2010年9月25日星期六

小王子 VS 幸運兒

有人永遠都有幸運之神眷顧,有人同幸運永遠都係兩條水平線!

感謝天父無比小王子做一幸運兒,叫小王子學識凡事都要努力!感謝天父比小王子遇到挫節,叫小王子學識要點樣面對失敗

雖然小王子無一個舉足輕重嘅爸爸,一個智慧過人嘅媽媽,雖然小王子無一對搵到大把嘅父母。但係小王子有一個肯為佢負湯渡火嘅爸爸,一個可以為佢放棄一切嘅媽媽,我諗~~呢個就係小王子最幸運嘅地方na!

考演奏級5係淨係去拉幾隻歌比兩個考官聽就得。要考演奏級係要讀好多有關作曲家嘅資料,同樂章結構嘅o野。而學呢堆o野,小王子係要尊登去搵一個尊教呢樣o野嘅老師度上堂!o個叠o野厚到呢~小王子除左要練好琴之外,就係要刨熟呢叠o野!小王子本身都有過目不忘嘅本領ga na~不過考試喎~~我呢兩個禮拜真係迫佢睇左呢份o野成百次!無計law~個考官會問問題ga!所以小王子真係有一見到o個叠o野就想嘔嘅衝動!

琴晚我地stay o係酒店,小王子就更係一早就瞓la~到我打完blog要瞓o個陣........小王子突然間o係張床度坐左起身,睜大對眼,然後o係度講d作曲家嘅o野。我以為小王子醒左,就問佢做咩la~點知佢又繼續o係度講d作曲家嘅o野!咁我米想話行過去,睇下小王子做咩law!我都未行到去,小王子突然瞓返低~重係即刻瞓淋左o個隻!原來佢連發夢都記住聽日要考有關嘅o野呀~o個一刻,我有種想攬實佢,同佢講﹣﹣"算na~算na~考5到就算na!"嘅衝動!!!!!!

今日考完試o勒~結果未知,要等通知!我已經打定輸數,5想希望越高,失望越大。我覺得已經5再係關表現好5好嘅事na~佢地根就5 buy咁細個去考咁高嘅級數,既然係咁~就5應該接受呢個年齡嘅報名,擺明呃錢啫~考一次佢地收AU$220 ga!!!!小王子話考官問嘅問題,佢已經答哂~d歌又拉得ok 好!咁重想點呢?

今日錄音好順利,佢地話11月就會播出小王子拉琴嘅錄音!到時我試下post上嚟比你地聽!

2010年9月24日星期五

小王子的眼淚

6歲﹣﹣小王子遇見神~

究竟.......小王子幾時至會遇到佢嘅百樂呢?


聽日就係小王子考大提琴演奏級同去電台錄音嘅日子,我地今晚已經嚟左Sydney !

今日小王子爸爸同小王子講﹣﹣

"聽日﹣﹣將會係你嘅人生裡面upto now最重要嘅日子!"

聽到小王子爸爸咁講,我諗一諗~又係喎!為左聽日,無論係我、小王子一或係小王子爸爸,都一齊努力左好耐~好耐~o係呢度,10歲去考大提琴演奏級真係前無古人。因為o個d古人都5 pass!Sydney d考官好嚴格,5鍾意d人咁細個去考咁高嘅級數,佢地覺得﹣﹣即使個細路係拉得好,都只係機械人嚟ga啫,5係真係懂音樂!多數5會比佢地pass。但係我嘅小王子真係對music有感覺!佢真係拉得好好ga~佢真係為左聽日努力左好耐好耐ga~對於一個十歲嘅小朋友,3個月至可能睇到一次電視,永遠人地玩嘅時候,自己都要練琴,真係少d毅力都5得!我淨係想小王子可以得到公平同公正嘅對待。5好有成見5好有主觀感、亦都5洗go easy on him!淨係單單睇一個十歲、對音樂充滿熱情嘅小朋友﹣﹣佢可以做到d咩!咁就夠na~


其實我一路都無同你地講﹣﹣本來個電台錄音5係聽日,而係o係29/8。我5記得有無同你地提過,小王子同學d家長5多鍾意我。就係因為咁~小王子試過幾年都無人請佢去過Birthday party,佢地係衰到﹣﹣請哂全班,淨係5請小王子一個,重要係返學校講喎~對於一個幾歲嘅小朋友嚟講﹣﹣去Birthday party就係佢地o係人際關係裡面一個好好好重要嘅圜節。29/8小王子終於有人邀請佢去Birthday party,小王子開心左好耐,一早就諗定要送咩禮物比個小朋友,此終......一個得來不易嘅Birthday party邀請,小王子知道要好好真惜嘅~點知到最後,電台打電話嚟話要o個日綠音﹣﹣小王子無出聲﹣﹣淨係眼濕濕。因為小王子自己都知道去錄音係好緊要嘅~試問.......對於一個十歲嘅小朋友,呢d 5係犧牲係咩呢?


