火煺卷三文治盒

之前我提過，今年小王子做左學校國際象棋隊嘅Term Captain. 琴日小王子又代表學校出隊去比賽o勒～雖然最後小王子攞到第三，但係小王子話琴日d人好西利，好難驘。而附責帶佢地出去比賽嘅﹣﹣＞
就係 Cap水Sir o勒！




話說Cap水Sir一嬲都係"最高貴學府"嘅老師，小王子話Cap水Sir心情5好就會亂罰人，總之無nana都要比佢鬧一鑊o個隻。好似前年有一次，本來小王子又係代表學校出去比賽國際象棋，但係Cap水Sir話～當佢比張回條小王子o個陣，小王子講o個句"Thank you!"講得太～慢，所以即時取消小王子去比賽嘅資格！
  我心諗﹣﹣＞*&^*(*$%#$^&*^


Cap水Sir細時參加過好多國際象棋嘅比賽，所以順理成章做埋"最高貴學府"課外活動裡面，國際象棋會嘅附責人，教下d小朋友捉棋呀咁。但係自從比Cap水Sir諗到條好路數，Cap水Sir就叫學校將成個Chess Club外判比人帶，就係小王子個Chess Coach o勒！


有咩好路數？就係每次學校Term Break o個陣，Cap水Sir都o係學校度攪"Holiday Program" o勒～
喂！喂！喂！你地米睇小呢個"Holiday Program"呀，阿Cap水Sir 收成AU$80大元一day ga，一攪就攪4日。久5久佢又o係school day嘅星期六攪下咁喎！每日最多收25個水魚bb，點解25個？因為政府規定一個人最多睇25個細路ga ma，如果多過25個，就要搵多個人嚟幚拖。嘩！搵多個人喎～多個香爐多隻鬼呀大佬，Cap水Sir至無咁蠢la。


o拿！一日25條水魚bb，每條AU$80，攪4日......成AU$8000！好過乜la～重要5洗交稅喎。次次張Cheque都係寫去比佢個私人Account ga，咁則係話"最高貴學府"無收手續費，所有錢都係阿Cap水Sir一條友袋哂。4日賺8千蚊真係好過乜la～最正係o個4 日係5洗做ga喎！點解我咁講？
家下講緊國際象棋會呀大佬，本身呢樣o野就已經5係人人o岩玩ga la～重要收咁鬼死貴一日喎，咁你話o勒～去得o個d係米一定係國際象棋嘅狂熱份子先？好似小王子呢d，放盒Chess o係度佢捉一日ga na。 所以阿Cap水Sir淨係放十富8富棋o係度，o個d水魚bb就自己攪掂la～重洗鬼你睇咩？家下Cap水Sir 直頭係我偶像，佢幾鬼有諗頭至得gar！


自從Cap水Sir 攪左呢壇o野之後，小王子嘅身份即時由學生升成為客仔。嘩！客仔喎～點得失得呀？
Cap水Sir知道小王子係國際象棋迷，馮親有得捉棋，小王子例必逢請必到，重要係逢到必早o個隻，而Cap水Sir好清楚小王子向來十下十下，學校有咩活動同回條，小王子十次着左9次都會miss嘅。所以次次term break前o個一個禮拜，阿Cap水Sir例必會山長水遠咁搵小王子，然後又要扮到好似偶遇咁～再懶不經意咁問小王子﹣﹣＞
"呢個term break嘅holiday program又有Chess喎～你知5知呀？"
而小王子呢就一定會答﹣﹣＞
 "係？5知喎！"


o係呢個時候，o係學校"偶遇"小王子嘅阿Cap水Sir又會咁o岩得咁橋有張回條o係身ga喎～跟住就會比張回條小王子，叫小王子記得比大水魚媽媽睇。


咁做生意呢家o野更係要睇業績ga la～正所謂﹣﹣＞
 業績高，生意好！
咁咩係業績？米就係班水魚bb可以驘到獎law，所以近年Cap水Sir好鬼勤力帶班水魚bb出去比賽。而小王子d Chess又越捉越好，為左業績家下阿Cap水Sir至5會咁串～下下都話取消小王子出賽嘅資格law！因為無左小王子，佢地都好難有得驘呀～

