得意年果

小王子放緊暑假，"嘩！Box"就無gar na，不過"嘩！Box教室" 就會照出嘅。
查實我呢排好忙呀～我好似未同你地講今年我將會出版我人生第一本食譜。o係呢本食譜度我除左會同你地分享一d我的最愛食譜之外（例如.南瓜芝士餅、豆腐雪芳蛋糕、榴槤蛋糕........），我重會同你地分享蛋糕裝飾嘅心得同秘決，教埋你點做糖花、朱古力花。重有點樣可以用最間單嘅方法去做一d食得嘅花去裝飾蛋糕，包連5歲嘅細路仔都識做，但係出到嚟個樣一樣靚到嚇死人嘅。

今次連結婚蛋糕都會教埋你地做，究竟幾層高嘅蛋糕係點整gar呢？點樣包糖皮，點樣插糖花.....全部都教哂你地。重有好多曲奇、cup cake同超少甜嘅cake pops食譜，如果你地對做西餅有興趣，又想做d好似我做嘅西餅咁靚嘅話，就一定5好錯過na。
喂！喂！喂！你地o係度又食又拎左咁耐，都係時候倒嘔返d出嚟比我na。hahaha........

記得到時去書局度買番本na，米淨係企o係book shop度刨完就算ar下～5係我本書濟消影響我心情，咁我心情5好就無靈感，無靈感就諗5到o野教你地，咁你地無野學就無得整o野o係人地面前懶得戚，無得整o野o係人地面前懶得戚嚟講又影晌返你地自己個心情.....嘩～真係大家都無so gar！hahahaha.......

好o勒～話歸正傳先下。
今日我教你地做"得意年果"，查實我本人嚟講呢就5食乾果嘅，不過之前有日華仔同我講話HK好興用Chocolate coat 嘅乾果嚟擺全盒，重話有d地方賣到貴一貴，叫我不如下次"嘩！Box教室"教做Chocolate coat乾果喎。

咁橫掂我未諗到下次"嘩！Box教室"教你地做咩好喎，於是米決定教你地做呢樣o野law。之但係我小王子媽媽o係度教得你地嘅，點會淨係用塊乾果dip朱古力咁間單至得gar？更係要攪下o野，硬係要攪到好似好勁咁，但係查實又易做到嘔喎～因為呢個至係我地做C9嘅最高層次ar ma，所以話啫～我地d C9過新年都可以攪到好高貴咁，5係下下都係瓜子、糖仔咁"寡"嘅。

P.S. Video教學o係相下面，碌落d la～Sorry！今次個Video可能影得無咁靚，因為我影o個時已經係夜晚十一、二點na～

材料：
乾果 適量
黑／白克力    適量
提子乾
Candy colour／巧克力專用色素

溫馨提示：
1. 杏脯動物頭我coat左兩層chocolate，其他我只係coat左一層啫～
2. 如果係用竹籤插住嚟風乾巧克力，到最後只要輕輕轉動竹籤就可以輕易把竹籤攞出嚟。
3. 如果你5鍾意竹籤攞出嚟之後有個hole o係度，只要用少少chocolate dip落個hole度就得o勒～

皇冠糖皮蛋糕

5知你地有無發現～Yahoo個mail壞左呢？
我一嬲都會盡回應你地o係度呢留言嘅，不過由今年10月25号開始～yahoo個mail就壞左o勒，所以我要靠記憶去點你地嘅留言，有時要好耐之後咁o岩見到至回應到。由其係o個d我已經回應過，但係你又再回返我回應o個d留言，嘩！我真係收5到gar～
重有係o個d留言o係舊文度嘅blog 友，如果o個日留言一多～就會將你個留言推左上去，咁我就睇5到gar na。
所以如果你地留過言比我而我又無回應你gar呢～要見諒na！
P.S.
好似次前有人話想send張相比我睇，問我攞email。我真係搵極都搵5到係o係邊度嘅留言，所以如果o個個係你嘅話﹣﹣＞請蒲頭！
上個禮拜post左個小公主蛋糕，都話重有個係小王子爸爸gar lor～
o拿！今日post na。
雖然我同小王子爸爸一齊成廿年，之但係我又真係第一次為小王子爸爸做生日蛋糕ga咋～！點解？因為小王子爸爸係12月中生日嘅，而好多時候呢段時間我都返左HK，一係就一齊返，一係就我自己同小王子返。所以有好多年小王子爸爸嘅生日我都5係同佢o係一齊過gar！
而且.......erm.......查實......我好多時都5記得小王子爸爸生日gar。

