2010年1月30日星期六

手打蛋麵配溫湶蛋



前o個個禮拜我整左幾次手打麵,你知5知小王子同我講咩呀?佢話﹣﹣"我好鍾意食媽媽自己整o個d麵呀!"

你聽5聽到???小王子話好鍾意食我整d麵呀!好開心呀

~~~小王子好少會話鍾意食d咩野ga!
所以我即刻鑽研手打麵,睇下重有咩5同嘅整法,可以整嚟比小王子食!今次我加左蛋嚟搓舊粉,整左呢個蛋麵。食嘅時候重整左隻溫湶蛋。小王子卒之重食左兩隻蛋tim bor





超市又有新攪作


聖誕節o個時我帶左小王子返hk探婆婆同阿公,又去左日本玩,開心到小王子不得了!

一月四号晚我地至返到嚟,而小王子呢就係一月五号生日嘅!其實坐左咁飛機,又時差呀咁~真係好鬼辛苦ga!
但係撞著小王子生日,點都要有d表示gar!卒之我同小王子去左睇戲兼買DS game。

到夜晚小王子爸爸話不如去super度買個蛋糕仔返嚟同小王子吹下蠟燭la~~~~聽落ok喎,無理由反對ga!
點知......................

"老婆!超市有新o野呀~~你估我買左咩返嚟la na?"


5睇又自可,一睇!!!!!
"嘩~~~~老公家下你玩野呀?"


我心諗﹣﹣而家幾點呀?你買個咁嘅o野返嚟米有排我攪?


o拿!成盒買返嚟,裡面已經有個焗好嘅蛋糕ga o勒~

重連埋三舊5同色嘅icing!

有埋圖樣,白痴都無問題!

淨係剪呢幾張o野都剪到我手都痛呀!

整完就係咁o勒~

望落ok ga!

食落就~~~~~~

o拿!你話o勒~~小王子爸爸係米玩o野sin?

2010年1月29日星期五

Karen's Wedding cake



Karen係小王子個姑姐,呢個蛋糕係佢9年前結婚o個時我做嚟送比佢嘅~~~

今次我無用到roll-out icing嚟cover個蛋糕,而係用Toyal icing做蛋糕嘅面。除左係因為係要將個蛋糕面做到好似樹幹咁,有d粗糙嘅感覺。最大嘅原因係因為o個年5興用roll-out icing嚟做結婚蛋糕!

如果你有留意, 其實年年都會出一本結婚蛋糕嘅雜誌,裡面會講o個年結婚蛋糕嘅吹勢,今年興d咩款嘅結婚蛋糕呢?睇完你就知o勒~~

薰衣草曲奇,紅茶曲奇,朱古力曲奇


前日係公眾假期,小王子爸爸5洗返工!我最中意爸爸可以成日o係屋企陪住我ga o勒~~~~雖然佢都係呢o係書房度,but有佢o係屋企個feel真係完全5同ga!!!!!The only time我5鍾意佢o係我身邊就係我買野比錢o個陣o勒!um........咁我有時係狼狼地嘅~~~hahahahaha.......

oh!又離題tim~~~~我想講嘅係親住小王子爸爸同小王子都o係屋企,咁更係要整留個下午茶過佢地嘆la!你話係米?

紅茶曲奇


蕫依草曲奇



朱古力曲奇

2010年1月28日星期四

傑尼龜盒



小王子重放緊暑假,咁我就更係5洗整嘩box la傻笑
~~~~呢個係之前5記得post嘅~~
不過小王子下個禮拜就返學na~~~到時我又要4點起身整"嘩box"o勒!小王子同我都好期待新學年嘅"嘩box",5知........我到時會有d 咩靈感呢?




焦糖香蕉芝士磅蛋糕


呢個食譜係o係琦﹣橋媽媽 度睇返嚟嘅~~~~


但係我又睇d5睇d! 橋媽講明落左山核桃就5洗落芝士粒o係面,點知我入左焗爐至睇到呢句~~~激死!

我用左合桃代替山核桃,因為我深信合桃同香蕉係絕配law!
hahahaha....