o個日我地一樣係早一日就去左Sydney,諗住第朝就去錄音。就係o係我地出門口去錄音o個剎那﹣﹣電台打電話嚟,話有問題,要取消o個日嘅錄音,要改期。當時我真係咩都諗5到,淨係諗﹣﹣"有無攪錯呀?仔呀!你真係黑仔達呀~" 點知我一望小王子﹣﹣就見佢d眼淚差d流到出嚟咁濟。佢話﹣﹣"吓?咁我米無得去Birthday party law?"


原來小王子即刻就諗到,自己為左nothing而去5到Birthday party!我做媽媽嘅~竟然無諗起呢樣o野,真係覺得好對5住個仔。小王子由細到大都好少喊,平時佢比我打都重笑﹣﹣係真ga!你地可能覺得係"非而所思",but小王子真係比我鬧同打都重笑ga!小王子係我所見過﹣﹣EQ最強嘅生物!o個日﹣﹣小王子無出聲、眼濕濕左個幾鐘。


今日無相post,呢篇係作為小王子母親嘅我﹣﹣再一次為小王子失眠嘅晚上有感而發嘅心聲!

"嘩box教室"我今日錄左na~等edit完upload上youtube就ok!

2010年9月23日星期四

煙肉黑胡椒熱狗盒~




呢個係今個term最後一個"嘩box",因為由下個星期一開始,小王子學校放兩個禮拜假

。But 你地5洗担心

,我應成左你地嘅"嘩box教室"會繼續。今日我會去買埋d o野

,聽日錄。希望可以快d edit到個video放上youtube!Youtube都5知做咩鬼,好多時我upload video要upload成5,6次至upload到!upload一次要成晚ga ma~真係ma煩到死呀



o係呢度讀書最好係咩呢?erm.......究竟係好定5好呢

?......就係o個d環保智識、知識產權呀咁,教得好好!所以o係呢度讀書嘅小朋友,好細個就知道要環保。去親睇戲,更係有個水蛇春咁長嘅廣告﹣﹣叫你5好上網download o野!最恐怖係﹣﹣呢度十個著左8個小朋友,只要佢係有去睇開戲嘅,都可以將呢個水蛇春長嘅廣告背出嚟

!o我~咁d細路5係癲嘅~佢地更係5會當童謠咁背la!佢地只會o係聽到人講"DOWNLOAD"呢個字,至會好似突然上身咁背出嚟ga啫!
好似小王子咁

,佢覺得

                 "DOWNLOAD = CRIME !

嘩~~呢兩o野好似差得遠喎,有d o野係合法download ga ma!


只要小王子一聽到我、或者係小王子爸爸一講

                      "DOWNLOAD"

 呢個字,佢就會突然上身咁

﹣﹣將o個個廣告o個段水蛇春o野,重新講一次過我同小王子爸爸聽。

所以"DOWNLOAD" 呢個字,o係我地屋企係禁字

。我從來都5會o係小王子面前講"DOWNLOAD" 呢個字

!如果小王子o係度,我就會同小王子爸爸講﹣﹣"下载"

,hahahaha...將咁有袓國feel呀!

就係因為咁,小王子用嘅所有o野﹣﹣我都要買正版!嘩~你地知5知一個正版嘅DS game同Wii game賣到幾錢呀

?係成舊水呀~我次次買d肉都真係赤赤咁痛ga!d人重問我﹣﹣

     

"呢d o野5洗買ga喎!可以......."

唉~鬼5知咩?最閉我身不由己呢



無錯!小王子用親都係正版o野。至於小王子嘅窮父母呢

.....hahahahaha......果然係同人5同命呀!不過我無後悔咁做喎

~此終5好嘅野,我地係5應該pass去下一代ga law!將來呢個社會都係靠佢地ga咋~都以我覺得...我地係有責任將佢地教好。


其實我都好耐無焗面包na~懶到呢~~~前幾日我焗左個芝直火煺方包比小王子同小王爸爸們個禮拜做早餐


。知點解d小朋友總係覺得﹣﹣食到辣o野就則係大個o勒~我5記得記時,小王子同得講﹣﹣


   "媽媽!我而家鍾意食black pepper ga na!"


