Poke Ball三文治盒

嘩！今日5知講咩話題好tim？好耐無講過"聚寶盤"，不如今日就講下"聚寶盤"la～
"聚寶盤"闊佬呢單o野  你地都知ga la～o岩o岩o個個禮拜"聚寶盤"攪左個5知咩"設計週"，成個week每個Lunch time同小息都有o野攪，不過小王子就5好彩na～你地都知小王子平日o係"聚寶盤"度重忙過CEO ga la，所以有咩可能小王子會去到參加聚寶盤設計週嘅活動至得gar？

小王子由細到大都好鍾意摺o野嘅，而講到摺飛機嚟講就更加係勘稱係專家。咁o岩設計週其中一日Lunch time就係摺飛機比賽，小王子有o野做去5到好鬼死失望。最後比Super Junior個大佬Junior攞左冠軍，小王子同我講o個陣我話...

我﹣﹣"吓？比Junior攞左第一呀？"
小王子﹣﹣"係呀～"
我﹣﹣"o拿！你下個禮拜返去同阿Junior講，今次你好彩呀～因為我無參加ar ma，我外号"無敵飛機王"，4歲我就開始摺飛機.....（我都未講完，小王子就話....)
小王子﹣﹣"But not good until now～"（但係一直都摺得5好直至到面家）
我﹣﹣" Wah hahahaha......係呀！"
小王子﹣﹣"係呀～Junior因為驘左摺飛機比賽，所以攞到張AU$50嘅game shop禮卷呀！"
我﹣﹣"嘩～～～～aiya～早知你去參加la～hahaha...."
小王子﹣﹣"5止呀～之前o個日阿XX去另一個設計週嘅Ikea平面設計比賽，驘左兩飛戲飛tim bor。"
我﹣﹣"吓？嘩！你學校真係闊佬到呢～"

o係呢個設計週其中一個項目就係砌Lego，"聚寶盤"有幾個教聖經嘅老師，竟然一齊砌左個全澳洲最高嘅Lego 模型 ，重上埋報紙tim，真係吹啤啤喎！你地米睇少呢架Lego火箭，呢度d Lego好貴ga～呢壇o野閒閒地要洗幾皮o野至砌到。

 就係下面呢個﹣﹣＞

小王子之前都一路猛叫我去睇佢老師砌o個個Lego火箭，又話好高、又話好大，我邊有心話會真係去睇至得gar。直至o個日我o係屋企扔舊報紙，至o急到報紙原來介紹"聚寶盤"個設計週，兼且重影埋o個個Lego火箭嘅相。當時我睇到張報紙o個張相，即刻諗起的同小王子返"聚寶盤"返學嘅第一日，"聚寶盤"個校長o係台上同所有學生同家長講嘅一句說話﹣﹣＞
"你地5洗係專家至可以o係"聚寶盤"度讀書，因為我地呢度有大把專家教你點樣成為一個專家！"

後來小王子同我講，話學校要租架吊擘至可以將個Lego火箭吊走。

                                    June 5,2012
                              Poke Ball三文治盒

好想彈綱琴盒

無陰公呀～無陰公呀～
我個Blog比人hacked左呀！！！！！！！
變態ga～變態ga～
連C9仔個場都攪！！！！！
冷靜d～冷靜d～5係呢個Yahoo Blog。有追開小王子天地嘅Blog友應該知道其實我5係淨得呢個Yahoo Blog，另一班Blog友係追開o個個Blog嘅。o岩o岩過左o個個星期5，有Blog 友o係我Face book Fans club 小王子廚房留言，話我聽我另外一個Blog比人hacked左，叫我快d去搶救。
我就更係第一時間同小王子爸爸講la～電腦我5識gar ma！咁o岩前一排小王子寫左本mini 小說，小王子爸爸要幚小王子打入電腦度準備我攞去印。所以小王子爸爸未得閒同我攪番掂個Blog，家下小王子爸爸將所有去的另一個Blog嘅人，自動divert去我呢個Yahoo Blog，所以睇開我另一個Blog嘅Blog友入到嚟見到係Yahoo Blog 5洗驚，係有原因嘅。

我承認我係有dd衰，時時連同小王子一齊笑小王子爸爸，有時笑下佢大肚腩，有時笑下佢無頭髮，間5中又笑下佢5靚仔。之但係小王子爸爸就係因為比我地笑得多，次次笑親小王子爸爸，小王子爸爸都話﹣﹣＞
"我已經有免疫gar o勒～你地點笑我都5怕gar o勒！"

唓～都5好玩嘅！我見家下笑親小王子爸爸佢都無反應，於是我轉軚連同小王子爸爸一齊笑小王子o勒～wah ahahaha.....有時笑下小王子係外星人，有時又笑下佢肥，有時又笑下佢好醜樣。wah hahaha.....