食譜 (18x8x6cm長方模)
 
(焦糖醬)
糖 40g
忌廉 50g  
 
1) 糖平均放入煲耐, 以慢火煮至焦色
2) 熄火後, 逐少(約分5次)加入室溫忌廉(或熱水坐暖), 待焦糖變微暖便可使用
 
* 糖未溶好前, 不要用刮攪拌, 因為糖會黏著膠刮, 黏著的糖就很難跟煲內的糖溶合
* 焦糖顏色煮至金黃就可以熄火, 餘溫足夠令糖變成焦色
* 加入忌廉後會有大量煙霧出, 要小心, 待煙霧較少就可以再次加入, 重覆直至忌廉份量全部加入,用膠刮快速拌勻
 
(蛋糕體)
忌廉芝士  90g
牛油          115g
糖A            60g (已減少)蛋黃           3隻
蛋白           3隻
糖B            20g (已減少)低筋麵粉  180g
泡打粉      1/2茶匙
香蕉          1 1/2條
忌廉芝士  30g  (切粒放面,我改放山核桃 )上述焦糖醬全部

1) 室溫放軟的牛油輕輕打勻, 加入室溫放軟的忌廉芝士拌勻
2) 加入糖A拌勻後, 蛋黃逐隻加入, 每次加入都要攪拌均勻
3) 糖B分2次加入蛋白中, 打發成蛋白霜
4) 將(3)的三分之一, 加入(2)的麵糊中, 輕輕拌勻
5) 篩入低筋粉及泡打粉, 以切拌的方法拌勻
6) 再將餘下三分之二的蛋白霜加入, 輕輕拌勻
7) 加入切粒香蕉 及 焦糖醬, 再倒入模具中, 面上放上切粒忌廉芝士或山核桃
8) 180C, 焗-40mins (爐溫只作參考)

食譜
原文轉載---琦﹣橋媽媽

2010年1月27日星期三

小王子十歲o勒


小王子終於都十歲na~~~~~~

大個仔o勒!有無靚仔到sin?

小王子今年讀5年級na~~~真係"斬"下眼喎!

小王子一"嬲"讀書都幾好ga!!希望可以一路好落去la~~

重有~~今年開始會同小王子去其他埠比賽,希望可以一步一步邁向國際賽嘅目標la~~~

終於寄到嚟o勒~~~


我o係hk寄左5箱野返嚟! 其中兩箱今日終於寄到~~~~
老實講!我真係日望夜望,希望可以快d寄到ga

~~~~~~~當係我打開個箱嘅時候,一路睇d"戰利品",一路o係度諗﹣﹣﹣

咿?我究竟係米癲ga呢?

我做咩買咁多呢d野呀???????
女人真係恐佈呀~~~~~~






2010年1月26日星期二

大地魚粉炒油麵


登!登!登!登!
大地魚粉食譜第三擊﹣﹣﹣大地魚粉炒油麵

其實大地魚粉本身係無味嘅~ 佢係用嚟增加食物嘅香味同鮮味,所以5可以當調味料咁用,反而應該當佢係煮食嘅香料嚟用!

好似味精一樣,味精本身都係無味嘅~~但係將佢加落d食物度呢~~~又會覺得好好味bor!
當然~~~~大地魚粉5係煮樣樣都得ga! 如果用嚟煮d濃味嘅野,反而5 work喎
!因為佢會比d濃味嘅野完全cover哂佢嘅味,咁用5用都無關係la~~我覺得應該用嚟煮d淡味嘅食材,咁sin至可以發揮到佢嘅作用!

真係5係樣樣都得ga~~~我試過用嚟炒飯!5多掂law
~~~~~今次我用左佢嚟炒油麵,我一d肉都無放,淨係用左紅蘿蔔,薑絲,蔥同蘑菇嚟炒!加埋大地魚粉,個味竟然係出奇地咁夾喎~~~~


有興趣想試下大地魚粉嘅blog友,直接去老媽個blog度留言就得o勒~
http://hk.myblog.yahoo.com/bimama54/article?mid=24567




做法:
1. 油麵用滾水浸軟。
2. 開鑊爆香薑絲,落麵及紅蘿蔔絲炒軟。
3. 加生抽,老抽,鹽和糖調味。
4. 最後放蘑菇同蔥絲,加大地魚粉,炒至菇淋就ok o勒!

新玩具



自從舊年比我玩爛左個用左成8年嘅Kitchen Aid之後, 我一路都係好死狗咁用住部hand mixer 嚟整野!點知琴日朝整整下蛋糕,連呢部用左超過十年嘅hand mixer都死埋!!!!!

