龍貓盒

光陰似箭，今年又到左小王子學校去Camp嘅時候o勒～今年又係去返舊年去o個度，上次小王子去完返嚟，已經話出年死都5會再去。點解？
因為小王子最最最怕污"Jo"，小王子話個Camp site嘅廁所係污"Jo"到得人驚嘅，最慘係上次去4日Camp，小王子要付責洗兩日廁所，認真玩o野law！我覺得咁多小朋友一齊去Camp，又去得o個4日，有咩理由小王子要付責洗兩日廁所至得gar？我5係話自己個仔5做得呢d o野，but又話係體驗生活、要學獨立嘅？咩其他人5洗學咩？點解淨得小王子一個要學先？有d 5係幾fair law！當然～呢樣o野我係心諗啫，我係5會同小王子講嘅～


前日Mr.屈又開Camp前講坐，重有咩講啫？更係叫家長買呢買路ga la～咁好似我呢d咁"盡責"嘅媽媽，就更係例必出值ga ma，係米先？hahahaha.....
o係個講坐度我見到另一個Chinese 家長，呢～佢個仔由一年級到六年級都無高過o個個哈比人呢～咁我同佢講.....


我﹣﹣"我個仔5去Camp呀！"
哈比媽﹣﹣"吓？咁你嚟做咩呀？"
我﹣﹣"咁人地又未話可以比佢5去，我更係要嚟la！我個仔話o個度好污"Jo"，5肯去呀！"
哈比媽﹣﹣"我個仔又係咁講呀！佢話個廁所好污"Jo"，死都5肯去，攪到返到嚟痾5出，重攪到出血tim呀！"
我﹣﹣"係呀～係呀～我個仔又係咁講呀！不過佢話知道遠d o個度有個廁所乾淨d，所以死都忍到去到o個度先至肯去呀！"
哈比媽﹣﹣"咁你個仔乖na～我個仔就死都5肯去，情願忍呀！"
我﹣﹣"唉～4日5沖涼，係d鬼至得ga啫！我地d中國人真係頂5順咁污"Jo"ga law！"


之後得同小王子講哈比人呢單o野，小王子話佢d同學都傻嘅，老師話會4日無涼沖，佢地竟然話好o野喎？


今朝我問雞泡魚，個Camp site嘅廁所係米真係好污"Jo"，心諗會5會係小王子"嚴占"咋？雞泡魚係印度人，應該無咁怕污"Jo"掛？點知....


雞泡魚﹣﹣"係呀！個廁所簡直係恐怖呀～"
我﹣﹣"重污"Jo"過印度d廁所？"
雞泡魚﹣﹣"更係la～污"Jo"過印度o個d多多聲呀！"
我﹣﹣"吓？真係呀？咁你點呀？"
雞泡魚﹣﹣"我都無用過個廁所，我o係草堆度攪掂咋！"
小王子﹣﹣"係呀！係呀！我都有o係草堆呀～"
我﹣﹣"吓？你都有？咁點抺呀？你～無～抺～呀？"
小王子﹣﹣"有～"
我﹣﹣"有？點抺呀？d廁紙點呀？"
小王子﹣﹣"我挖個窿放落去law！廁紙係可以分解，所以咁做係環保ga！"
我﹣﹣"吓！！！咁～你～用～咩～嚟挖個窿呀"
小王子﹣﹣"鏟law！"
我﹣﹣"咁你o係邊度搵個鏟嚟呢？"
小王子﹣﹣"問人借law！"
我﹣﹣".........."


唉～為左小王子可以5洗去Camp呢單o野，攪到我同小王子爸爸諗爆個頭，5知用d咩借口同學校講，等小王子5洗去Camp，終於小王子爸爸話安排小王子o個個week表演，同學校講話5去得Camp law！點知琴日email一出，副校長即刻要詔見我，
我心諗﹣﹣
"學校5係要老屈我交o個5舊水Camp錢哇？"
我同小王子爸爸講﹣﹣
"呢單o野你攪掂去呀下～"