上個禮拜有晚，我同小王子一齊瞓o係佢自己張床度，等小王子爸爸入嚟同我地一齊謝謝天父。我就瞓o係度，而小王子就更係必定咁攞住本書嚟刨，小王子爸爸行入嚟o個時，我 細 細 聲咁問小王子.....
我﹣﹣"爸爸靚5靚仔呀？"
小王子用本書遮住塊面 細 細 聲咁話﹣﹣"5靚仔！"
我﹣﹣"wah hahaha....係咩？但係點解我一望到爸爸就會recall到你個樣嘅？咁你米都5靚仔law？"
小王子又用本書遮住塊面 細 細 聲咁話﹣﹣"我似媽媽ar ma～"
我﹣﹣"wah hahahaha......你有咩理由會似我至得gar？我執你返嚟ga咋喎～"
小王子﹣﹣"wah hahahaha....."
我﹣﹣"o拿！則係咁～如果你o係街度見到舊擦膠，將佢執返屋企，再擺佢十二年，然後又攞返出嚟，咁你望下舊擦膠，你會5會話﹣﹣＞"咿？佢個樣好似我喎！""
小王子 and 小王子爸爸﹣﹣"wah hahahahaha......"
我﹣﹣"o拿～係米呢？5會gar ma！咁所以你個樣有咩理由會似我至得gar? wah hahah..."


P.S.
Only for 住o係Sydney嘅Blog友～
呢個星期5早上10:00am，o係我Church有人教做糖花（不過5係我教，但係我會去），下個星期5同樣時間呢～就係教點樣用糖皮裝飾蛋糕（o拿！呢堂係我教na～），如果你有興趣想學下點樣做糖皮蛋糕，就5好錯過o勒。有興趣嘅Blog友留言比我，我比個地址過你下～

費用係全免嘅，但係若果大家有感動想過廿萬落我戶口，本人係絕對無任歡迎嘅。

鬼眼飯糰盒(嘩!Box教室）

親愛嘅Blog友們，又到左小王子媽媽教你整野食嘅時間o勒～

上幾次教你地整嘅o野，有無試整過先？好5好味先？係米真係零失敗先？好開心有d Blog友5單止試整過，重send埋相比我睇。我見佢地同自己嘅小王子／小公主一齊整，好一個親子活動呀！！！！o拿～係米又值過多廿萬落我戶口度先？
其實要做一個靚靚嘅飯盒一d都5難，難嘅係要有o個份日日做嘅 堅持。其實無論你有幾鍾意煮o野食都好，要日日咁煮足幾餐，一個星期7日無假放，就算係廚神都會死。不過我覺得能夠為自己最愛嘅人準備食物，係一件非常幸褔嘅事，就係呢個信念令我可以堅持每日未天光就起身，為小王子同小王子爸爸準備餐點。可能你地覺得我傻傻地，之但係家務呢家o野就算再5想都係要做ga la～點解5樂觀d呢？係gar！我做親咩都同自己講﹣﹣＞
"可以為小王子／小王子爸爸做真係好o勒～好幸褔呀～"hahaha.......
所以由今日開始，小王子媽媽會o係"嘩！Box教室"度教你地做"嘩！Box"，But你地要有心理準備，做"嘩！Box"真係要有工具gar～初初我會教d比較易做d嘅盒，希望有興趣學做"嘩Box"嘅Blog友可以慢慢咁儲齊d Tools。5洗心急嘅～o親5覺5覺咁打小小斧頭，呢度打小小、o個度又打小小，好快就儲得齊ga na。hahahahaha.......

OK～言歸正傳先下，如果想賣"嘩！Box" Tool嘅話，去10蚊店到o急下，o個度好多做飯盒嘅工具賣gar！手工店就會有好多細交剪、波紋交剪、公仔打洞器賣，有平有貴嘅～5洗一定要買貴野，睇下打落幾多斧頭law！hahahaha.......o拿～重有一樣o野係好緊要，你點都要買嘅，就係鉗o勒～因為做"嘩！Box"好多時都會整d好細微嘅o野，好似紫菜眼呀咁～用手好難攞到gar，所以一定要用鉗嚟handle。我自己就有個專用嚟做飯盒嘅鉗，但係其實係無咩特別，只係一個尖咀鉗嚟gar啫～所以Blog友們5洗周圍去搵邊度有專做飯盒嘅鉗賣，就算係用眉鉗都ok gar，我之前o係5知卓悅定莎莎度見過一個人地用嚟鉗住d假眼捷毛嘅鉗，尖尖咁真係o岩哂用嚟做飯盒gar，有興趣可以去o急下bor～