我﹣﹣"吓!你5怕辣咩?"


小王子﹣﹣"我大個la ma~我鍾意食black pepper ga na!"

????究竟呢個係咩理論呢



所以琴日我焗左個煙肉黑胡椒方包過小王子同小王子爸爸食,我重係咁勁落左好多黑胡椒。咁係小王子話自己好~鍾意食ga ma!嘩!估5到喎~真係勁好食!其實我都幾鍾意食黑胡椒嘅~hahahaha......所以今輪我就用左呢個黑胡椒邊包嚟整"嘩box" o勒!



2010年9月22日星期三

肥雞飯糰盒


如果小王子大個,好似金賢重咁靚仔咁點呢?erm.......我決定如果小王子大個好似金賢重咁樣,我就嫁比佢!hahahahahaha........

時間真係過得快呀!以前我一見到d童裝就發哂狂,而家..........童裝小王子5 o岩著na~連鞋小王子都要買女裝細碼﹣﹣
因為小童鞋無咁大,男裝鞋又無咁細喎!上次小王子去Camp,我米買左對牛咁貴嘅行山鞋過小王子嘅~o個對鞋就係女裝na~o個日我至發現﹣﹣原來小王子而家著女裝7.5号鞋na~我都係著8号鞋咋!原來....小王子已經大個到我可以著返佢5 o岩著嘅衫o勒~嘩!5知幾時﹣﹣小王子會同我講,話佢有鍾意嘅女仔呢?如果小王子真係拍拖........我又會點呢?

前o個排我米話小王子o係sydney度驘左個比實,可以去電台度錄音。電台就會播放小王子拉Cello嘅錄音~今個星期六去錄音na!

希望可以post上嚟比你地聽la~因為我住呢度都收5到Sydney嘅電台ga!所以連我自己都驚可能會聽5到!呢個星期六除左係要去電台錄音之外,重係小王子嘅大提琴演奏級考試。

唉~點解d o野永遠都要堆埋一齊ga呢?今次考試真係好緊要ga~考獎學金都要靠佢ga,希望d考官5好對小王子特別嚴格la!有時我諗
﹣﹣
如果我有錢嘅~米5洗個仔咁辛苦去考獎學金law!
好似....好對5住個仔咁呀!但係世事永遠都係咁ga na~我見有d人有大把,個小朋友想學咩,想去邊度讀書都ok。偏偏個細路自己無能力喎~有能力嘅人又偏偏要憂柴憂米。唉~天父真係公平呀!

(好似我咁﹣﹣天父淨係比左美貌過我,所以我米無智慧law!hahahahaha....)




2010年9月21日星期二

山包卷盒



hahaha........山包=Mountain bread!

有blog 友問我咩係Mountain bread,所以我今日影埋Mountain bread張相過你地睇。其實我都5知點解佢會叫做Mountain bread?5知會5會係因為佢好薄,放便d人帶去行山,所以就叫做Mountain bread!
唉~今日5知想寫咩?轉左個blog,好似少左好多人睇同留言~攪到我都無咩動力去寫!

今日講咩好呢??...................................


小王子去完Camp返嚟o個日,我整哂佢話最"飛罰"嘅meal過小王子食。小王子見到開心得好緊要,我同小王子講﹣﹣"媽媽真係錫到你燶呀!"


小王子﹣﹣"吓?but我無burnt bor!"

唉~真係比佢吹脹!!!!!!!

每個小學生由3年級開始,澳洲教育署每年都要佢地考一個評分試(我都5知係米咁叫?)
總之就係全國考個統一嘅試,睇下你去到咩level?係高過你應該嘅level ar? or 低過你而家讀緊嘅level!如果你係住o係澳洲嘅Blog友,而你d小朋友又未讀到3年級,咁你就要留意na~因為好多學校會靠呢個試嚟界定你個小朋友嘅成ga!

呢個試有兩種﹣﹣ICAS 同 NAPLAN!