好狗盒

一直都有好多人問我，究竟幾時同點樣教小王子認字同睇書。
 老實講～雖然我係由細就陪養小王子睇書嘅習慣，但係到最後小王子可以認到咁多字，最重要都係要靠小王子自己嘅，但係我可以o係度同你地分享下，我究竟係點樣陪養小王子睇書嘅習慣。
其實小朋友好細個就可以開始教佢地睇書ga na，不過能5能夠成功呢～就因人而異o勒！因為性格係生成嘅，個小朋友係好動定好靜，真係5係父母可以控制。好似耐性同集中力呢d o野，我地做父母嘅，淨係可以引導，係5可以更硬嚟，因為有d小朋友嘅集中力，真係比較弱嘅。不過就算你真係有個無咩耐性嘅小朋友都5好灰心，無錯你係會比其他人教得辛苦d，但係我一直都認為我地做父母嘅責任，就係要扶助我地嘅寶貝，將佢地嘅長處發揮到極點，而佢地嘅短處呢，就要幚佢地將佢降至最底，盡量5好比佢地嘅短處成為佢地嘅絆腳石。呢個就係我一直嘅座右銘。


小朋友細嘅時候，可以試下比個波仔佢自己搾住，叫佢將個波仔拋上去、然後接住，呢個過程小朋友對眼要望實個波，拋上去望上，到個波跌落嚟對眼就要跟住個波望返落嚟。總之要將個視線跟實個波。點解要咁？呢個練習係訓練小朋友閱讀嘅時候，對眼可以一行行跟住d字嚟睇，5好睇小呢個練習，對小朋友嚟講，要對眼跟住一行一行字嚟睇係一d都5容易ga！有d做5到呢樣o野嘅小朋友，睇小說都要用把簡尺一行一行咁簡住嚟睇ga！


小王子由兩三個月大開始，我就晚晚都講故事比佢聽ga o勒，咁當然佢o個時5識聽la～但係我就係想佢有聽故事呢個習慣，所以好細個就開始講故事佢聽。


初初開始教小朋友睇書，最好揀d好少字，頁頁都係寫差5多嘅字嘅嘅書，eg，I am a boy、I am a girl、I am a dog........頁頁都係咁嘅～
o拿！呢d書頁頁都係得一個字5同嘅，其他字都係一樣，而o個個5同嘅字﹣﹣＞eg. girl、boy、dog呢～就係o係o個頁度有個女仔呀～男仔呀～狗呀咁嘅圖畫，咁小朋友就會因為頁頁都有"I am a"呢幾個重復嘅字而記得呢幾個生字，而girl、boy、dog呢d5同嘅字呢～就會因為佢隔離o個個圖畫而令小朋友學識呢幾個字。
不過初初教小朋友認字，最 最 最緊要係你一路讀比佢聽，就要一路用隻手指指住d字嚟讀，咁小朋友至會知就你讀o個個發音係邊個字，同埋佢地至會有reading係由左至右，同由上至下咁讀嘅concept ga！到你讀完就可以一隻隻字咁指住比佢地自己上下讀。之後o個兩年你都要佢一路讀、一路用自己隻手指仔指住d字，道理係一樣，除左可以令佢地知道reading係由左至右，同由上至下咁讀之外，就係可以令佢地記得個字形同呢個字形究竟係點發音嘅！
5好心急！初初學睇呢d咁淺嘅書個過程係會好耐ga，5係一兩個月就可以換深d嘅書比佢地睇ga！佢地要睇呢d咁淺嘅書睇到熟到嘔至可以換深dd咁多嘅書佢地睇ga！
當然你講故事比佢聽o個時就5洗咁用手指住d字比佢睇la～不過每晚至少要同佢一齊用呢個方法讀一本書。初初學係會學得好慢嘅，不過5好灰心，因為當佢地一學識左呢個模式同道理，就會突然間進步得好快ga na～


要陪養小朋友鍾意睇書重有一個方法，就係買d講有關小朋友愛好嘅書o勒～好似小王子細個好鍾意車，我就見竟親車嘅故事書都買比佢睇，o個時小王子真係差不多成個書架都係車車書嚟ga！佢鍾意車自然就會想睇，就算o個時小王子未識睇字，佢都會打開本圖畫書嚟睇d圖畫，自然地，小王子又會好好奇本書架車車究竟發生左d咩事呢？初頭係會要你講ga，不過整整下佢地就會想自己學識睇ga na。呢個方法我教過我一個舊同學，佢都話work喎！而家佢個仔6歲，一樣都好鍾意睇書啫～