...........唉~~~~

............hee hee.....

今之重5大條道理同小王子爸爸講要買新野

!嘩哈哈哈

~~~~~~


咁家下壞左個打蛋器喎~~~~對於我嚟講呢個打擊真係有十級咁大ga! 如果一定要排......um....咁壞車嘅打擊排第一,跟住就係打蛋器ga o勒~~~~咁你話係米死sin?? 咁所以米係要即刻,係即刻出去買番個?

Kitchen Aid我就一嬲都有用開嘅~~but hand mixer我就5係用開呢個牌子,不過我都o急左呢個牌子好耐ga o勒~但係o個時舊o個個未壞ar ma! 所以米得個睇字law!
呢個牌子5係度度有得賣,所以我今次專登走去賣烘焙嘅專門店度問下,究竟呢個有咩好?

咁阿老板話呢個係英國嘅牌子,而且係市面上賣嘅hand mixer中最好ga 喎
~~~~咁橫掂都要買ga lor!米買呢個嚟試下law~又將真係幾好用喎,重有5個不同嘅轉速度可以揀ga tim!而且佢打得好集中,一般手動打蛋器好多時都會打到d野飛哂出盤,一係呢就係份量太少打5到。呢個就完全無呢個問題law~~~





2010年1月25日星期一

大地魚粉乾撈出前一丁



我同小王子係由火星嚟地球嘅事神早就已經5係秘密!

但係我有個朋友,佢一直用家庭主婦嘅身份嚟掩飾自己其實係科學特工嘅秘密~~
嚇人呀~嚇人呀~


點解我會咁講呢?因為佢嘅一日24小時都不停咁諗發明新食材!

而我依次用嘅大地魚粉就係佢嘅新發明o勒 ~~~佢對研發新食材嘅o個一份熱盛,真係好令人感動ga!

所以我答應佢,試下可5可以幚佢用大地魚粉嚟研發新食譜。
5知得5得ga~~but我會盡力試下嘅!

有興趣想試下大地魚粉嘅blog友,直接去老媽個blog度留言就得o勒~
http://hk.myblog.yahoo.com/bimama54/article?mid=24567

登!登!登!登!大地魚粉食譜第一砲。。。。。
大地魚粉乾撈出前一丁!!!




大地魚粉手打麵



本來5係出呢篇嘅~~~but 怕科學特工--老媽等得5耐煩,會殺我滅口!所以o拿o拿淋比呢篇打尖sin~~~~

家下講緊保命喎~~~
更係勁手快ga la!你話o岩5 o岩 sin?


嘩~~~~越講越遠tim! 都係講返正題~~~
登!登!登!登!
大地魚粉食譜第二擊﹣﹣大地魚粉手打麵!

做手打麵其實真係易到痺~如果你有麵包機就重易tim!放哂落去攪就掂呀!o拿~~~咁睇真d點做na~~

有興趣想試下大地魚粉嘅blog友,直接去老媽個blog度留言就得o勒~
http://hk.myblog.yahoo.com/bimama54/article?mid=24567





綠茶蛋糕

今日真係忙到就死!又鬼咁眼瞓喎~~~~
偏偏係呢個時候有人訂蛋糕bor!!!唉~~真係死得la咁!

呢個係綠茶蛋糕,係人地指定要嘅~~因為勁眼瞓嘅關係,d cream o即得5係幾靚tim!! but錢照收喎!  
hahahahahaha....
咩呀?咩呀?咩呀?咁係咁ga na~~5洗食咩家下?





2010年1月24日星期日

港式波蘿包


都話要日日整麵包lor~~~~
hahahaha....
20070321_b1f9b74d8118ebf8c5d342FLHX.gif image by kellyruby

今日我整左個港式波蘿包,包面脆~~~包底軟~~~~
_627.gif image by kellyruby正到難以至信law!!!!hahahaha




2010年1月22日星期五

爆丸盒



小王子除左Pokemon之外,最鍾意就係爆丸o勒~~~

有日佢同我講想要爆丸飯盒!

我即時面都青埋!!!!!爆丸喎~~~~你地有無睇過sin? 裡面d人物個個都好似高達咁款ga bor~~~~做飯盒??5係哇~~~~~~

卒之我諗諗下就同小王子講﹣﹣"不如做爆丸o個三個標誌sin呢~~~好5好啫?"