ICAS就係同星加波考埋同一張卷,but人地星加波讀3年錄就考澳洲4年級o個張。人人都話星加波讀書水平好高ga!我諗佢地o個種迫你讀書嘅程度,同HK有得揮ga!ICAS 就難過NAPLAN好多嘅,o拿~澳洲嘅Blog友留意na~~ICAS係有past paper賣ga!佢地分好多個subject 嘅﹣﹣grammar、reading、maths、spelling、computer、secince、writing..........ICAS  計分方法就係分區嘅~如果你係住o係Melb。,咁就係同全個VIC嘅同級學生比,Sydney嘅~就同NEW嘅同級學生比,我住ACT~就係同NEW & ACT所有同級嘅生學一齊比。比咩呢?
就係比你個小朋友究竟o係全個NEW & ACT 嘅頭幾多個﹪。好似小王子,
佢嘅英文就係o係全個NEW & ACT嘅同級學生嘅頭2﹪ o勒~

想買past paper 去呢度~

http://www.eaa.unsw.edu.au/about_icas

NAPLAN呢~就無past paper賣嘅,but可以上佢個網download份模擬試題嚟做!NAPLAN一樣係分好多5同科考,but就無ICAS分得咁多科。而且比ICAS淺好多!NAPLAN嘅計分方法就係同全國嘅同級學生比,睇下你係average ar 一或係高過你應該有嘅程度好多!

想知咩係NAPLAN就去呢度~

http://www.naplan.edu.au/

呢兩個試,小王子年年都有考,年年成績都好好ga!好似琴日小王子派NAPLAN成績,佢就係科科都係最高分﹣﹣則係高過5年級應該有嘅水平!ICAS佢今年都有考,but ICAS嘅成績要年尾至出,所以我而家都未知小王子今年考成點。其實我要感謝神ga!因為我自己讀書5叻ga~小王子爸爸就叻!佢o係HK o個時讀拔拔ga~我?米讀普通o個d學校仔law!(but尊出靚女嘅~hahahaha...)


老實講﹣小王子平時無讀書ga!淨係做功課同練琴都夠忙la~鬼有時間讀書咩?佢淨係時時睇書ga咋!所以小王子成績咁好,
我真係要感謝天父﹣

                                      ﹣因為佢無比小王子似我!


呢個video係上次小王子piano比賽嘅~呢場小王子驘左第一,我時時都想post上blog, but又日日都5記得左!人老o勒~唉~



2010年9月20日星期一

小兔甲蟲盒


我發現左一件事﹣﹣原來一個人4日5沖涼係5會死嘅~只會惡臭無比!
小王子慘變小乞衣!

星期5我一早就去左學校度等小王子架旅遊巴,諗住佢一落車就即
刻同佢返屋企度沖涼兼瞓覺。第一、二、三個o係旅遊車行落嚟嘅~係assistant哥哥,佢塊面紅pop pop,第二、第三個行落嚟嘅都係老師﹣﹣佢地塊面成個關公咁。跟住行落嚟嘅﹣﹣﹣係一隻隻燒乳豬!我5明點解佢地個個都5係哂黑,而係哂到紅pop pop。我見到有幾個鬼仔塊面,紅到好似流血面紅咁。
真係後悔無帶相機,5係就可以影比你地睇。我見到o個幾個塊面紅到流血嘅小朋友,老實講﹣﹣真係有d肉赤,如果係小王子嘅話,我好可能會即刻喊出嚟呀!不過鬼佬養仔﹣﹣點似得我地養得咁"驚貴"ar~佢地求其ga咋!我見過有個鬼佬o係老麥度喂個幾個月嘅BB飲汽水呀!o個d鬼佬同d細路出去食飯,永遠都係自己食餐﹣﹣d細路就淨食薯條!唉~有時我見到都覺得好sad!

oh!又越講越遠tim~講返小王子。好彩小王子落車嘅時候係面紅
紅,而5係血紅啫!不過.......無論係小王子個身,or 係小王子個口﹣﹣都係劇臭無比嘅!我真係有衝動5比佢上我架車呀!小王子話佢有good time 呀,玩得好開心。不過小王子話下次5再去喎~我問佢﹣﹣咩你5係玩得好開心咩?

小王子﹣﹣係呀!but next time要去6日ga,I don't think I can survive for that long !而且我係想去體驗下啫~我已經體驗過o勒!"

hahahahaha........


小王子話晚晚都比個同學叫醒,叫佢陪佢去廁所!重要係一晚去幾次。我話點解佢5搵第個陪佢去?小王子話因為無人肯彩佢喎~一講起小王子呢個同學我就把幾火ga na!佢d衰o野如果我話你地聽,我諗連你地都想打佢。But 因為今日要講Camp,所以佢d衰o野我遲兩日至講!

講返Camp,小王子話有好多小朋友喊﹣﹣因為掛住爸爸媽媽喎!我問小王子有無喊?佢話淨係夜晚o係張被裡面度流眼淚,無好似其他小朋友咁大喊喎!