PS. 我建議你地先去睇下我之前o係"嘩！Box"教室度教整公仔飯糰嘅視像教學先，然後至睇今日我教"鬼眼盒"嘅方法，咁樣會清來好多，因為我o係公仔飯糰嘅視像教學度講左好多做飯糰嘅技術，對o岩o岩開始學整飯糰嘅Blog友係好有幚助嘅。

1. 壽司醋粉

2. 將適量壽司醋粉加入剛煮好的熱壽司米中，撈均。

3.用保鮮紙將已撈過的壽司醋之熱飯包好，用手陰力將飯壓實至球形。

4. 蟹柳用刀片去上面經色o個層。

5. 用cutter cut 蟹柳成圓形一片。

6. 拾蛋白用飲管cut小圓一片。紫菜亦用打洞器剪出。

7. 用沙律醬將蟹柳片、紫菜片及蛋白片固定在飯面。

8. 茄汁入於gi花容器內。

（市面上有好多用嚟gi 花嘅工具，好似中間粉紅色o個個咁，

但係亦都可以就咁用baking paper 做成三角形嚟gi。）

（長方形Baking Paper對摺至三角形，剪開。5一定要係等三角，一邊長一邊短都ok）

（卷成呢個形狀，就可以將茄汁倒入）

9. gi上不規則嘅血絲。

10. 紅蘿蔔片用鹽水拾過，用cutter cut成形狀。

11. 雞蛋加鹽，撈均，我加左小小蔥碎。

用慢火將蛋剪至半熟，然後小心放上腸仔片及紅蘿蔔星星。

12. 放上蓋用慢火蒸熟蛋面。

溫馨提示：
1. 煎蛋5一定要用腸仔、蔥同紅蘿蔔，只要你覺得d色配會就可以放入去，
有時我會用切細嘅火煺同紅蘿蔔。
切碎嘅材料可以o係打蛋o個時一齊放入去打均。
但係如果放預先cut左形嘅材料，好似今次嘅紅蘿蔔星同腸仔片，就一定要
等蛋煎至半熟至好放上面，5係佢地會沉左落d蛋汁底，煎到出嚟就會見5到d花ga na。
2. 沙律醬同茄汁我建議用日本或者韓國嘅，因為杰身小小。
3. 平時出街食o野，最好留返d 5同size嘅飲管，因為做飯盒好多時都用得到嚟cut食材。
4. 煎蛋5一定要用方形鑊，圓形嘅都得！
5. 飯要用短米﹣﹣即壽司米。
6. 飯糰裡面可以夾o野，腸仔、半生熟蛋、三文魚咩都得！
7. 做飯盒淨左嘅材料留起，儲到禮拜尾一次過用嚟炒飯。

海獅三文治盒

預告下先～聽日"嘩！Box教室"教你地整"嘩！Box"，有興趣學整"嘩！Box"嘅Blog友千奇米錯過na下。

小王子係"字蟲"呢單o野，神早就晚經5係新聞嚟。所以小王子d近視重深過我呢～係一dd都5出奇嘅。我記得初初驗到小王子有近視o個陣，我真係5開心左好耐好耐，個心一味諗﹣﹣＞
最衰都係我la～教小王子起身要睇書，一定係因為咁至近視la！
最衰都係我la～比小王子o係車度睇書，實係因為咁至會近視la！
最衰都係我la～朝早無去小王子房睇下佢夠5夠光睇書，肯定係因為咁至近視la！
最衰都係我la～自己咁深近視，家下害到個仔o勒，必定係因為咁佢至會近視la！
............（省下一萬個理由！）

o個時我真係5開心左好耐，總之賴得就賴，咩都係因為自己至會攪到個仔咁。
但係～經過琴晚之後，我 要 平 反！！！
小王子近視呢單o野實情係非我所願，亦都同本人係完全無關。

話說我地屋企門口有欑街燈，對瞓覺嚟講係真係叫幾光gar，不過未到可以搬張台出去打邊爐嘅情度law！琴晚小王子入房瞓覺一個鐘頭之後，我入小王子房攞o野，而小王子竟然.......
黑mama咁將自己個頭伸左入𥦬簾後面個𥦬台度～揸住本書用欑街燈照住嚟睇！！！

正因為小王子刨得太～投入嘅關係，所以完全5知我入佢房，更加係完全閃避不及，即時"斷正"。
無錯！我入到去小王子房o個剎那，我同小王子大家對望左十秒。外加兩個O咀～
我O咀係因為﹣﹣"5係哇？咁都比你諗到？"
而小王子O咀大慨係因為﹣﹣"Oh～～今次玩完na！"
我O完個咀之後當然係兩眼冒火，然後話﹣﹣"5怪之得你d近視咁深la！"
而小王子O 完個咀望住我o個一個"斷正"眼神亦都係超無奈嘅。