炸熱狗卷三文治盒

其實我好耐無整過特別嘅蛋糕，點解？
唓～整咩啫？整左都無人食la！
以前次次我整親cake，一係帶返教會食、一係比小王子爸爸攞返工同同事morning tea、5係就係比小王子爸爸o係屋企瘋狂咁食哂。近年小王子爸爸肥左好鬼多呀～我迫佢去驗身，發現佢血糖又高左、胆固醇又高左。如果我再比小王子爸爸無節制咁食o野，分分鐘等如謀殺佢law。


小王子爸爸大半個月前轉左工，之前o個份工小王子爸爸做左成10年都有，公司亂哂籠，d人又激到小王子爸爸死死下～所以就算我話想整個cake比佢攞返工，
小王子爸爸都話No！No！No！費事請佢地食咁話喎～


加上年幾前我地想小王子5再去主日學，開始學聽道，所以我地轉左去一間咩人都5識嘅英文教會。咩人都5識喎～咁更加無原因整o野返去比人食la！
就係因為咁，除左接到order之外～我直頭都費事整蛋糕呀！整左又係比小王子爸爸發左癲咁食哂去，我又5係好食呢d o野，小王子就更加一啖都5會食。但係接order呢～d人又嚟嚟去去都係訂o個幾種cake，真係整到我就快嘔呀！


老實講～其實我5係幾鐘意接order做，因為請人食自由度大好多，淨係個蛋糕款都可以整多好多。但係如果係order呢～就樣樣都要計住﹣﹣＞
  "嘩～放士多啤 梨？成5蚊盒喎！"
"整呢個裝飾？要用好多朱古力ga喎！"
蝕本呀～ 蝕本呀～ 蝕本呀～ 蝕本呀～ 蝕本呀～ 蝕本呀～ 蝕本呀～ 蝕本呀～
真係整都整到無哂癮！


不過自從小王子爸爸轉左新工，d同事少左，而且重好friendly，所以小王子爸爸好樂意帶d cake返去同人一齊morning tea。我覺得次次我整d o野比小王子爸爸帶返工同人食，小王子爸爸都好會開心，所以我研究新cake嘅興趣又"彭彭聲"咁返哂嚟o勒～希望可以整d新cake post上嚟過你地睇下～

今日呢個炸熱狗卷我係第一次整，炸完發現我d麵包糠上得5係好夠，下次整會上多d，咁小王子食落就會脆d o勒～

龍貓三文治盒

上次講到我同小王子爸爸都覺得，好似小王子d咁嘅性格最適合讀醫。點解我地會咁覺得呢？因為小王子嘅EQ高到無人類能及，鍾意學o野兼夾一日24小時刨書都5會悶，個人又軟皮蛇到嚇人＜﹣﹣好似呢類咁嘅人，一定5洗荒會讀書讀到痴線，又5會覺得有壓力。好多讀醫科嘅人因為讀到痴線ga。咁小王子米o岩哂law！我睇小王子激到個教授痴佢自己都未痴la～hahahaha......

雖然小王子數學都幾好，但係我知道佢5係數學狂，如果要佢讀會計，我諗小王子會悶到傻左！

小王子係就係書蟲，但係如果要佢讀配藥，day day對住4道牆，我怕佢會聽5住爬牆走！hahahaha.......

其實就算係讀醫，第時都5一定要做醫生，好似o個d尊幚人分式X-ray嘅～都係讀醫出身ga。做呢類工作壓力細過醫人好多～

不過到最後小王子讀咩，都係佢自己決定嘅～我而家係齋諗ga啫！hahaha....不過....我諗小王子可能好想做呢樣o野，係咩o野？就係.....

琴日我地呢度有個Lago展，個幾月前小王子已經日日提住我，話到時係一定一定要去嘅。其實小王子好細個就開始砌Lago，呢個係其中一個我用嚟訓練小王子理解力嘅方法。點解？因為砌Lago嘅時候，除左可以運用小朋友對手之外～最最最重要嘅就係........o個份Menu呀！

無錯！我係係要小王子自己睇住份Menu嚟砌，呢個就係我所講嘅"理解力" o勒～

不過老實講，Lago份Menu for好細嘅小朋友嚟講有d難度。其實除左Lago之外，重有種都係要睇Menu砌嘅玩具，佢嘅圖解直頭係Lago嘅入門版呀！所以o個時o係小王子真正玩Lago之前，我買左好多呢種玩具比小王子學習睇Menu。

嘩～越講越遠tim！

我係想講，我陪小王子砌Lago砌到大，原來Lago真係幾好玩，連我都鍾意砌。不過我同小王子淨係鍾意砌限量版，o個d咩Star War呀～Harry Potter呀～嘅Lago我地係完全無興趣嘅。不過﹣﹣＞