小王子話有晚瞓覺,有個小朋友發惡夢﹣﹣比個o係澳洲好出名嘅(真有其人)連環殺手追殺喎~鬼仔A一路瞓,一路大叫﹣﹣"help!help!我求下你,千奇5好傷害我呀~"

嘈醒左鬼仔B,鬼仔B以為真係有人嚟襲擎佢地,嚇到死咁濟。於是鬼仔B就一拳打醒鬼仔C,然後同鬼仔C講﹣﹣
"發生咩事呀?我地係米比人襲擎呀?"嘩!!!!!!
呢班5應該叫做鬼仔A、B、C,應該叫佢地做低B仔A、B、C至o岩!

小王子一返嚟就同我講,面家佢食芥辣同青椒o勒~因為o係Camp度一定要食,所以佢而家都食o勒!
aiya~早知就寫定張list過學校,話佢地聽小王子重有咩係5食嘅~等佢地o係Camp度迫佢食la!真失冊!

今日呢個盒就係小王子話佢o係Camp度食過呢樣o野,覺得幾好食喎~咁我聽日即刻poke到去買la!老實講﹣﹣齋聽小王子講呢樣o野嘅材料,我已經打冷震。But又5係要我食,最緊要係小王子話食啫~呢樣o野裡面有咩

呢?就係用塊Mountain bread包住d cream cheese、tasty cheese同tomato sauce o勒~嘩!!!!!真係齋聽都覺得恐怖!比著係以前?我用刀行住小王子條頸,佢都5肯食la!

今個week我會錄"嘩box教室",今次教整公主蛋糕。我一早就應成左個Blog友要教佢整呢樣o野ga na~佢個女11月生日,真係無得再拖law!如果你都有個女就快生日嘅~就要留意o勒!因為我今次教你地整嘅蛋糕,係5洗用焗爐ga!整o野食5一定要有焗爐嘅~~~有就更係好la~咁如果無又點呢?
動下腦根就得o勒~




2010年9月17日星期五

朱古力雪芳蛋糕


小王子今日返嚟na~


之前有一日小王子同我講,佢嘅"飛罰" meal係炸魚、雞亦、薯蓉、成條嘅corn。今晚我就會整哂咁多樣野比小王子食,小王子o係Camp度捱左幾日,5方有好野食la~我要整多d野食等佢補返下至得na!


睇開小王子天地嘅blog友,一定知道小王子係個書蟲!


其實5應該話佢係書蟲,因為用書蟲呢個名嚟形容小王子,實左係5夠貼切。小王子應該叫"字蟲"至o岩!點解?因為小王子刨嘅~5單止係書,所有有字嘅野佢都刨。5係講小ga!就算係一張super嘅單,或者係茄汁樽後面o個張招紙﹣﹣只要係有字嘅~小王子都會刨!點解我會用個刨字,而5係用個睇字嚟形容呢?因為o個幾行字,普通地球人用幾秒就睇得哂。而小王子呢~佢就好似同緊o個幾行字照X-ray咁﹣﹣可以用一餐飯嘅時間嚟睇!你地想像下﹣﹣連張單佢都可以用刨嘅........你諗下佢係點睇書ga呢?小王子睇書就好快嘅~一般嚟講,半本黃頁咁厚嘅小說,佢一日就睇得哂。不過小王子會重複又重複咁睇本書好多次,有d書佢分分鐘重睇左廿次或以上。而呢個就係其中一個原因,我從來都5 o係圖書館度會書比小王子睇﹣﹣因為o係圖書館度借,要還,無得重睇ga!


小王子重有一樣野恐怖﹣﹣就係有po睇menu癮!如果我買件新玩具比小王子,佢第一件事就係攞本menu出嚟刨!無論係咩都好,小王子淨刨本menu都可以刨幾日。前幾年我同小王子返HK,小王子第一次去迪迪尼度玩,o個張迪迪尼地圖,小王子帶到返澳洲,刨左3個月。重同我講幾時幾時會有咩新world起好。




有時小王子刨到無o野好刨,就會走去我個書架度,攞我d食譜嚟刨。我最最最驚就係小王子刨我d食譜ga o勒~因為佢會一路刨,一路用book mark mark住要我整d咩。所以我一見到小王子搾住本食譜就腳都軟ga na!


而小王子爸爸一見到小王子搾住本食譜就會話﹣﹣"你咁樣媽媽會好驚ga!"