咩啫？咩喎？我又5係尊登嘅～而且我連結婚週年都5記得la，講乜鬼生日喎！

加上小王子爸爸其實好慳gar，不過係對自己啫，對我同小王子就好闊佬嘅～而且小王子爸爸真係好錫我，所以次次我話不如做個cake比你la～or 問你想食d咩我整比你食......小王子爸爸都話NO！NO！NO！gar。

我知小王子爸爸係5想洗錢同費事要我攪咁多o野，所以每次小王子爸爸嘅生日都過得好平淡。有時我諗.....
    "如果比著我咁過生日，我一定會好5開心gar！"
所以話law～女人真係好小器gar！hahahaha........

雖然o係我做呢個蛋糕之前，我真係無諗過要點裝飾，之但係有一個慨念就不停咁圍住我個腦轉﹣﹣﹣就係King o勒！

因為小王子爸爸係我心中嘅皇、係小王子嘅皇、係我地屋企嘅皇。所以我尊登做左個皇冠放o係個蛋糕上面，hahaha...係米好sweet～sweet～先？
而且個蛋糕上面嘅糖皮張張都真係薄過張紙gar，係米好靚先？

小公主糖皮蛋糕

有時我覺得好奇怪？點解咁多奇怪事圍住我發生gar呢？
今次單o野係咁嘅～
話說我身體有d問題，所以前o個排我去左做ultrasound。個結果係原來我o係某部位生左個瘤，初初知道個心真係好驚下，諗住小王子重咁細咁點算好呢？
於是我同小王子爸爸決定要去睇專科。o係呢度睇專科5似HK咁方便，o係呢度要睇左普通科然後攞張轉介信至可以去book專科醫生。以前o係Canberra重慘～o係Canberra度睇專科閒閒地要book一年半載，即係話若果你真係有大病嘅話，分分鐘做左鬼都未輪得到你睇。
o係Sydney好好多～原來o係Sydney度睇專科book一、兩個禮拜就有得睇。我book左o個個係o係呢度好出名嘅癌症專家，好多人都話佢好好gar，於是小王子爸爸就幚我book左佢o勒～

o係澳洲睇專科貴到嘔gar，睇一次要二、三百﹣﹣＞澳幣呀！而～奇趣嘅事就係咁發生o勒........

終於到左我睇專科嘅日子.........
咁o個三舊水小王子爸爸早就預備左o係袋度，入到去醫生話個瘤係涼性～but要我入醫院5知驗d咩咩咩！！！！
點解我會話"5知要驗咩咩咩呢？"
因為Dr. 專醫生應該要同我解釋究竟我要化驗d咩同成個程序會係點做，之但係以上呢堆o野佢係一d都無同我講過，反而.......

Dr.專﹣﹣"阿XXX係你個G.P.呀？"
我﹣﹣"er......其真我係睇左佢兩次gar咋～因為要佢寫轉介信ar ma。"
Dr.專即時望住我....

