳千里" ar ma,真係鬧仔都5敢咁太大聲law。


2012年2月10日星期五

雞漢堡層層疊點心盒



今朝我真係朝早煮飯比小王子做早餐,諗住等小王子食飽d~咁晏就就5洗用咁多時間嚟食o野。而"嘩!點心Box "亦因為咁而誕生o勒~咩話?今朝有咩餸做早餐?無呀~我整左d菜同埋小王子最鍾意嘅吉烈薄牛排做餸law!不過我都係覺得個點心盒大得濟,下個禮拜會try整細d tim!

小王子間新學校除大之外,佢地嘅學生亦都好多,全校由幼自園小學初中高中加埋,有成二千幾個學生,比一般學校多好多。可能因為學生多,間學校好鬼死有錢。以前o係"最高貴學府"度~就讀o個d人有錢,學費收到貴一貴,下下都講錢,又咩都要收錢,重咩都叫家長捐。呢間學校就5同o勒~學費就更係5會平ga na(好彩小王子係攞獎學金ga啫!),不過佢地o係學校裡面~用嘅o野全部都美輪美奐設C又多,重好tim bor~點解我咁講?

之前我米提過小王子逢星期三嘅下就6:30pm 要o係學校度練管弦樂團
~咁好多人除左要練6:30pm o個場之外,4:00pm重有場Chamber  group(小組樂團)要練,又有d人要去sport喎!學校因為知道d學生咁忙,於是訂左好多o野食,6:00pm 就搵人送好多pie呀~sausage roll呀~apple、無數咁多包薯片兼且有埋朱古力做甜品同埋支支裝水,比6:30pm要練管弦樂團嘅學生做晚餐。重要係放題喎!放題呀大佬~則係你食得嘅~食十個都無問題。我見佢地次次都有淨嘅,幾想叫個仔"粒"返個Pie比我返屋企食呀!嘩~我都無見過咁同咁support學生嘅學校,比著以前o係"最高貴學府"?佢真係采你都傻la~一係就叫你自己pack o野去食,一係就屈d家長整一大堆o野law!我以前都整5少la~邊樹會咁好死至得gar?放題?想錯你個心la~

又好似小王子參加左新學校嘅Chess Club
佢地見小王子捉棋咁得,即刻要叫小王子代表學校出賽同第間學校比賽捉國際橡棋。所以小王子每個星期五放學都要周圍咁去第間學校度比賽,但係好似今日咁,佢地成班人就打的去第間學校度比賽o勒~無錯!你地無聽錯~係打的!嘩!嘩!嘩~幾咁豪至得gar?學校講明連打的費都比埋喎~老實講,我覺得....我開始有小小鍾意左佢(學校)law!
我同小王子爸爸講﹣﹣
"我地係攞獎學金入學嘅,今次真係賺凸law!hahaha..."

我覺呢間學校,收左你嘅學費係真係用返落去學校同d學生度,對於受左9"最高貴學府"氣嘅我
,見到而家間學校咁~真係有d感動!雖然而家講間學校好定係5好都係言之過早,不過我諗度度都有好有5好嘅地方,但係要平行law!



2012年2月9日星期四

虎虎蛋包飯盒



小王子做左中一仔,o岩o岩升中學,老實講其實我5係幾慣!5知當佢大個仔丫?一或重係BB仔?當佢大個仔咩?佢又咩都要我提住,對自己嘅o野永遠都5在心。當佢係BB咩?嘩~大佬!成12歲na喎~就快娶得老婆tim la!

新學校有好多Club都係o係Lunch time度攪嘅,唉~每日已經得兩個25分鐘一d都 5 Big 嘅 Break,重要o係o個時去社團活動,咁你話有咩理由小王子會有time嘆個"嘩!Box"至得gar?一個禮拜5日,每日兩個break,一個用嚟食o野,則係話一個Week得返5個break係得閒嘅~

小王子參加左Chess Club,一個week有兩日要去捉棋,咁則係話得返3個break係得閒嘅~前日小王子返嚟同我講,話佢參加左學校嘅Chirstian Study~一個week又要查兩日經,則係話成個禮拜得返一個5Big 嘅 Break﹣﹣則係25分鐘係得閒gar啫!咁你話o勒~邊度得閒gar啫?

重有喎~因為小王子係獎學金入學嘅,正所謂﹣﹣
                                           "人出錢,你出命!"
就算佢叫我去担泥,我都CC地氣去担la~

所以學校要小王子參加o個d樂團呀咁,我點敢Say No至得gar?一個Week又有兩個朝早,7:30am 就要返度學校參加弦樂團,重有一日放學6:30pm﹣8:00pm 要參加管弦樂團。
小王子返學已經有萬幾樣o野攞,咁則係話托琴呢個 "重" 任係落o係我度la~
o拿!老老實實o勒~家下我真係5係高過小王子好多ga啫,頂籠高佢一寸、半寸倒。佢攞5到嘅o野,我係5見得會攞得好到law!!!
之但係次次小王子要o係學校度練琴,我都要即刻變身做奴才﹣﹣>
                                                             
                  托到隻狗咁呀!(托個琴去學校,拉完又要托番返屋企。)

重有喎~一個week規定兩日放學要打網球,每個星期六又規定一定要返學校打網球,重有一日放學要代表學校出去其他學校度比賽捉棋喎!
                                                           
咁你地話o勒~係米真係忙到嘔先?我諗o係度畢到業嘅學生,個個都係萬能俠!

