2012年11月26日星期一

小小聖誕樹(嘩!Box教室)



上個禮拜五小王子放學返嚟好鬼死開心,我問佢做咩事?小王子話原來今日聖經科派左總成績,全級二百幾人小王子聖經科考全級第一。小王子猛話....

             "媽媽你開5開心呀?媽媽你開5開心呀?"
查實若果小王子同我講,話佢連英文、數學都係考全級第一我會更加開心d tim law!hahaha......不過個仔咁問得我,我更係話....

   "開心~媽媽更係開心la!不過第d科都要考得咁好gar bor。"
其他科嘅總成績未出,所以小王子其他科考全級第幾我就5知。不過我神早話左小王子連聖經都刨到熟到爛,若然佢5係全級第一o個個,我真係想見識下究竟重有邊個細路連聖經都刨得熟過小王子!hahaha......

教小王子聖經o個個係學校嘅校牧,小王子話今日一上聖經堂,個校牧就好鬼惡咁叫小王子起身,嚇到小王子死。然後佢叫其他所有人跟住佢做雙手up and down咁做跪拜呢個動作.....

重叫所有人跟住佢講﹣﹣>
            " Hail King Jared! Hail King Jared! Hail King Jared!"
跟住就宣怖小王子聖經科全級考第一o勒~(咁當然~小王子爸爸之前做o個個聖經Board game都係功不可沒嘅~hahaha....)

小王子o個日真係好開心呀~hahahaha..........
好o勒~正題~正題~
就快聖誕節,好多人留言問我可5可以o係"嘩!Box教室"度教d聖誕o野食。
咁我諗嚟諗去,最後決定教係地做呢個"小小聖誕樹"

 原先呢個"小小聖誕樹"我係用棉花糖做裡面個夾心嘅,但係因為都係覺得太~甜嘅關係,最後用左軟心黑朱古力嚟做餡。如果你都重係覺得咁係太甜嘅話,就可以直頭5加夾心層,直頭淨係掃一層薄朱古力o係個雪糕筒裡面就算。
不過千奇5好連呢層朱古力都5掃,因為雪糕筒好容易翻潮,所以呢一層朱古力除左係可以令個雪糕筒變得好食之外~重係可以形成保護層嘅作用,令個雪糕筒可以完全同空氣隔絕。呢個就係點解個雪糕筒可以放咁耐嘅秘密o勒~


溫馨提示:
1.如果怕甜可以內、外都coat 黑朱古力。
2. 雪糕筒內可以不放任何餡,只掃上黑朱古力。
3. 5一定用自己gi嘅朱古力花做裝飾,用細粒嘅聰明豆一樣可以,較果同樣可愛。
4. 緊記不要用一大盤溶朱古力去掃雪糕筒內,因為掃裡面嘅水氣可能會令成盤朱古力都變質。
5. 
最最最重要嘅係.....5該用cooking chocolate,5好再問我點解整完d朱古力好似成日都未set咁o勒~
P.S. Video o係相下面,碌落d la~
















沒有留言:

發佈留言