糖皮少女－－蘿拉 Laura

真係光陰似箭呀，眨下眼小王子就升左上中四。
而我就o係4年前就開始擔心呢一日～
點解？
因為"聚寶盤"由中四開始就會收1/3女生！！！！！
為左呢單o野我真係擔心左幾年呀～～～～

我讀左成世女校...........

女仔d古惑o野我真係最最最清楚，男校女生喎～～～～你話我有咩理由5擔心先至得gar？
女仔天生成熟過男仔好多，當男仔重係"鴨"緊片o個陣，女仔經已開始識暗戀na。所以我地女仔過嘅人生查實比o個d十下十下嘅男仔長得多，因為我地嘅人生早過佢地開始好多～

就咁嘅每年新學期開始次前o個3日，"聚寶盤"都會有個music camp嘅，所有識拉乜拉物 或吹乜吹物 嘅"聚寶盤"學生都要去，而呢幾日就係小王子人生中第一次最接近"女仔"呢種既覆習又難明嘅生物嘅時刻na。
我當然就係擔到連個肺都差d跌埋出嚟 la～

雖然我擔心足幾晚，但係表面我係勁 act Normal （扮無o野）。
3日次後當我接小王子出Camp嘅時候我同小王子講笑.......
我－－" 你可以同個女仔講，叫佢平時食多d菜， 5好食咁多肉law。"

小王子－－" 媽媽！有d o野係一定5可以同女仔提gar，佢分分鐘會"come"你一巴gar。"

我－－" 咩啫？你話食多d菜會對皮膚好d之ma～hahahaha......"

小王子－－" 嘩媽媽Beauty Tips（美容貼示）呢d o野係一定5同女仔講得gar！"

我－－" hahahaha.......你又知？"

小王子－－" 更係la～因為已經有人比女仔"come"過一巴na！"

我－－"吓？點解呀？"

小王子－－"米就係因為佢走去offer 個女仔Beauty Tips law！"

我聽到小王子咁講真係有d興，d女仔咩事呀？以為男校女生就有特權呀？郁下手就"come"人？咩呀？睇得偶像劇多呀？
我心諗～你試下"come" 我個仔丫～睇下我僕5僕你放學？

於是我同小王子講.......

我－－"如果有女仔打你，你即刻捉住佢對手然後同佢講－－"如果你打落嚟嘅話，我以後就要叫你做阿媽gar na！""

小王子－－" 點解呀？"

我－－"你話－－"因為我呢世人淨係得我阿媽一個女人打過我gar咋，所以如果你打我嘅話我以後要改口叫你做阿媽gar na。"

小王子－－" hahahaha........"