如果小王子話﹣﹣"媽媽!我同你一齊整ar!" 就重死!都話左小王子有po刨menu癮ga lor~佢直頭係當本食譜係menu,一路睇就一路同我講下一步要點整,查實就得我一個人整,佢就做"智多星"﹣﹣將我點嚟點去呀!


呢個朱容力雪芳蛋糕係之前整比小王子爸爸返工開party嘅~我第一次整朱容力味嘅雪芳蛋糕ga啫,我發現朱古力雪藏蛋糕比其他味嘅雪芳蛋糕,乾身好多ga喎!一或係我整得5好呢??我要整多一次至可以證實呢樣野。至於裝飾方面........hee hee hee係有d是旦嘅﹣﹣工司開party啫~5洗咁落本law!






2010年9月16日星期四

香蕉合桃蛋糕﹣Banana bread


Sorry呀~Blog友們!琴日我5小心set左5準留言,所以你地琴日留5到言呀!後來到晏就小王子爸爸問我係米尊登set咁嘅~我至知道咋!

星期二小王子去Camp o個陣,我淨係放低佢o係學校,無等到佢上旅遊巴。我記得小王子第一次去camp係三年級,兩日一夜ga啫~有床瞓嘅,5係今次呢種Wild Camp嚟。o個次我留o係學校度,等到小王子上埋旅遊巴至走,嘩~我好好好5捨得佢呀!差d喊出嚟咁濟,後來返到屋企,頂到晏就11點幾,真係喊左出嚟~因為好掛住小王子。所以今次我5送佢上巴士na~我好鬼眼淺ga!

小王子爸爸話佢好掛住小王子,其實我都係呀!時時諗﹣﹣"5知佢而家做緊咩呢?"

不過5知點解,無左王子嘅日子會長得咁緊要ga?一日好似變左有48小時咁。我平時係夜鬼嚟ga~真係晚晚一、兩點至瞓,呢兩日5知點解等極都等5到12點!嘩~間屋靜到呢~

5洗練琴真係好呀!其實...明明係小王子學琴ga之ma~因咩事我同小王子爸爸好似重辛苦過佢咁嘅?唉~諗下,諗下..早知就5好比

小王子學琴la!大家都5洗咁辛苦呀。呢兩嘅生活好似返返我同小王子爸爸未生小王子嘅時候咁呀,其實都幾嘆ga~鍾意去街去到幾點都得!鍾意幾時食飯又得!鍾意晚飯食咩又得!小王子o係度5得ga,佢要8點瞓,又要去學o野、又要練琴、又要做功課,小王子做咩都超慢ga~淨係食夜晚o個餐飯,次次小王子爸爸洗哂碗、執哂o野,小王子都未食完餐飯ga!所以我地日日嘅生活就係不停咁趕,趕做呢樣~趕做o個樣~好似要同時間賽跑咁ga!而且.........我好似有d強迫症咁嘅~樣樣都要跟足時間表做,6點一定要食飯、8點一家要瞓覺、幾點一定要返到屋企..........如果d o野一5同我個"時間表",我就會好5安樂,周身都5自左ga na!

呢個香蕉合桃蛋糕係我咁叫ga啫~呢度叫banana bread ga!but佢其實又5係面包嚟ga喎~不過呢度係咁叫,d鬼佬好鍾意食ga。上次我做狗(義工) o個陣,我日日都係賣哂呢樣野先ga!erm......佢又無蛋糕咁鬆,但係又5似面包咁乾身.......不過食嘅時候就係咁切到一片片,然後toast左佢,搽牛油嚟食嘅~我同小王子都5like ga!but小王子爸爸like bor~所以我親小王子5o係度就焗個比小王子爸爸做早餐law!




2010年9月15日星期三

Mrs. Kennedy生日蛋糕


上個禮拜有日,小王子放學同我講﹣﹣"媽媽!今日Mrs. Kennedy生日呀!"

我﹣﹣"係呀?咁你5早d講?可以送d野比佢ar ma~"

小王子﹣﹣“ 我都5知~"

(正路la~小王子真係咩都5知ga!十歲o勒~佢連自己屋企個電話号碼都5知,咁佢重有咩可能知老師今日生日至得ga?by the way,其實小王子連我同小王子爸爸幾時生日都5知ga!唉~)

我﹣﹣" 咁不如媽媽整do野比你聽日送比Mrs. Kenndey la,你想媽媽整cake or 整cookies?"

小王子﹣﹣" erm.........咁整cake la!"

我﹣﹣咁你想媽媽整咩cake?

攪左一輪~小王子最後決定要玫瑰蛋糕!