嘩！而家d Lago真係貴到呢～

根本再5係一般家庭afford得起ga law！直頭變左係有錢人嘅玩意。好似我同小王子次次返HK，都人去行o係間o係時代壙場附近，尊賣特別Lago 嘅鋪頭。盒盒閒閒地都話幾千幾千，我地呢度呢～有d直頭賣到6、7舊水。普通地球人點afford得起呀？

琴日Lago展勁多人排隊去睇，裡面真係有好多我地未見過嘅Lago，重介紹Lago間工廠tim，我諗小王子應該會好想去o個度設計Lago law！之前小王子同我講過澳洲o岩o岩有個人，終於入到去Lago總公司度做，日日就不不停咁砌Lago同設計Lago ，我睇～如果小王子真係可以日日砌Lago，佢應該會不亦樂乎！hahaha.....

肥貓盒

有追開小王子天地嘅Blog友，一定知道小王子所就讀嘅"最高貴學府"，裡面5係領使仔就係大老板仔，好似醫生、律師呢d已經係學校嘅草根階層o勒～呀5係！佢地係草啫，我同小王子爸爸呢d連醫生都不如嘅"below Doctor"至係根。


偏偏o係呢間"最高貴學府"裡面，最最最多嘅～就係草。無錯！o係呢間"最高貴學府"裡面，著左一半以上都係醫生仔。如果你有睇開小王子天地嘅話，醫生仔嘅事跡應該都睇過5少，重記5記得我地嘅口号係咩？無錯！就係佢﹣﹣＞ "醫生多dumb kid！"


小王子時時都同我講佢有個backup plan，咩backup plan？就係小王子話佢最想第時做Musician，如果做5到呢～佢個backup plan就係做地質學家、物理學家同鑛物學家o勒。


我同小王子講﹣﹣＞"係？咁你由而家開始5洗再溫書，hea～住咁嚟讀就ok ga na，因為以你咁嘅成績係無可能讀5到呢d科，重有你5洗擔心，呢d科無人讀，所以5會有人同你掙law！"


我心諗﹣﹣其實小王子讀書一嬲都好好，5洗搵朝5得晚哇？我5洗佢搵大錢，但係都希望小王子將來日子過得舒舒服服。於是有日我問小王子爸爸，佢覺得個仔第時其實適合做咩？小王子爸爸諗左一陣就話....
"其實我覺得佢幾適合做醫生gar！"


其實我都有諗過咩o野適合個仔做，我結論都係醫生，老實講～好似小王子呢d性格，其實真係適合做呢樣o野。不過我對醫生無咩好感，又5想好似其他人咁，死都要個仔第時讀醫，所以我一直都無出聲，諗住問下小王子爸爸佢點諗啫。點知小王子爸爸同我諗嘅係一樣～


有日我同小王子講........
我﹣﹣"如果第時做5到Musician嘅話，你可以考慮下做第d o野喎～5一定要做地質學家同物理學gar！"
小王子﹣﹣"點解呀媽媽？"
我﹣﹣"咁如果你想做都得嘅～but我怕你第時個life會好hard啫！"
小王子﹣﹣"咁......做lawyer ar？"
我即刻答佢﹣﹣"wah hahaha.....Lawyer？你諗都5洗諗呀？"
（我心諗：你講o野"gear gear吉吉"咁，重Law咩yer呀？）


連小王子自己都自己知自己事，一聽到我咁講，佢即刻大笑出嚟！
小王子﹣﹣"咁.....做咩o野好呀?"
我﹣﹣"erm.......其實我同爸爸都覺得，你嘅性格其實幾適個做醫生ga！"
小王子﹣﹣"讀醫生？好辛苦ga喎～"
我﹣﹣"For d要死讀書嘅人米辛苦law，for d真正smart嘅人就5同ga na！"

小王子諗左一陣..........
我﹣﹣"媽媽5係叫你一定要做醫生，係想你讀個尊業啫～不過你可以用醫生嚟做一個目標，因為如果你夠分入到醫生，咁則係話你咩科都夠分入ga na。不過如果你想做Musician嘅話，就一定要驘哂以後d國內比賽，連國內嘅比賽都驘5到，重講咩去International呀？"
小王子又諗左一陣...........
我﹣﹣"不如你諗下醫生呢個option先la！"
小王子﹣﹣"媽媽！照我d同學嚟睇～第時我個仔可能會好蠢ga喎！"
我﹣﹣"吓？點解呀？"
小王子﹣﹣"因為醫生多dumb kid ar ma！"
我﹣﹣"wah hahahahaha......5緊要，到時你比你個仔媽媽揍la～媽媽同你揍，一定5會dumb呀！就算係dumb都教到變正常la～"
小王子﹣﹣"點解呀媽媽？"
我﹣﹣"咁你話o勒～你dumb 5 dumb 丫？