除左買d投其所好嘅書之外，o個時我會買d有書跟埋嘅故事CD比小王子（兩三歲開始），小王子坐親車我就會播張CD，而本故事書就會比小王子搾住睇，呢類形嘅CD故事書，好多都會o係要轉第頁o個時出d特別嘅聲，例如貓叫呀咁，係提小朋友而家講到第頁na，要揭第頁na。當然本故仔書咁多字，o個時小王子睇5明，但係本書有圖畫，又有貓叫聲要你自己揭第頁，呢個其實已經係一個互動嘅形式，張CD聽完又聽，整整下小王子直頭可以一字不漏咁背左個故事出嚟，佢一路睇住d字、一路聽住個故仔、重要識背喎～o拿！咁樣佢會學到d字ga na。


重有就係由小王子好細個o個時，我每日都要小王子分一d時間，自己o係房度睇書，o個時我時時都會問小王子﹣﹣＞"你今日睇左書未呀？"
我想小王子明白，睇書係好似刷牙、洗面咁，係日日都必做嘅事，整整下佢就會習慣每日都要有睇書嘅時間。o個時就算小王子未識字，佢都會o係房度揭開本書嚟睇圖畫，所以5係一定要識字至可以睇書ga！



講返今日個"嘩Box"先下～除左有雜菜飯之外，我今朝重整左小王子最愛嘅焗黑椒雞軟骨，自從上次小王子o係HK度食過雞軟骨之後，簡直直係即時愛上左呢樣o野呀！所以我而家久5久都會本雞軟朋比小王子食ga！

貓貓盒

有睇開小王子天地嘅Blog 友一定知道小王子係個書蟲。小王子從來都5會放過任何可將用嚟刨書嘅機會，無論係擦牙、一或係食飯，總之任何可以睇書，就算係一分鐘都好，小王子都會攞住本書係咁刨。小王子一嬲o係學校都係乖學生，但係每年小王子嘅班主任都話，小王子最難攪就係一日睇書，一打開本書就十問9 5應，重要叫十聲至肯放底本書嘅。
上個禮拜小王子同我講，原來佢今年個班主任成日都會同佢講﹣﹣
 "Put down that book！"
小王子話而家人全班同學一聽見個班主任話﹣﹣"Put down that book！"，就知道老師話o個個一定係小王子嚟。


o拿！又有攪笑o野o勒~
話說小王子個個week都要默書嘅，erm.....通常都係默d又長又"浸"嘅生字嘅，d生字前一個禮拜就已經比左你ga o勒。久5久會默一大段o野嘅～但係呢d就無得讀ga na，係特擎嘅。咁小王子一嬲英文都好好ga ma，佢識嘅生字多到呢～之前老師要每個小朋友用本簿，將自己遇到5識嘅生字記低，過左一排小王子同個老師講﹣﹣
"我真係遇5到有生字係5識，我真係搵5到生字寫落去本簿度呀！"
於是老師話﹣﹣"等我搵本深d嘅字典比你！"
所以默書對小王子嚟講係一嬲都5洗讀，兼夾次次都100分嘅。


但係你地都知道，5理你識一或係5識，老師同小朋友默書就更係將要默嘅o野，重復又重復咁讀出嚟gar ma，等d小朋友可以諗下同記下個寫點串ma～係米？
但係小王子o係老師讀第一次嘅時候就已經串好寫底，所以o係老師之後重復讀o個十次8次，小王子係無o野做嘅。就o係呢個時候小王子竟然........
竟然........
竟然間小王子又攞本書出嚟刨！
老師就更係知小王子係識哂d字點默，無o野做所以攞本書出嚟刨，而5係出貓！但係小王子咁真係比佢吹到脹！
終於有次，老師頂小王子5順，默默下書大叫﹣﹣  ＞
"Put down that book！你知5知咁樣可以出貓gar？"
小王子話本來人人都o係度默緊書嘅～但係個個一聽見老師嗌﹣﹣＞
"Put down that book！"
所有人都停哂手，然後望住小王子大叫﹣﹣＞
"小～王～子～（化名）！！！"
小王子就"騎騎騎"咁笑law！