我﹣﹣"因為我地o岩o岩由Canberra度搬嚟ar ma，所以無family Doctor law"
Dr.專﹣﹣"o我～你地o係Canberra搬嚟gar？咁搬左嚟幾耐呀？"
小王子爸爸﹣﹣"今年年頭搬嚟gar。"
我﹣﹣"係呀！個仔嚟讀書ar ma，所以米搬嚟law！"
Dr.專﹣﹣"o我～個仔讀幾年級ar咁？大學呀？"
我﹣﹣"吓？5係～讀中一咋。"

Dr.專﹣﹣"係？咁乖5乖呀？"
我﹣﹣"乖gar～佢攞獎學金嚟讀gar。"

Dr.專﹣﹣"咁佢第時想做咩呀？"
我笑住咁呼顯佢話﹣﹣"5知呀！佢話音樂家喎～"

Dr.專﹣﹣"係？玩咩樂器呀咁？"
我ee o我o我-ing﹣﹣"piano、cello同harp呀～"
跟住阿Dr.專就開始話﹣﹣"我都識拉cello gar，我而家o係5知咩咩咩醫生咩咩咩樂團度都有拉gar........我重玩古典結他gar，我日日都有彈gar........"
我開始支吾以對，心諗你d o野關我叉事咩？家下我嚟睇醫生gar喎？

Dr.專重繼續﹣﹣".......我以前都係諗住做音樂家gar....我個女就玩咩咩咩嘅......佢o係雪梨音樂學院度讀gar....佢......出年佢去XXX名校度教呀..........o個時人地比個獎學金佢去Canberra度讀佢都5去呀........"
我雙眼開始放空，心諗5明佢個女嘅人生究竟同我個瘤有咩關係？？？
Dr.專﹣﹣"........o個時人地叫佢去做演奏家gar，but佢自己5想之ma.........我個女重o係church度做好多o野gar..........又去做短宣呀咁gar........（省下一萬字）"
我心諗....
"唓～家下我又5係同你個女對親家，你up佢幾乖比我聽係完全無point gar喎！！！"

當我行出疹所o個陣我5單只雙眼放空，連個腦都放空埋～
究竟我要入醫院驗咩呢？
又要入幾耐呢？
個程序又究竟係點gar呢？
？？？？？？
o係呢十幾二十分鐘裡面，我淨係get到佢好似話我個瘤係良性～同埋阿Dr.專個女o係未來一年嘅動向。

上車o個陣我同小王子爸爸講﹣﹣＞
"喂！頭先o個廿分鐘明明係我買左佢gar喎～o個段時間係我gar喎～係都係應該佢聽我吹我個仔la，有咩理由要我比錢聽佢吹佢個女呀？"

小王子爸爸﹣﹣" hahahahaha......."

究竟家下d人係米傻gar啫？？一話其實全銀河系裡面o係得我一個係傻gar呢？？？
呢個蛋糕係我上個禮拜做嘅。因為上個禮拜我教會小組開Party，咁o岩小王子爸爸同另一個組員個女都係過兩日生日，所以佢地話要順便同佢地興祝埋咁話喎～
所以o個日查實我做左兩個蛋糕，呢個係做比o個個細路女嘅～佢發達o勒，因為我好少咁好人gar law！hahaha.....至於小王子爸爸o個個我下個禮拜至post比你地睇下～

聖誕mini薑餅屋（嘩！Box教室）

好o勒～好o勒～上次講到小王子要去打網球比賽，最後到底點呢？小王子究竟又會輸得幾～肉酸呢？

一或比佢"乎碌"驘左，成功保住佢o係其他人心目中"天才"形像呢？
最後..........

都話天父愛小王子gar la～可能天父一早知道呢單o野實左5只係普通肉酸咁間單，小王子落場打網球比賽，個場面肉酸到連天父都不忍呀～～～
所以..........
到最後..........
天父安排..........
落！大！雨！
運動會取消！
Wah hahahaha.........

o拿～天父果然有遠見，明知若果小王子落場打，場面分分鐘肉酸到慘不忍睹。而且又要顧及小王子o係其他人面前嘅個人形像，又5想小王子let得個House 太DOWN，又怕小王子太自悲喎.......