我﹣﹣"嘩~咁浪漫呀?"

小王子﹣﹣"點解呀?"

我﹣﹣" Rose ar ma~every girl都like rose ga la~要5要媽媽寫d咩字上去呀?"

小王子﹣﹣"媽媽!你千其5好寫字上去呀~5係Mrs. Kennedy 會以為我想向佢propose ga!"

我﹣﹣"咁好la~我寫I LOVE YOU la!"

小王子﹣﹣"5好呀媽媽!佢會以為我fall in love with佢ga!"

我﹣﹣"咁好la~我寫I HATE YOU la!"

小王子﹣﹣"NO~~~~~~~媽媽!I HAVE no any feeling with her呀!"

我﹣﹣"O~K~咁寫I have no feeling with you but happy birthday la~"

小王子﹣﹣"媽媽呀~~~~~~~~~~~~~~~~~~~"

我﹣﹣"hahahahahaha......."

o個晚,我整左呢個玫瑰蛋糕比小王子攞返學,送比班主任。

小王子放學同我講~Mrs. Kennedy 今日好sad,因為佢媽媽就快die,佢講比佢地聽o個時重喊tim!小王子話佢見到Mrs. Kennedy 喊,就去攬住佢~跟住其他小朋友都一齊攬住老師。小王子話雖然Mrs. Kennedy 好sad,但係佢送個蛋糕比佢,make佢有小小開心。

小王子個班主任都老老地ga,所以佢地o個班重有一個assistant,係help Mrs. Kennedy 嘅~

小王子話o係第二個break嘅時候,assistant去攞個蛋糕切比所有小朋友一齊share。

咁個assistant就問小王子﹣﹣"你個cake放左o係邊ga?"

小王子﹣﹣"o係staff room個雪櫃度,the cake is in the white box!"

於是阿assistant哥就去左教員室度,重切埋成個cake至攞落嚟

小王子見到個cake好奇怪~~~"點解5同今朝我帶返嚟o個個嘅?"

於是阿assistant哥就同小王子講﹣﹣"呢個5係你個cake咩?"

小王子﹣﹣" erm......I am afraid not!"

其他小朋友係朝早已經見過個cake,知道係玫瑰蛋糕。

有個小朋友食左件cake一啖就話﹣﹣"thats why it taste just like Tiramisu!"

assistant哥哥﹣﹣"吓?你又話in the white box度嘅?"

小王子﹣﹣" I mean~in the big white box,5係呢個small white box呀!"

assistant哥哥﹣﹣".............................呢~個~係校長ga!"

即時全場靜哂...........

然後..........

全場大爆笑!

assistant哥哥見個cake都已經比佢切到碎咁濟,重分埋嚟食tim!

於是佢話﹣﹣"erm.....咁5緊要la~我地照食la咁!"

o個班o野重即刻講﹣﹣"等間比校長見到你切左佢個cake,就會話﹣﹣"You're fire!" hahahaha............"

成班o野笑到停5到!

最後佢地食哂校長o個個Tiramisu,再食埋我呢個玫瑰蛋糕o勒~








2010年9月13日星期一

麥當當盒~

5知你地有無留意我新blog首頁小王子爸爸寫嘅告示?


http://www.babyprinceworld.com/

小王子爸爸幚我加左個discussion forum。如果你o係度地注冊左,就可以好似o係fb咁﹣﹣大家一齊傾計o勒~其實我琴日朝先見到小至子爸爸o個段告示。佢話我地可以o係個discussion forum度討論下﹣﹣


究竟係金賢重靚仔d定係林峰靚仔d喎!


我一睇到呢句,真係不吐不快。所以要o係呢度提一提﹣﹣


重洗問嘅?更係金賢重la~


天呀!我今晚要睇第4次"惡作劇之吻"第二同第三集!~




近來我發現﹣﹣原來我有好多Blog友係小朋友嚟!所以我諗﹣﹣以後我o係度講野要C文d na!費事教壞d小Blog友ma~重有就係我盡量~真係盡量~5寫咁多白字。因為我見到有d小blog友留言比我寫錯字呀!我怕佢地睇得我個blog多,害C佢地呀~


小王子聽日就去Camp na~唉~好鬼死擔心呀!其一係小王子25/9要考Cello演奏級,老師講明考試局5鍾意咁細個去考咁高嘅級數,所以一定會對小王子特別嚴格,就算拉得好都未必考到!如果考到就真係對year 7 o個個獎學金有好大影晌na。偏偏小王子要o係呢個時候去Camp,好驚佢會整親隻手,考5到試law!唉~


另一個不因為上個禮拜係3年級去Camp,但係佢地全部成百人o係個camp site度染左病毒,缺水缺得好快,又嘔又瀉。要提早一日返嚟,去哂醫院。好驚呀~~~~~~~~


終於..............


