2014年7月29日星期二

糖皮蛋糕vs威化花



呢個蛋糕查實係 前年年尾 做嘅,本來諗住放o係我第二本書度教你地做,但係因為我決定以後5會再同任何出版社再合作。所以前年為第二本書影落嘅相,將會錄逐postBlog度同你地分享。

有追開小王子天地嘅Blog友都應該知道小王子由細到大都無咩運動細胞嘅.........

之但係自從兩年前小王子轉左去玩劍擎之後,突然之間好似上身咁, 5單只入左去"聚寶盤"嘅劍擎隊A team度,重做埋隊長 tim。前o個排重o係成百人參加嘅全省劍擎賽15歲以下個人賽 攞左嘅第五名,上個禮拜又攞左全省校際劍15歲以下隊際賽 第三名。連我都真係 O了咀!!!

呢單o野真係迷離到呢~~
攪到我一post相上face book小王子爺爺、小王子婆婆、小王子E ma同我d friend都要論住打嚟問我咩料!!!! 又係嘅~單o野又係幾咁匪夷所思同令人難而至信嘅。

d男仔其實好奇怪,好似咩叻都5夠運動叻咁威gar wor,自從打左劍小王子成個人自信左,連佢d隊友都一樣係咁。有樣o野好神奇,就係o係"聚寶盤"玩劍擎嘅人都係怪人,小王子話佢地o係學校係屬於"怪人"類別,有平時5講o野嘅~有重玩緊bb game嘅.....總之大家都覺得佢地奇奇怪怪咁law,不過所有打劍嘅人都有一個共通點---->
                 
                     就係個個都一定係CC文文型

就我觀賽以嚟嘅總結,就係绅士至會鍾意打劍,但係比賽o個時又一定要好Aggressive至會贏,咁則係咩呢?咁則係.......

君子愛打劍,但係打得好o個d一定係" 偽君子"law!!!








上個禮拜六比賽o個時,個個家長都睇到面都紅哂,真係緊張到不得了。4個人一隊贏左佢地幾個就更係開心到暈la,連d家長都笑到見牙5見眼,之但係開心嘅時間硬係特別過得快gar wor,本來好開心嘅我o係聽完教練講完以下呢番說話之後,我就真係久久不能說得出話na.........

比賽完左之後,因為贏左大家都好興奮所以圍埋一齊,然後教練就話.......
"1月我想帶6-8個同學去意大利度習訓一個月,你地係A team所以我想帶你地去。"

意大利??????????
集訓???????????
咁大濟!!!!!!!!!!

o係我仍然沉醉緊o係究竟意大利係米淨係食意大利粉定係pizza 嘅時候,我格離o個兩個家長經已爭住咁話--->

"預我個仔,我地一定去!"

我 O 左咀咁望住o個兩個家長,心諗.......

"嘩意大利喎~搭地鐵5到gar喎!!!!"

o係我個咀O完未合埋之濟,阿教練望住我同小王子爸爸然後話......
           " 咁~你地又點呀?"

小王子爸爸眼仔碌碌咁一時之間真係5知點答佢,跟住我好假咁笑左幾聲,然後話.......
"哈 哈 哈 er.....我地都好有興趣gar,到時比d資料我地睇下la. "
(講嘅時候我塊面真係薑硬到呢~我諗連阿教練都睇得出law)

教練--"o我~5緊要,你地考慮下先la,畢竟5係一個小數目ar ma!"

大佬話哂意大利5單只地鐵5到,真係有百達通都無用gar ma,出年我重有個"音樂豪華團"要比呢?咁則係o係乞衣兜度搶錢啫~
呢條題目真係難答過大學考試試題~要我點即時回應至得gar???

走o個時我同小王子爸爸講.......
"唓~咁米則係焗比個仔去,佢而家係A team打得最好o個個,如果佢無去但係人地個個去左,返到嚟d人個個勁哂,佢分分鐘比人燉落第d team度,咁好影晌佢gar ma,點5比佢去啫?則係出老本都要比佢去la~"

跟住我同小王子話.........
"第時你學車千奇5好諗住有新車揸呀~因為呢兩個Trip經已係一架新車嘅錢嚟gar na。"







21 則留言:

  1. 一個月?唔洗返學?咪無得練琴囉, 呢度一個月, 豪華團又一個月,邊有咁多假

    回覆刪除
    回覆
    1. 同埋洗唔洗去意大利呀, 意大利劍好勁架咩?下次阿sir 想去加5勒比海,跟住又成班中學鴨齊齊去啦喎 XXD

      刪除
    2. 就係意大利好勁打劍law!

      刪除
  2. 嘩! 今次正宗食咗你隻"車"喎! 唉...我都好明呢D局比GE心情, 不過你D數目大好多, 真係難過大學考試題目!
    睇嚟你要開番十班八班仲要收得好貴先夠頂.....

    回覆刪除
  3. 阿sir自己想去意大利,再叫班學生夾埋錢請阿sir去定啦!

    回覆刪除
  4. 嘩嘩嘩, 甘即係無得揀啦, 甘你地要慳d洗啦, (奸笑中...)

    回覆刪除
  5. 係一個好機會,點都慳俾佢去啦

    回覆刪除
  6. 所以話呢....小王子運動好本想應該開心...但小朋友有野叻既背後又係要父母既血汗錢....

    回覆刪除
    回覆
    1. 呢樣就真na~型男一嬲都係靠金錢嚟打做gar la,邊有built-in 型男至得gar!!!

      刪除
  7. 我都想講, 小王子大個仔左好多呀, 有D"佬"味!!!

    回覆刪除
    回覆
    1. 唉~想當年嘅小天使慘變地盤佬!!!!

      刪除
  8. 去, 挨麵包都去, 難得小王子有樣運動掂, 仲咁勁!

    買定一箱公仔麵, 一半俾小王子帶去意大利食, 一半你兩公婆自己搞掂 XDDDDD

    回覆刪除
    回覆
    1. 喂!公仔面一箱得30包咋喎,5係一包面都要兩個分咁慘情哇????

      刪除
  9. 你呀仔好俊俏! BTW, 你搵 printer 印批書放上網賣都得啦。 自己想點就點。

    回覆刪除
    回覆
    1. 出過書,見盡人生百態,我真係怕怕!

      刪除