BB雞薯蓉壺

嘩！成4個禮拜無寫Blog。



點解？小王子學校放左幾個week假，加上我又勁無心機，米無寫law！
重有半年小王子就小學畢業na，時間過得真係快，我重記得小王子第一日返學o個個情形ga。而"嘩Box"應該會o係小王子小學畢業之後停一段時間，等小王子去到新學校度睇下情况點，至會重新再整。如果係有追開小王子天地嘅Blog友，都應該知道小王子考到o係Sydney 6年中學嘅獎學金，所以年尾我就會同小王子搬去Sydney，準備出年小王子7年級開學。
去到新學校、新環境、新同學，5知會點～又驚人地見到小王子個"嘩Box"咁誇，會排擠小王子喎！唉～其實而家做媽媽好慘，好驚自己做左小小o野會影晌左個仔。
之前提過小王子爸爸可能可以轉到去Sydney 度做o野，可以同我地一齊o係Sydney 度住。但係最後因為小王子爸爸轉5到，所以佢都係暫時5可以同我地一齊搬去Sydney度住，要一個人留o係度做o野。之前話如果轉到嘅話做就可以o係Sydney 度返工，不過人工就會少一半。查實我知小王子爸爸一路都好想同我地一齊搬去Sydney，所以無論人工少幾多，佢都5會介意。但係我就一直都好擔心﹣﹣＞
究竟一個家庭突然間無左一半收入，攪5攪得掂呢？
前o個排有一日，我打電話去小王子爸爸工司度同小王子爸爸傾計，小王子爸爸講可能轉到去Sydney度返工喎！於是我忍5住小王子爸爸.........


我﹣﹣"我知你好想同我地一齊去Sydney，但係少一半收入喎～我覺得應該要諗清楚。"
小王子爸爸﹣﹣"得ga na～無問題ga na！"
我﹣﹣"究竟你有無諗過，少一半人工，我地survive 5 survive 到？"
點知小王子爸爸竟然答我......
小王子爸爸﹣﹣"可以同你一齊係無價ga ma！係米？"
我﹣﹣".........." 當時我無出聲，雖然我個口無答到小王子爸爸，但係我o係個心度就即刻答左佢﹣﹣＞

"嘩～頂！你咁講我無得答你la，我重邊有得駁啫？5通話5係咩？你好o野！"


講返今日個"嘩壺"先下～今日個嘩壺裡面係小王子最鍾意食嘅薯蓉，薯蓉下面係小王子最鍾意食嘅黑椒安格斯腸，而紫色o個d星星呢～你地估係咩嚟la na？你地實估5到啫！5係蕃薯，係紅蘿蔔嚟ga～o個日我o係super度，竟然見到有d叫做"Purple Carrot"賣喎，咁我米即刻買條嚟整"嘩Box" law！

雞批仔

今日好～好～好激氣呀！！！！
上個禮拜，我攞左3條裙去乾洗。其中一條係我嘅至愛嚟ga！星期一我叫小王子爸爸幚我去攞返d裙，跟住第日我就去左旅行。今朝我著左我至愛嘅o個條裙返church，點知我聽聽下道﹣﹣﹣﹣﹣


呀～～～～～～～～～～
情天霹靂呀～～～～
點解？
解竟點解？？？

點解我條裙上面d印花會全部爛哂ga？
   重有～～～～
   點解？
解竟點解？？？
   

 點解我條裙會短左4吋ga？？？
呀～～～～～～～～～～～

激到我呢～所以一完左church，我就用9秒9嘅速度，標返屋企攞返張單，然後去找乎氣！！！！
我一入到去，佢就話"How are you?"，我答我一d都5好呀。你地洗爛我條裙，重尊登將條裙夾o係其他兩條裙嘅中間，等我攞衫o個時見5到。我而家直頭想噴火呀！！！
我同佢講﹣﹣
"我重以為你地好尊業，洗之前已經問埋你地個職員嘅意見，佢話ok，我至洗！！！呢條係我至愛，家下你賠返錢過我，我都5 happy呀！！！"

佢重推3推4，又話要比經理睇，又話經理會call我.........
我同佢講，如果你個經理聽日5call我，我就會好嬲～然後我就一定會返嚟呢度，到時我就5會同你好似而家咁講野﹣﹣我會用YELL ga~~~

      激死我na！！！！

之前同你地提過我接左個weddind catering嚟做，呢個雞批仔就係其中一樣catering 嘅小食o勒～小王子好鍾意食呢個雞批ga！o個日佢見到我o係廚房到整嘅時候，已經猛話﹣﹣" yummy~!"