咁王子大人話No problem!
hahahahaha....see!又過骨!


材料:
雞蛋兩隻
紫菜 少許
日本飯 一碗
西蘭花 一朵, 用鹽水煮熟,備用。
炸雞寶 兩塊(做法請參照http://hk.myblog.yahoo.com/babyprince-world/article?mid=455)
食用色素少許(藍,紅)
日本香鬆少許(味道隨個人喜好)


做法:
1. 把其中一隻蛋煎成蛋卷,切厚片,用細cookie模切成喜歡的形狀。
2. 將另一隻蛋的蛋白及蛋黃分開。
3.把蛋黃放於電飯㷛內格水蒸好。
4. 把煮好的飯分成平均三份。其中一份放入搗碎的蛋黃拌均,加鹽調味。
5. 另外兩份分別加入自己喜歡的香鬆,拌均。
6. 用飯團模壓出形狀,再用紫菜圍邊,以防三個飯團會黏左一起。(面一定要平,因為會放蛋皮)
7. 將餘下的蛋白再分三份,加入色素拌均。煎出三種不同顏色的蛋皮。

炸雞寶做法:
1. 將切好之雞塊浸於鮮奶中,至少要浸兩小時。
2. 把雞塊及所有鮮奶倒入㷛裡,加鹽,用小火煮至雞塊熟透。
3. 將雞塊依次序拍上乾麵粉,沾上蛋汁,最後以麵包糠包裹。
4. 炸至金黃就可以,因為裡面的食材全是熟的,所以不要怛心外燶內生的問題!

最後入盒~~
1. 切好的蛋卷放上用紫菜做的眼晶。
2. 三個不同色的蛋皮用園形cookie模切出園形,再以剪刀修剪成三個不同的爆丸標誌。

比卡超哂太陽(可樂餅食譜)


比卡超哂太陽~~日式炸薯餅

夏天到o勒~~就快熱到嘔!

所以應應節,整個哂太陽嘅比卡超! Kawai呢~~hahaha...


比卡超耳仔5係炸燶左,o個d係紫菜嘅裝飾,
因為比卡超隻耳仔係有黑色嘅~





西蘭花  少許
雞蛋一隻
鵪春蛋 一隻
西生菜 兩塊,洗淨,吸乾水
紅蘿蔔(切溥片,並用鹽水煮過) ,芝士片,紫菜各 少許

馬鈴薯 200g
牛絞肉 50g
小洋蔥 1/4個,切細粒
雞蛋一隻,打散
麵粉少許
日式麵包糠(較有口感)
鹽,胡椒粉各少許

做法:
1. 西蘭花用鹽水煮熟,備用。
2. 將鵪春蛋前成小太陽蛋。
3. 雞蛋打散,煎成蛋卷,放入雪櫃,備用。
4. 馬鈴薯 切大塊,放入鹽水煮至可以用叉插入的程度。
5. 將馬鈴薯搗成薯蓉。
6. 用少許油將洋蔥少軟,加牛絞肉炒至熟透,加鹽及胡椒粉調味。
7. 趁熱將煮好的牛肉加入薯蓉中,拌均。此時可以再試味!
8. 穿上手套,趁熱將牛肉薯蓉弄成球形,再將薯球以棒球的投球方式拍打!(這個步驟是很重要的,因為要把薯球內的空氣迫出。炒起來至不會爆裂!)
9. 將薯球弄至自己喜歡 的形狀,可以用做飯團的模幚助整形。
10. 將已整形之薯球依次序拍上乾麵粉,沾上蛋汁,最後以麵包糠包裹。放入雪櫃雪半小時。(雪過的薯餅麵包糠會比較貼,炸時就不會輕易脫落。)
11. 炸至金黃就可以,因為裡面的食材全是熟的,所以不要怛心外燶內生的問題!

最後入盒~~
1. 用紫菜剪好太陽蛋的眼及口,然後小心放上鵪春太陽蛋上。紅蘿蔔亦用飲管切出兩個小園形。
2. 蛋卷切厚片,用細cookie模切成喜歡的形狀,再放上用紫菜做的眼晶。
3. 薯球上的眼和口,要用沙拉醬將芝士片與紫菜黏上,才可放上薯球面。同樣紅蘿蔔也要以沙拉醬將之黏上。
4. 將西生菜放在餐盒底,再小心排入各食材就完成!