2013年10月14日星期一

糖皮海葵花


嘩~~~~

N咁耐無寫過Blog na~有無掛住我先?

呢個月嚟小王子爸爸馬不停蹄咁同我搬舊文去新Blog度,成6、7百編gar,而家淨返百幾編就搬哂o勒,請為小王子爸爸鼓掌!!!!咁你地就5洗怕睇5返我d"嘩!Box教室" la係米?


好!講下近況先~雖然我無Post Blog,但係我呢兩、三個月我好勤力咁開班,天父厚愛所有堂都爆滿,真係想懶下都5得!!!

重記5記得之前我提過話有單攪笑o野要同你地講,點知Yahoo Blog 無nana話要執笠,攪到我陣卻大亂,今日同你地講o勒.........



o拿~我本人嚟講係怕鬼怕得要死嘅,次次睇親鬼片都要用個Cushion遮住塊面,兼走來走去硬係坐立不安咁,5只喎~有時驚得濟重要較無聲兼快鏡嚟睇。老實講我咁睇鬼片查實真係無睇到d咩,因為成套戲我真正睇5夠多過十個鏡頭!小王子爸爸就5睇鬼片嘅,次次佢見到我o係個廳攞住個Cushion走來走去都會話........                  

 "咁你睇嚟做咩呢?"


無錯!就係又要驚又要睇,o個套"3D精子"我download左年幾都未睇哂,幾次我開左聽見隻開場音樂經已嚇到立即關機。hahahahaha.......


5知你地前o個排有無煲韓劇呢?有套"君主的太陽"有無睇過?重有套叫"Who are you" gar呢?5知做咩鬼兩套o野都係講個女主角見到鬼嘅,5只wor~同期我重煲緊套泰劇"Six Sense"又係講個女主角見鬼嘅。之但係呢三套戲5係鬼片嚟gar wor,於是我一路睇一路同自己講....             

"平常心平常心,5係講鬼嘅~"


就係咁次次d鬼出場o個陣我都眼仔碌碌咁睇到實,你地話o勒~三套o野我同期睇,o個個月我大大話話睇左3、40隻鬼gar。


有日小王子爸爸返左工,小王子又返左學,晏就溜溜我走左去沖涼........你都知la~沖親涼都煙霧瀰漫gar ma,本來無o野gar,但係沖完涼想著衫o個陣我望一望塊鏡........竟然見到塊怖滿水蒸氣嘅大鏡寫住......                       

 " I can see you "

嘩~~~~~~我真係即時咁向後彈開,我望住塊鏡,呢幾個禮拜睇過o個幾十隻鬼一次過咁湧哂出嚟,嚇到我半死,我望下左邊又望下右邊,然後忍5住咁開口講左一聲......                 

    "嘩~5係咁邪下哇?"

我即時諗起o個套"I know what you did last summer",個女主角又係沖完涼見到塊鏡寫住"I know what you didi last summer"老實講我o個刻真係嚇到面都青埋,跟住我同自己講.......                  

  "米住! 冷靜d~冷靜d~"

我同自己講﹣﹣>              

  "會5會係小王子寫gar呢?"               

 "5係喎~佢有無咁高呀?"                

"米住先~佢高過我gar wor"         

       ........            

    ........

就係咁我衫都未著咁一直企o係度反反覆覆咁諗個可能性......最後結論係﹣﹣>        

 "衰仔丫~想嚇死阿媽咩?"

放學接小王子o個陣,小王子一上車我就問.....

我﹣﹣"喂!你係米用d soap o係塊鏡度寫字?"

小王子﹣﹣"hahahaha......"

我﹣﹣"你知5知嚇死我呀?我呢排睇緊幾套戲都係講鬼gar ma,你重要寫"I can see you"?你想嚇死媽媽咩?"

小王子﹣﹣"我5知媽媽睇緊鬼戲ar ma~hahaha......."

































37 則留言:

  1. 咁返黎係係教整蛋糕裝飾呀?
    我會捕實嫁啦~~~

    回覆刪除
  2. wah!!!! long time no see la!! 掛住你

    回覆刪除
  3. 係FB已經見到靚靚的花花,好高興又見到你出新BLOG,以後又多嘢睇了!