星期六我去買左件"Water Proof "嘅雨褸過小王子﹣﹣AU$59.95!


好貴?


OK la~呢度跟本就咩都貴ga la!你估係HK咩?如果我o係hk,肯定可以大打斧頭law!hahahahaha............


小王子琴晚話隔離班有個小朋友5記得交返張回條,所以無得去Camp!


嘩~咩5交就5洗去ga咩?唓~咁5早講?早知我都5交la!


我同小王子講﹣﹣不如你將個位賣左比o個個同學仔la~500蚊喎!!!!我地可以去買個新出嘅DS,重有錢淨~


小王子話﹣﹣"重可以買埋bakugan tim bor!"


我﹣﹣"係呀!係呀!"


小王子﹣﹣"咁d o野點呀?我地買哂la bor!!"


我﹣﹣"o拿~返去同佢講其他野收佢8折!hahahaha........"


小王子爸爸﹣﹣"係呀!同佢講比800蚊就可以擁有價值超過1000蚊嘅o野na!"


我﹣﹣"係呀!你攞住500蚊去玩具反斗城,應該無野買5到law!~hahahaha....."


咁我同小王子爸爸就更係講笑la~邊樹會有得賣個位ar?就算有,小王子肯至奇!聽日至去Camp啫~小王子已經興奮到形容5到,我睇.....佢今晚應該5洗瞓。Anyway,希望小王子會有個安全、健康又開心嘅旅程la~

5知老麥會5會比個獎我呢?我幚佢賣廣告喎~我真係覺得o個包薯條係為肖為妙ga!hahahaha.........個芝士漢堡又夠攪野law,加埋o個幾塊炸雞寶.....


我決定要去問老麥收返錢至得!












2010年9月10日星期五

玫瑰雪芳蛋糕(order)


琴日我講到"最高貴學府"請嚟Mr.屈,為我地呢班水魚家長講解Wild Camp嘅裝備。即時得到你地好大嘅回晌。


BUT


親愛嘅Blog友們!其實你地5洗咁大反應,因為我都重未講到o個個價值AU$99嘅電筒、AU$25襪 同o個件幾舊水嘅雨褸、重有個背囊、個哨子、個.............!


話說阿Mr.屈為眾水魚講解Camping嘅裝備,其中一樣就係電筒o勒~咁當然~~~


o拿!千其5好買新ga!


Mr. 屈話﹣﹣"呢個cool o係頭嘅電筒又真係好好ga,你知la~到時佢地會有好多野拎ga ma~邊有手攞電筒至得ga?所以呢種cool o係頭度嘅電筒就最o岩ga o勒~but千其5好尊登去買新bor!"




大佬呀!家下去Camp啫~又5係去開鑛,洗5洗用到cool頭嘅電筒咁大陣像呀?


我去o急過,成慰AU$99呀!


最後我都係o係super度買左個5雞野嘅電筒過小王子啫!hahahahaha...




琴日學校要d小朋友帶哂d野返學,等佢地check。之前我cheap cheap咁用廿皮買o個件"雨褸"比小王子,老師話5得喎!


佢話﹣呢件野係" water resistance",5係"water proof" ~


咁我又去o急下d"water proof" 雨褸la~嘩!!!AU$499?5係哇?轉過灣~咿?呢件平d喎......AU$399??????


搶咩?


明明係大陸做嘅~淘寶分分鐘賣HK$50餅有找la~AU$499!!!!


星期二去na~我重有好多野都未買呀!我係死都5會買$499、AU$399 or AU$199。AU$50餅我就買!


不過咁~Mr.屈都算有良心ga o勒,知我地身為水魚皮費大,所以每人醒左張8折卡過我地ga!不過AU$499﹣﹣8折都死la~


佢話o個件AU$140幾嘅Thermal底衫,我AU$45 兩件就買到na~比張8折卡都無用,佢講o個間野點止貴人地8折至得ga!


呢個玫瑰雪芳蛋糕係人地訂嘅~嘩!我就快整雪芳蛋糕整到嘔na~點解d人5訂其他cake ga!再咁攪法,我就快變成雪芳達人ga na。本呢個cake嘅時候,我真係完全無靈感點裝飾,最後攪下攪下....就變成咁o勒。