所以我打算試下早餐比飯小王子食,晏就就淨係食個小食Box,咁小王子就5洗用咁多時間o係學校度食o野,5洗佢咁趕la ma!




2012年2月7日星期二

意大利老虎BB三文治盒



小王子升左上中學,本來諗住個"嘩!Box" 點都要由BB size~轉返做個媽媽size ga na掛?點知原來讀左中學之後重衰,Lunch time變左得返半個鐘,無地方坐o係度食o野,兼夾時時都忙到嘔。小王子同我講﹣﹣"媽媽!個嘩Box整細d,5好整咁大。"
                                  5係掛?真係吹脹!

我話無地方坐o係度食o野,你地千奇米以為間學校一定係好 細 喎!o岩o岩相反~間學校真係 大 到飛得起,佢係Sydney板圖最大嘅學校,淨係球場我都5知有幾多個,網球場又有十幾個、籃球場都有十個8個,重有游泳池......連小食部都有幾個,可以坐o係度食o野嘅餐廳又有幾個。
                             嘩!大到真係嚇死人~

小王子開學第一日要打網球,點知我5記得放頂帽入去佢個P.E. bag度,o個日又熱兼曬到飛起~咁我廿四孝ar ma,好驚個仔會曬親,米下就o個時攞頂帽去比小王子law!其實個網球場就o係我出面條街尾ga啫,我o係條街度都見佢地打緊網球gar!但係一入到間學校度,我就轉嚟轉去都行5到去個網球場度,最攪o野係我行到去幾個網球場﹣﹣>

"咿?空嘅?無理由gar?明明頭先都重見佢地打緊波ga喎....米住先~點解呢幾個網球場5係o係路邊嘅?咁....我頭先o係路口望上去o個幾個係咩場嚟gar?"

我點會諗到間學校淨係網球場都有十幾廿個,重要o係5同地方至得gar?最後我要周圍問至知道,佢地打緊o個個網球場,係要經過o個個 大 球場至去到,我望見o個個大球場,真係有小小見暈~心諗我行到過去可能會虛脫!明明係o係街尾嘅球場,我最後都要大半個鐘至行到去!重要去到o個時,小王子已經曬到燶左,返到嚟重甩皮tim bor~唉~第一日打波小王子已經燶左,打多幾次......小王子會5會成個溶左呢?






2012年2月6日星期一

開學貓盒



骨摩零~骨摩零呀~
都話左快好嘅日子係來匆匆、去匆匆gar la~兩個月嘅暑假真係話咁快就過,好懷念日日5洗一早起身嘅日子,好懷念日日嘆住個世界嘅咁過嘅時間呀~
天呀~我要嘆世界呀!
天呀~我要嘆足一世世界呀!

咁當然~邊機會有嘆一世世界呢支歌仔唱至得gar?正所謂~5洗你捱一世世界都偷笑la!你地話係米?
小王子話咁快,就由一個小學雞搖身一變~變成隻中學鴨o勒!而我同小王子亦都由Canberra搬左落Sydney度。新學校、新地方,老實講~我真係有好多o野都5適應。由其係無左小王子爸爸o係身邊,好多o野都要自己攪掂,時時要用腦不特止~重做左好多個第一次!例如.......
例如我嚟左澳洲廿幾年,但係實不相瞞~我係未剪過草gar law!以前一路都係小王子爸爸剪gar~不過而家要自己剪na,係gar~我係剪得好泎gar!雖然我剪得慢啫,但係如果我一日剪小小、一日剪小小咁,到Weekend小王子爸爸返嚟o個陣,我應該剪得哂o個幾塊"奪命野草地"嘅!係gar~o個幾撻地係得野草gar咋~邊有草至得gar?我個人厚道至話剪草啫~查實我一路剪緊嘅係野草嚟之ma,撻地同小王子爸爸個頭一樣﹣﹣﹣寸草不生law!咁小王子爸爸Weekend返到嚟就5洗做咁多o野la ma。
原來剪草咁辛苦,我而家知道~原來小王子爸爸以前做Garden係咁辛苦ga喎!

小王子返左學一個禮拜na~開學之前幾日學校有個Music Camp,咁小王子係攞獎學金嘅~點敢話5去至得gar?三日兩夜嘅Music Camp,小王子都算好開心~重認識左好多新朋友。學校裡面淨係得當日面試獎學金嘅考官見過小王子拉琴,學生更加5會知道今年係邊個攞獎學金入學嘅。不過就係因為呢個Camp,學校音樂部所有嘅老師同有去到Music Camp嘅人,都因為o係Camp裡面見到小王子拉大提琴,而家人人都知道小王子係獎學金入學嘅。我去Camp度接小王子o個陣,小王子同我講話佢覺得琴晚拉完個Concert之後,自己特然間好似變左個明星咁喎~有好多人時時都圍住佢bor~咁我就提住小王子﹣﹣>
                           "做人一定要謙虛,千奇米驕傲!"

呢間學校同"最高貴學府"差得遠~佢地嘅音樂部真係當小王子係寶咁,以前o係"最高貴學府"?小王子比人扔埋左入士多房度N年la~真金不怕紅爐火,小王子終於有出頭天o勒~
我同小王子講~
             "你要比心機練琴,要幚學校o係今年嘅比賽度攞獎呀!"

小王子都好似先得自己有使命感咁,真係比左心機練琴喎~所以我都好開心呀!