2015年6月9日星期二

點心皮o急糖皮蛋糕



之前講到"聚寶盤"之音樂豪華團光榮回歸,班傻家長 o係機場度拍爛對手咁濟。查實"生意佬"精過鬼,佢老婆明明係教小學部嘅~豪華團單o野真係關佢叉事咩? 點知生意佬無o拿o拿整左個莫須有"咸頭位過自己個老婆做,就咁佢兩個就可以一齊免費咁渡 第二之蜜月 o勒~

                       嘩~~~~
                  黑暗 到呢~~~~
所以你地話o勒~有咩奶油要我"拍爛對手掌" 先????

好o勒~我地講番正題先~
上回故事發展到小王子去完"豪華團"返嚟,我同小王子爸爸接佢機o個時"黑仔達"無哂所有行李兼15歲都唔知道自己屋企個地址。

於是"身無一物"嘅小王子極奇瀟灑咁拉住個琴步出閘口.......




經過填錯自己地址單o野,小王子爸爸o係機場攪完一輪之後,我地一家三口終於平安返到屋企o勒.......

突然間我o係廳度聽到小王子爸爸一聲慘叫聲........
                  "吓!!!!!!!"

我心知大事不妙,即時33飛 pop落樓睇下究竟發生咩事?
我見到小王子爸爸打開左小王子帶返嚟個琴盒,望住大叫.....
             "有無攪錯呀!!!!"

erm......當時個慘況係咁嘅~我本人認為小王子個琴極有可能係因為o係個盒裡面聽到小王子連自己屋企個地址都5知嘅關係,所以-->
                               "自收左三件"

琴盒裡面個琴我 會話係散哂,但絕對係散左 ,散得出嚟嘅o野都散左出嚟,連唔應該散得出嚟嘅都散埋。

兩個苦主目到如此慘況我就欲哭無淚,而一向以琴為重 嘅小王子爸爸更加受盡打擎 tim la~而事主小王子就當然係以一慣作風回應-->
                   "我唔知gar,唔關我事gar。"


o拿~呢單o野攪成咁如果連"事主"都叫係無辜嘅話,我個人認為一定係關o個兩位"苦主"事,因為苦主無知所扥非人,將個琴扥比個連自己屋企地址都唔知嘅"戌李"度,至會攪成如斯慘況。

不過小王子雖然無哂d行李,但係就將沿途買比我嘅禮物放哂o係自己個隨身背襄度。望住小王子沿途買比我嘅手信,知道個仔其實去到邊都記住媽媽,超超超感動,有人話生女係爸爸嘅前世情人 ,雖然我唔信有前世,但係我個仔何嘗唔係我嘅"男朋友"呢?




不過小王子爸爸就慘d~受完打擎之後連半份手信都無,重要睇到我Post 上Face Book 嘅"男朋友禮物"相,酸尾尾咁同我話--->
"有無攪錯呀~買咁多樣o野半樣都無我份?"

hahahahaha...............

P.S.
  呢個"點心皮o急糖皮蛋糕"會o係Sydney度開班,有興趣嘅Sydney Blog友要留意na。