於是天父安排o個日落大雨！
嘩！天父勁呀～
                          雙驘呀！

好o勒～好o勒～
今日又教你地做d得意o野，就係聖誕mini薑餅屋o勒～老實講我都係o係第度睇返嚟gar啫！原本我諗住教你地用買返嚟嘅威化餅研大薑餅屋嘅，不過我自己研完之後發現﹣﹣＞
               靚就靚o勒～不過好似難d喎！
於是我就諗起之前見過呢個mini薑餅屋o勒～
呢個薑餅屋可以插o係個標邊度，咁就可以一路飲咖啡，一路食薑餅。不過就算5用嚟插杯，一間間排好放o係個大碟度，用嚟做party嘅小食都好正gar！

溫馨提示：
1. 薑餅屋度門嘅大細係視乎你隻杯嘅厚度嘅，所以5好懶，一定要試做一個先，睇下你隻杯係要用邊個size嘅門。

2. 5一定要用icing嚟痴間薑餅屋嘅，可以用溶朱古力嚟痴都得。
做好嘅薑餅粉糰係好軟身嘅，我提議o係入袋之後將粉糰放入雪櫃（平時放牛油o個格），雪一個鐘倒就攞出嚟，用兩張烘焙紙夾住嚟roll，roll至2﹣3mm厚，然後成塊薑餅皮同連烘焙紙一齊放o係個焗盤度，再放入冰箱（放雪糕o個格）度雪，今次要雪到成塊薑餅皮硬哂至好攞出嚟cut形。

3. cut形o個時盡量快手d，如果發現塊薑餅皮開始軟，就要再放返入個冰箱度再雪。

4. cut好嘅薑餅形要放o係焗盤度排好，然後成盤放入冰箱度雪硬，最後再成盤放入焗爐度焗。咁樣會令薑餅形焗好之後5會發得太多，因為如果薑餅發得太多，到要痴埋成屋形o個時就會比較困難o勒～

5. 焗好嘅薑餅形，如果發得太多or薑餅形個門口位變得好窄嘅話，就o係薑餅出爐o個時即刻用刀將薑餅修切，呢個動作一定要o親熱做，因為d薑餅一凍就會硬左，咁一必就會碎gar o勒～
P.S.粉糰可以前一兩日做好放入雪櫃度雪，預先做起嘅薑餅粉糰焗起反而無發得咁起，間屋會易研d tim bor～


薑餅粉糰材料：
自發粉  1／4杯
面粉  2杯
黃糖  50g
糖漿 85g
baking soda 1茶匙
薑粉（ground ginger)  1湯匙
牛油  125g
蛋  1



Icing有兩重，一係用真正嘅蛋白整，一係用蛋白粉嚟做。

Icing溫馨提示：
1. icing裡面嘅檸檬就係令到icing乾左之後變得好硬嘅關建，所以5好5落檸檬汁呀！

2. icing一接觸到空氣就會好易變硬，所以做好嘅icing要用濕布蓋好，再用保鮮紙cover住佢。

3. 如果發現icing有小小出水，就用匙大力攪動幾下或用打蛋器再攪就ok。

4. 如果發現icing有太杰身，可以放幾滴水落去再攪幾下。（記得係遂滴水嚟咁加呀～因為小小水就會令到icing好希gar na）

5. 若然發現d icing太希嘅話，就放多小小糖粉再攪均就OK o勒～

6. 用嚟痴薑餅屋嘅icing我提議可以杰身小小，咁樣個薑餅屋會易痴d。

7. 如果覺得d icing用嚟做裝飾時，gi完太快乾痴5到彩糖，就可以加幾滴水落icing度，等佢希身小小o勒～
蛋白icing 材料：
新鮮蛋白 1隻
糖粉 225g
檸檬汁 1茶匙

做法～
糖粉用篩過清除大粒，將所有材料一齊用打蛋器打5分鐘至杰身就ok。

蛋白粉icing材料：
Meringue Powder  1湯匙
糖粉  500g
水  75ml
檸檬汁

做法～
糖粉用篩過清除大粒，將Mergine Powder用水攪均，再將所有材料用打蛋器打5分鐘至杰身。

mini薑餅屋嘅圖樣o係呢度﹣﹣＞mini薑餅屋圖樣（記得每個圖樣要cut兩塊呀！

P.S. 教學video o係相下面，碌落d la～