龍貓盒

光陰似箭，今年又到左小王子學校去Camp嘅時候o勒～今年又係去返舊年去o個度，上次小王子去完返嚟，已經話出年死都5會再去。點解？
因為小王子最最最怕污"Jo"，小王子話個Camp site嘅廁所係污"Jo"到得人驚嘅，最慘係上次去4日Camp，小王子要付責洗兩日廁所，認真玩o野law！我覺得咁多小朋友一齊去Camp，又去得o個4日，有咩理由小王子要付責洗兩日廁所至得gar？我5係話自己個仔5做得呢d o野，but又話係體驗生活、要學獨立嘅？咩其他人5洗學咩？點解淨得小王子一個要學先？有d 5係幾fair law！當然～呢樣o野我係心諗啫，我係5會同小王子講嘅～


前日Mr.屈又開Camp前講坐，重有咩講啫？更係叫家長買呢買路ga la～咁好似我呢d咁"盡責"嘅媽媽，就更係例必出值ga ma，係米先？hahahaha.....
o係個講坐度我見到另一個Chinese 家長，呢～佢個仔由一年級到六年級都無高過o個個哈比人呢～咁我同佢講.....


我﹣﹣"我個仔5去Camp呀！"
哈比媽﹣﹣"吓？咁你嚟做咩呀？"
我﹣﹣"咁人地又未話可以比佢5去，我更係要嚟la！我個仔話o個度好污"Jo"，5肯去呀！"
哈比媽﹣﹣"我個仔又係咁講呀！佢話個廁所好污"Jo"，死都5肯去，攪到返到嚟痾5出，重攪到出血tim呀！"
我﹣﹣"係呀～係呀～我個仔又係咁講呀！不過佢話知道遠d o個度有個廁所乾淨d，所以死都忍到去到o個度先至肯去呀！"
哈比媽﹣﹣"咁你個仔乖na～我個仔就死都5肯去，情願忍呀！"
我﹣﹣"唉～4日5沖涼，係d鬼至得ga啫！我地d中國人真係頂5順咁污"Jo"ga law！"


之後得同小王子講哈比人呢單o野，小王子話佢d同學都傻嘅，老師話會4日無涼沖，佢地竟然話好o野喎？


今朝我問雞泡魚，個Camp site嘅廁所係米真係好污"Jo"，心諗會5會係小王子"嚴占"咋？雞泡魚係印度人，應該無咁怕污"Jo"掛？點知....


雞泡魚﹣﹣"係呀！個廁所簡直係恐怖呀～"
我﹣﹣"重污"Jo"過印度d廁所？"
雞泡魚﹣﹣"更係la～污"Jo"過印度o個d多多聲呀！"
我﹣﹣"吓？真係呀？咁你點呀？"
雞泡魚﹣﹣"我都無用過個廁所，我o係草堆度攪掂咋！"
小王子﹣﹣"係呀！係呀！我都有o係草堆呀～"
我﹣﹣"吓？你都有？咁點抺呀？你～無～抺～呀？"
小王子﹣﹣"有～"
我﹣﹣"有？點抺呀？d廁紙點呀？"
小王子﹣﹣"我挖個窿放落去law！廁紙係可以分解，所以咁做係環保ga！"
我﹣﹣"吓！！！咁～你～用～咩～嚟挖個窿呀"
小王子﹣﹣"鏟law！"
我﹣﹣"咁你o係邊度搵個鏟嚟呢？"
小王子﹣﹣"問人借law！"
我﹣﹣".........."


唉～為左小王子可以5洗去Camp呢單o野，攪到我同小王子爸爸諗爆個頭，5知用d咩借口同學校講，等小王子5洗去Camp，終於小王子爸爸話安排小王子o個個week表演，同學校講話5去得Camp law！點知琴日email一出，副校長即刻要詔見我，
我心諗﹣﹣
"學校5係要老屈我交o個5舊水Camp錢哇？"
我同小王子爸爸講﹣﹣
"呢單o野你攪掂去呀下～"