    回覆刪除
    回覆
    1. 我仲懶過你,學過糖花,一次都未練習過

      刪除
    2. 其實我都好想去學做糖花gar,但係呢度學野貴到你5信呀!

      刪除
    3. 初初我去學麵粉花都係因為糖花course貴,後來都要俾錢去學一轉,不過發覺,糖花做法同麵粉花大同小異,你其實做得咁鬼靚,仲使乜去學呀?

      刪除
    4. 更係5係la~我都重有好多野想學gar!

      刪除
  4. haha ... 好攪鬼既王子呀~so cute

    回覆刪除
  5. 雖然係Sydney但仲味有機會上你堂...

    回覆刪除
  6. 好期待你本新書呀!!!加油~~~~
    你返香港開班, 一定要報名呀!!!

    小王子真係好搞笑, 好有情趣!!!

    回覆刪除
  7. 啪啪啪,首先要為小王子爸爸鼓掌,辛苦晒
    我等更新等到頸都長埋呀陰公。。。你又見鬼了XP
    其實我都好怕睇鬼片架,所以我係唔睇嘅

    回覆刪除
  8. 啪啪啪,首先要為小王子爸爸鼓掌,辛苦晒
    我等更新等到頸都長埋呀陰公。。。你又見鬼了XP
    其實我都好怕睇鬼片架,所以我係唔睇嘅

    回覆刪除
  9. 鼓掌給小王子爸爸 ,
    期待新書出 , 更期待開班 .

    回覆刪除
  10. 哈哈,終於等到你同小王子既底死對白喇!下星期捻住用你本書教既technique做自己既結婚週年蛋糕!

    回覆刪除
  11. 又搞笑,又冇陰功。我都有一單:
    話說爸爸開夜,日抖訓覺,我戴耳筒煲緊“惡靈病棟”,無幾耐,Bibi返黎,係我後面開檯用自己部air 做野。
    爸爸爸唔知幾時出左廳,靜雞雞想嚇Bibi 。點知佢一喂~~就嚇死左我!

    回覆刪除
    回覆
    1. wah~呢套野我都有download度呀,but睇左十几分鐘就頂吾順吾敢睇na.

      刪除
  12. 你就好啦搬好BLOG, 我仲有等好心人得閒先有得搬, 不過我個blog冇咩人睇, 點同你, 冇所謂啦!
    小王子真係擺明嚇你喎, 你咁都冇嬲!
    其實我都少睇鬼片, 我睇恐怖片多D, 近來追開嗰套"Walking Dead"剛開始Season4, 我又有排睇啦!

    回覆刪除
    回覆
    1. 佢大把野比我嬲la~呢單野小事!

      刪除
  13. D花好似真花!
    其實你已經好勇敢,仲可以企喺度諗點解,我諗我九秒九逃離現場!

    回覆刪除
  14. 終於來到了,又可欣賞你的文和作品啦^^

    回覆刪除
  15. 小王子媽媽你好!

    SeeWide特搜網是一個全新互動生活分享平台
    收集所有講玩、講食、講遊樂、講扮靚等文章,讓你和不同會員互動

    更設「稿費」制度,文章獲得本地瀏覽量,即可兌換稿費!

    迎新推廣,每100本地瀏覽量,可獲高達HK$1稿費,
    詳情可參閱:http://www.seewide.com/space.php?do=help&essay_id=22#001

    同時,只要你有Yahoo! Blog備份檔,你可把它電郵給我們
    匯入後,更可獲得現金券作即時獎賞!
    詳情可參閱:http://www.seewide.com/space-article-id-4103.html

    為慶祝SeeWide新登場,現時更有各式各樣迎新優惠,大派現金券!

    你有興趣嗎? 不妨到此一遊,一同分享生活經歷吧!
    http://www.seewide.com

    回覆刪除
  16. HAHAHAHAHAHAH 好搞笑啊你同小王子都!

    回覆刪除