2014年2月14日星期五

情人節朱古力唇膏


情人節快樂呀!

收到禮物未呀?有係諗過連唇膏都可以係朱古力嚟呢?係米好得意先?如果你都收到一支朱古力唇膏,又會5會特別開心呢.........


有拖友嘅Blog友係米好心急望實個公司個門口呢?係米一有花店職員攞住花入嚟o個陣就緊張到發癲呢?
           係米送比我gar呢?
           佢5會今日都5送花比我哇?
心情係米復習呢~

喂  喂!你地呢種心情我係非常之咁清楚同明白gar~
點解?
因為..........

我媽咪未退休之前係開花店gar!
所以o個d咩結婚花球呀~襟花手花呀咁.....我通通都識做。hahahaha.......而家你地明點解我蛋糕d花排得咁靚la~有背景gar我!hahaha.......

我媽咪o係中環開左十幾廿年花店,以前每年情人節之前o個晚都要全家總動員通宵扎花,嘩~d花真係多到5只全間鋪頭地下叠滿哂幾層扎好嘅花,連出面門口都放埋。情人節o個日無咩花賣gar na,所有花都係一早order哂。

咁~呢個世界更有d後知後覺"男朋友"會o係o個日衝入嚟買花,真係又求又跪求我地賣一支咁多花比過佢。呢d人真係年年都有,o個時我年紀細,見到無咩感覺。
心諗﹣﹣>
                         "洗5洗咁誇呀!?!?"
而家明na,因為﹣﹣>

               "激嬲女友,最多係死;但係激嬲老婆,真係死都5掂gar!"

你地5好以為男人淨係追你o個時至會送花喎~有d老公真係好識做gar,我就送過一束99朵玫瑰花o勒,係個老公專登o係老婆放產假之前o個日送去佢公司,等個老婆可以o係人地面前出風頭。咁當然太太係非常之咁受落la~你地知599朵玫瑰花究竟有幾大扎呀?
係你攞住佢自己就見5到路,而人地呢就完全見5到你個樣gar law!老公送扎咁嘅花去公司,呢個排場應該無人能及。


每次情日節正日,我地鋪頭全日總動員出去送花,真係若果屋企隻貓識講o野嘅話,我阿媽都會叫埋佢出鋪頭度送貨呀!hahahaha......

o拿~大部份"男朋友"呢就好識做嘅,情人節咁大壇o野送花就必定係搵人送去女仔個公司度嘅,等女朋友威下ar ma。就係因為咁,人地覺得你有無男朋友,你男朋友又有幾好就係o個日見真章o勒~
o係情人節o個日送花去Office嘅送花小弟/小妹們(即本人)一路"切車咁轉",真係馬不停啼咁呢度送o個度送gar。而每次當我一推開Office度門,係會即時有幾十對凌厲嘅眼望實我﹣﹣﹣﹣>
                                扎花!

d女仔真係好似想過嚟搶咁濟,而女主角發現扎花係送比自己gar呢~就更係好似行得"特別"慢咁過嚟簽收,而一路行又會一路露出﹣﹣>
"aiya~真係送嚟呀?都話5洗洛。" 咁嘅表情。

erm.......個表情大慨同選美冠軍繞場一周咁上下,其實都真係幾好笑gar。

而一眾凌厲嘅眼神就會隨住時間越近放工而變得越恐怖,到下就近放工時候送過去嘅花,收花人就5會用選美冠軍繞場一周式行嚟簽收na;而係露出"好彩"急急腳行過嚟收。

有d淋放工送至到去嘅,係男友們後知後覺,要到女友打電話去"最後通碟"至即刻搵我地訂花要我地上去Office嘅。

以前每一年情人節我都係o係媽咪間花店度過,而家諗返都覺得好懷念呀!!!!!









21 則留言:

  1. 中環開花店,情人節真係做唔停手呀!
    我呢個老婆成日俾人激,無花收架T_T
    教我做呢個朱古力唇膏吖 ^^

    回覆刪除
    回覆
    1. 以前嘅事na~而家退左休。
      要用模gar!

      刪除
    2. 今日仲堅,中西情人節,邊個唔送花死邊個........HAHAHA

      刪除
  2. 小王子媽媽,情人節快樂! (^▽^)

    回覆刪除
  3. 哈哈哈,你寫得實在太太太太好笑...我都曾經有好期望收花既時候,不過婚後,就真係唔想老公花依筆錢,情人節訂花真係貴太多太多了,佢比Cash我洗好過...但拍拖時,就總係唔知點解,佢既錢係佢既錢,關我鬼事..我要花....哈哈哈哈
    p.s...勁羨慕你識扎花呢...對整cake真係一大大大幫助呢...

    回覆刪除
    回覆
    1. 我同小王子爸爸就畢業無耐就結婚,所以無咩錢gar,我真係未"享受"過男友既錢係佢既錢,關我鬼事呢個階段。反而一直都係"唔想老公花依筆錢“嘅心情,我真係5呀!

      刪除
  4. "你地知5知99朵玫瑰花究竟有幾大扎呀?" <--- 我即刻舉手, 話我知, 我知~~~~因為結婚果日, 我老公送過俾我, 不過, 之後佢話10年都唔會再送花俾我喇, 因為已經一鋪過用晒D quota.....

    支唇膏好鬼似呀~~~~~仲以為你搵支堅O野呃我地O添~~~hahaha

    回覆刪除
    回覆
    1. 嘩嘩嘩!你老公咁好嘅?哂死人咩?

      刪除
  5. 小王子媽咪....原來你來頭不小喎!( 我指你小時已在你媽媽舖頭幫手...工多藝熟)唔怪之得你專出食物藝術品啦!

    咦! 係喎, 上面果D 唇膏相...真係朱古力唇膏黎架?? 你嘅介紹好得意呀! 多謝! ^_^

    回覆刪除
    回覆
    1. 家下你經已知道左我嘅秘密o勒~我一定要滅你口!!!

      刪除
    2. 吓! 我....最多....."扮" 唔知啦! 唔好殺我! >_< (哈哈哈~)

      我啱啱先發現你LEE 個食物藝術展品BLOG左喎.....咁快死唔底!

      不如你殺阿邊個邊個先啦! 佢黎先過我.....哈哈哈~

      刪除
  6. 阿囡成日問我點解佢唔搽得有色唇膏, 睇黎今次呢個啱佢啦. 你實在做得太像真.

    回覆刪除