所以o係6年後嘅今日我要o係度呈清﹣﹣＞無論小王子d近視再深到咩情度，都完全同本人無關，小王子要自己付起全責！！！

有Blog友留言想我post埋"嘩！Box"嘅材料～
今日"嘩box"材料：
自己焗嘅面包一個
芝士半塊
火煺一塊半
生菜
青豆一粒
鵪鶉蛋兩隻

北極熊三文治盒

查實女人5止係比男人聰明，重係比男人有內涵得多。因為無論係20歲、一或係30歲、40、50、就算係7、80歲嘅男人都係鍾意18，22嘅妹妹仔。重要係靚溜嘅、有身材嘅，又話要溫柔又話要聽話。我建議呢d男人應該轉煲泰劇，米哂時間追女仔，因為呢種妹妹仔泰劇有大把。好似小王子爸爸有個舊同學，自己成條柴咁，有同事好心介紹個表妹佢識，佢一睇到人地張相就話﹣﹣＞
"嘩！我洗5洗淪落到要"肯"件豬排呀？"
我心諗﹣﹣＞
"嘩！你三到"閔"，成條柴咁，論樣貌無樣貌、論身形無身形，兼夾重要nana地，你諗住自己"肯"李嘉欣呀？"
就係因為d男子組越嚟越夫淺，至會攪到家下連25歲嘅女仔都要比人叫做剩女！
相反女人真係比男人有深度N倍呀～o拿！你會o係街見到d"使正"嘅女仔拖住個秃頭嘅男人～但係一定5會見到個金賢重咁款嘅男人拖住件豬排。老實講，若果我後生遙遙有個秃頭嘅男人追我，我係一定接受5到嘅。但係好似我同小王子爸爸咁～o係埋一齊廿幾年之後，我又完全5覺得小王子爸爸開始秃頭，又或者係小王子爸爸個肚腩越嚟越有聖誕氣氛。hahaha....
天父錫我地女子組一對透視眼，雖然5能夠看穿過去未來～但係能夠睇透另一半嘅內在。比起d男子組淨係睇到面o個浸有深度得多。好彩天父錫我一個能看透我內在美嘅小王子爸爸啫！

琴日我同小王子傾開計，我問小王子Super Junior同佢女朋友卒之點？小王子話Super Junior個女朋友終於date左第個boy，切切底底咁飛左Super Junior。我問小王子咁Super Junior有無好5開心，小王子話Super Junior同佢講......
Super Junior﹣﹣"我平時好少去街ga，淨係返Church，所以好難會識到女仔，今次攪成咁我諗我要到讀大學至會再識到女仔gar na！"
我聽見小王子咁講即時﹣﹣"Wah hahahahaha............喂！不過咁喎～你地對識女仔個Concept有d問題bor，因為一個正常嘅地球人係5會無nana o係街度識個女仔返嚟做女朋友gar喎！除非係o個d bad people la～"
小王子﹣﹣"我知呀～媽媽！"
我﹣﹣"咁你有無安慰Super Junior呀？你有無問佢o個個boy係米真係好靚仔？"
小王子﹣﹣"無呀～But我心諗﹣﹣"如果o個個boy係靚仔嘅話，我係絕對5會Blame 佢個女朋友gar law！"

我﹣﹣"hahahaha...o拿！媽媽講定比你知o勒～如果有女仔apprach你嘅話，你5洗返嚟問我o勒～因為我5比呀，你直接拒絕佢就得o勒！"
小王子﹣﹣"媽媽！更係5會la～因為我重未develop o個種emotion(發育到有o個種情緒) gar。
我﹣﹣"係law！DS or girl friend?，"DS！"hahahaha....”（任天堂 or 女朋友）
小王子﹣﹣"hahahaha......"
我﹣﹣"個女仔問你﹣﹣"Wii or me?"，你答﹣﹣"Definite Wii！"hahaha......"（女友問﹣﹣"電視遊戲 or 我？"   小王子答﹣﹣'肯定係電視遊戲la～）

我﹣﹣" Life or me?"(女友問﹣﹣"要我定要命？")
小王子﹣﹣"Life！"（要命！）
我﹣﹣" wah hahahahaha......”

順個便提一提今日個三文治盒，因為而家我個個禮拜都焗面包，所以今日個包係我自己焗嘅。而個包包裡面夾住嘅係羊肶肉，我係專登買成條羊肶返嚟自己焗，然後切片用嚟夾面包，好好食gar！